کوردستان میدیا: کۆمیسیونی سیاسی ـ نیزامی حیزبی دێموکراتی کوردستانی ئێران وێڕای رەتکردنەوەی پەیوەست بوونی دووچەکداری بیانی بە ریزی پێشمەرگەکان، روونکردنەوەیەکیش بۆ ڕای گشتی بڵاو دەکاتەوە.

دەقی روونکردنەوەکە بەم چەشنەیە:
هێندێک لەراگەیەنەکان هەواڵێکیان بڵاو کردووەتەوە کە گوایە دوو چەکداری بیانی (ئەمریکایی و بریتانیایی) پەیوەست بە ریزەکانی پێشمەرگەی حیزبی دێموکراتی کوردستانی ئێران بوون کە یەکێک لەم کەسانە بە پێی خەبەرەکان پێشتر بە هۆی هەوڵدان بۆ بەڕێوەبردنی قەتڵ، چوار ساڵ زیندانی کراوە.

کۆمیسیونی سیاسی ـ نیزامی حیزبی دێموکراتی کوردستانی ئێران بەم شێوەیە رادەگەیەنێ کە هیچ چەکدارێکی بیانی لەنێو ریزەکانی پێشمەرگەی ئێمەدا نین.
حیزبی دێموکراتی کوردستانی ئێران
کۆمیسیونی سیاسی ـ نیزامی
٥/٥/١٣٩٤ی هەتاوی
٢٧/٠٧/٢٠١٥ی زایینی