• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٩ی فێڤریەی ٢٠١٨ی زایینی - ٣٠ی رێبەندانی ١٣٩٦ی هەتاوی  

سەرکەوتنی ماکوان خۆش‌هەیکەل لە هەڵبژاردنی شارەوانییەکانی وڵاتی نۆروێژ + وتووێژ

زایینی: ٠٨-١٠-٢٠١٥ - هەتاوی: ١٣٩٤/٠٧/١٦ - ١٨:٤٨ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
سەرکەوتنی ماکوان خۆش‌هەیکەل لە هەڵبژاردنی شارەوانییەکانی وڵاتی نۆروێژ + وتووێژ
کوردستان میدیا: ماڵپەڕی کوردستان میدیا لەگەڵ "ماكوان خۆش‌هەیكەل" كە لە هەڵبژاردنی شارەوانییەكانی وڵاتی نۆروێژ بەشداریی كردبوو و سەرکەوتنی بەدەست هێنا و بەرپرسیارەتی‌ شاری كریستییەن‌ساندی نۆروێژی وەئەستۆ گرت، وتووێژێکی پێکهێناووە.

دەقی وتووێژەکە بەم چەشنەیە:

کوردستان میدیا: کورتەیەک لە ژیاننامە و تێکەڵاویتان لەگەڵ حیزبی دێموکراتی کوردستانی ئێران باس بکەن؟

ماکوان خۆش‌هەیکەل: پێشەکی سڵاو له ئێوه به‌ڕێوه‌به‌رانی خۆشه‌ویست و هه‌روه‌ها خوێنه‌رانی به‌ڕێزی ماڵپەڕی "کوردستان میدیا، سپاس بۆ ئێوه‌ی خۆشه‌ویست که ئه‌م ده‌رفه‌ته‌تان بو ڕه‌خساندم که بتوانم له‌گه‌ڵ خوێنه‌رانتان بدوێم. من ساڵی ١٣٦٤ی هه‌تاوی له شاری "پاوه"‌ی ڕۆژهه‌ڵاتی کوردستان له‏دایک بووم. بنه‌ماڵه‌ی منیش وه‌کوو زۆربه‌ی هه‌ره زۆری خه‌ڵکی کوردستانی ڕۆژهەڵات به دوای شۆڕشی گه‌لانی ئێران و هاتنه سه‌رکاری ڕێژیمی ئیسلامی، تێکەڵاوی شۆڕش و دونیای سیاسه‌ت بوون و وه‌کوو زۆربه‌ی خه‌ڵکی کوردستانی ڕۆژهه‌ڵات پێوه‌ندیان به ڕێزه‌کانی حیزبی دێموکراتی کوردستانی ئێران، وه‌کوو ئاڵاهه‌ڵگری خه‌باتی نه‌ته‌وایه‌تی کوردستانه‌وه گرت. به‌م بۆنه‌وه منیش به هۆی چالاکیی بابم و بنه‌ماڵه‌که‌م له نێو ته‌شکیلاتی حیزبی دێموکرات، گیران و شه‌هیدکرانی مامه‌کانم و دورخرانه‌وه و ته‌بعیدی بنه‌ماڵه‌که‌مان له شاری پاوه، ڕاسته‌وخۆ لەگه‌ڵ حیزبی دێموکرات و خه‌باتی نه‌ته‌وایه‌تی گه‌لی کورد له کوردستانی ڕۆژهه‌لات ئاشنا بووم و هه‌ستم به ژێرده‌سته‌یی گه‌لی کوردستان کرد. ئه‌مه سه‌ره‌تای چه‌که‌ره‌کردن و دروست‌بوونی بیروباوەڕ‌ی سیاسی و تێکەڵاوبوونی من بوو لەگه‌ڵ گیروگرفته‌کانی نه‌ته‌وه‌ی کورد و بێبه‌شی له حه‌ق و حقووق و ماف و ئازادییه‌کانی خه‌ڵکی کوردستان.

کوردستان میدیا: ئێوە پەنابەرێکی سیاسین لە نۆروێژدا، بەجێهێشتنی کوردستانی ئێران و گیرسانەوەتان لەو وڵاتە چۆن هاتە ئاراوە؟

ماکوان: هه‌روه‌ک له وه‌ڵامی پرسیاری یه‌که‌مدا ئاماژه‌م پێ کرد، به هۆی ئه‌و زه‌خت و زۆره‌ی که ڕێژیمی ئیسلامی بۆ سه‌ر بابم و بنه‌ماڵه‌که‌مان دروستی کردبوو، هه‌روه‌ها بو کۆتایی‌هێنان به‌و گیر و گرفتانه‌ی که لە لایه‌ن دام و ده‌زگا ئیتلاعاتییه‌کانی ڕێژیمی ئیسلامیه‌وه بۆمان دروست دەکرا، ناچاربووین سالی ١٣٧٧ی هه‌تاوی کوردستانی ڕۆژهه‌ڵات به‏جێ‏بێلین و له نۆروێژ وه‌ک په‌نابه‌ر درێژه به ژیانی نائاسایی خۆمان بده‌ین.

کوردستان میدیا: ئایا چالاکیی سیاسیتان لە نۆروێژ درێژە پێدا؟ (مەبەست لە کۆمیتەکانی حدکا یان ڕێکخراوێکی نۆروێژی)

ماکوان: پێشتر به هۆی که‌م‌بوونی ته‌مه‌نمەوە، ئه‌و ده‌رفه‌ته‌م نه‌بوو که ڕاسته‌وخۆ ئه‌ندامی حیزبی دێموکراتی کوردستانی ئیران بم، به‌ڵام وه‌ک لاوێک چالاکیی سیاسی و حیزبیم له ڕیزه‌کانی یه‌کیه‌تیی لاوان و خوێندکارانی دێموکراتی کوردستانی ئیران له نۆروێژ هه‌بووه و دوایه‌ش وه‌ک ئه‌ندامی کۆمیته‌ی حیزبی دێموکراتی کوردستانی ئیران له باشووری نۆروێژ کار و چالاکیم هه‌بووه. دیاره له سه‌ره‌تای دامه‌زرانی تەلەفیزیۆنی "تیشک‌"دا ماوه‌یه‌ک له به‌شی کامپیۆتێر و به‌شی فه‌ننی تەلەفیزیۆندا شانازیی خزمه‌ت‌کردنی ڕاگه‌یاندنی حیزبم هه‌بوو.

کوردستان میدیا: ماوەیەک لەمەوبەر بەڕێزتان وەک بەرپرسی "لێژنەی كۆنتڕۆڵ و چاودێریی گشتیی" شاری "كریستییەن ساند" هەڵبژێردران، سەبارەت بەم پرۆسەیە ڕوونکردنەوەی زیاتر بدەن؟

ماکوان: هه‌ر وه‌ک ئاگادارن له نۆروێژ هەر چوارساڵ جارێک هه‌ڵبژاردنی شاره‌وانی و پارێزگاکان به‌ڕێوه ده‌چێت، بۆ ئه‌م شاره‌ی که من تێیدا ده‌ژیم ٥٥٠ که‌س له نێو حیزبه جۆرواجۆره‌کانی نۆروێژدا وه‌ک به‌ربژێری شاره‌وانی به‌شداریی هه‌ڵبژاردنیان کردبوو. منیش له سه‌ر لیسته‌ی ٥٣ که‌سیی حیزبی "دێموکراته‌کانی" نۆروێژەوە وه‌ک به‌ربژێری ژماره ٢٤ی ئه‌م حیزبه بۆ شاری کریستین‌ساند به‌شداریی هه‌ڵبژاردنەکانم کرد. به خۆشیه‌وه به هۆی ده‌نگی متمانه‌ی به‌شێک له دەنگدەرانی هه‌ڵبژاردن، ده‌نگی سێهه‌مم له نێو لیسته‌ی حیزبه‌که‌ی خۆمدا واتە "دێمۆکراته‌کانی" نۆروێژ به‏ده‌ست هێنا. دوای هه‌ڵبژاردن کۆبوونه‌وه‌یه‌ک بۆ دابه‌شکردنی ئه‌رک و به‌رپرسایه‌تییه‌کانی شاری کریستین‌ساند پێک‏هات که "دێموکراته‌کان" واته حیزبه‌که‌ی من، به‌رپرسایه‌تی لێژنه‌یه‌ک و هه‌روها به‌شداریی له سێ لێژنه‌ی دیکه‌یان وه‌به‌ر که‌وت و له نیهایه‌تدا به‌رپرسایه‌تی چوار ساڵی داهاتووی لێژنه‌ی کۆنتڕۆڵ و چاوه‌دێری گشتیی"leder av Kontrollutvalget" شاری کریستین‌ساند"یان به من ئەسپارد.

کوردستان میدیا: لە نۆروێژ، حەشیمەتێکی زۆری کوردانی دیاسپۆرا( Diaspora)ی لێ دەژین. ئینتگراسیۆن( Iintegration )ی پەنابەرانی کورد چۆن هەڵدەسەنگێنن؟

ماکوان: په‌نابه‌رانی کورد له ده‌ره‌وه به دوو به‌شی سه‌ره‌کی دابه‌ش ده‌کرێن. به‌شی یه‌که‌م به هۆی لەسه‌ره‌وه‌بوونی ته‌مه‌نیان لە کاتی هاتنیان بۆ دەرەوە، کێشە و گرفتی فێرنه‌بوونی زمانیان هەیە. هەر بۆیە به ڕاده‌ی پێویست بۆیان نه‌کراوه که بە شێوەی ئاکتیو تێکەڵاوی کۆمەڵگای نۆروێژ بن و دیارە ئه‌مه گرفتێکی گشتی، ئاسایی و سروشیته و له‌وه زیاتر له‌م جیلە چاوه‌ڕوانییە‌کی زیاتر ناکرێت. نه‌سڵی دووهه‌م منداڵانی جیلی یه‌که‌من که له نێو به‌رزه‌خی دوو کولتوور و دوو فه‌رهه‌نگی جیاوازدا په‌روه‌رده کراون و به‌پێی ڕاده‌ی تێگه‌یشتوویی و په‌روه‌رده‌ی بنه‌ماڵه‌یی به دوو شێوه‌ی جیاواز تێکه‌ڵی کۆمه‌ڵگای ده‌ره‌وه بوون. به‌شێک له‌م نه‌سڵه به ته‌واوی له نێو کولتوور و فه‌رهه‌نگی ئه‌و وڵاتانه‌ی که تێیدا ده‌ژین تواونه‌وه و شادی و شین و خه‌م و خۆشی و به گشتی جۆری بیرکردنه‌وه و ڕوانینیان له سه‌ر ده‌وروبه‌ر و کۆمه‌ڵگا، هه‌مان ڕوانین و بیرکردنه‌وه‌ی تاکێکی خۆماڵی ئه‌و وڵاتانه‌یه. به‌ڵام به‌شێکی دیکه‌ی ئه‌م نه‌سڵه‌ی دووهه‌م ئه‌وانه‌ن که هاوکات له‌گه‌ڵ په‌روه‌رده‌ی قوتابخانه‌یی و کۆمه‌ڵگا تا ڕاده‌یه‌کی زۆر په‌روه‌رده‌یه‌کی بنه‌ماڵه‌یی و کوردستانی کاریگه‌ریی له سه‌ریان هه‌بووه و خۆیان زیاتر وه‌ک تاکێکی کورد ناسیوه‌ته‌وه نه‌ک تاکێکی ئورووپایی.

کوردستان میدیا: ڕەوتی پەنابردن بۆ ڕۆژئاوا و ئورووپا بەردەوامە و کوردانی ڕۆژهەلاتیش لەو ڕەوتەدا ڕوو لە ئورووپا دەکەن. ئێوە وەک کەسێکی سەرکەوتوو لەناو کۆمەڵگای نۆروێژدا چ ئامۆژگارییەکتان بۆ ئەو کەسانە هەیە؟

ماکوان: مرۆڤ هه‌ر له دێر زه‌مانه‌وه به دوو هۆکاری سه‌ره‌کی کۆچی کردوه. یه‌که‌م گه‌ڕان بۆ شوین و ژیانی باشتر، دووهه‌م خۆ ده‌ربازکردن و لابردنی مه‌ترسیی گیانی له سه‌ر خۆی. له سه‌رده‌می ئێمه‌شدا و به تایبه‌ت دوای هاتنه‌سه‌رکاری ڕێژیمی ئیسلامیی ئێران، ئه‌م دوو هۆکاره له کوردستان په‌ره‌ی ئه‌ستاند. له لایه‌ک ڕێژیمی ئیسلامی بۆ سه‌پاندنی ده‌سه‌ڵاتی خۆی مه‌ترسیی گیانیی بۆ سه‌ر به‌شێکی زۆری خه‌ڵکی کوردستان دروست کردووه و له لایه‌کی دیکه‌وه به هۆی سیاسه‌تی چه‌وسێنه‌رانەی داگیرکه‌ران له کوردستان خه‌ڵکێکی زۆر له ده‌سپێڕاگه‌یشتن به ژیانێکی ئابووری سه‌رده‌میانه مه‌حرووم کراون. ئه‌و خه‌ڵکه‌ی که له‌م دوو هۆکاره سه‌ره‌کیه وەزاڵه دێن و ڕوو له ده‌ره‌وه ده‌که‌ن سه‌ره‌نجامیان له‏‌و دوو چاره‌نووسه به‌ده‌ر نیه. یه‌که‌م: کەمینەیەکی زۆرکه‌می ئه‌و خه‌ڵکه به هۆی توانایی فیکری و جه‌سته‌یه‌یی زۆره‌وه ده‌توانێ به ده تا پانزده ساعه‌ت کاری سه‌خت و به‌رده‌وام ژیانێکی ئابووریی تا ڕادەیەک باش بۆ خۆیان دابین بکه‌ن. به‌ڵام له هه‌مان حاڵدا کێشه و گرفتێکی ڕوحی و ڕه‌وانی، ڕۆژانە و بەردەوام هه‌موو سات و کاتێکی ته‌مه‌نی ئه‌م خه‌ڵکانه‌‌ داگیر دەکات. کێشه و گرفتی هه‌ست به کەمبوون و لە خۆ بێگانه‌بوون و حه‌قیربوون له به‌رانبه‌ر نه‌ته‌وه‌ی خانه‌خۆێ. هه‌ستێکی ناخۆش و ڕوخێنه‌ر ناخی که‌سایه‌تی ئه‌م مرۆڤانه داگیرده‌کات. ئه‌و هه‌سته ڕوخێنه‌ره ته‌نیا کاتێک هه‌ست پێ ده‌کرێ که مرۆڤ خۆی ڕاسته‌وخۆ و بەردەوام و ڕۆژانە لەگه‌ڵی به‌ره‌وڕوو بێت و ئەزموونی بکات. به‌شی دووهه‌م: زۆرینەیەکی ڕەها و مۆتڵەقی په‌نابه‌ران ده‌گرێته‌وه که هه‌م له باری ئابووری و گوزه‌رانی ژیان ئاسووده نین و هه‌ست به ‌که‌م و کوڕی زۆر ده‌که‌ن، هه‌م له باری ڕوحی و ڕه‌وانیشه‌وە کێشه‌ی زۆریان هه‌یه و هه‌ست به که‌مبوون و بێ‏بایه‌خ‌بوون له به‌ره‌وڕوو بوونه‌وه و ژیان له په‌ناوپەسێوی نه‌ته‌وه‌ی خانه‌خۆێ ده‌که‌ن. که‌وابوو ئه‌مه واقعییه‌تێکی تاڵ و سه‌ره‌نجامی کۆچکردن و دوورکه‌وتنه‌وه‌یه له خاک و وڵاتی خوت.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٨ لەم ژمارەیەدا:

ــ خەباتی ڕۆژهەڵات بەردەوامە
ــ ڕاسان و پێشمەرگە
ــ ژن و سیاسـەت
ــ گوڵوەنی، هێمای خۆڕاگریی نەتەوەیەکه
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.
  • ئەرکەواز لە کوێیە و ئەرکەوازی کێن؟ ئەرکەواز لە کوێیە و ئەرکەوازی کێن؟
    ئەرکەواز لە باکوور و باکووری ڕۆژهەڵات و ڕۆژهەڵاتەوە پاڵی داوەتە داوێنی (پشتکێو)ەوە و لە باشوور و باشووری ڕۆژهەڵاتیشەوە دەبەسترێتەوە بە شاخی (بیورەواز) و لە باشوووری ڕۆژئاواشەوە پاڵی داوەتە شاخی (کەڵەک) کە بەرجەوەندی شار چەشنی دۆڵێکی بەرینی سەرسەوز بە بەرزی و نەوییەوە دەردەکەون و بینا و گەڕەک و کۆڵانەکانی لە نێوان دیمەنی سەرسەوز و داوێنی کێو و کەنار جۆگە و ئەو چەند کێوەدا بە جوانییەکی سەرنجڕاکێشەوە دەردەکەون.