• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٢ی نوامبری ٢٠١٧ی زایینی - ٠١ی سەرماوەزی ١٣٩٦ی هەتاوی  

سه‌ركه‌وتنی سێ وەرزشوانی كورد له‌ كێبڕكێیەكانی ئاتێن‌دا

زایینی: ٢٠-١٠-٢٠١٥ - هەتاوی: ١٣٩٤/٠٧/٢٨ - ١٧:١٥ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
سه‌ركه‌وتنی سێ وەرزشوانی كورد له‌ كێبڕكێیەكانی ئاتێن‌دا
کوردستان میدیا: سێ زۆرانبازی کورد لە کێبڕکێیەکانی "زۆرانبازیی دێرینەکانی قارەمانیەتی جیهان" کە لە ئاتێن بەڕێوەچوو، پلەی قارەمانەیەتیان بەدەست‌ هێنا.

بەپێی هەواڵی گەیشتوو بە ماڵپەڕی کوردستان میدیا، ڕۆژانی ٢١ هەتا ٢٨ی ڕەزبەری ١٣٩٤ی هەتاوی، كێبڕكێی زۆرانبازیی دێرینەکانی قاره‌مانیەتی جیهان‌ له‌‌ ئاتێنی پێته‌ختی وڵاتی یونان به‌ڕێوه‌ چوو. لەو كێبڕكێیەدا، سێ وەرزشوانی کورد پلەی قاره‌مانه‌تیان بەدەست هێنا.

لەو کێبڕکێیانەدا، "كورش (به‌ها) كه‌ریم‎زاده"‌ له‌ كێشی ١٣٠ کیلۆگرەم و "ئازاد عه‌لی‎محه‌ممه‌د‎پوور" له‌ كێشی ٦٩كیلۆگرام، خه‌ڵكی شاری سه‌قز له‌ کوردستانی ڕۆژهه‌ڵات كه‌ بۆ تیمی ئێران له‌ به‌شی فه‌ره‌نگی زۆرانیان گرت، توانییان سه‌ركه‌وتنی باش بە‌ده‌ست بێنن و له‌ كۆی ٧ مێداڵی زێڕ، ٢ میداڵی زێڕیی ئه‌م كێبڕكێیانه‌یان له‌ مل كرد.

هه‌روه‌ها "سه‌عید گوڵباخی" (گوڵشه‌ن)، ئه‌ندامی حیزبی دێموكراتی كوردستانی ئێران و دانیشتوی وڵاتی كانادا، خه‌ڵكی شاری سه‌قز،‌ له‌م كێبڕكێیانه‌دا وەکوو ئه‌ندامی تیمی زۆرانبازیی كانادا بەشداریی کردبوو، توانی سه‌ركه‌وتوانه‌ پله‌ی دووهه‌م بۆ خۆی مسۆگه‌ر بكات و مێداڵی زیوی له‌ مل كرد.

سه‌عید گوڵشه‌ن، كوڕی شه‌هید عوسمان گوڵشه‌ن، هه‌ر له‌ ته‌مه‌نی مێرمنداڵییه‌وه‌ سه‌رقاڵی وه‌رزشی زۆرانبازی بووه‌ و ئێستاش وه‌ك كه‌سێكی خاوه‌ن ئه‌زمون له‌ وڵاتی كانادا درێژه‌ به‌م وه‌رزشه‌ ده‌دات.

ناوبراو تا ئێستا له‌ چه‌ندین كێبڕكێی جیهانیی و قاڕه‌یی‏دا به‌شداریی چالاكانه‌ی كردووه‌ و چه‌ندین میداڵی جۆراو‌جۆری بۆخۆی مسۆگەر کردووە.

12377.jpg
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٣ لەم ژمارەیەدا:

ــ بوومەلەرزەی سیاسی
ــ لە خەبات دژ بە ئەپارتایدەوە بۆ ڕاسان
ــ ئەمن چی بكەم، خۆتان دروستی بكەنەوە
ــ دانیشتن لەگەڵ ئۆپۆزیسیۆنی ئێرانی و چەند سەرنجێک