• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٣ی نوامبری ٢٠١٧ی زایینی - ٠٢ی سەرماوەزی ١٣٩٦ی هەتاوی  

کۆڕیادێک بەبۆنەی رۆژی شەهیدانی کوردستان لە نوروێژ بەڕێوەچوو

زایینی: ٠٥-٠٤-٢٠١٢ - هەتاوی: ١٣٩١/٠١/١٧ - ١٢:٢٢ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
کۆڕیادێک بەبۆنەی رۆژی شەهیدانی کوردستان لە نوروێژ بەڕێوەچوو
ک/مــــــــــــیدیا: کۆڕیادێک بەبۆنەی 10ی خاکەلێوە رۆژی شەهیدانی کوردستان لەلایەن کۆمیتەی گشتیی حیزبی دێموکراتی کوردستانی ئێران ــ نوروێژ، بەڕێوەچوو.

بەپێی هەواڵی گەیشتوو بەماڵپەڕی کوردستان میدیا، رێکەوتی 12ی خاکەلێوەی 1391ی هەتاوی، کۆڕیادێک بەبۆنەی 10ی خاکەلێوە رۆژی شەهیدانی کوردستان، لەلایەن کۆمیتەی گشتیی حیزبی دێموکراتی کوردستانی ئێران ــ نوروێژ، بە بەشداریی سەدان کەس لە کوردانی دانیشتووی ئەو وڵاتە و نوێنەرانی حیزبە سیاسییە کوردستانییەکان، لە ناوچەی "لیل لەستروێم" بەڕێوەچوو.

ریزبەندی رێوڕەسمە کەبەم شێوەیە:
ــ پێشکەش کردنی سروودی نەتەوایەتیی "ئەی رەقیب" و راگەیاندنی خولەکێک بێدەنگی بۆ رێزگرتن لە گیانی پاکی شەهیدانی کوردستان
ــ هەڵکردنی شەست و پێنج مۆم بە نیشانەی شەست و پێنجەمین ساڵیادی شەهیدانی کوردستان لەلایەن "پەری ئەفشین"، کچی شەهید و "مریەم کەریمی"، خوشکی شەهیدەوە
ــ پەیامی کۆمیتەی گشتیی حیزبی دێموکراتی کوردستانی ئیرانی ــ نوروێژ، لەلایەن بەڕێز "کاوە عەبداڵی"
ــ پێشکەش کردنی پەخشانێک لە ژێر ناوی "کووچە و کۆڵانە دڵتەنگەکانی مەهاباد" لەلایەن "مەنسوور عەزیزی"یەوە
ــ پەیامی کۆمیتەی هاوکاریی هێزە کوردستانییەکان، لە نوروێژ، لەلایەن بەڕێز "ئیبراهیم کۆنەپۆشی"، بەرپرسی ئەو کۆمیتەیە
ــ پەیامی پارتی دێموکراتی کوردستان لە نوروێژ لەلایەن بەڕێز "محەممەد ئەسکەندەر"ەوە
ــ پەیامی کۆمەڵەی زەحمەتکێشانی کوردستان لە نوروێژ لەلایەن بەڕێز "ئەنوەر بایەزیدی"یەوە
ــ پەیامی یەکیەتیی ژنان، لاوان، خوێندکاران دێموکراتی کوردستانی ئێران و کۆمەڵەی کولتووری گشتیی کوردی، لەلایەن "رەعدە پاڵانی" بەرپرسی کۆمیتەی گشتیی یەکیەتیی ژنانی دێموکرات، لە نوروێژ پێشکەش کرا
ــ پێشکەش کردنی هەڵبەستێک لە ژێر ناوی دایکی شەهید، لەلایەن بەڕێز "سمکۆ بێکەس"ەوە

بەشی دووهەمی کۆڕیادەکە تەرخان کرابوو بۆ سمینارێک لەسەر 10ی خاکەلێوە، کەسایەتیی پێشەوا قازی موحەممەد و ئاڵۆگۆڕەکانی ئەمڕۆی ناوچەکە و کورد و پرسی هاودەنگی و یەکگرتن لە پێناو مافە رەواکانی گەلی کورددا.

لەو بـڕگەیەشدا هەڵبەستێک لەلایەن رێزدار "هیوا ئەحمەدی"یەوە پێشکەش کردا.

لە دوایین بەشی بەرنامەکەدا، بەڕێز "قادر رەسووڵی"، بەرپرسی بەشی بۆنەکان لەپێوەندی لەگەڵ بۆنە جیاوازەکاندا گوتەیەکی پێشکەش کرد و هاوکات سوپاسی هەموانی کرد بۆ ئامادە بوونیان و پاشان نامەی رێزلێنانی کۆمیتەی گشتیی حیزبی دێموکرات لە نوروێژ، لەلایەن بەڕێزان "کاوە عەبداڵی" و "ئیبراهیم لاجانی"یەوە، پێشکەش بە بنەماڵەی شەهیدان کرا.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٣ لەم ژمارەیەدا:

ــ بوومەلەرزەی سیاسی
ــ لە خەبات دژ بە ئەپارتایدەوە بۆ ڕاسان
ــ ئەمن چی بكەم، خۆتان دروستی بكەنەوە
ــ دانیشتن لەگەڵ ئۆپۆزیسیۆنی ئێرانی و چەند سەرنجێک