کوردستان میدیا

ماڵپەڕی ناوەندیی حیزبی دێموکراتی کوردستانی ئێران

به‌ڕێوه‌چوونی رێوڕه‌سمی 10ی خاکه‌لێوه‌ له‌ شاری کارلستاد

16:43 - 17 خاکەلێوه 2712

ک/مــــــــــــیدیا: رۆژی شه‌هیدانی کوردستان، له‌لایه‌ن کوردانی دانیشتووی شاری کارلستاد به‌رز نرخێنرا.

به‌پێی هه‌واڵی گه‌یشتوو به‌ ماڵپه‌ڕی کوردستان میدیا، رێکه‌وتی 12ی خاکه‌لێوه‌ی 1391ی هه‌تاوی، به‌بۆنه‌ی 10ی خاکه‌لێوه‌، رۆژی شه‌هیدانی کوردستان، رێوڕه‌سمێک به‌ به‌شداریی ئه‌ندامان و لایه‌نگرانی حیزبی دێموکراتی کوردستان و به‌شێکی به‌رچاو له‌ بنه‌ماڵه‌ نیشتمانپه‌روه‌ره‌کانی کوردی دانیشتووی کارلستاد به‌ڕێوه‌چوو.

رێوڕه‌سمه‌که‌ به‌ خوێندنه‌وه‌ی سرووی ئه‌ی شه‌هیدان و راگرتنی ساتێک بێ‌ده‌نگی بۆ رێزگرتن له‌ گیانی پاکی شه‌هیدان ده‌ستی پێکرد.

دواتر رێوڕه‌سمه‌که‌ به‌م شێوه‌یه‌ درێژه‌ی کێشا:
ــ په‌یامی کۆمیته‌ی حیزبی دێموکراتی کوردستان ــ کارلستاد، له‌لایه‌ن به‌ڕێز وه‌هاب تیۆرییه‌وه‌ خوێندرایه‌وه.
ــ په‌یامی هاوبه‌شی یه‌کیه‌تییه‌کانی ژنان و لاوان له‌لایه‌ن خۆشکه‌ رێژاو
ــ په‌یامی یه‌کیه‌تیی کوردان له‌لایه‌ن به‌ڕێز محه‌ممه‌د پاڵانی
ــ په‌یامی ئه‌نجومه‌نی کولتووریی ئه‌فغانستان له‌لایه‌ن به‌ڕێز ئاغا خه‌لیل
ــ په‌یامی حیزبی ژینگه‌ی سوێد له‌لایه‌ن به‌ڕێز ئاسۆ زه‌ند
ــ خوێندنه‌وه‌ی هۆنراوه‌یه‌ک له‌لایه‌ن به‌ڕێز حوسێن عه‌لی‌پوور
ــ پێشکه‌ش کردنی پارچه‌ شیعرێک له‌لایه‌ن به‌ڕێز محه‌ممه‌د پاڵانی

دواتر به‌ڕێز عه‌بدوڵڵا حیجاب له‌و رێوڕه‌سمه‌دا جه‌ند وته‌یه‌کی پێشکه‌ش کرد و تێیدا ئاماژه‌ی به‌ خه‌باتی مافخوازیی گه‌لی کورد و ره‌وایی بوونی ئه‌م خه‌باته‌ کرد.

هه‌روها سه‌باره‌ت به‌ رۆڵی پێشه‌وا قازی محه‌ممه‌د و ده‌سکه‌وته‌کانی کۆماری کوردستان و چۆنیه‌تیی شه‌هیدا کرانی پێشه‌وا و هاوڕێیانی هه‌روها خه‌بات و تێکۆشانی حیزبی دێموکراتی کوردستان له‌ قۆناغه‌ جیاجیاکاندا، چه‌ند باسێکی پێشکه‌ش کرد.