• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٤ی فێڤریەی ٢٠١٨ی زایینی - ٠٥ی رەشەمەی ١٣٩٦ی هەتاوی  

لەسوید سیمینارێکی سیاسی بۆ " رۆستەم جەهانگیری" ساز کرا

زایینی: ٠٦-٠٧-٢٠١٥ - هەتاوی: ١٣٩٤/٠٤/١٥ - ١٨:٢٦ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
لەسوید سیمینارێکی سیاسی بۆ
کوردستان میدیا: کۆمیتەی گشتیی حیزبی دێموکراتی کوردستانی ئێران لەوڵاتی سوید سیمینارێکی سیاسی بۆ رۆستەم جەهانگیری ئەندامی دەفتەری سیاسی حیزبی دێموکرات پێکهێنا.

بەپێی راپۆرتی ماڵپەڕی کوردستان میدیا، رۆژی شەممە رێکەوتی ١٣ی پووشپەڕی ١٣٩٤ی هەتاوی، سیمینارێکی سیاسی لەستۆکهۆڵم بە بەشداری نوێنەرانی لایەنە سیاسییەکان، کەسایەتییە کوردستانییەکان و ژمارەیەکی بەرچاو لە ئەندامان و دۆستانی حیزبی دێموکرات و کوردانی دانیشتووی سوید بۆ رۆستەم جەهانگیری وەرێ خرا.
سیمینارەکە بە سروودی نەتەوایەتی " ئەی رەقیب" و ساتێک بێدەنگی بۆ رێزگرتن لەگیانی پاکی شەهیدانی کورد و کوردستان و بەتایبەت شەهیدانی ڤییەن دەستی پێکرد.

لەو سیمینارەدا ئەنوەر کاکایی بەرپرسی کۆمیتەی گشتی حیزب لەوڵاتی سوید چەند وتەیەکی کورتی پیشکەش کرد و پاشان لەسەر یادی ٢٢ی پووشپەڕ ساڵڕۆژی تیرۆرکردنی دکتور قاسملوو بۆ بەشداران دوا.

دواتر رۆستەم جەهانگیری دەستی بە پێشکەش کردنی سیمینارەکە کرد و لەوتەکانیدا ئاوڕێکی لە تیرۆرکرانی شەهیدانی ڤییەن (د. قاسملوو سکرتێری پێشووی حیزبی دێموکراتی کوردستانی ئێران و هاوڕێیانی) دایەوە.

جەهانگیری لەبەشێکی دیکەی قسەکانیدا وتوویەتی: هەرچەندە کە حیزبی دێموکرات لەنیەتی کۆماری ئیسلامی ئێران بۆ چارەسەری پرسی کورد لە ئێران بەردەوام نیگەران بووە، بەڵام بەپێی ئەو باوەڕەی کە بە پرسی ئاشتی هەیبوو لەلایەن کۆمیتەی ناوەندی حیزبەوە بڕیار بۆ رێکخرانی ئەو وتووێژە درا کە بەداخەوە ئەنجامەکەی تیرۆرکرانی د. قاسملوو و هاوڕێیانی لێکەوتەوە.

ئەو ئەندامەی دەفتەری سیاسی حیزبی دێموکرات لەقسەکانیدا رەخنەی توندی لەلێپرسراوانی ئەو کاتی دەوڵەتی ئوتریش و دەزگا قەزاییەکانی ئەو وڵاتە گرتووە و وتوویەتی: ئورووپا بە گشتی و دەوڵەتی ئوتریش بەتایبەتی لەو بارەیەوە دەبێ داوای لێبوردن لە گەلی کورد و حیزبی دێموکرات بکات.

ناوبراو لەدرێژەی باسەکیدا ئەوەشی خستووەتەڕوو کە رێژیمی ئێران نەک هەر هیچ چەشنە ئاڵوگۆڕێکی بنەڕەتی تێیدا پێک نەهاتووە و بەدی ناکرێ، بەڵکوو مەترسییەکانیشی بۆ سەرکوتی گەلانی ئێران و ئازادیخوازانی ئێرانی لە پەرەسەندن دایە و لەئاستی ناوچەییشدا دەستێوەردانەکانی لە کاروباری وڵاتانی ناوچەکە قەیرانێکی خوڵقاندووە کە لەچەندین گۆشەوە ناسەقامگیری و توندوتیژی بەدوای خۆیدا هێناوە و زیانی زۆری مرۆیی و ئابووریشی بەدواوە بووە.

جەهانگیری باسی لەوەش کردووە کە ئامریکا و رۆژئاواییەکان سەبارەت بە پرسی مافی مرۆڤ، ئازادی نەتەوەکان، ئازادی سیاسی و رێکخراوەیی، بارودۆخی نالەباری زیندانەکان و زیندانیان و سەرکووتی خەڵک و زۆر زوڵم و ناعەداڵەتی دیکەی ناو کۆمەڵگای ئێران چاوپۆشی دەکەن و پێی وابوو هەوڵی ئەوان تەنیا بۆ پرسی ئەتۆمییە.

جەهانگیری لەتەوەرێکی دیکەدا ٧٠هەمین ساڵەی دامەزرانی حیزبی دێموکراتی هێنایە بەر باس و لەگەڵ پیرۆزکردنی ئەو یادە بە بایەخە لە مێژووی پڕ لەسەروەری حیزبی ڕوانیی و ئاماژەی بەو دەسکەوت و پرەنسیپە نەتەوەییانەدا کە لە مێژوودا بۆ حیزبی دێموکرات تۆمار کراون.

ناوبراو، سیاسەتی دەست تێوەردان و بڕیاردان لە جیاتی لایەنەکانی تری بە کارێکی نەشیاو و ناواقیعی زانی و وتیشی لەو بارەیەوە کەمترین گلەیی هاتووەتە سەر حیزبی دێموکرات و باسی لەوەش کرد کە لە هەرێمی کوردستان و پارچەکانی دیکەش دەستێوەردانی کاروباری هیچ لایەنێکی نەکردووە و لە پێناو خۆگرتن و پاراستنی ئەزموونەکانی هەرێمیشدا ئامادە بوون خەباتی چەکداری حیزبەکەیان ڕاگرن و بنکەکانیان لە سنوورەکانەوە بۆ قوڵایی خاکی ئەو هەرێمە بگوازنەوە.

جەهانگیری ئەو جووڵە نیزامیەی پێشمەرگەکانی بۆ سنووری کێلەشین بە رێکخستنەوەی پێوەندییەکان و نزیک بوونەوەی لە خاکی کوردستانی رۆژهەڵات زانیوە و چالاکبوونەوەی حیزبی دێموکراتیشی لە رووی چەکداری و سەربازییەوە بە پشتیوانییەک بۆ حکومەتی هەرێمی کوردستان لەقەڵەمداوە.

ئەو ئەندامەی دەفتەری سیاسی حیزبی دێموکرات باسێکیشی لە رووداوەکەی " کێلەشین" کردووە و وێڕای بەداخبوونیان لە رووداوەکە و شەهید بوونی پێشمەرگەیەکی حیزب، هیوای خواست کە دانیشتن و گفتوگۆکان بگەنە ئەنجامێکی دڵخۆشکەر و پۆزەتیڤ.

تەوەرێکی دیکەی قسەکانی جەهانگیری تەرخان کرابوو بۆ باسێک لەسەر باروودۆخی نێوخۆیی حیزبی دێموکرات و مەسەلەی دانیشتنەکان لەگەڵ هاوڕێیانی پێشوو و لەو بارەیەشەوە باسی ئەو هەنگاوانەی بە کردەوەی رێبەری حیزبی دێموکرات بۆ مەسەلەی لێک نزیک بوونەوە و تەنانەت یەکگرتنەوەش لەدوای کۆنگرەی پازدەیەمەوە کردووە.

رۆستەم جەهانگیری ئەندامی دەفتەری سیاسی حیزبی دێموکرات و بەرپرسی کۆمیسیۆمی سیاسی ـ نیزامی ئاماژەی بە کۆنگرەی نەتەوەیی کوردیش کردووە و باوەڕی وابووە کە دەبێ حیزب و لایەنە سیاسییەکانی کورد نێوماڵی خۆیان لە هەموو پارچەکانی کوردستان یەک بخەن تا بتوانن بە هاوبەشی لە بەرەیەکدا پێکەوە کار بکەن.

بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.