کوردستان میدیا

ماڵپەڕی ناوەندیی حیزبی دێموکراتی کوردستانی ئێران

کۆچی دوایی باوکی شه‌هیدێکی رێگای رزگاریی کوردستان له‌ پیرانشار

17:51 - 2 گەلاوێژ 2712

کوردستان میدیا: باوکی شه‌هیدێکی رێگای رزگاریی کوردستان، له‌ ناوچه‌ی پیرانشار له‌ ته‌مه‌نی ٩٠ ساڵیدا کۆچی دوایی کرد.


به‌پێی هه‌واڵی گه‌یشتوو به‌ ماڵپه‌ڕی کوردستان میدیا، عه‌لی ئه‌حمه‌دى ناسراو به عه‌لى حه‌مه‌ره‌شيد باوکی شه‌هید ره‌حمان، خه‌ڵکی گوندی خراپه‌ و نیشته‌جێی شاری پیرانشار، له‌ ته‌مه‌نی ٩٠ ساڵیدا کۆچی دوایی کرد.
عه‌لی ئه‌حمه‌دى، که‌سایه‌تییه‌کی خۆشناو و نیشتمانپه‌روه‌ری ناوچه‌ی پیرانشار بوو و هاوکات دوو کوڕ و نه‌وه‌يه‌كى پێشمه‌رگه‌ی حیزبی دێمۆکراتی کوردستانی ئێران بوون.
شه‌هید ره‌حمان کوڕی عه‌لی ئه‌حمه‌دى، ساڵی ١٣٦٥ له‌ مه‌ئموریه‌تێکی حیزبیدا له‌ ناوچه‌ی سه‌قز شه‌هید بوو.
حیزبی دێمۆکراتی کوردستانی ئێران پرسه‌ و سه‌ره‌خۆشیی خۆی ئاراسته‌ی بنه‌ماڵه‌ و که‌س و کار و ئاشنایانی ناوبراو ده‌کات و خۆی به‌ شه‌ریک و به‌شدارى خه‌میان ده‌زانێت.

رۆحى شاد