• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٠ی ژانویەی ٢٠١٨ی زایینی - ٣٠ی بەفرانباری ١٣٩٦ی هەتاوی  

غونچه‌یه‌ک که‌ مژده‌ی به‌هاری پێیه!

زایینی: ٠٦-٠٨-٢٠١٢ - هەتاوی: ١٣٩١/٠٥/١٦ - ١٨:٣٨ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
غونچه‌یه‌ک که‌ مژده‌ی به‌هاری پێیه!
له‌ چه‌ند رۆژی رابردوودا پلینۆمی ئاخیری کۆمیته‌ی ناوه‌ندیی حیزبی دێمۆکراتی کوردستانی ئێران کۆتایی به‌کاره‌کانی خۆی هێنا. به‌ گوێره‌ی راگه‌یه‌نراوی ده‌فته‌ری سیاسی حیزب، کۆمیته‌ی ناوه‌ندی حیزب له‌و پلینۆمه‌دا، بۆ ته‌خت کردنی کۆسپه‌کانی سه‌ر ڕێگای به‌رین بوونه‌وه‌ و به‌هێز کردنی خه‌باتی جه‌ماوه‌ری، بۆ له‌نێو بردنی نالێکی و نابه‌سامانییه‌کانی نێو بزووتنه‌وه‌ی میللی دێمۆکراتیکی کوردستانی ئێران، بڕیاری داوه‌ هه‌نگاوی کاریگه‌ر هه‌ڵگرێ.


وه‌ک سه‌ره‌تایه‌ک له‌و رێگایه‌دا کۆمیته‌ی ناوه‌ندی ئاماده‌یی حیزبی ده‌ربڕیوه‌ راسته‌وخۆ له‌گه‌ڵ ئه‌و به‌شه‌ له‌ تێکۆشه‌رانی پێشووی حیزب بکه‌وێته‌ دیالۆگ و وتووێژ که‌ چه‌ند ساڵ له‌مه‌وبه‌ر بۆخۆیان ریزه‌کانی حیزبیان به‌جێهێشت و سه‌ربه‌خۆ له‌ ته‌شکیلاتی حیزب، درێژه‌یان به‌ کار و چالاکییه‌ سیاسییه‌کانیان دا.


ئه‌و هه‌واڵه‌ له‌ نێوخۆ و ده‌ره‌وه‌ی کوردستان و به‌ تایبه‌تی له‌ نێو کۆمه‌ڵانی خه‌ڵکی کوردستاندا، بوو به‌مایه‌ی خۆشحاڵی و شادمانی. له‌وه‌ش خۆشتر ئه‌وه ‌بوو که‌ هه‌واڵه‌کان ئه‌وه‌یان ده‌گه‌یاند که‌ ئه‌و بڕیاره‌ ده‌نگی هه‌موو رێبه‌رایه‌تی حیزبی له‌ پشته. یانی کۆمیته‌ی ناوه‌ندیی حیزب، به‌ پێچه‌وانه‌ی ئه‌و ده‌نگۆ و ته‌بلیغاته‌ ژاراوییه‌ی بڵاو ده‌بۆوه، هاوڕایی و کۆنسێنسوسی ته‌واوی له‌ سه‌ر ئه‌و مه‌سه‌له‌ هه‌یه.


له‌و پێوه‌ندیه‌دا سڵاو ده‌نێرم بۆ کۆمیته‌ی ناوه‌ندی حیزب و سه‌ری رێز و حورمه‌ت له‌ به‌رانبه‌ر ئه‌و ئیراده ‌و شه‌هامه‌ت و دلێریی سیاسییه‌دا داده‌نوێنم که‌ به‌و کاره‌ له‌ خۆیان و له‌ حیزبیان نیشاندا.


من ئه‌و هانگاوه‌ سیاسییه‌ گه‌وره‌یه‌ به‌ سه‌ره‌تای ده‌ست پێکردنی ئه‌و ره‌وته‌ داده‌نێم که‌ حیزبی دێمۆکراتی کوردستانی ئێران و هێزه‌ سیاسییه‌کانی دیکه‌ی گۆڕه‌پانی خه‌بات، بۆ سالم‌سازیی فه‌زا و مه‌یدانی خه‌بات له‌ رۆژهه‌ڵاتی کوردستان پێویسته‌ ده‌ستی پێ بکه‌ن. هه‌موو ‌هێزه‌ سیاسییه‌کانی کوردستان و سه‌رجه‌م که‌سایه‌تی و رێکخراوه‌کانی کۆمه‌ڵگای مه‌ده‌نی له‌و پێوه‌ندییه‌دا به‌رپرسایه‌تی میژوویی‌یان ده‌که‌وێته‌ سه‌رشان. ئێستا ئیتر ئه‌و هاوڕێیانه‌شمان که‌ به‌ هه‌ر هۆیه‌که‌وه‌ بووه‌ کاتی خۆی له‌ ته‌شکیلاتی حیزب دابڕان، له‌ باره‌گای بێروڕای گشتی خه‌ڵکی کوردستاندا له‌به‌رده‌م ئیمتیحانێکی گه‌وره ‌دان.


له‌و باره‌وه‌ ده‌بێ چه‌ند تێبینی له‌به‌ر چاو بگرین. یه‌که‌م ئه‌وه‌ که‌ قه‌بووڵ بکه‌ین کێشه‌یه‌ک هه‌بووه‌ و هه‌یه‌ که‌ ئه‌و وه‌زعه‌ی پێکهێناوه. دووهه‌م پێویسته‌ گه‌یشتبینه‌ ئه‌و قه‌ناعه‌ته‌ که‌ ئه‌وه‌ گیروگرفتی حیزب و بزووتنه‌وه‌ و هی هه‌موومانه‌ و ده‌بێ خۆشمان چاره‌سه‌ری که‌ین. ده‌بێ نیه‌تمان ئه‌وه ‌بێ ئه‌و پرۆسه‌یه‌ ئه‌گه‌ر ماوه‌یه‌کی زۆریش بکێشێ، سه‌ره‌نجام سه‌رکه‌وێ. نابێ وه‌ک ده‌ڵێن سیاسه‌ت له‌گه‌ڵ یه‌کتر بکه‌ین. ئامانج له‌و کاره‌ به‌هێز کردنی بزووتنه‌وه‌ی کوردستانه. حیزبی دێمۆکراتی کوردستانی ئێرانیش حیزبی هه‌موو کۆمه‌ڵانی خه‌ڵکی کوردستانه‌ و به‌تایبه‌تی هی هه‌موو ئه‌و که‌سانه‌یه‌ که‌ مایه ‌و هێز و توانا و ته‌مه‌ن و ژیان و وجوودی خۆیان تێدا به‌خت کردووه. قه‌باڵه‌ی ئه‌و حیزبه‌ به‌ ته‌نیا له ‌گیرفانی هیچ که‌سدا نییه. هه‌ر که‌س له‌و حیزبه‌دا تێبکۆشێ ده‌بێ جێگای شیاوی خۆی هه‌بێت. ته‌نیا خزمه‌تی زۆرتر، مایه‌ له‌خۆ دانانی زۆرتر و مه‌سئولییه‌ت قه‌بووڵ کردنی زۆرتره‌ ده‌بێ مه‌وقعیه‌تی هاوڕێیه‌کی حیزبی له‌ ته‌شکیلاتدا دیاری بکات. له‌ کاتێکدا به‌ره‌و بنیاتنانی سبه‌ینێیه‌کی نوێ و کردنه‌وه‌ی لاپه‌ڕه‌یه‌کی تازه‌ ده‌ڕۆین، ده‌بێ پێویستییه‌کانی ئێستا و سبه‌ینێی بزووتنه‌وه‌ و میلله‌ته‌که‌مان بخه‌ینه‌ ئه‌وله‌ویه‌ته‌وه. باخه‌وان بۆیه‌ باخ لێده‌دا و به‌ رۆح و گیان خزمه‌تی ده‌کا که‌ به‌ر بدا. پێوه‌ندی نێوان پرۆسه‌ و ئاکام و ئامانج و میتۆدی کار لێره‌دا زۆر گرنگه.


با تێکۆشین باخی پڕۆسه‌ی سالم‌سازیی سیاسه‌تی ئێمه‌ ئه‌و به‌ره ‌بدا که‌ ده‌مانه‌وێ. ئه‌و به‌ره‌ که‌ میلله‌ته‌که‌مان و بزووتنه‌وه‌که‌مان ده‌ی هه‌وێ و هه‌موومان هه‌ست به‌ زه‌روره‌ته‌که‌ی ده‌که‌ین. نه‌ک ئه‌وه‌ یان ئه‌و شته‌ که‌ من یان تۆ یان فڵان و فیسار که‌س و ده‌سته‌ و تاقم ده‌یان هه‌وێ. له‌ کاری ئاوادا که‌ خێری گشتی و میللی و نه‌ته‌وه‌یی تێدایه‌، هه‌رکه‌س گه‌وره‌یی و ئازایه‌تی و جوامێری و دلێری و مه‌وسئولیه‌تی زۆرتر له‌ خۆی نیشان بدا، ئه‌و له‌ باره‌گای ویژدانی گه‌ل و خه‌ڵکدا ڕووسورتره.


له‌مێژه‌ ده‌ڵێم له‌ خۆمان نائومێد نیم. به‌و وه‌زعه‌ ناله‌باره‌شه‌وه‌ که‌ تێی داین، قه‌ت له‌ خۆمان و له‌ رێبه‌رایه‌تی حیزب و تێکۆشه‌رانی حیزب نائومێد نه‌بووم و نیم. میژوو پێمان ده‌ڵێ له‌ مه‌وقعیه‌تی ئینسانیدا نائومێدی نییه. جاری وایه‌ ده‌بێ له‌ نێو ئۆقیانوسی نائومێدیدا ئومیده‌وار بین. شه‌و ده‌گاته‌ ئه‌وپه‌ڕی تاریکی خۆی جا گزنگی به‌ره‌به‌یان ده‌که‌وێته‌ سه‌ره‌تاتکێ. ئه‌و بڕیاره‌ی رێبه‌ری حیزب بۆ ده‌ست پێکردنی دیالۆگ به‌ مه‌به‌ستی هاتنه‌ده‌ر له‌وه‌ وه‌زعه، به‌سه‌ره‌تاتکێی گزنگی به‌یانی ئاڵوگۆڕ له‌ سیاسه‌تی کوردی له‌ کوردستانی ئێران له‌ قه‌ڵه‌م ده‌درێ.


من خۆشبینم و ئه‌و ئۆپتیمیزمه‌ش بناخه‌ی فه‌لسه‌فی و زانستی هه‌یه. له‌و گونده‌ جیهانییه‌ی که‌ ئێمه‌ی تێدا ده‌ژین، زانست و زانیاری و ئاگاهی وه‌ک هه‌وای ئازد به‌ هه‌موولایه‌کدا بڵاو ده‌بێته‌وه. زانست و زانیاری و ئاگاهیش شوێنه‌واری ئه‌رێنی له‌سه‌ر بیر و زه‌ینی مرۆڤ هه‌یه‌ و به‌سته‌ڵه‌کی بیر و ئیده‌ی سیاسی و فه‌رهه‌نگی ده‌کاته‌وه. ئاڵوگۆڕه‌کان زۆر خێرا روو ده‌ده‌ن. جیا له‌وه‌ ئه‌وه‌ش ده‌زانین که‌ ته‌نیا یه‌ک حه‌قیقه‌تی نه‌گۆڕ هه‌یه‌ که‌ هه‌میشه‌ ده‌مێنێته‌وه. ئه‌ویش ئه‌وه‌یه‌ که‌ هه‌موو شتێک له‌حاڵه‌تی گۆڕان دایه.


هه‌ر بارودۆخ و هه‌لومه‌رجێکی سیاسی و کۆمه‌ڵایه‌تی له‌ ئاکامی له‌ گۆڕێدا بوونی هه‌ندێک فاکتۆر و پاڕامێتر و هۆکاره‌وه‌ پێک دێ و درووست ده‌بێ. ئه‌گه‌ر ئه‌و فاکتۆر و پاڕامیتر و هۆکارانه‌ش گۆڕان، یان یه‌ک له‌وان یان چه‌ند له‌وان گۆڕان، ئه‌وه‌ بارودۆخه‌که‌ش ده‌گۆڕێ و هه‌لومه‌رجی تازه‌ دێته‌ کایه‌وه‌ که‌ پێویستی به‌ شتی تازه‌ هه‌یه‌ ومرۆڤ و حیزب و رێکخراوه‌ سیاسییه‌کان ده‌بێ خۆیانی له‌گه‌ڵ رێکخه‌ن. ده‌ش زانین که‌ هه‌موو توخمه‌کان له‌ گۆڕان دان که‌واته‌ مه‌وقعیه‌ته‌کانیش له‌ حاڵی گۆڕان دان. له‌ شیمیدا پله‌ی کڵپه‌گرتن هه‌یه‌. هه‌ر ماده‌یه‌ک بگاته‌ پله‌یه‌کی دیاری کراوی گه‌رمی کڵپه ‌ده‌گرێ.


جاری وایه‌ داب و نه‌ریتێکی باو هه‌یه‌ و پاش ماوه‌یه‌کی زه‌مانی ده‌بینین که‌ به‌ره‌به‌ره‌ ئاسه‌وارێکی لێ نامێنێ. ئه‌وه‌ ئاکامی ئه‌و ئاڵۆگۆڕه‌یه‌ که‌ هه‌مان نوخته‌ گۆڕانه‌. Tipping point که‌ باسم کرد ورده‌ورده‌ پێکدێ به‌مجۆره‌ دیارده‌ کۆمه‌ڵایه‌تی و سیاسییه‌کان ده‌گۆڕێن و پێشکه‌وتن و په‌ره‌سه‌ندنیش روو ده‌ده‌ن.


دیاره‌ که‌سانی واش هه‌ن له‌ فریزه‌ر و یه‌خچاڵی مێژوودا به‌ستوونی و ده‌بێ به‌حاڵی خۆیان وێڵیان که‌ین. با له‌ خه‌وی قووڵی ئه‌شکه‌وتی که‌هفی خۆیاندا هه‌ر پرخه‌یان بێ. ئه‌وانه‌ یان وه‌خه‌به‌ر دێن و سواری قه‌تاری زه‌مان ده‌بن و له‌گه‌ڵی ده‌ڕۆنه ‌پێش، یان ئه‌وه‌تا لێی به‌جێ ده‌مێنن. سیاسه‌ت و کۆمه‌ڵ ده‌ڕواته‌ پێش و له‌سه‌ر که‌س راناوه‌ستێ. هه‌رکه‌س توانای نه‌بێت له‌گه‌ڵ قه‌تاری پێشکه‌وتنی کۆمه‌ڵ بڕواته ‌پێش، ده‌که‌وێته‌ که‌نار و ئه‌گه‌ر زۆر شانسی هه‌بێت ده‌خرێته‌ مووزه‌خانه‌ و منداڵان پۆل پۆل له‌ قوتابخانه‌کان بۆ دیتن و لێ فێر بوونی دێنه‌ ته‌ماشای.


که‌واته‌ با گیروگرفتی تکنیکی له‌سه‌ر رێگای ئه‌و کاره‌ خێره‌ پێک نه‌یه‌نین و شه‌ڕی ئاست و هاوئاست و شتی وا له‌گه‌ڵ یه‌کتر نه‌که‌ین. خه‌ڵک و جه‌ماوه‌ری حیزب داوای یه‌کریزی تێکۆشه‌رانی دێموکراتمان لێ ده‌که‌ن. با ئه‌و ده‌رفه‌ته‌ بقۆزینه‌وه. شنه‌بای ئاڵوگۆڕ و دێموکڕاتیزاسیۆن رووی له‌ ناوچه‌ی رۆژهه‌ڵاتی نێوه‌ڕاست کرده‌وه‌ و ئێمه‌ش به‌شێکین له‌و ناوچه‌یه. به‌هاری ئێمه‌ش به‌رێوه‌یه‌ و با خۆی بۆ ئاماده ‌که‌ین. ئه‌و بڕیاره‌ی کۆمیته‌ی ناوه‌ندی حیزب غونچه‌یه‌که‌ نیشانه‌ی ئه‌و به‌هار و نه‌ورۆزه‌یه. با هه‌رکاممان ده‌ست بده‌ینه‌ خانه‌ته‌کانی و به‌ره‌و پیلی ئه‌و به‌هاره‌ بچین. که‌ به‌هار هات هه‌موو خه‌ڵک خانه‌ته‌کانی ده‌که‌ن. زۆر پێویسته‌ تێگه‌یشتنی ئه‌وه‌مان هه‌بێ که‌ هه‌موومان پێویستیمان به‌ خانه‌ته‌کانی له‌ بیر و ئه‌ندیشه‌ی سیاسی و ره‌فتاری سیاسیدا هه‌یه. وه‌ک کوردی رۆژهه‌ڵاتی کوردستان، سیاسه‌ت و فه‌رهه‌نگی کار و حیزبایه‌تیمان پێویستی به‌ خانه‌ته‌کانییه‌کی ئه‌ساسی هه‌یه.


ئیبراهیم لاجانی
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٦ لەم ژمارەیەدا:

ــ دەنگی راسانی گەلان نابیستن
ــ خەباتی ڕۆژهەڵات بەردەوامە
ــ خۆپێشاندانەکانی ئێران و پرسی کورد
ــ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
  • شەپۆلەکانی شار شەپۆلەکانی شار
    شەپۆلەکانی شار پڕە لە هەست و سۆزی نیشتمانپەروەری و نەخشێنەری ئەو جووڵە و راچەنینانەیە کە لە نێو کۆمەڵی کوردەواریدا بە نهێنی و دوور لە چاوی داگیرکەر، بەردەوام لە گەشە و هەڵچووندان.
  • تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە
    دەقی وتووێژی کاک تەیموور مستەفایی، ئەندامی دەفتەری سیاسیی حیزبی دێموکراتی کوردستانی ئێران و بەرپرسی کۆمیسیۆنی تەشکیلاتی حیزب لەسەر خۆپێشاندانە سەرانسەرییەکانی ئێران و بڵاوکردنەوەی ڕاگەیەندراوی ئەم کۆمیسیۆنە لەم پێوەندییەدا، لەگەڵ تەلەفزیۆنی تیشک.
  • کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
    خوێنەرانی بەڕێزی "کوردستان"، سەبارەت بە دوایین بارودۆخی ئێران و کوردستان و هەروەها نەخش و دەوری کورد و حیزبی دێموکرات لە هاوکێشەکاندا، ماڵپەڕی "کوردستان میدیا" وتووێژێکی لەگەڵ بەڕێز "کاوە ئاهەنگەری" چاودێری سیاسی و ئەندامی حیزبی دێموکرات ئەنجام داوە کە لێرەدا دەخرێتە بەر دیدی ئێوەی خۆشەویست.
  • ئێمە و وێژمانەکانی داگیرکراوی و هەڵاوێردراوی ئێمە و وێژمانەکانی داگیرکراوی و هەڵاوێردراوی
    ئەم گوتارە ئەگەرچی لای گرووپ، ڕێکخراو و حیزبی سیاسیشەوە هەڵگیراوە، بەڵام بەوپێیەی کە ئەم دامەزراوەگەلە لە عەرزی واقیعدا کار دەکەن و پێویستیان بە دانوستان و دانیشتن و وەرگرتنی پووانی جیاواز هەیە، ئەم ڕێکارەیان هەتا ئیستە تا رادەیەک پاساو هەڵگرە؛ وەکوو تر لە ئاستی یەکانگیریی نەتەوایەتی و دینامیزمی کۆمەڵایەتییەوە هەندێک خەساریشی هەبووە کە لێرە ناگونجێ بەسەریاندا بێینەوە.
  • کۆمەڵگەی ئازاد لە سێبەری دێموکراسیدا کۆمەڵگەی ئازاد لە سێبەری دێموکراسیدا
    "ژان ژاک ڕۆسۆ"یش لە وتارێکیدا بە ناوی "ڕێککەوتنی کۆمەڵایەتی" دەقەکەی بەم ڕستەوە دەست پێ دەکات: "مرۆڤ سەرەڕای ئەوەیکە بە سەربەستی لە دایک دەبێت، بەڵام لە هەموو شوێنێکی ئەم دنیادا بندەست و دیلە".
  • خۆپێشاندانەکانی ئێران و پرسی کورد خۆپێشاندانەکانی ئێران و پرسی کورد
    لەو قۆناغەدا کە هێزەکانی رێژیم باوەڕیان بە خۆیان نەماوە و ترسی رووخان هێزی سەرکووتکەری بێ هیوا کردووە، راسانی شارەکانی کوردستان دەتوانێ زۆرترین دەسکەوت و کاریگەریی هەبێ. ئەوە دەرفەتێکە کە گەلی کورد دەتوانێ بۆ پێشخستن و نزیک بوونەوە لە ئامانجەکانی، کەڵکی شیاوی لێ وەربگرێ؛ بە تایبەتی کە لە قۆناغی نوێی خەباتدا، هۆشیاری نەتەوەیی و بەرینایی خەبات لە جاران بەرزتر و بەربڵاوترە.
  • پیلانەکانی بەسیج لە نێو زانکۆکانی کوردستاندا پیلانەکانی بەسیج لە نێو زانکۆکانی کوردستاندا
    لەم نێوانەدا، بەسیج، وەکوو ئامرازی سیخوڕیی حکومەت بەکار براون. بەسیج لە هەموو فەرمانگەیەکی حکومەتی و ناحکومەتی و لە واتایەکی بەربڵاوتر: لە هەموو شوێنێکدا وەکوو ڤایرۆسێک بڵاوبووەتەوە. قوتابخانەکان و زانکۆکانیش لە فیلترینی ئەم شوێنانەن. بەسیجی کوردیش، یان خۆماڵیتر بڵێم: جاشە کوردەکان، وەک باقی بەسیجییەکانی ئێران، ئەرکی تایبەتیان پێ ڕادەسپێردرێت کە بەرچاوترینیان، فرۆشتنی نیشتمان و هاوزمانەکانیانە.
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    زلهێزەکان هاتن و بێ لەبەرچاوگرتنی مافی گەلان، نەخشەی ناوچەکەیان گۆڕی؛ لە ئاکامی ئەم داڕشتنە نوێیە یەکلایەنە و نادادپەروەرانەشدا، هەندێک لە نەتەوەکان لە مافی دامەزرانی دەوڵەتی خۆیان بێبەش کران کە بەرچاوترینیان نەتەوەی کورد بوو. کورد بوو بە یەکەم قوربانی ڕەوتی نوێی نادادپەروەرانەی مێژوو، تەنیا لەبەر ئەوەیکە دروست بوونی دەوڵەتێکی کوردی لەگەڵ بەرژەوەندی ئەم زلهێزانە یەکی نەدەگرتەوە.
  • دەنگی راسانی گەلان نابیستن دەنگی راسانی گەلان نابیستن
    لە رۆژی ٧ی بەفرانباری ١٣٩٦ی هەتاوی و لە دوایین رۆژەکانی ساڵی ٢٠١٧ی زانییندا، بزاڤی مافخوازیی نەتەوەکان و خەڵکانی ئێران دوای چەندین و چەند کۆبوونەوەی ناڕەزایی دەربڕین، وەکوو ڕووبارێکی بەلرفە، بەنداوی کۆت و بەندی هەمەڕەنگی ڕێژیمی رووخاند و لافاوێکی سەرتاسەریی لە ئێراندا وەڕی خست.
  • لوقمان ئەحمەدی: هۆکاری سەرەکی ناسەقامگیری و شەڕ لە ڕۆژهەڵاتی ناویندا گرێدراوە بە بوونی فرە جەمسەری و نەبوونی هاوسەنگی هێز لە لایەک و ڕەقابەتی نێوان وڵاتانی ڕۆژهەڵاتی ناڤین و بەکارهێنانی ئەم شەڕ و ئاڵۆزیانە لە لایەن ئێلیتەکانی نێو وڵاتانی بەشدار بۆ پارستنی لوقمان ئەحمەدی: هۆکاری سەرەکی ناسەقامگیری و شەڕ لە ڕۆژهەڵاتی ناویندا گرێدراوە بە بوونی فرە جەمسەری و نەبوونی هاوسەنگی هێز لە لایەک و ڕەقابەتی نێوان وڵاتانی ڕۆژهەڵاتی ناڤین و بەکارهێنانی ئەم شەڕ و ئاڵۆزیانە لە لایەن ئێلیتەکانی نێو وڵاتانی بەشدار بۆ پارستنی
    زلهێزەکانی جیهان، بە تایبەت ڕوسیە و ئامریکا دەیانهەوێ پارسەنگێکی هێز لە ڕۆژهەڵاتی ناوین پێکبهێنن کە سەقامگیر بێ و تێیدا بەرژەوەندی و نفوزی خۆیان پارێزراو بێ. رۆڵی ئامریکا و روسیە چارەنووسساز دەبێ بۆ بارودۆخی داهاتووی ناوچەکە، ئەگەر یەک یان هەردوو لەم وڵاتانە گەرەنتی سەقامگیری و پارسەنگی هێز بدەن بە هاوپەیمان و دۆستەکانی خۆیان لە ناوچەکە ئەو کات ئیمکانی هەیە شێوەیەک لە سەقامگیری دروست بێ.
  • ئاو، کۆڵەکەی ستراتیژی داهاتووی کوردستان ئاو، کۆڵەکەی ستراتیژی داهاتووی کوردستان
    بنەمای گەشەی ئێران لە ڕووی جوغرافییەوە، لەسەر دوو پاژی ناوەندی _فارس و قەراغی _نافارس داندراوە، چون دەوڵەتی مۆدێڕن پێی وابوو تەنیا رێگەی مانەوەی، خوڵقاندنی یەک نەتەوەیە و لە پێناو ئەو ئامانجەش جوغرافیای پاشکەوتوو و پێشکەوتووی خوڵقاند.
  • کرماشان له پەنای بێپەناییدا کرماشان له پەنای بێپەناییدا
    ئەم دۆخە نالەبارە لەپاش زیاتر لە یەک مانگ، هاوکاتە لەگەڵ دەسپێکی سەرما و سۆڵە و بارینی بەفر؛ لەمبارەوە "ئەکبەر سەنجابی" فەرمانداری سەرپێڵی زەهاو باسی لە دۆخی نەشیاوی ژیانی هاووڵاتییان لە نێو خێوەتەکاندا کردووە و وتوویەتی: بەرپرسان دەبێ درک بە بارودۆخی لێقەوماوان بکەن؛ خەڵک بە دژوارییەوە لە ژێر خێوەتی ١٠ میتریدا دەژین!
  • دوکتور قاسملوو، بزاڤی راسیۆنالیزمی سیاسەت لە کوردستاندا دوکتور قاسملوو، بزاڤی راسیۆنالیزمی سیاسەت لە کوردستاندا
    ئەو تایبەتمەندییەی هزری سیاسی کە لە بۆڵەبۆڵ و تەنانەت خواستی سیاسیش جیای دەکاتەوە ئەوەیە کە سیستمێکی واتادارمان پێ دەبەخشێت کە کێشەی کورد لە پێوەندی لەگەڵ کێشەکانی دنیای مودێڕن و لە چوارچێوەی چەمک و دەستەواژەکانی تایبەت بەو دنیایە دووبارە پێناسە دەکاتەوە.
  • داهاتوی ڕەشی ئێران لە دەلاقەی بوودجەی ساڵی داهاتوودا داهاتوی ڕەشی ئێران لە دەلاقەی بوودجەی ساڵی داهاتوودا
    ئەگەر ئەرکی سپای قودس بە دەرکەوتنەکانی قاسم سلێمانی لە ناوچەدا هەژمار بکەین ڕوون و ئاشکرایە کە لە هەر کوێ شەڕ و نائارامی هەبێت، ناوبراویش لەوێیە؛ واتە سامانی وڵاتێکی وەک ئێران و کوردستان بۆ شەڕئەنگێزی و تیرۆر کەڵکی لێوەردەگیرێت و ئەوەش بەئاشکرا و بەیاسا دەیکەن.