• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٩ی فێڤریەی ٢٠١٨ی زایینی - ٣٠ی رێبەندانی ١٣٩٦ی هەتاوی  

هۆ پێشمەرگە

زایینی: ١٥-١٢-٢٠١٥ - هەتاوی: ١٣٩٤/٠٩/٢٤ - ١٧:٥١ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
هۆ  پێشمەرگە
مەلا برایمی مەجید پور

هۆ پێشمەرگە، هـۆ پـێشمـەرگە، هـەڵـۆی لـووتـکـەی چـیـای بـەرزی کـوردستانــم ، موژدە دەری ڕزگاریی گەل، پاڕێزەری گیان و ماڵ و ئاو و گڵ و نیشتمانم.

کام قەڵەمە کە بتوانێ ڕادەی غیرەت و توانا و لەخۆ بردوویی تۆ بۆ نەوەی نوێ بنووسێتەوە؟!کام زمانە کە بتوانێ نەبەرد و هەڵمەت و بوێری و خۆڕاگرییەکانت بگێڕێتەوە و شییان بکاتەوە؟! کامە دایکە وەک دایکی تۆ شانازی بە مەرگی جگەرگۆشەکەیەوە بکا و داستانی قـارەمانەتییەکانت بـۆ دەر و جیران و دەستە خوشکانی بگێڕێتەوە؟! کامە باوکە وەک باوکی تـۆ سەربـەرزانـە خـۆی وەکوو باوکی شەهید بناسێنێ و بە فیداکارییەکانی تۆ سەری بەرز بکاتەوە؟! کامە خوشکە وەک خوشکی تـۆ سروودی قارەمانیەتیت لـە شینگێڕییەکەت‏دا بـۆ گەل و دەستە خوشکانی دووپات و چەنـد پات بکاتەوە؟! کامە بـرا وەک بـراکەی تـۆ بە وەفاوە ڕێگەکەت بگرێ و لە دوژمن سڵ نەکاتەوە؟! کامە مرۆڤ وەک تـۆ بە مەرگەکەی نـاو و نـاوبانگ دەربکات و لـە مێژودا سەبتی بکا و لە دنیاشدا دەنگ بداتەوە؟! کام مەرگە وەک مەرگەکەی تۆ، بە هاتنی، سەرلەنـوێ زیندووت بکاتەوە و پێناسە و میدالیای قارەمانیەتیت بە بەرۆکت‏دا شۆڕ کاتەوە؟! کامە گەل هەیە وەک گەلی تۆ، بە تۆ پشت ئەستوور بێ و پشتیشت بگرێ بۆ گەیشتن بە ئامانجەکەت و بـۆ پارێزگاری لە سەر و ماڵی، بە تـۆ دڵنیابێ و پاڵی لێ داتەوە؟! کام شەرع‏زانێکی ڕاستەقینەی لـە خواتـرس هـەیـە کە مەرگی تـۆ، وەک نموونەی مەرگی یاوەرانی پێغەمبەر لێک نەداتەوە؟! کامە خاک لەو شوێنە پیرۆزترە کە خوێنت بـۆ ڕزگاریی ئـەو و لەسەر ئـەو ڕژاندوە؟! کام هێزی چەکدار هەیە لـە تـۆ ئیمانی بـەهـێزتـر و ورەبـەرزتـر بێ، کە بـۆ نـەجاتی گیانی هاوسەنگری بریندارت گیانی خۆت لەدەست داوە؟! کێ هەیە لە تۆ ڕۆح بەرزتر، کە بـۆ ڕزگاریی گەل و نیشتمان، ژیان و ژن و منداڵ و دایک و بابت بەجێ هێشتووە و وەلا ناوە؟! کام نووسەر هەیە کە بتوانێ ئەوەی شیاوی مەزنیی و بـەرزیی تۆیە لە کتێبێکدا بـنووسێتەوە؟! کام هەڵبەستوانە کە تـوانیبێتی و بتوانێ وەکـوو پێویست حەماسەکانت لـە هـەڵبەستەکانـیـدا جـێ‏کاتەوە؟! کێ دەتـوانێ وەک تـۆ، ناوی بچێتە ناو لیستی ئەو مرۆڤە هەڵکەوتوانەی کە بوونە پێشەنگی خۆبەخشی، بۆ ڕزگاریی زێد و نەتەوەکەیان؟! کام مەفرەزەیە وەک تۆ، کە لە حاڵی ڕۆیشتن بـۆ شەڕی دوژمـن، بـیکاتە هـەڵپەڕکێ و بـەگۆرانـی دڵی هاوڕێیانی تری ڕوون و گەش بکاتەوە؟! بێگومان هەر خۆتی، خاوەنی ئـەو توانا و غیرەت و عەلاقە و لێبووردەییەی،کە بـەرزتـریـن پـلەی ئـازایەتی و مەردایەتی و بـەتـواناییت لـە مێژودا بـە ناوی خۆت سەبت کردووە. خۆ باسی نرخ و بایخ و جێگە و پێگەت لە ڕوانگەی ئیسلامەوە هەر ناکرێ، کە خوا بەڵێنی بەهەشتی پیداون و لە ڕیزی پەیامبەران و ساڵحاندا ناوتان هێندراوە.

بە وتەیەکی تر، وەک چۆن لە دنیادا بـۆ مـەرگ لە پێشەوە بـووی، لـە قیامەتیش پێشەنگی ئیماندارانی. با قسەی کۆنە ناسیاوێکی ئازەریت بۆ بگێڕمەوە؛ ئەو کابرایە لە منی ڕاسپاردبوو، دڵنیابن ئەگەر خائین و خۆفرۆشی خۆیی و دژایەتیی نێو خۆتان لێ‏بگەڕێ زوو سەردەکەون، چوونکە ئـەوڕۆ پێشمەرگەکانتان، هـاوسەنگەریان دەکوژرێ، سبەینێ شایی دەگرن و بەگۆرانی باسی فیداکارییەکەی دەگێڕنەوە.

ئێمە زیاتر لە هەزار ساڵە "حوسێن"مان لێ شەهیدکراوە، ئێستاش بە گریان و قوڕپێوان یادی دەکەینەوە!! ئەی پێشمەرگە! تـۆ ئەو کەسەی دنیات نەویستووە و سەربەرزیـی و کەرامەتت لەجێی داناوە، بۆیەشە ناوبانگی دنیا و ڕزگاریی ئەولاشت وەدەست هێناوە. تـۆ لە تاریکیی شەوەزەنگی دروستکراوی شەمشەممەکوێرەکاندا، چرای هیوات لە دڵی گەل‏دا هەڵکردووە. تـۆ ئەو ڕۆڵە کوردەی، ئەو دوژمنە زۆر و زەبەلاح و دڕندەیەت زراو بردوو و تۆقاندووتە. تـۆ ئەو ماندوونەناسەی لە بەرزترین چڕ و هەڵەمووت، تا سەرنەکەوتووی، نەوەستاوی.

بە شانازییەوە مەرگت ویستووە و نەدۆڕاوی. تۆ ئەو هێزەی، بۆیە چقڵی چاوی دوژمنانی و بەناو دۆستی نەزانیش، ئێرەییت پێ‏دەبەن و تانە و تەشەرت لێ‏دەدەن. تـۆ مـایەی سەربـەرزیی و شانازیی هەمـوو ئەویندارانی گەل و نیشتمانی. تـۆ ئـەو ڕۆڵـە بـەئـەمـەگەی سەرەڕای پڕوپاگەندەی دوژمنان و نەیارانی خۆیی! بـە دنیات سەلمانـدووە، نـەک هـەر لـە بـەرەنـگاریی و نـەبـەردی‏دا ئـازای، بـەڵـکوو لـە هـەبـوونی ئـەخلاقی شۆڕشگێڕانـە و مـرۆڤـدۆستی‏دا ئـازاتـری. دەگەڵ هـەمـووی ئـەوانـە و سەدان هـەزاری تریش، مـن داوای لێبووردنت لێ‏دەکەم، ئەوەی دەبێ بۆت بنووسم و پێتی بڵێم، ناتوانم نە بیخەمە سەر کاغەز و نە بە زمان بیڵێمەوە. سەربەرزم کە پیرە پیاوێکی هـاوسەنگەرتانم، بەیادتانەوە دەژیـم و هـەر بەو یادەشەوە دەمـرم و وەک مام ‌هەژاری ڕەحمەتی کوتویە: "لەو دنیاش بۆتان تێ‏هەڵدەچـمـەوە".

پێشکەش بە ڕۆحی پاکی شەهیدان و هەموو پێشمەرگەکان و سەرجەم گەڵی کوردستان.

ناوەڕۆکی ئەم بابەتە را و تێبینیی نووسەرە و ماڵپەڕی کوردستان میدیا لێی بەرپرسیار نییە
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.