• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٤ی نوامبری ٢٠١٧ی زایینی - ٠٣ی سەرماوەزی ١٣٩٦ی هەتاوی  

گۆڕانی كه‌ش‎وهه‌وا ناوچه‌ی كه‌نداو چۆڵ ده‌كات

زایینی: ٢٨-١٠-٢٠١٥ - هەتاوی: ١٣٩٤/٠٨/٠٦ - ١٢:١٢ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
گۆڕانی كه‌ش‎وهه‌وا ناوچه‌ی كه‌نداو چۆڵ ده‌كات
کوردستان میدیا: ڕه‌وتی بڵاوبوونه‌وه‌ی گازه‌ گوڵخانه‌ییه‌كان و چوونه‌ سه‌ری پله‌ی گه‌رمیی هه‌وا، دانیشتوانی ناوچه‌ی كه‌نداو ناچار ده‌كات ئه‌م ناوچه‌یه‌ به‌جێ‎بهێڵن.

گۆڤاری بریتانیایی نه‌یچێر (سروشت)، ڕۆژی دووشه‌ممه‌ به‌ بڵاوكردنه‌وه‌ی دوایین لێكۆڵینه‌وه‌ی خۆی له‌سه‌ر دۆخی كه‌ش‎وهه‌وای ناوچه‌ی ڕۆژهه‌ڵاتی ناڤین به‌تایبه‌ت وڵاتانی ده‌وروبه‌ری كه‌نداو، ڕایگه‌یاند: "ئه‌گه‌ر ڕێژه‌ی گازه‌ گوڵخانه‌ییه‌كان و دی‎ئۆكسیدی كه‌ربۆنی هه‌وا كه‌م نه‌كرێته‌وه،‌ له‌ ساڵانی داهاتوودا ده‌بێ چاوه‌ڕوانی چوونه‌سه‌ری پله‌ی گه‌رمیی هه‌وا بین، به‌ ڕاده‌یه‌ك كه‌ له‌شی مرۆڤ نه‌توانێ به‌ره‌نگاری ببێته‌وه‌".

به‌پێی ئه‌م لێكۆڵینه‌وه‏‌یه، گۆڕانه‌ كه‌شوهه‌واییه‌كان ده‌بنه‌ هۆی سه‌رهه‌ڵدانی "شه‌پۆلی گه‌رمای مه‌رگهێنه‌ر" كه‌ زۆرترین كاریگه‌رییان له‌ سه‌ر شاره‌كانی ئه‌بوزه‌بی، دوبه‌ی، ده‌وحه‌ و شاره‌كانی باشووری ئێران ده‌بێت.

له‌مباره‌وه‌ پڕۆفسۆر "جێرمی پاڵ" و پڕۆفسۆر "فاتێح ئه‌لتاهێر" له‌ زانكۆی "ئێم‎ئای‎تی"، ڕایانگه‌یاندووه‌: پێوه‌ری گه‌رما تێ‏هه‌ڵكێشێكه‌ له‌ ڕێژه‌ی شێداری ‎و گه‌رمیی هه‌وا كه‌ تا كۆتایی ئه‌م سه‌ده‌یه‌ له‌ ڕۆژهه‌ڵاتی ناڤیندا ده‌گاته‌ ٧٧ پله‌ی سانتیگراد (١٧٠ پله‌ی فارنهایت) و ئه‌مه‌ش بۆ بوونه‌وه‌ره‌كانی ئه‌م ناوچه‌یه‌ زۆر مه‌ترسیدار ده‌بێت.

به‌ وته‌ی ئه‌م دوو لێكۆڵه‌ره‌، ئه‌زمونی گه‌رمای ئه‌مساڵ له‌ ناوچه‌ی ڕۆژهه‌ڵاتی ناڤین، بۆ وێنه‌ به‌نده‌ری ماهشه‌هر، له‌ باشووری ئێران كه‌ پله‌ی گه‌رماكه‌ی گه‌یشته‌ ٤٦ پله‌ی گه‌رمی و ئاستی شێی هه‌واكه‌ی ٥٠%بوو، ده‌سپێكی ئه‌م ڕه‌وته‌ مه‌ترسیداره‌یه‌ كه‌ ته‌نیا ڕێگه‌چاره‌ی به‌ره‌نگاربوونه‌وه‌شی، بریتییه‌ له‌ هه‌وڵدان بۆ كه‌مكردنه‌وه‌ی گازه‌ گوڵخانه‌ییه‌كان.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٣ لەم ژمارەیەدا:

ــ بوومەلەرزەی سیاسی
ــ لە خەبات دژ بە ئەپارتایدەوە بۆ ڕاسان
ــ ئەمن چی بكەم، خۆتان دروستی بكەنەوە
ــ دانیشتن لەگەڵ ئۆپۆزیسیۆنی ئێرانی و چەند سەرنجێک