کوردستان میدیا: وەزیری دادی کۆماری ئیسلامیی ئێران، مستەفا پوورمحەممەدی، دانی بەوەدا نا کە لە ئێراندا بە ڕێژەیەکی زۆر گەندەڵی بوونی هەیە و ڕێژیمیش لە ڕووبەڕووبوونەوەی گەندەڵییەکان بێ توانایە.
هەواڵدەریی ئیرنا بڵاوی کردەوە، وەزیری دادی ڕێژیم لە کۆڕی مافە شارۆمەندییەکاندا وتوویەتی: دەبێ ئەو ڕاستییە قبوڵ بکەین کە لە ڕەچاوکردنی مافە شارۆمەندییەکاندا، کەم کاریمان کردووە و لە بەرانبەر گەندەڵییەکانیشدا، توانایی ڕووبەڕووبوونەوەمان نیە.
پێشتریش هەندێک لە بەرپرسە حکوومەتییەکان باسیان لە بوونی بەلێشاوی گەندەڵی لە دام و دەزگا حکوومەتییەکاندا کردبوو. بۆ وێنە ئەحمەد تەوەکۆلی گووتبووی گەندەڵی لە وڵاتدا نەهادینە کراوە و بە شێوەیەکی سیستماتیک لە دامودەزگا حکوومەتییەکاندا پەرەی سەندووە.
هەروەها عیزەتۆڵڵا یووسفیان ئەندامی چاوەدێریی مەجلیس لە ستادی خەبات بە دژی گەندەڵیی دارایی، لە دانیشتنێکی مەجلیسدا ڕایگەیاندبوو: لێپرسراوانی حکوومەتی، تەنانەت بەرپرسانی پارێزگاکانیش ڕۆڵیان لە پرسی زمین خواریدا هەیە و بانکەکانیش بوونەتە شوێنی گەندەڵیی دارایی.
قسەکانی پوورمحەممەدی لەکاتێکدایە کە ڕێکخراوی ڕوونکاریی نێونەتەوەیی،شفافیت بین الملل، لە نوێترین ڕاپۆرتی خۆیدا، لە ڕێکەوتی ٧ی ڕێبەندان، ئێرانی وەک یەکێک لە گەندەڵترین وڵاتانی جیهان و ڕۆژهەڵاتی ناڤین ناوزەد کردبوو کە لە نێو ١٦٨ وڵاتی جیهاندا، پلەی ١٣٠ی گەندەڵیی ماڵیی بۆ خۆی تۆمار کردووە.
هەواڵدەریی ئیرنا بڵاوی کردەوە، وەزیری دادی ڕێژیم لە کۆڕی مافە شارۆمەندییەکاندا وتوویەتی: دەبێ ئەو ڕاستییە قبوڵ بکەین کە لە ڕەچاوکردنی مافە شارۆمەندییەکاندا، کەم کاریمان کردووە و لە بەرانبەر گەندەڵییەکانیشدا، توانایی ڕووبەڕووبوونەوەمان نیە.
پێشتریش هەندێک لە بەرپرسە حکوومەتییەکان باسیان لە بوونی بەلێشاوی گەندەڵی لە دام و دەزگا حکوومەتییەکاندا کردبوو. بۆ وێنە ئەحمەد تەوەکۆلی گووتبووی گەندەڵی لە وڵاتدا نەهادینە کراوە و بە شێوەیەکی سیستماتیک لە دامودەزگا حکوومەتییەکاندا پەرەی سەندووە.
هەروەها عیزەتۆڵڵا یووسفیان ئەندامی چاوەدێریی مەجلیس لە ستادی خەبات بە دژی گەندەڵیی دارایی، لە دانیشتنێکی مەجلیسدا ڕایگەیاندبوو: لێپرسراوانی حکوومەتی، تەنانەت بەرپرسانی پارێزگاکانیش ڕۆڵیان لە پرسی زمین خواریدا هەیە و بانکەکانیش بوونەتە شوێنی گەندەڵیی دارایی.
قسەکانی پوورمحەممەدی لەکاتێکدایە کە ڕێکخراوی ڕوونکاریی نێونەتەوەیی،شفافیت بین الملل، لە نوێترین ڕاپۆرتی خۆیدا، لە ڕێکەوتی ٧ی ڕێبەندان، ئێرانی وەک یەکێک لە گەندەڵترین وڵاتانی جیهان و ڕۆژهەڵاتی ناڤین ناوزەد کردبوو کە لە نێو ١٦٨ وڵاتی جیهاندا، پلەی ١٣٠ی گەندەڵیی ماڵیی بۆ خۆی تۆمار کردووە.
