• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٩ی ژانویەی ٢٠١٨ی زایینی - ٢٩ی بەفرانباری ١٣٩٦ی هەتاوی  

"خوایە وەتەن ئاوا کە چەند دڵگیر و شیرینە" لە حەفتاساڵەی یادی کۆماردا بەرەو کۆمارێکی دیکە

زایینی: ٢٤-٠١-٢٠١٦ - هەتاوی: ١٣٩٤/١١/٠٤ - ١٧:٤٥ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
مەجید حەقی

حەفتا ساڵ بەسەر دامەزراندنی یەکەم کۆماری مێژووی کوردستان، بە سەرۆکایەتی پێشەواقازی محەممەد و ڕێبەریی حیزبی دێموکرات تێپەر دەبێت. لە دووی ڕێبەندانی ساڵی ١٩٤٦دا، بەکەڵک وەرگرتن لە هەلومەرجی نێوخۆیی و نێونەتەوەیی ڕۆژهەڵاتی کوردستان، شەش مانگ دوای دامەزراندنی حیزبی دێموکرات، یەکەم کۆماری کوردی، لە سەر بنەمای حکوومەتێکی ئەمڕۆیی، دێموکرات و شکاندنی تابۆ پێوەندیدارەکان بەوەی کە کورد ناتوانێت ببێتە خاوەنی دەوڵەتی خۆی، دامەزرا. کۆماری کوردستان لە ماوەی یازدە مانگی تەمەنی پڕلە شانازیی خۆیدا، بەردی بناغەی ناسنامەی کوردستانی و ناسیۆنالیزمی پێشکەوتوو و هۆمانیزمی بزاڤی نەتەوایەتیی دامەزراند بۆ نەتەوەی کورد: هێمنایەتی و ئاسایش، دامەزراندنی هێزێکی یەکگرتوو و سازماندراوی چەکداری بۆ بەرگری لە کۆمار لە ژێرناوی هێزی پێشمەرگە، دامەزراندنی سیستمی پەروەردە و فێرکردن، هاندانی ژنان بۆ بەشداری لە چالاکیی سیاسی و کۆمەڵایەتی‏دا، بەرزکردنەوەی ئاستی ژیانی خەڵک و کردنەوەی دەروازەکانی بازرگانی و گەشەسەندنی ئابووری، پێکهێنانی دیالۆگ و هاوسازی لە گەڵ نەتەوەکانی دراوسێ، داهێنانی سەمبۆلە نەتەوایەتییەکانی وەک ئاڵای کوردستان و سروودی نەتەوایەتی، دژایەتی لەگەڵ فاشیزم و سیستمە دیکتاتۆرییەکان و ڕێزگرتن لە بنەماکانی مافی مرۆڤ و گەشەسەندنی وێکگەیشتنی کۆمەڵایەتی، ئەو دەسکەوتانەن کە ئێستاشی لەگەڵ بێت، بەردی بناغەی بایەخە گشتییەکانی خەباتی نەتەوایەتیمانن.

هەرچی لە مێژووی دامەزراندنی کۆماری کوردستان دوورتر دەکەوینەوە، نرخ و بەهای ئەو کۆمارە لە بناغەدانانی ناسنامەی نەتەوایەتیی مۆدێڕن بۆ کورد بەرزتر دەبێتەوە و ئاواتەکانی کۆمار گشتگیرتر دەبن. سەرکەوتن و گەیشتن بە ئاواتەکان لە نەوەیەک دوورترنیە. نەسڵی ئێمە دەبێ هەوڵێکی جیددی بدات بۆ ئەوەی خەباتی ئێمە بە ئاکام بگات بۆ ئەوەی وڵاتێکی ئازاد پێشکەشی نەوەکانی داهاتوو بکەین. ئەگەر ئەمڕۆ بە یەکگرتوویی خۆمان وەسیەتی پێشەوا قازی محەممەد بەجێ نەگەیەنین، دەبێ ساڵهای ساڵ مناڵەکانمان و مناڵی مناڵەکانمان قوربانی بدەن بۆ گەیشتن بە ئازادی. ئەو کات ئێمە و ڕێبەرانی ئێمە شەرمەزاری مێژوو و نەوەکانمان دەبین. حەفتا ساڵ دوای دامەزراندنی کۆماری کوردستان، ئەو ژینگەیەی کە حیزبی دێموکرات و کۆماری کوردستان تێدا دامەزراون، ئاڵوگۆڕی بنەڕەتیی بە خۆیەوە بینیوە. لە ڕووی سیستمی ژینگەییەوە، ئەمڕۆ بەپێچەوانەی سەردەمی کۆمار، زیاتر لە ٧٠%ی خەڵکی کوردستان، شارنشینن. بە هۆی گەشەکردنی کۆمەڵایەتی، ئابووری و کاناڵەکانی ڕاگەیاندن: کۆمەڵگای کوردی ئەو کۆمەڵگایە یەک ڕەنگ، یەک ڕەهەند و هاوشێوەیەی حەفتا ساڵ لەمەوبەر نیە. سەرانسەری مێژووی هاوچەرخی کورد بریتی بووە لە داپڵۆسان، سەرکوت و قەڵاچۆ و داگیرکران لە لایەن داگیرکەرانی ناوچەییەوە و ئەو سەرکوتە کرۆنۆلۆژیکە بووەتە هۆی گەشەسەندنی کولتوورێکی نەخۆش و تراوما بە کۆمەڵەکان کە لە ئەنجامدا مرۆڤی کورد بە دەست قەیرانی بڕوا و بڕوابەخۆنەبوون دەناڵێت.

قەیرانێک کە وەک گرێی شێرپەنجە بەربووەتە ڕیزی حیزب و ڕێکخراوەکانی کوردی و لە سەردەمێکدا کە باشترین هەل بۆ کورد ڕەخساوە، حیزبەکانی کوردستان بە دەستی خۆیان هەموو دەرفەتەکان لەدەست خۆیان دەدەن و هەر هەنگاوێکی لایەنە بەرامبەرەکان لە پێناو چاکتر کردنی ڕەوشەکە، دەکەنە قوربانیی ڕق و قینی تۆڵەئەستێنەرانە و ئێگۆییزمی سیاسیی خۆیان.

حیزبی دێموکرات، حیزبی دامەزرێنەری کۆماری کوردستان، کە سەردەمێک تاقانە حیزب و سەرچاوەی هێز و ورە بۆ بەشەکانی دیکەی کوردستان بوو، بە هۆی نەسازان لە گەڵ جیاوازییەکانی نێوکۆمەڵگا و قەبووڵ نەکردنی جیاوازییە نێوخۆییەکان و بنەماکانی یەکتر قبووڵ کردن، لەکاتێکدا بەرەو یادی حەفتا ساڵەی کۆماری کوردستان دەڕوات، کە نزیک بە دە ساڵە جیابوونەوەیەکی جەرگبڕ و ماڵوێرانکەر بەسەریدا سەپاوە و سەرەڕای دروشمەکانی لایەنەکان، ئاسۆی یەکگرتنەوە و دووبارە وەسەریەک خستنەوەی ڕیزەکانی ئەو حیزبە، هەروا دوورتر و چراکانی پێکەوە ژیان، کزتر دەبیندرێن.

یەکێک لە هۆیەکانی ڕووخانی کۆماری کوردستان، دووبەرەکی و دوژمنایەتیی نێوخۆیی کوردان بوو، بۆیە پێشەوا قازی محەممەد لە "وەسیەتنامەی" خۆیدا بانگی گەلی کورد دەکات بۆ یەکگرتوویی و پشتیوانی لە یەکتر. ئەمڕۆ حەفتا ساڵ دوای ئەو مێژووە لە پلەی یەکەمدا، ئەرکی سەرشانی ڕێبوارانی پێشەوا و حیزبی دێموکراتە کە وەدیهێنەری وەسیەتی پێشەوا بن و بە کردەوە بسەلمێنن ڕێبواری ڕاستەقینەی ڕێبەرانی خۆیانن. لە حەفتا ساڵەی دامەزراندنی کۆماری کوردستاندا جێی خۆیەتی دووبارە بگەڕێینەوە سەر هێلی یەکەم و بنەما ئەخڵاقییەکانی خۆمان، کە بریتی بێت لە بایەخە مرۆڤیەکان، سەرنجدانی تێگەیشتووانە لە مرۆڤایەتی، دادپەروەریی کۆمەڵایەتی، هاوکاریی و پێکەوە کارکردن، ڕاستگۆیی و کردەوەی هاوتەریب لەگەڵ دروشمەکان، لەبەرچاوگرتنی مافی هەموو ئەوانەی کە وەک خۆمان بیرناکەنەوە، لەبەرچاوگرتنی بنەماکانی تایبەتمەندییەکانی مرۆڤی دێموکرات و ڕێزگرتن لە پرەنسیپەکانی پاراستنی کەڕامەتی مرۆڤ.

مەرجی بەرەوپێشچوون و ڕێکخستنی دووبارە، کەڵک وەرگرتنێکی بەهینەیی و ئۆپتیماڵە لە سەرمایە و تواناییەکانی نێو کۆمەڵگا و وێکخستنەوەی هێزەکان لە چوارچێوەی لانی کەمی بەها هاوبەشەکان. حەفتا ساڵ دوای دامەزراندنی کۆماری کوردستان، بزاڤی کورد لە ڕۆژهەڵاتی کوردستان، پێویستی بە ستراتێژیی درێژخایەن و کورت خایەنی هاوبەش هەیە، بۆئەوەی بەرپرسایەتی و ئەرکی سەرەکیی بزاڤ، کە بریتی بێت لە چارەسەریی پرسی کورد لە ڕۆژهەڵاتی کوردستان، بە شێوەیەکی گونجاو جێبەجێ بکرێت. لەو پێناوەدا دەبێ هەموو بەشەکانی خەباتی نێوخۆیی، دەرەکی و هێزی پێشمەرگە و حیزبە سیاسییەکان، وەک تەواوکەری یەکتر و نەک ئاڵترناتیڤی یەکتر، ببیندرێن و سەرمایە سیاسی، کولتووری و مرۆڤییەکانی کورد، بەرەو یەکگرتووییەکی دێموکراتیک و فرەچەشن ڕێبەریی بکرێت. بێگومان ڕەچاوکردنی بەرژەوەندیی درێژخایەنی نەتەوایەتی، دەتوانێت سوودمەند بێت بۆ بەرژەوەندییە گرووپی و حیزبییەکانیش.

لە یادی حەفتا ساڵەی دامەزراندنی کۆماری کوردستاندا و لە پێناو هەنگاوێکی نوێ و وەدیهێنانی خەونە گشتییەکانمان، حیزب وڕێکخراوە کوردستانییەکان پێویستە:
١. حیزب و ڕێکخراوەکانی کوردستان و ڕێبەرانیان خۆیان گەورەتر لە چوارچێوەی سنووری حیزبی، ناوچەیی، جوغرافیایی چالاکیی خۆیان ببینن و ببنە خاوەنی بیری ڕاهبۆردی و ستراتێژیی یەکگرتووخوازانە لە پێناو بەدەستهێنانی سەرکەوتنی گەورەتر. کاتی ئەوە هاتووە قەوارە کۆنەکان هەڵوەشێنرێنەوە و قەوارەیەکی نوێی ڕێکخراوەیی و خەبات بە لەبەرچاوگرتنی فرەڕەنگیی کۆمەڵایەتی، پێوەندییە جیهانییەکان دابڕێژرێت.

٢. ڕێبەران و بڕیاردەرانی سەرەکیی بزاڤی نەتەوایەتی کورد، با ویست و ئیرادەی خۆیان بەکار بێنن بۆ ئەوەی دروشمەکانیان بکەن بە کردەوە و لە پێناو ئازاد کردن و چالاک کردنی هێز و وزەی یەکگرتووی هەموو چین و توێژەکانی نەتەوەی کورد لە ڕۆژهەڵات، بەبڕیار بن بۆ وێکگەیشتنی سیاسیی و کۆمەڵایەتی و پێکهێنانی ڕێبەرییەکی هاوبەش و بەشدارانە.

لەو پێناوەدا دەبێ هەنگاوەکان دەروەست (متعهد) و خاوەن ئامانجی دیاریکراو و شەفاف بن.

با کار بکەین بۆ گۆڕینی بنەڕەتیی خۆمان لە پێناو وەدیهێنانی وەسیەتی پێشەوا قازی محەممەد، یەکەم سەرۆک کۆماری کوردستان.

ناوەڕۆکی ئەم بابەتە را و تێبینیی نووسەرە و ماڵپەڕی کوردستان میدیا لێی بەرپرسیار نییە
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٦ لەم ژمارەیەدا:

ــ دەنگی راسانی گەلان نابیستن
ــ خەباتی ڕۆژهەڵات بەردەوامە
ــ خۆپێشاندانەکانی ئێران و پرسی کورد
ــ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
  • شەپۆلەکانی شار شەپۆلەکانی شار
    شەپۆلەکانی شار پڕە لە هەست و سۆزی نیشتمانپەروەری و نەخشێنەری ئەو جووڵە و راچەنینانەیە کە لە نێو کۆمەڵی کوردەواریدا بە نهێنی و دوور لە چاوی داگیرکەر، بەردەوام لە گەشە و هەڵچووندان.
  • تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە
    دەقی وتووێژی کاک تەیموور مستەفایی، ئەندامی دەفتەری سیاسیی حیزبی دێموکراتی کوردستانی ئێران و بەرپرسی کۆمیسیۆنی تەشکیلاتی حیزب لەسەر خۆپێشاندانە سەرانسەرییەکانی ئێران و بڵاوکردنەوەی ڕاگەیەندراوی ئەم کۆمیسیۆنە لەم پێوەندییەدا، لەگەڵ تەلەفزیۆنی تیشک.
  • کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
    خوێنەرانی بەڕێزی "کوردستان"، سەبارەت بە دوایین بارودۆخی ئێران و کوردستان و هەروەها نەخش و دەوری کورد و حیزبی دێموکرات لە هاوکێشەکاندا، ماڵپەڕی "کوردستان میدیا" وتووێژێکی لەگەڵ بەڕێز "کاوە ئاهەنگەری" چاودێری سیاسی و ئەندامی حیزبی دێموکرات ئەنجام داوە کە لێرەدا دەخرێتە بەر دیدی ئێوەی خۆشەویست.
  • ئێمە و وێژمانەکانی داگیرکراوی و هەڵاوێردراوی ئێمە و وێژمانەکانی داگیرکراوی و هەڵاوێردراوی
    ئەم گوتارە ئەگەرچی لای گرووپ، ڕێکخراو و حیزبی سیاسیشەوە هەڵگیراوە، بەڵام بەوپێیەی کە ئەم دامەزراوەگەلە لە عەرزی واقیعدا کار دەکەن و پێویستیان بە دانوستان و دانیشتن و وەرگرتنی پووانی جیاواز هەیە، ئەم ڕێکارەیان هەتا ئیستە تا رادەیەک پاساو هەڵگرە؛ وەکوو تر لە ئاستی یەکانگیریی نەتەوایەتی و دینامیزمی کۆمەڵایەتییەوە هەندێک خەساریشی هەبووە کە لێرە ناگونجێ بەسەریاندا بێینەوە.
  • کۆمەڵگەی ئازاد لە سێبەری دێموکراسیدا کۆمەڵگەی ئازاد لە سێبەری دێموکراسیدا
    "ژان ژاک ڕۆسۆ"یش لە وتارێکیدا بە ناوی "ڕێککەوتنی کۆمەڵایەتی" دەقەکەی بەم ڕستەوە دەست پێ دەکات: "مرۆڤ سەرەڕای ئەوەیکە بە سەربەستی لە دایک دەبێت، بەڵام لە هەموو شوێنێکی ئەم دنیادا بندەست و دیلە".
  • خۆپێشاندانەکانی ئێران و پرسی کورد خۆپێشاندانەکانی ئێران و پرسی کورد
    لەو قۆناغەدا کە هێزەکانی رێژیم باوەڕیان بە خۆیان نەماوە و ترسی رووخان هێزی سەرکووتکەری بێ هیوا کردووە، راسانی شارەکانی کوردستان دەتوانێ زۆرترین دەسکەوت و کاریگەریی هەبێ. ئەوە دەرفەتێکە کە گەلی کورد دەتوانێ بۆ پێشخستن و نزیک بوونەوە لە ئامانجەکانی، کەڵکی شیاوی لێ وەربگرێ؛ بە تایبەتی کە لە قۆناغی نوێی خەباتدا، هۆشیاری نەتەوەیی و بەرینایی خەبات لە جاران بەرزتر و بەربڵاوترە.
  • پیلانەکانی بەسیج لە نێو زانکۆکانی کوردستاندا پیلانەکانی بەسیج لە نێو زانکۆکانی کوردستاندا
    لەم نێوانەدا، بەسیج، وەکوو ئامرازی سیخوڕیی حکومەت بەکار براون. بەسیج لە هەموو فەرمانگەیەکی حکومەتی و ناحکومەتی و لە واتایەکی بەربڵاوتر: لە هەموو شوێنێکدا وەکوو ڤایرۆسێک بڵاوبووەتەوە. قوتابخانەکان و زانکۆکانیش لە فیلترینی ئەم شوێنانەن. بەسیجی کوردیش، یان خۆماڵیتر بڵێم: جاشە کوردەکان، وەک باقی بەسیجییەکانی ئێران، ئەرکی تایبەتیان پێ ڕادەسپێردرێت کە بەرچاوترینیان، فرۆشتنی نیشتمان و هاوزمانەکانیانە.
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    زلهێزەکان هاتن و بێ لەبەرچاوگرتنی مافی گەلان، نەخشەی ناوچەکەیان گۆڕی؛ لە ئاکامی ئەم داڕشتنە نوێیە یەکلایەنە و نادادپەروەرانەشدا، هەندێک لە نەتەوەکان لە مافی دامەزرانی دەوڵەتی خۆیان بێبەش کران کە بەرچاوترینیان نەتەوەی کورد بوو. کورد بوو بە یەکەم قوربانی ڕەوتی نوێی نادادپەروەرانەی مێژوو، تەنیا لەبەر ئەوەیکە دروست بوونی دەوڵەتێکی کوردی لەگەڵ بەرژەوەندی ئەم زلهێزانە یەکی نەدەگرتەوە.
  • دەنگی راسانی گەلان نابیستن دەنگی راسانی گەلان نابیستن
    لە رۆژی ٧ی بەفرانباری ١٣٩٦ی هەتاوی و لە دوایین رۆژەکانی ساڵی ٢٠١٧ی زانییندا، بزاڤی مافخوازیی نەتەوەکان و خەڵکانی ئێران دوای چەندین و چەند کۆبوونەوەی ناڕەزایی دەربڕین، وەکوو ڕووبارێکی بەلرفە، بەنداوی کۆت و بەندی هەمەڕەنگی ڕێژیمی رووخاند و لافاوێکی سەرتاسەریی لە ئێراندا وەڕی خست.
  • لوقمان ئەحمەدی: هۆکاری سەرەکی ناسەقامگیری و شەڕ لە ڕۆژهەڵاتی ناویندا گرێدراوە بە بوونی فرە جەمسەری و نەبوونی هاوسەنگی هێز لە لایەک و ڕەقابەتی نێوان وڵاتانی ڕۆژهەڵاتی ناڤین و بەکارهێنانی ئەم شەڕ و ئاڵۆزیانە لە لایەن ئێلیتەکانی نێو وڵاتانی بەشدار بۆ پارستنی لوقمان ئەحمەدی: هۆکاری سەرەکی ناسەقامگیری و شەڕ لە ڕۆژهەڵاتی ناویندا گرێدراوە بە بوونی فرە جەمسەری و نەبوونی هاوسەنگی هێز لە لایەک و ڕەقابەتی نێوان وڵاتانی ڕۆژهەڵاتی ناڤین و بەکارهێنانی ئەم شەڕ و ئاڵۆزیانە لە لایەن ئێلیتەکانی نێو وڵاتانی بەشدار بۆ پارستنی
    زلهێزەکانی جیهان، بە تایبەت ڕوسیە و ئامریکا دەیانهەوێ پارسەنگێکی هێز لە ڕۆژهەڵاتی ناوین پێکبهێنن کە سەقامگیر بێ و تێیدا بەرژەوەندی و نفوزی خۆیان پارێزراو بێ. رۆڵی ئامریکا و روسیە چارەنووسساز دەبێ بۆ بارودۆخی داهاتووی ناوچەکە، ئەگەر یەک یان هەردوو لەم وڵاتانە گەرەنتی سەقامگیری و پارسەنگی هێز بدەن بە هاوپەیمان و دۆستەکانی خۆیان لە ناوچەکە ئەو کات ئیمکانی هەیە شێوەیەک لە سەقامگیری دروست بێ.
  • ئاو، کۆڵەکەی ستراتیژی داهاتووی کوردستان ئاو، کۆڵەکەی ستراتیژی داهاتووی کوردستان
    بنەمای گەشەی ئێران لە ڕووی جوغرافییەوە، لەسەر دوو پاژی ناوەندی _فارس و قەراغی _نافارس داندراوە، چون دەوڵەتی مۆدێڕن پێی وابوو تەنیا رێگەی مانەوەی، خوڵقاندنی یەک نەتەوەیە و لە پێناو ئەو ئامانجەش جوغرافیای پاشکەوتوو و پێشکەوتووی خوڵقاند.
  • کرماشان له پەنای بێپەناییدا کرماشان له پەنای بێپەناییدا
    ئەم دۆخە نالەبارە لەپاش زیاتر لە یەک مانگ، هاوکاتە لەگەڵ دەسپێکی سەرما و سۆڵە و بارینی بەفر؛ لەمبارەوە "ئەکبەر سەنجابی" فەرمانداری سەرپێڵی زەهاو باسی لە دۆخی نەشیاوی ژیانی هاووڵاتییان لە نێو خێوەتەکاندا کردووە و وتوویەتی: بەرپرسان دەبێ درک بە بارودۆخی لێقەوماوان بکەن؛ خەڵک بە دژوارییەوە لە ژێر خێوەتی ١٠ میتریدا دەژین!
  • دوکتور قاسملوو، بزاڤی راسیۆنالیزمی سیاسەت لە کوردستاندا دوکتور قاسملوو، بزاڤی راسیۆنالیزمی سیاسەت لە کوردستاندا
    ئەو تایبەتمەندییەی هزری سیاسی کە لە بۆڵەبۆڵ و تەنانەت خواستی سیاسیش جیای دەکاتەوە ئەوەیە کە سیستمێکی واتادارمان پێ دەبەخشێت کە کێشەی کورد لە پێوەندی لەگەڵ کێشەکانی دنیای مودێڕن و لە چوارچێوەی چەمک و دەستەواژەکانی تایبەت بەو دنیایە دووبارە پێناسە دەکاتەوە.
  • داهاتوی ڕەشی ئێران لە دەلاقەی بوودجەی ساڵی داهاتوودا داهاتوی ڕەشی ئێران لە دەلاقەی بوودجەی ساڵی داهاتوودا
    ئەگەر ئەرکی سپای قودس بە دەرکەوتنەکانی قاسم سلێمانی لە ناوچەدا هەژمار بکەین ڕوون و ئاشکرایە کە لە هەر کوێ شەڕ و نائارامی هەبێت، ناوبراویش لەوێیە؛ واتە سامانی وڵاتێکی وەک ئێران و کوردستان بۆ شەڕئەنگێزی و تیرۆر کەڵکی لێوەردەگیرێت و ئەوەش بەئاشکرا و بەیاسا دەیکەن.