• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٤ی ئاوریلی ٢٠١٨ی زایینی - ٠٤ی بانەمەڕی ١٣٩٧ی هەتاوی  

ئیسماعیل بێشکچی: تەنیا ڕێگەی پاراستنی مافی کورد، ڕاگەیاندنی دەوڵەتی سەربەخۆیە

زایینی: ٢٦-١١-٢٠١٥ - هەتاوی: ١٣٩٤/٠٩/٠٥ - ١٦:٤٦ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
ئیسماعیل بێشکچی: تەنیا ڕێگەی پاراستنی مافی کورد، ڕاگەیاندنی دەوڵەتی سەربەخۆیە
کوردستان میدیا: هەیئەتێکی حیزبی دێموکراتی کوردستانی ئێران لە ڕێوڕەسمی دامەزراندنی ناوەندی ڕۆشنبیریی ئیسماعیل بێشکچی کەسایەتیی کۆمەڵناسی تورک، لە شاری هەولێر بەشداریی کرد.

بەپێی هەواڵی گەیشتوو بەماڵپەڕی کوردستان میدیا، ڕۆژی چوارشەممە ڕێکەوتی ٤ی سەرماوەزی ١٣٩٤ی هەتاوی، هەیئەتێکی حیزبی دێموکراتی کوردستانی ئێران بە سەرپەرستیی "کەریم پەرویزی" ئەندامی دەفتەری سیاسیی حیزبی دێموکراتی کوردستانی ئێران لە ڕێوڕەسمی دامەزراندنی ناوەندی ڕۆشنبیریی ئیسماعیل بێشکچی کە لە ساڵۆنی پێشەوادا بەڕێوە چوو، بەشداریی کرد.

سەرەتای دەستپێکی ئەو ڕێوڕەسمە بە سروودی "نەتەوەیی ئەی ڕقیب" دەستی پێکرد.

هەواڵنێری ماڵپەڕی کوردستان میدیا، لە شوێنی ڕێوڕسمەکەدا ڕایگەیاند کە ئەو ڕێوڕەسمە بە بەشداریی ژمارەیەکی بەرچاو لە حیزبە کوردستانییەکان، کەسایەتییە سیاسی و ئەدەبییەکانی کوردستان بەڕێوە چوو.
سەرەتا "ئیبراهیم گوربوز" سەرۆکی ئەنیستیتۆی ئیسماعیل بێشکچی چەند وتەیەژی پێشکەش کرد.
گوربوز لە قسەکانیدا باسی لەوە کرد کە ئەنیستیتۆی بێشکچی لە بوارەکانی وەرگێڕانی کتێبی کوردی سۆرانی بۆ کرمانجی و بە پێچەوانە لە کرمانجی بۆ سۆرانی، چاپ و بڵاوکردنەوەی کتێب، کۆکردنەوەی نووسەران و ئەدیبانی کورد و ناساندنی کلتوری کورد بە دنیای دەرەوەدا چالاکیی دەبێت.
ناوبراو لە درێژەدا باسی لەوە کرد کە هەموو بەشی ماڵییەکەی لە لایەن "یەعقووب سووت"ـەوە دابین کراوە و هەروەها سەرجەم ئەو کەسانەی لەو ئەنیستیتۆیەدا کار دەکەن کارەکەیان بە شێوەی خۆبەخشانەیە.
پاشان چەندین کەسایەتیی سیاسی و ئەدەبیی کورد، سەبارەت بە دامەزراندنی ناوەندی ڕۆشنبیریی ئیسماعیل بێشکچی لە شاری هەولێر چەند باسێکیان پێشکەش کرد.

لەو پێوەندییەدا، "نەوزاد هادی" پارێزگاری هەولێر ئەو کارەی وەزارەتی لاوان و ڕۆشنبیریی حکوومەتی هەرێمی کوردستانی بەرز نرخاند و لە درێژەی قسەکانیدا ڕایگەیاند کە بایەخدان بە هزر و بیری ئەدەبی و کلتوری کوردی، دەبێته هۆی ئەوەیکە نەتەوەکەمان لە دنیای ئەمڕۆدا زیاتر بناسرێت.

پاشان سەرۆکی ئاکادیمیای زمانی کوردی، باسێکی لە ڕێوڕەسمەدا پێشکەش کرد و لە قسەکانیدا ئاماژەی بەوە کرد کە زمانی کوردی ئەگەر تا ئێستا لە ناوچەیەکەدا کاری پێکراوە، دەبێ ئێمە هەوڵ بدەین کە زمانێکی هەمەلایەنەی کوردی بۆ نووسین دابمەزرێنین و لەژێر کاریگەریی هیچ هێز و لایەنێکی سیاسی نەبێت و ئەوەش بۆخۆی ئاسانکارییەکە بۆ دامەزراندنی دەوڵەتی کوردی.

لە کۆتایی ئەو ڕێوڕەسمەدا "ئیمساعیل بێشکچی" کەسایەتیی کۆمەڵناس و سیاسیی ‏دۆستی کورد، باسێکی پڕ ناوەرۆکی لەسەر زمان و ئەدەبی کوردی و کاریگەریی لەسەر بیری نەتەوەیی پێشکەش کرد.

بێشکچی لە وتەکانیدا ڕایگەیاند کە هێزی هەر وڵاتێک دوای هێزی نیزامی، هێزی زمان و کولتوورەکەیەتی و نەتەوەی کوردیش دەبێ زیاتر بایەخ بە زمان و ئەدەبی کوردی بدات.

ناوبراو لە درێژەدا وتی کە ئێمە دەبێ بۆ خۆمان چارەنووسی خۆمان بنووسین و هەرێمی کوردستانیش لە ڕێگەی وتووێژ لەگەڵ حکوومەتی بەغدا، مافی سەربەخۆیی خۆی بستێنێت چوونکە ئەوە مافی بێ‌ئەملاو ئەولای گەلی کوردە و حکوومەتی بەغداش ئەگەر ئەو مافە نەدات، ئەوە حکوومەتی هەرێمی کوردستان یەک لایەنە دەبێ سەربەخۆیی خۆی ڕابگەیەنێت. هەروەها باسی لەوە کرد کە باشترین ڕێگا ئەوەیە کە پارتی و یەکیەتی، وەکوو دوو هێزی سەرەکیی کورد لە باشوور بە ڕێکەوتننامەی ستراتژیکییاندا بچنەوە و لە سەر سەربەخۆیی کورد ڕێک بکەون، چوونکە تەنیا ڕێگای پاراستنی مافی کورد بۆ ئەوەی وەکوو نەتەوەیەکی یەکسان لەگەڵ نەتەوەکانی دیکە چاوی لێ بکرێ، ڕاگەیاندنی دەوڵەتی سەربەخۆیە.

بێشکچی لە کۆتاییدا خۆشحاڵی خۆی بۆ دامەزراندنی ئەو ناوەندە ڕۆشنبیرییە لە هەولێر دەربڕی و هیوای خواست کە لە داهاتوودا زیاتر بتوانێت لە بواری ئەدەبی و کولتووری خزمەت بە گەلی کورد بکات.

ئیسماعیل بێشکچی لەدایک بووی ٧ی ژانویەی ۱۹۳۹ی زایینی، لە ناوچەی ئیسکسلیپی سەر بە چۆرووم لە خێزانێکی تورک و بە دین حەنەفی لەدایک بووە و ناوبراو کەسایەتییەکی کۆمەڵناسی تورکە کە ماوەیەکی زۆر تەنها غەیرە کوردێک بوو کە هەموو ژیانی تەرخان کردووە بۆ پشتیوانی لە دۆزی کورد لە تورکیە و ڕۆژهەڵاتی ناوەڕاست. هەر بۆیە بە تورکی نازناوی "ساری هۆجا"ی لێنراوە، بە مانای "مامۆستا قژ زەردەکە". بێشکچی ئەندامی فەخریی دامەزراوەی PENە.

12687.jpg

12688.jpg

12689.jpg

12690.jpg

12691.jpg
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧٢٣ لەم ژمارەیەدا:

ــ نان، ئازادی، کەرامەتی ئینسانی
ــ تارمایی لە چاویلکەی فاشیزمەوە
ــ کۆڵبەر یان کۆڵنەدەر
ــ د.سەربەست نەبی: دەریای سپی بە هەناسەی ڕووسیه دەژمێردرێت
  • ئەدەبیاتی کوردی و کۆماری جیهانیی ئەدەبیات ئەدەبیاتی کوردی و کۆماری جیهانیی ئەدەبیات
    مێژووی سەرهەڵدانی ئەدەبی جیهانی لەلایەن پاسکال کازانۆڤا لە کتێبی کۆماری جیهانیی ئەدەبیات(ز١٣٩٢) سێ رەوتی فۆرم، گەشەسەندن و رەوتی کێبڕکێی نێودەوڵەتی لەخۆ گرتووە و هەر رەوتێکی لەگەڵ گۆڕانکاریی بنەڕەتی لە سەرهەڵدان و پەرەسەندنی زمانە رەسەنەکانی ئەورووپا لێکداوەتەوە و مانای کردۆتەوە.
  • د.سەربەست نەبی: دەریای سپی بە هەناسەی ڕووسیه دەژمێردرێت د.سەربەست نەبی: دەریای سپی بە هەناسەی ڕووسیه دەژمێردرێت
    مەسەلەی عەفرین جودایە لەگەڵ ئەو مەسەلەیە؛ ئەجێندای سیاسیی گەورە لە پشت ئەو هێرشە هەبوو، بۆیە ئەورووپا ئامادە بوو هێرش بکات، بەڵام بۆ عەفرین نا.
  • کۆڵبەر یان کۆڵنەدەر کۆڵبەر یان کۆڵنەدەر
    ئەوەیکە لە گۆشە و کەناری وڵاتدا هێندێک خەمخۆری لەلایەن خەڵک یان خەڵکانێکدا دەبیندرێ یان هێندێک پێشکەوتن لە چەند بواری جیاجیادا دێتە ئاراوە، ئەوە هیممەت و بەرخۆدانی خەڵکە لە بەرامبەر کۆنەپەرەستی رێژیم و بە هیچ شێوەیەک پەیوەندی بە رێژیمەوە نییە .
  • \ "هوزمانەوەن" نمونەی بەرچاوی له نێوبردنی سروشتی کوردستان
    کاتێک ئێمه دەڵێین حکوومەته داگیرکەرەکانی کوردستان به بەرنامەیەکی داڕێژراو، سەرەکیترین سەرچاوەی ژیانی نەتەوەی کوردیان کردووەتە ئامانجی هێرشەکەیان، تەنیا له ڕووی هەستی خۆشەویستی خاک و کوردبوونەوە نییه، بەڵکوو لەم ڕاستایه‌دا بەڵگه ئەوەنده زۆره که تەنیا لێکوڵینەوەیەکی کورت دەتوانێ زۆر شت ڕوون بکاتەوە، بەڵام بەداخەوه لەم بوارەشدا ئێمەی کورد کەمکارییەکی ئێجگار زۆرمان کردووه.
  • دوژمنانی ئازادی چ ڕەوتە فیکرییەکیان بەدڵە دوژمنانی ئازادی چ ڕەوتە فیکرییەکیان بەدڵە
    ئەگەر ئاوڕێک لە مێژووی فەلسەفە و زۆربەی زانستە فیکرییەکان بدرێتەوە، هێندێ خاڵ بەرچاو دەکەوێت، کە وڵامی زۆربەی قەیرانە هزرییەکان دەدرێتەوە. ئەگەر لە بابەتێکدا دوو لایەن و هێڵی فیکری جیاواز دەکەونە ململانێیەوە، ئاکامەکەی یان دەبێتە هۆی بەزینی یەکیان، یان دەبێتە هۆی سەرهەڵدانی فکرێکی سێهەم کە ڕەنگە دڵخوازی هیچ لایەکیان نەبێت، بەڵام کۆتاییهێنەری ململانێیەکانە.
  • تارمایی لە چاویلکەی فاشیزمەوە تارمایی لە چاویلکەی فاشیزمەوە
    بنەماییترین تایبەتمەندییەکانی فاشیزم بریتییە لە پیرۆزمەندیی پەتی و سەرۆکێکی بێ هەڵە. لەلای فاشیستەکان ئەوەی هەمیشە وەک داردەست ئاپۆرەی پێ کۆنترۆڵ دەکرێ، تارماییەکی تۆقێنەرە کە بەپێی هەڵکەوتەیەکی تایبەت ئەم تارماییە لە شێوازی دوژمن، لایەن یان ئەگەرێک خۆی دەردەخات.
  • نان، ئازادی، کەرامەتی ئینسانی نان، ئازادی، کەرامەتی ئینسانی
    مرۆڤێك كه له هەژاریدا ڕاگیراوه، مرۆڤێك كه نكۆڵی له ناسنامه ئێتنیكی، ئایینی یان نەتەوەییەكەی دەكرێ یان دەكەوێته بەر تەوژمی سیاسەتی تواندنەوه و سووكایەتی پێكردن یان لەژێر ستەمی جنسیدا دەژی، مرۆڤێكه كه كەرامەتی لێ زەوت كراوه.
  • شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن
    گۆڕانکارییەکانی ناو کابینەی ترامپ و کاریگەرییان لە سەر سیاسەت و رووداوەکانی ناوچە، تەوەری گفتوگۆی ئەم ژمارەیەی رۆژنامەی کوردستانە لەگەڵ شەریف هەژاری، مامۆستای مێژوو لە زانکۆی سلێمانی، کە سەرنجتانی بۆ ڕادەکێشین:
  • پاژنەی ئاشیلی ڕێژیمی ئێران پاژنەی ئاشیلی ڕێژیمی ئێران
    لە دوو بابەتی پێشوودا، "شەڕی ئێران و ئیسرائیل"و بەشی یەکەمی "پاژنەی ئاشیلی ڕێژیمی ئێران"، هێڵی بەهێزی ڕێژیمی تاران (دەرەوەی سنوورەکان و کەڵک وەرگرتن لە ملیشیا و لایەنگرە شێعەکانی لە وڵاتانی ناوچە) و خاڵی لاوازی ئەو ڕێژیمە (خەڵکی ناڕازی و وەزاڵەهاتووی نێو شارەکانی ئێران) خرایە بەر باس و لێک درایەوە.
  • بێستوون، شوێنی خودای خوداکان بێستوون، شوێنی خودای خوداکان
    شاری بێستوون، یەکێک له شارەکانی کرماشانه که له باکووری رۆژهەڵاتی ئەو گەورەشاره جێگای خۆش کردووه و له سەر رێگای کرماشان - هەمەدان که سەردەمانێک پێتەختی ئیمپراتوری کوردان بوو، هەڵکەوتووه.
  • مانیفێستی ڕزگاری مانیفێستی ڕزگاری
    هەتا لاپەڕەکانی مێژووی کورد زیاتر هەڵدەدەینەوە، تابلۆی تراژێدیای کورد زیاتر دەردەکەوێت. لە پەنای ئەم تابلۆیە سەربوردەی قارەمانیەتی، فیداکاری، کاریگەری بلیمەت و ڕێبەرەکانمان لەسەر زیندوو مانەوەی کورد وەکوو نەتەوە زۆر ڕوونە. لە لایەک پرسیاری بۆچی تا ئێستا سەرنەکەوتووین دەبێتە خۆرەی مێشک، لە لایەک جێ داخە بۆچی ئەم ڕێبەرە زانا و لێهاتووانە بە ڕادەی پێویست لە لایەن تاکی کورد بەرجەستە نەکراون.
  • پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان
    ئەوان کۆتاییان بە کۆمار هێنا، بەڵام نەیانزانی ئامانجەکانی کۆمار و گیانفیدایی ڕێبەرەکانی، چ بەهایەکی مەزنن و چۆن بۆ نەوەکانی داهاتوو دەگوازرێنەوە، دوای حەفتاو یەک ساڵ لەو ڕووداوە، داستانی مەرگی سەربەرزانەی پێشەوا، هێشتا خاوەنی بەهێزترین وانەی خۆنەویستی، خەڵکویستی، ئازادیخوازی و سەرفرازییە و ئەوینێکی بەهێزیشە بۆ بە چۆکداهێنانی هەموو مەترسی و ناخۆشییەکان.
  • سووکایەتی، ئامرازی تواندنەوە سووکایەتی، ئامرازی تواندنەوە
    لە وڵاتێکدا کە چەند کەلتوور و نەتەوە و ئایینی جیاواز دەژین، حکوومەتی دەسەڵاتدار لەگەڵ هەڕەشە و دەرفەتی جۆربەجۆر بەرەوڕوویە؛ لەو جۆرە وڵاتانەدا، بەهۆی چەندنەتەوەیی و چەندکولتووری و پێکهاتەی ئاڵۆزی کۆمەڵگاوە، ژیانی کۆمەڵایەتی - سیاسی و هەروەها ئیدارەکردنی حکوومەت و دابەشکردنی دەسەڵات و سامان و ئیمتیازەکان لە نێو خەڵکدا ئەرکێکی ئاڵۆز و پڕمەترسییە، کە هەرجۆرە هەنگاو و کردارێک کە نیشان لە هەڵاواردن و بێبەشکردنی کەس و کەسانێک و پێکهاتەیەک بدا، دەبێتە هۆکارێک بۆ رووخانی ئێعتمادی خەڵک بەرامبەر بە دەسەڵاتدار و حکوومەت.
  • پانۆڕامای ساڵ پانۆڕامای ساڵ
    خوێنەرانی خۆشەویست، ڕۆژنامەی کوردستان وەک نەریتی ساڵانە لە دوایین ژمارەی ساڵدا پوختەیەک لە ڕووداو و هەواڵە گرینگە حیزبییەکانی ساڵ دەخاتە بەر دیدی ئێوەی ئازیز؛ لێرەدا بەشێک لەم هەواڵ و ڕووداوانە دەخەینە بەر چاوی ئێوەی هێژا: