• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٤ی نوامبری ٢٠١٧ی زایینی - ٠٣ی سەرماوەزی ١٣٩٦ی هەتاوی  

هاووڵاتییەکی کورد لەمەهاباد بەتەقەی هێزەکانی رێژیم بریندار کرا

زایینی: ٢٩-٠٨-٢٠١٥ - هەتاوی: ١٣٩٤/٠٦/٠٧ - ١٣:٠٩ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
هاووڵاتییەکی کورد لەمەهاباد بەتەقەی هێزەکانی رێژیم بریندار کرا
کوردستان میدیا: هاووڵاتییەکی کوردی خەڵکی شاری مەهاباد لەلایەن دەست و پیوەندییەکانی رێژیمی ئێرانەوە دراوەتە بەر دەستڕێژ و بە توندی بریندار بووە.

بەپێی هەواڵی ماڵپەڕی کوردستان میدیا، رۆژی هەینی رێکەوتی ٧ی خەرمانانی ١٣٩٤، دەست‌وپێوەندییەکانی رێژیمی ئیسلامیی ئێران، لەسەر جادەی مەهاباد ــ سەردەشت لەسێ‌ ڕێیانی "رافتە و چۆمەڵ" دەستڕێژیان لەماشێنی هاوولاتییەکی کورد کردووە.

لەئەنجامی ئەو تەقەکردنەدا ماشێنەکە وەرگەڕاوە و شۆفێرەکەی بە توندی بریندار بووە.

یەکێک لە شایەتحاڵانی رووداوەکە بە ماڵپەڕی "کوردستان میدیا"ی راگەیاندووە، ماشێنی ئەو کاسبکارە دوای تەقەی دەست‌وپێوەندییەکانی رێژیم وەڕگەڕاوە و بۆ ئەوەی ئەو کاسبکارە کوردە بە برینداری نەکەوێتە بەر دەستی هێزەکانی رێژیم، بە ماشێنێکی دیکە بۆ شوێنێکی نادیار گواستوویانەتەوە.

دەگوترێت کە هێزەکانی رێژیمی ئێران بە گومانی هەڵگرتنی کاڵای قاچاغ تەقەیان لەو هاوولاتییە کردووە.

هەتا کاتی بڵاو بوونەوەی ئەم هەواڵە، هیچ زانیارییەک لەشوناس و چارەنووسی ئەو هاووڵاتییە کوردە بڵاو نەبووەتەوە.

بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٣ لەم ژمارەیەدا:

ــ بوومەلەرزەی سیاسی
ــ لە خەبات دژ بە ئەپارتایدەوە بۆ ڕاسان
ــ ئەمن چی بكەم، خۆتان دروستی بكەنەوە
ــ دانیشتن لەگەڵ ئۆپۆزیسیۆنی ئێرانی و چەند سەرنجێک