• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٣ی فێڤریەی ٢٠١٨ی زایینی - ٠٤ی رەشەمەی ١٣٩٦ی هەتاوی  

شانۆی هەڵبژاردنەكان لە دەلاقەی وتەكانی خامنەییەوە

زایینی: ٠٤-٠٢-٢٠١٦ - هەتاوی: ١٣٩٤/١١/١٥ - ١١:١٩ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
شانۆی هەڵبژاردنەكان لە دەلاقەی وتەكانی خامنەییەوە
مستەفا هیجری

بڕیارە ڕۆژی حەوتی ڕەشەممەی ١٣٩٤ی هەتاوی، شانۆی پێنجەمین خولی مەجلیسی خوبرەگانی ڕێبەریی و دەیەمین خولی هەڵبژاردنەكانی مەجلیسی شوورای ئیسلامی بێتە سەر گۆڕەپانی سیاسیی ئێران. لەم وتارەدا دەمانهەوێ چاوێك بە چۆنیەتی ڕێكخستنی هەڵبژاردنەكانی مەجلیسی شوورای ئیسلامی‎دا بخشێنین.

ئێستا و دوای چوار دەیە لە دەسەڵاتی كۆماری ئیسلامی و دووپاتكردنەوەی ئەم شانۆگەرییانە لەم ماوە زەمەنییەدا، زۆربەی خەڵك لەپێش هەڵبژاردنەكاندا، ڕێكخەران، ئەكتەرەكان و لەئاكامدا سەركەوتووانی ئەم شانۆیە دەناسن. ڕێژیم لە هەر كام لەم شانۆسازییانەدا گرووپێك لە نوێنەرانی بەئەمەگی خۆی كە پارێزەری حكوومەتی سوڵتانیی "ویلایەتی فەقیه"ن لەڕێگەی "نظارت استصوابی" شوورای نیگابان بە خەڵك دەناسێنێت و دواتر لەڕووی گەورەیی خۆیەوە! بە خەڵك ئیزین دەدات كە لە نێوان ئەم نوێنەرە بەئەمەگانەی ڕێژیم‎دا، هێندێكیان وەكوو نوێنەرانی "خانە ملت"! هەڵبژێرن، هێندیك دڵسۆز و ئەویندار و وەفادار بە ڕێژیم، كە ئەگەر جیاوازییەكیان هەبێت لە رادەی دڵسۆزیی و ئەمەگناسییاندایە.

لە هەموو ئەو هەڵبژاردنانەدا، لە قۆناغە سەرەتاییەكان هەتا ئاكام، لە لایەن ڕێژیمەوە كاری بۆ كراوە و لەپێشدا دیاری كراوە، ئەوەی كە خراوەتە ئەستۆی خەڵك، "بەشداریی بەشكۆ"ی ئەوان بۆ دەنگدانە، بە مەبەستی كەڵك وەرگرتنی پڕوپاگەندەیی ڕێژیم لەو بەشدارییە و ، لێكدانەوەی ئەو بەشدارییە لە لایەن بەرپرسانی ڕێژیمەوە، بە مانای پێشوازیی خەڵك لە ڕێژیم و ڕاگەیاندنی ڕەوایی ڕێژیم و "لێدانی مستێكی توند لە زاری دوژمنانی نێوخۆیی و دەرەكی"یە.

هەروەك چۆن خامنەیی لە چاوپێكەوتنێكی‎دا كە لە ڕێكەوتی ١٩/١٠/٩٤ لەگەڵ خەڵكی قوم هەیبوو، وێڕای ئەوەی بەشداریی خەڵكی لە هەڵبژاردنەكان بە یەكێك لە هۆكارەكانی مانەوەی ڕێژیم زانی، چەند وتەی دیكەشی وت كە مەبەستی ڕێژیم لە بەشداریی كردن لە هەڵبژاردنەكاندا، ڕوونتر دەخاتە ڕوو، وەكوو؛

_ "بەشداریی لەهەڵبژاردنەكان دەبێتە هۆی بەهێز بوونی نیزامی كۆماری ئیسلامی و دابینبوونی مانەوەی ئەو نیزامە".

_"بزانین ئەو لیستەیە(مەبەستی لیستەی بەربژێرەكانە) كە بە ئێمە دەدرێت، ئەو لیستەیە لە لایەن چ كەسێكەوە بە ئێمە دەدرێت. بزانین كە ئەمانە لەخوا ترسن، بزانین كە شۆڕشگێڕن، بزانین لە هێڵی ئیمام‎دان، بەڕاستی ئیمام(خومەینی)یان قەبووڵە".

ئێستا باشترین لێكدانەوە گەیشتن بەو ئاكامە كە ئایا دەبێ لە هەڵبژاردنەكاندا بەشداری بكەین یان نا، دەرهاویشتەی وتەكانی وەلیی فەقیهە و وەرگرتنەوەی ئەو وەڵامانەی، لە خستنە بەرباسی ئەو پرسیارانە، بۆ هەر هاووڵاتیەكی ئێرانی:

ئایا ئێمە خوازیاری بەهێزكردنی نیزامی كۆماری ئیسلامی و دابینكردنی خۆڕاگری و مانەوەی ئەو نیزامەین؟

ئەگەر وەڵام ئەرێنییە، كەوابوو دەبێ بەشداریی لە هەڵبژاردنەكاندا بكەین، بەڵام ئەگەر وڵام نەرێنییە، نابێ بەشداریی لەهەڵبژاردنەكاندا بكەین.

لە ڕەستەی دووەمی وتەكانی خامنەیی‎دا، ئەو پێوەرانەی كە بۆ ناسینی بەربژێرەكانی مەجلیسی شوورای ئیسلامی ناوی لێ دەبەن بریتین لە ˮلەخوا ترس بوون، شۆڕشگێڕ بوون، لە هێڵی ئیمام و ڕێگای ئیمام‎دا بوون، قەبووڵ كردنی ڕاستەقینەی ئیمام؛ و هەڵبەت هەموو ئەو تایبەتمەندیی و شڕۆڤە و لێكدانەوانەی كە ڕێبەریی لەو پێوەرانەی هەیە و، ئاكامی هەموو ئەو تایبەتمەندیانەش شتێك جیا لە ڕستەی یەكەم، (بەهێزكردن، خۆڕاگری و مانەوەی ڕێژیم) نیە. لە هەموو دەقەكەی وەلیی فەقیه‎دا ناتوانین چەمكێك بدۆزینەوە كە لەودا پێوەری بەربژێرێكی شیاوی مەجلیسی شوورای ئسیلامی بە توانایی لە داكۆكی كردن لە مافە پێشێلكراوەكانی خەڵك، وەكوو ئازادی و دێموكراسی بە واتای ڕاستەقینەی خۆی لەقەڵەم بدەین و، خەڵك هان بدات كە دەنگ بەو جۆرە كەسانە بدەن. دەركەوتەی هەڵبژاردنەكانی سێ دەیەی ڕابردووش، بەشداریی نوێنەری لەم چەشنە بووە لە مەجلیس‎دا.

ئاكامی ئەو شرۆڤە كورتە ئەوەیە كە؛ لایەنگرانی ڕێژیم بۆ مانەوەی دەبێ لە هەڵبژاردنەكاندا بەشداری بكەن، هەتا لەو ڕێگەیەوە تەمەنی ڕێژیم درێژ بكەنەوە و درێژە بە تاڵان كردنی نان و ڕێز و كەرامەتی خەڵك بدەن، بەڵام دژبەرانی ڕێژیم بەتایبەت نەتەوە ژێر دەستەكانی دانیشتووی ئێران و یەك لەوان كوردەكان كە ڕێژیمی كۆماری ئیسلامی لە ماوەی ساڵانی دەسەڵاتدارێتی خۆیدا، ئەوانی لە هەموو مافەكانیان بێبەش كردووە، مافە سیاسی و كۆمەڵایەتییەكانیانی پێشێل كردووە و سووكایەتی بە فەرهەنگ، زمان و باوەڕە ئایینییەكانیانی كردووە و لە ناوی بردوون، بەشێوەیەكی مەنتقی دەبێ نەك هەر خوازیاری مانەوە و بەهێزبوونی ڕێژیم نەبن، بەڵكوو دەبێ خوازیاری لەناوچوون و لاوازبوونی ڕێژیم بن، بۆیە نابێ‌ بەشداریی لە هەڵبژاردنەكاندا بكەن.

هەڵبەت، مخابن كەسان و گرووپگەلێك لە نێو ئەم بەشەی كۆمەڵگادا هەن كە بە هێندێك هۆكار، خەڵك هان دەدەن بۆ بەشداریی لە هەڵبژاردنەكاندا، و بۆ پاساو هێنانەوە بۆ ئەم كردەوەی خۆیان، زیاتر لەسەر ئەمە ڕاوەستە دەكەن كە خەڵك لە دۆخی پێكهاتوو لەهەڵبژاردنەكاندا، بۆ خستنەڕووی دواكارییەكانی خۆیان كەڵك وەربگرن. ئەم لێكدانەوەیە هەتا ئەو شوێنە ڕاستە كە خەڵك مەرج و داواكارییەكانی خۆیان بەمەبەستی پێك‎هێنانی هەڵبژاردنێكی ئازاد و دێموكراتیك كە لانیكەمی پێویستییەكەی، هەڵوەشاندنەوەی "نڤارت استصوابی" شوورای نیگابان لە ناساندنی بەربژێرەكانە، بخەنە ڕوو و لە ئەگەری پەسەند نەكرانی _ كە هەڵبەت پەسەند ناكرێت_ لە چوونە سەر سەندووقەكانی دەنگدان خۆ ببوێرن.

لێكدانەوەیەكی دیكەی ئەو كەس و گرووپانە كە خوازیاری بەشداریی خەڵكن لە هەڵبژاردنەكاندا، ئەوەیە كە لە نێوان ئەو بەربژێرانەی كە شیاوییان پەسەند كراوە، دەنگ بە كەسانێك بدەن كە بە نیسبەت كەسانی دیكە، باشترن. هەڵەی گەورەی ئەم جۆرە لێكدانەوەیە پەرەدانی وەهم و گومان لەنێو خەڵكدا بووە كە گوایە دەرەتانی هەڵبژاردنی نوێنەرانی خەڵك لە نێو ئەو بەربژێرانەی كە شیاو بوونیان لە لایەن شوورای نیگابانەوە پشتڕاست كراوەتەوە هەیە، كەوابوو دەبێ ڕیزەكانی خەڵك لە سەر سەندووقەكانی دەنگدان پڕحەشیمەتر بێت، كە ئاكامی ئەو كارەش كەڵك وەرگرتنی ڕێژیم بە قازانجی خۆی و پڕوپاگەندەی بەگڕوتین بوونی هەڵبژاردنەكان و پیشاندانی، بە واتای ڕەوا بوونی ڕێژم لە لای بیانییەكان ‌و پەسندبوونی لە لای خەڵكی ئێرانە. ئاكامەكانی هەڵبژاردنەكانی ڕابردووش دەری‎خستووە كە ئەوانەی لە بێژنگی پاڵاوتنی شوورای نیگابان تێدەپەڕن، هەموویان هەڵبژاردە و نوێنەری ڕێژیمی كۆماری ئیسلامین و ناتوانێ جیا لەوەش بێت. گرینگترین هۆكاری پاشكەوتوویی ڕێژم، پێشێلكرانی مافە بنەڕەتییەكانی خەڵك، شەڕی ٨ ساڵەی مەحكووم بە دۆڕانی نێوان ئێران و عێراق،بەرزەفڕیی بەرهەمهێنانی چەكی ناوكی و ئاكامە زیانهێنەرەكانی بۆ خەڵكی ئێران، هێرش بۆ سەر باڵوێزخانەی وڵاتانی بیانی لە نێوخۆ، بوون بە گەورەترین وڵاتی تیرۆریستی، گوشاری روو لە زیادبوونی ڕۆژانەی دۆخی ئەمنیەتی و بەرزبوونەوەی ڕێژەی ئێعدامەكان و ئەو هەمووە بەڵا كۆمەڵایەتییانە كە بەرۆكی خەڵكی ئێرانی گرتووە، بۆ نەبوونی نوێنەرانی ڕاستەقینەی خەڵك لە مەجلیس دەگەڕێتەوە.

كەوابوو، هاندانی خەڵك بۆ بەشداریی كردن لە وەها هەڵبژاردنێك، بە هەر هۆكار و پاساوێك، شتێك لەو ڕاستیە تاڵانەی كە ڕۆژانە بە میلیۆن كەس لە هاووڵاتیانی ئێمە و خەڵكی جیهان دەیبینن، كەم ناكاتەوە و بەگشتی " لبیك وتن" بە " وتەكانی ئیمام"، لە ڕاستای هەوڵدان بۆ مانەوەی ڕێژیم و ئاو لە ئاشی ڕێژیم كردنە.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.