• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢١ی نوامبری ٢٠١٧ی زایینی - ٣٠ی خەزەڵوەری ١٣٩٦ی هەتاوی  

ڕەوتی دەستبەسەرکردنی بەهائیەکان لە ئێران بەردەوامە

زایینی: ١٦-١١-٢٠١٥ - هەتاوی: ١٣٩٤/٠٨/٢٥ - ١١:٤٧ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
ڕەوتی دەستبەسەرکردنی بەهائیەکان لە ئێران بەردەوامە
کوردستان میدیا: لە درێژەی ڕەوتی دەستبەسەر کردنی بەهائیەکان لە ئێراندا، لانیکەم ١٦ شارۆمەندی بەهائی لە لایەن هێزە ئەمنیەتییەکانەوە دەستبەسەر کران.

بەپێی ڕاپۆرتی ئاژانسی هەواڵی هێرانا، سەرلەبەیانیی دوێنێ یەکشەممە ٢٤ی خەزەڵوەری ١٣٩٤ی هەتاوی، لانیکەم ١٦ هاووڵاتیی بەهائی لە ٣ شاری تاران، مەشهەد و ئەسفەهان لە لایەن هێزە ئەمنیەتییەکانەوە دەستبەسەر کراون.

بەپێی ڕاپۆرتی هەمان سەرچاوە، سەهبا فەرنووش، نگار باقری، نەوا مۆنجەزێب، یاوەر حەقیقەت، نەوید ئەقدەسی و هێلیا موشتاق لە تاران، کەیوان و پەروین نیک ئایین، یەگانە ئاگاهی، مەتین جانمیان، عەرشیا ڕووحانی و نەوید هێمەت لە ئیسفەهان و ساناز ئێسحاقی، نیکا پاکزادان، فەرزانە دانشگەری و نەغمە زەبیحییان لە مەشهەد، ئەو ١٦ شارۆمەندە دەستبەسەر کراوەن کە هەتا ئيستا نێوەکانیان بڵاو کراوەتەوە.

تا هەنووکە، تاوان و شوێنی ڕاگرتنی ئەم هاووڵاتییانە ڕوون نییە.

شایانی باسە کە ئایینی بەهائیەت لە لایان "میرزا حوسێن‏عەلی نووری" ناسراو بە "بهاءالله" لە سەدەی ١٩ هەمی زایینی‏دا لە وڵاتی ئێران بنیات نرا. پەیڕەوانی ئەم ئایینە بڕوایان بەوە هەیە کە بهاءالله (١٨١٧ - ١٨٩٢)، نوێ‏ترین نێردراوی ئیلاهیی لە پاش پێغەمبەرانێک وەکوو ئیبراهیم، مووسا و بوودا و زەردەشت و مەسیح و محەممەدە. ڕێژەی باوەڕداران بەم ئایینە بە ٧ میلیۆن و ٨٠٠ هەزار کەس خەمڵێندراوە. ناوەندی جیهانیی بەهائیەکان لە شاری "حەیفا"ی وڵاتی ئیسراییلە.

ئەم ئایینە کە بە پێی پەرەسەندوویی لە وڵاتە جیاوازەکاندا، پاش ماسیحییەت بە دووهەمین ئایینی دنیا دەژمێردرێت. پەیڕەوانی بەهائییەت لە ئێرانی ژێر دەسەڵاتی کۆماری ئەسلامیدا لەژێر زەخت و گوشارێکی لەڕادەبەدەردان و ئایینەکەیان ڕێگەپێ‏نەدراوە.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٢ لەم ژمارەیەدا:

ــ شکستی کەرکووک کۆتایی ڕێگا نییە!
ــ ڕەوایی چەک و ڕەوایی خەڵکی
ــ ئیمپراتوریی نافەرمی ئێرانی
ــ دەسەڵات و کۆمەڵگا