• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٨ی ئوکتۆبەری ٢٠١٧ی زایینی - ٢٦ی رەزبەری ١٣٩٦ی هەتاوی  

سەرکەوتنی کاوە عەبداڵی لە هەڵبژاردنی شارەوانییەکانی وڵاتی نۆروێژ + وتووێژ

زایینی: ٢٠-١٠-٢٠١٥ - هەتاوی: ١٣٩٤/٠٧/٢٨ - ١٧:٢٠ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
سەرکەوتنی کاوە عەبداڵی لە هەڵبژاردنی شارەوانییەکانی وڵاتی نۆروێژ + وتووێژ
کوردستان میدیا: ماڵپەڕی کوردستان میدیا لەگەڵ "کاوە عەبداڵی" كە لە هەڵبژاردنی شارەوانییەكانی وڵاتی نۆروێژ بەشداریی كردبوو و سەرکەوتنی بەدەست هێنا و ‌ وه‌ک ئه‌ندامی ئه‌نجومه‌نی شاره‌وانیی شێسمۆ و ئه‌ندامی ئه‌سڵیی لێژنه‌ی چاوه‌دێری ئه‌و ئه‌نجومه‌نه هه‌ڵبژێردراوە، وتووێژێکی پێکهێناوە.

دەقی وتووێژەکە:

١ــ کورتەیەک لە ژیاننامە و تێکەڵاویتان لەگەڵ حیزبی دێموکراتی کوردستانی ئێران باس بکەن؟

وێڕای سڵاوێکی گه‌رم له ئێوه خۆشه‌ویستانی ماڵپه‌ڕی کوردستان میدیا و هه‌موو خوێنه‌رانی به‌ڕێزتان. سپاس بۆ ئه‌وه‌ی ئه‌م ده‌رفه‌ته‌تان بۆ ڕه‌خساندم تا بتوانم سەبارەت بە مێژووی ئەندامەتی و هاوکاریم لەگەڵ ‌حیزب و هه‌ڵبژاردنه‌کانی شاره‌وانیی ناوچه‌ی نیشته‌جێ بوونم بدوێم.
من له ساڵی ١٣٤٨ی هه‌تاوی ( ١٩٦٩ی زایینی) له شاری تاران له‏دایک بووم. پێویسته بڵێم که ئه‌وکات بابم وه‌ک مامۆ‌ستای یه‌کێک له قوتابخانه‌کانی ئه‌وشاره کاری ده‌کرد و ئێمه‌ش به‌و هۆیه‌وه له‌وێ ده‌ژیاین، به‌ڵام به خۆشییەوه به‌ر له ده‌ستپێکی یه‌که‌م قۆناغی خوێندنی سه‌ره‌تاییم گه‌ڕاینه‌وه بۆ شارەکەی پێشه‌وا قازی محه‌ممه‌د، واته شاری مه‌هاباد.
له ساڵی ١٣٧٦ی هه‌تاوی (١٩٩٧ی زایینی)، به هۆی فشاری زۆری سیاسیەوە ڕێگای تاراوگەم گرتەبەر. سه‌ره‌تا بۆ ماوه‌ی که‌متر له ساڵێک له تورکیه مامه‌وه و دواتریش له ساڵی ١٩٩٨دا، له ڕێگه‌ی کۆمیساریای باڵای په‌نابه‌رانی سه‌ر به ڕێکخراوی نه‌ته‌وەیه‌کگرتووه‌کانەوە هاتمه وڵاتی نۆروێژ.
تێکه‌ڵاویم له‌گه‌ڵ حیزبی دێموکرات ده‌گه‌ڕێته‌وه بۆ سه‌ردەمی مێرمنداڵیم.

ئەوسا لە مه‌هاباد، به هه‌ر شێوه‌یه‌ک بۆم بڕەخسایە یارمه‌تیده‌ری چالاکییه‌ نهێنیە حیزبیەکان دەبووم، به‌ڵام به شێوه‌ی فه‌رمی، یه‌که‌م جار له ڕێگه‌ی مامۆ‌ستای سیاسیم کاک برایم لاجانی، له وڵاتی نۆروێژ، له پاییزی ساڵی ١٩٩٨ی زایینی هاتمه نێو ڕێزه‌کانی پڕ لە شانازیی حیزبی دێموکراتەوە.

پله‌ سیاسیەکانم هه‌ر له کۆمه‌ڵه‌ی کولتووری کوردی ده‌ست‏پێکرد و وه‌ک ئه‌ندامی شانه‌ی حیزبی به‌رده‌وام بووم، ئه‌ندامی به‌ڕێوه‌به‌رایه‌تیی کۆمیته‌ی ناوچه‌، ئه‌ندامی کۆمیته‌ی گشتیی حیزب و ته‌نانه‌ت ئه‌ندامی کۆمیته‌ی گشتیی ته‌شکیلاتی حیزب له ده‌ره‌وه‌ی وڵات و دوای کۆنگره‌ ١٤ی حیزبیش، به‌رپرسی ماڵیی ئه‌م کۆمیته‌یه بووم. بۆ سێ ده‌وره،‌ وه‌ک به‌رپرسی کۆمیته‌ی گشتیی حیزب له نۆروێژ هه‌ڵبژێردرام و له خزمه‌ت حیزبی دێموکرات و هاوڕێیانی حیزبی له‌م وڵاته‌دا‌ بووم و هه‌روه‌ها یه‌کێک له نوێنه‌رانی کۆمیته‌ی نۆروێژ بۆ به‌شداری‏کردن له دوو کۆنگره‌ی ١٤ و ١٥ی حیزب بووم.

پێویسته‌ ئاماژه به‌وه‌ش بکه‌م که ئێستاش وه‌ک به‌رپرسی کۆمیته‌ی هه‌ڵبژاردن که له‌سه‌ر داوای ڕێبه‌رایه‌تی حیزب، بۆ یه‌کەم‌جار له وڵاتی نۆروێژ به‌فه‌رمی پێکهاتووه، له‌گه‌ڵ هاوڕێیانی ئه‌م کۆمیته‌یه کارده‌که‌م و بەهیواین که به زووترین کات ڕێکارنامه‌یه‌ک له‌مه‌ڕ چۆنیەتی کار و تێکۆشانی کۆمیته‌ی هه‌ڵبژاردن پێشکه‌شی حێزب بکه‌ین.

٢ــ ئێوە چۆن بوونە ئەندامی حیزبی کاری نۆروێژ و بەشداریتان لە هەڵبژاردنی شارەوانیەکانی ئەو وڵاتەدا کرد؟

من له ساڵی ٢٠٠٥دا بووم به ئه‌ندامی حیزبی کاری نۆروێژ، به‌ڵام به هۆی کاری ئێداریی خۆم و به‌شداربوونم له چالاکییه‌کانی حیزبی دێموکراتدا و هه‌بوونی به‌رپرسایه‌تیه‌ حێزبیەکانم، زۆر به‌که‌می به‌شداری چالاکییه‌کانی حیزبی کاری نۆروێژ ده‌بووم، واته‌ هه‌ر ئه‌ندامی ته‌شکیلاتیی ئه‌و حیزبه بووم.

پاش کۆنگره‌ی ١٥ی حیزب و پێکهاتنی کۆنفڕانسی حیزبی دێموکرات له‌ نۆروێژ، ئه‌ندام بوونم له کۆمیته‌ی گشتیی حیزب کۆتایی پێهات و هەربۆیەش کاتی زیاترم بۆ چالاکی له حیزبی کاری نۆرویژ ته‌رخان کرد.

له مانگی نوامبری ٢٠١٤دا، له کۆنفڕانسێکی حیزبی کار له‌و شاره‌وانییه‌ی لێی ده‌ژیم، وه‌ک به‌ربژێرێکی ئه‌و حیزبه که گه‌وره‌ترین حیزبی ئه‌م وڵاته‌یه، دیاری کرام و پاش چالاکییه‌ به‌ربڵاوەکانی هه‌ڵبژاردن، له سێپتامبری ٢٠١٥دا، به یارمه‌تی هاوڕێیانی به‌ڕێزی بنه‌ماڵه‌ی حیزبی دێموکرات و باقی ده‌نگده‌رانی ئه‌م ناوچه‌یه، وه‌ک ئه‌ندامی ئه‌نجومه‌نی شاره‌وانیی شێسمۆ و ئه‌ندامی ئه‌سڵیی لێژنه‌ی چاوه‌دێریی ئه‌و ئه‌نجومه‌نه هه‌ڵبژێردرام.

٣ــ بەرنامەی تایبەتی خۆتان بۆ ئەو پۆستە نوێیەی کە وەرتان گرتووە چی دەبێ؟

دیاره ئامانجی ئه‌سڵیی من له به‌ئه‌ندام بوونم له‌ ئه‌نجومه‌نی شاره‌وانی، له‌گه‌ڵ ئه‌وه‌ی که تێکه‌ڵاویی خۆم له پرۆسه‌ی سیاسیی ئه‌م وڵاته به گشتی و له ئه‌م ناوچه‌یه بەتایبه‌تی‌ مسۆگه‌ڕ ده‌کات، ده‌توانێ به‌رهه‌م و ئەزموونێکی باش و بەنرخ بێت بۆ داهاتوو که بتوانم یارمه‌تیده‌ری کاری ڕێکخراوه‌یی و ته‌شکیلاتیی حیزب بم.

سه‌ره‌ڕای ئه‌وه‌ی که هه‌موو هه‌وڵی خۆم ده‌ده‌م که وه‌ک ئه‌ندامێکی دڵسۆز و چالاک به‌رپرسایه‌تییه‌کانی خۆم له‌م شاره‌وانییه به باشی به‌جێ‏بگه‌‌یەنم، هاوکات هه‌وڵ ده‌ده‌م ده‌نگی کورد و ناوی پێشمه‌رگه به‌رز ڕاگرم.

٣ــ وەک چالاکێکی سیاسیی ناو حیزبی کاری نۆروێژ، چ پێشنیارێک بۆ باشتربوونی کاری ڕێکخراوەیی لە کوردستان دەکەن؟

پاراستنی مافی که‌مایه‌تی بۆ یه‌کڕێزیی ته‌شکیلاتی زۆر گرینگه. پاراستنی مافی که‌مایه‌تی کاتێک جێی خۆی ده‌گرێ که بۆ به‌رگری له ئاڵۆزبوون، سازان و ڕێکه‌وتن ببێته بنه‌مای دیالۆگ و لێک‏تێگه‌یشتن و ڕێگه‌چاره‌یەکی گونجاوی بۆ بدۆزنه‌وه. که‌مایه‌تی ئه‌گه‌ر سازان و ڕێککه‌وتن و ته‌عامولی له‌گه‌ڵ نه‌کرێ و هیچ ئورگان، پێکهاته یان لێژنه‌یه‌کی سه‌ربه‌خۆیان نه‌بێت که بتوانن په‌نای بۆ به‌رن، خۆی له چوارچێوه‌ی ته‌شکیلاتی‌دا نابینێته‌وه و سه‌ری لێ ده‌شێوێ.

خاڵێکی دیکه‌ش به گرینگ ده‌زانم و لێره‌دا به کورتی باسی ده‌که‌م. من سه‌داسه‌د له‌گه‌ڵ زیادبوون ڕێژه‌ی ژنان له هه‌موو به‌ڕێوه‌به‌رایه‌تییه‌کانی ڕێکخراوه‌یی و حیزبی‌دا هه‌م و هه‌ڵبه‌ت ئه‌وه‌ش به پێی لێهاتوویی و چالاکیی خۆیانه‌وه ده‌بێت. حێزب ده‌توانێ ئاسانکاری بکا که خوشکانی دێموکراتمان بتوانن چالاکتر به‌شداری کۆڕ و کۆبوونه‌وه و کۆنفڕانسه‌کانی حیزبی بن و خۆیان بۆ به‌رپرسایه‌تییە حیزبیەکان کاندید بکه‌ن. مه‌به‌ستم له درکاندنی ئه‌و باسه ئه‌وه‌یه که هه‌بوونی یه‌کیەتی ژنان ده‌توانێ جیاوازی له نێوان ژنان و پیاوان دروست بکا و به‌داخه‌وه ئه‌م ڕێکخراوه ناتوانێ مافی ژنان بپارێزێ. کاتێک باس له ئه‌ندام ده‌که‌ین، ئه‌وه پیاوان و ژنان ده‌گرێته‌وه و پاراستنی مافی ئه‌ندامه‌تی هه‌ردووک لایه‌ن ده‌گرێته‌وه.

حیزبی کاری نۆروێژ به ئه‌زموونێکی دوور و درێژ، ته‌نیا یه‌ک ڕێکخروای سه‌ر به حیزبی هه‌یه که ئه‌ویش یه‌کیه‌تی لاوانه. یه‌کیه‌تی لاوان ڕێکخراوێکی زۆر گرینگه چوونکه بناغه‌یەکی پته‌وی کاری سیاسی داده‌مه‌زرێنن و په‌روه‌رده کردنی کادری به ته‌جروبه‌ی لێ‏ده‌که‌وێته‌وه و له ‌داهاتوودا به‌ره‌و قۆناغه‌کانی به‌رپرسایه‌تی هانیان ده‌دات.

بۆ وێنه، ئاماژه به یینس‏ستۆڵتنبه‌رگ ده‌که‌م که وه‌ک ئه‌ندامی یه‌کیه‌تی لاوان هاته نێو حیزبی کار. بوو به سکرتێری لاوان، پاشان بوو به‌ ئه‌ندامی ڕێبه‌رایه‌تیی حیزب و بۆ ماوه‌ی ١٢ ساڵ وه‌ک سه‌رۆکی حیزب کاری کرد و ماوه‌ی ٩ ساڵ وه‌ک سه‌رۆک وه‌زیرانی نۆروێژ له ‌سه‌رکار بوو و له ئاکامدا هه‌ر ئه‌و ئه‌ندامه‌ی پێشووی یه‌کیه‌تی لاوان، له ساڵی ٢٠١٤ی زایینی‏دا‌ بوو به سکرتێری ناتۆ!!

٤ــ هەڵسەنگاندنی بەرێزتان بۆ کوردانی نیشتەجێی نۆروێژ سەبارەت بە تێکڵاوییان(Iintegration ) لەگەڵ کۆمەڵگای ئەوێ هەیە؟

هه‌روه‌ک ئاگادارن له وڵاتی نۆروێژ دێموکراسییەکی ڕاسته‌قینه حاکمه و هیچ جیاوازییه‌ک له نێو دانیشتووانی ئه‌سیل و به‌ ڕه‌گه‌ز نۆروێژی و په‌نابه‌رانێکی که ڕه‌گه‌زنامه‌ی نۆروێژیان وه‌رگرتووه نییه. هه‌رئێستا جێگری سه‌رۆکی حیزبی کاری نۆروێژ ئافره‌تێکی به ‌ڕه‌گه‌ز پاکستانیه (هادییه تاجیک)و پێده‌چێ له ده‌وره‌ی دوو ساڵی داهاتووی هه‌ڵبژاردنه‌کانی پارله‌مانی، ئه‌رکێکی گرینگی حکوومه‌تی وه‌ئه‌ستۆ بگرێ. ناوبراو له سالی ٢٠١٢دا، بۆ ماوه‌ی یه‌ک‏سال وه‌ک وه‌زیری کولتووری نۆرویژ دیاری کرابوو.

هه‌روه‌ها سکرتیری ئێستای لاوانی حیزبی کاری نۆرویژ، لاوێکی کوردی ڕۆژئاوایه که زۆر به‌توانایه و به دڵنیاییه‌وه داهاتوویەکی ڕوونی ده‌بێت. واته ئه‌گەر که‌سێکی به ‌ڕه‌گه‌ز بیانی له وڵاتی نۆروێژ بتوانێ بیسه‌لمێنێ که توانای کاری حیزبی و ڕێکخراوه‌یی تێدا به‌دی ده‌کرێ، بێ‌گومان ده‌توانێ وه‌ک سه‌رۆک وه‌زیرانیش هه‌ڵبژێردرێت، له حاڵێکدا ئێمه له وڵاتی خۆمان ئه‌و مافه‌مان پێ نادرێت!!

زۆرگرینگه که ئێمه بتوانین له کۆمه‌ڵگای نۆروێژی تێکه‌ڵاوی ڕێکخراوه‌کانی مه‌ده‌نی و سیاسی بین تا به قاڵبوونه‌وه‌مان له نێو ئه‌و کۆمه‌ڵگایه‌دا له پرۆسه‌ی ئابووری و سیاسی‌دا به‌شدار بین وبه‌م شێوه‌یه‌ ده‌توانین به‌شداری چاره‌نووسی سیاسی وڵاته‌که به گشتی و ناوچه‌که‌ش به تایبه‌تی بین.

٥ــ بەنیسبەت ڕەوتی پەنابەری لە ڕۆژهەڵاتەوە بۆ ڕۆژئاوا و ئورووپا کە ماوەیەکە ڕووی لە هەڵکشانە، چ بۆچوونێکت هەیە؟

پشتیوانی کردن له سیاسه‌تی حیزب له‌مه‌ڕ ڕه‌وتی په‌نابه‌ران وه‌ک ئه‌سڵێک و ئه‌رکێکی گرینگ ده‌زانم و به‌رده‌وام هه‌وڵ ده‌ده‌م هانده‌رێکی به‌قووه‌ت بم بۆ پاراستنی ئه‌م بنه‌ما گرینگه. به شێوه‌ی گشتی، حیزبی کاری نۆروێژ له‌گه‌ڵ لایەنانی یه‌کگرتووی خۆی، وه‌رگرتنی٨٠٠٠ په‌نابه‌ری سورییه‌یان له ماوه‌ی ٣ ساڵدا، له ده‌ستووری کاری خۆی‌دا داناوه و هه‌روه‌ها پێویسته بڵێم که یه‌کێک له گرینگترین خاڵه‌کانی یه‌که‌م کۆبوونه‌وه‌ی شاره‌وانیی شێسمۆ که له مانگی نۆڤامبر پێکدێت، قسه‌کردن له‌سه‌ر وه‌رگرتنی ڕێژه‌یەکی به‌رچاو‌ی په‌نابه‌ران بۆ نێو ئه‌م شاره‌وانیه‌یه.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٠ لەم ژمارەیەدا:

ــ هەموو ڕێگاکان دەچنەوە کوردستان
ــ سەهۆڵبەردان لە ڕۆژهەڵاتی ناویندا
ــ دیپلۆماسیی درۆزنەی نێوخۆیی
ــ زیندانیی سیاسی بوونی نییە
  • ڕەساڵەتی تەنز له شێعری \ ڕەساڵەتی تەنز له شێعری "مەلا مارف کۆکەیی"دا
    کۆمەڵیک ڕووداوی ناخۆش و تاڵ وەک شەڕە جیهانییه‌کان، شەڕی ناوخۆی ئێران، سیڵاوی مەهاباد، کوشتاری خەڵکی ئه‌م شاره و قات و قڕی له ماوەی ژیانی مەلا مارفدا که له سەر هەژاری و نەداری خەڵک شوێندانەر بوو له شێعرکانی ڕەنگدانه‌وەی جیددیان هه‌یه، شاعیری نوکته باز له سەردەمی دیکتاتۆرییه‌تدا زۆر جار به زمانی ته‌نز لۆمه له‌م بارودۆخه دەگرێ.
  • کەریم پەرویزی: خەڵک بە هاتنیان بۆ سەرشەقام، ترسیان لە داپڵۆسینی ڕێژیم ڕەویوەتەوە و لە مەرحەلەیەکی دیکەدا، دەبێت ترسی خەڵک لە زیندان بشکێت و بڕۆنە بەر زیندانەکان و داوای ئازادکردنی گیراوەکان بکەن کەریم پەرویزی: خەڵک بە هاتنیان بۆ سەرشەقام، ترسیان لە داپڵۆسینی ڕێژیم ڕەویوەتەوە و لە مەرحەلەیەکی دیکەدا، دەبێت ترسی خەڵک لە زیندان بشکێت و بڕۆنە بەر زیندانەکان و داوای ئازادکردنی گیراوەکان بکەن
    خرۆشانی جەماوەریی ڕۆژهەڵات و پەیامەکانی لە دوای ئەنجامە ئەرێنییەکەی ڕێفراندۆمی سەربەخۆیی کوردستانی باشوور، مژاری چاوپێکەوتنێکی تەلەفزیۆنی تیشکە لەگەڵ کەریم پەرویزی، ئەندامی دەفتەری سیاسی حیزبی دێموکراتی کوردستانی ئێران کە سەرنجتانی بۆ خوێندنەوەی ڕادەکێشین.
  • بەرەو درووستکردنی حکوومەتێکی سەربەخۆ و دێموکرات لە باشوور بەرەو درووستکردنی حکوومەتێکی سەربەخۆ و دێموکرات لە باشوور
    چوار فاکتۆری سەرچاوە گرتنی ئەم سەربەخۆییە لە ئیرادەی گشتی، دادپەروەری وەک بناغەی ئەو حکوومەتە، دێموکراسی و هەبوونی هێزی پێشمەرگە بۆ دابین کردنی ئاسایش و ئاسوودەیی هاووڵاتیان لەو فاکتۆرانەن کە لە بەرژەوەندیی حکوومەتی سەربەخۆی باشووری کوردستان دا دەبن.
  • باشووری کوردستان و بنچینەی خەباتی گەلی کورد باشووری کوردستان و بنچینەی خەباتی گەلی کورد
    ئێمە دەبێ سەرەتا لە هەناوی کۆمەڵگەی خۆماندا حزوورمان هەبێت و ئاگاداری هەموو گرفت و خەسڵەتەکانۆ کۆمەڵگەی خۆمان بین و بتوانین جیاوازییە هەرێمی و ناوچەییەکان بناسین، هەتا بتوانین بەرنامە و پرۆژەکانمان لەسەر بنەمای واقیعی کۆمەڵگەکەمان بێت.
  • چیرۆکی منداڵانی بێ‌‌سەرپەرەست لە ئێران چیرۆکی منداڵانی بێ‌‌سەرپەرەست لە ئێران
    سەرئەنجام دوای پڕۆسەی قانوونی، ماری و مێردەکەی پێکەوە لە ئافریقاڕا کچێک و کۆڕێکیان وەک منداڵی خۆیان وەرگرت. ئێستا ئەوان ١٤ ساڵ و ١٢ ساڵ تەمەنیانە و وەک هەر منداڵێکی دیکە دەچنە قوتابخانە و ژیانێکی باشیان هەیە.
  • خۆكوژی كۆتاییەكی تراژێدیك خۆكوژی كۆتاییەكی تراژێدیك
    دیاردەگەلێك كە بەربەستن لە بەردەم بەرزەفڕی مرۆڤ و وەك نەخۆشییەك خەون و ئارەزووەكانی مرۆڤ تووشی بەلاڕێداچوویی دەكەن و لە ئاكامدا ئەوە ئەو دیاردانەن كە زۆرجار زاڵ دەبن بەسەر مرۆڤدا. خۆكوژی یەكێك لەو دیاردانەیە كە ئەمڕۆ بەربینگی مرۆڤی گرتووە و بووەتە دیاردە لە نێو هەموو كۆمەڵگا مرۆییەكانی جیهاندا.
  • ڕاسان پرۆژەیەکی سیاسی نوێ لە خەباتی ڕۆژهەڵاتدا ڕاسان پرۆژەیەکی سیاسی نوێ لە خەباتی ڕۆژهەڵاتدا
    زۆربەی بزاڤە ڕزگاریخوازەکانی دنیا لە حاڵەتێکدا سەریان هەڵداوە، کە دیکتاتۆرەکان ویستوویانە لە ڕێگای ئامرازەکانی هێز و دەسەڵاتەوە ڕێککەوتنێکی مڵکەجبوون لە نێوان خۆیان و کۆمەڵگادا ساز بکەن و کۆمەڵگا ملکەجی بەرژەوەندییەکانی خۆیان بکەن و ئەدەبیاتێک لە سەر کۆمەڵگا زاڵ بکەن کە لە ڕاستای دەسەڵاتی ئەواندا بێت و سەروەری ئەوانی تێدا گارانتی کرابێت.
  • دیپلۆماسیی درۆزنەی نێوخۆیی دیپلۆماسیی درۆزنەی نێوخۆیی
    کەوایە بەپێی وتەی بەرپرسانی ڕێژیم، خامنەیی ڕاستەوخۆ لە هەڵبژاردنی هەموو وەزیرەکانی رووحانیدا دەستی هەیە، ڕەنگە لێرەدا بگوترێ: "بۆخۆت بەخێر بێیتەوە، ئاگات لە کوێیە؟"
  • هەموو رێگاکان دەچنەوە کوردستان هەموو رێگاکان دەچنەوە کوردستان
    لە دوای ٥٧ و خۆسەپاندنی رێژیمی ئیسلامی بەسەر گشتایەتیی جوغرافیای ئێراندا، کوردستان بوو بە مەکۆی گشت لایەنە پەراوێزخراوەکان، ئەو رۆژانە زۆر لایەن بوون کە لە نیشتمانی کوردەکاندا داڵدە درابوون، حیزبە کوردییەکان بە سینگ ئاوەڵاییەوە وەریانگرتن.
  • سەهۆڵبەردان لە رۆژهەڵاتی ناویندا سەهۆڵبەردان لە رۆژهەڵاتی ناویندا
    پەرەئەستاندنی دێموکراسی و پتەوبوونی پەیوەندیی لە نێوان ئەمریکا، وڵاتانی ئەورووپی، ژاپۆن، کورەی باشوور و ئوسترالیا "بەراییەکی ئاشتی" (zone of peace) لێ کەوتووەتەوە. دێموکراسی هەروەها ڕای گشتی کردووەتە فاکتەری سنووردارکەر، هەڵبەت نەک ڕێگر، لە پەیوەندی لەگەڵ شەڕکردنی وڵاتانی دێموکراتیکدا.
  • زیندانیی سیاسی بوونی نییە زیندانیی سیاسی بوونی نییە
    لە وڵاتێکی ژێر دەسەڵاتێکی دیکتاتۆری و فاشیستیدا، شتێک بە ناوی زیندانیی سیاسی ناتوانێ مانایەکی هەبێ و ئاماژەیەک بۆ شتێکی راستەقینە نابێ. لە راستیدا چەمکی زیندانیی سیاسی دەتوانێ چەمکێکی چەواشەکارانە و بەلاڕێدابەرانە بێ.
  • ئەحمەد شێربەگی: دوكتور سه‌عید پێی وابوو كه‌ هه‌ر به‌شێكی كوردستان ڕزگاری بێ، كارتێكه‌ری خۆی له‌سه‌ر به‌شه‌كانی دیكه‌ی كوردستان ده‌بێ ئەحمەد شێربەگی: دوكتور سه‌عید پێی وابوو كه‌ هه‌ر به‌شێكی كوردستان ڕزگاری بێ، كارتێكه‌ری خۆی له‌سه‌ر به‌شه‌كانی دیكه‌ی كوردستان ده‌بێ
    بە بۆنەی ٢٥ـەمین ساڵڕۆژی شەهیدانی بێرلین لە لایەن دیپلۆمات تێرۆریستانی نێردراوی ڕێژیمی ئیسلامیی ئێران ڕۆژنامەی کوردستان ئۆرگانی کۆمیتەی ناوەندیی حیزبی دێموکراتی کوردستانی ئێران وتووێژێکی لەگەڵ "ئەحمەد شێربەگی" بێژەری بەناوبانگی ڕادیۆ دەنگی کوردستانی ئیران پێک هێناوە کە دەقی ئەم وتووێژە بەم چەشنەیە:
  • شەرەفکەندی، قارەمان یا پاڵەوان؟ شەرەفکەندی، قارەمان یا پاڵەوان؟
    لە ڕاستیدا خودی وشەی "شۆڕش" (انقلاب) واتە گۆڕانێکی بنەڕەتی لە ناوەڕۆکدا؛ ئەوەش پێویستی بە هەندێک هۆکاری تایبەتی و گشتی هەیە کە هۆکارە تایبەتییەکە ئەوەیە سەرتاسەری شۆڕشەکانی مێژوو بە دەست کەسانی نوخبه و زانای کۆمەڵگای نێوخۆی خۆیان کراوە جا ئەم کەسانە لە هەر چین و توێژێکی کۆمەڵگا بن و بە هەر جۆرە بیرۆکەیەک.
  • کرماشان، لانکەی کولتوور و ژیاری مرۆیی لە کوردستان کرماشان، لانکەی کولتوور و ژیاری مرۆیی لە کوردستان
    لە ساڵانی ١٣٣٠ی (١٩٥٢ی زایینی) هەتاوی بەئەملا لەسەر دەستی كەسانێكی تر و نەوەیەكی تر شەپۆل و رەهەندێكی دیكە لە نووسین و داهێنانی ئەدەبی و بەتایبەت ژانری شیعر لە كرماشان و ئیلام سەر هەڵدەدەن و دەبنە ئاوێنەی باڵانوێنی كۆمەڵ و لەباری فەرهەنگییەوە پێشەنگایەتیی ئەو قۆناغە دەگرنە ئەستۆ.