• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٣ی فێڤریەی ٢٠١٨ی زایینی - ٠٤ی رەشەمەی ١٣٩٦ی هەتاوی  

ئایا کۆماری ئیسلامی ده‌توانێ له‌ ده‌رفه‌تی ڕێککه‌وتن له‌گه‌ڵ ڕۆژاوا که‌ڵک وه‌رگرێ؟

زایینی: ٠٩-٠٢-٢٠١٦ - هەتاوی: ١٣٩٤/١١/٢٠ - ١١:١٥ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
ئایا کۆماری ئیسلامی ده‌توانێ له‌ ده‌رفه‌تی ڕێککه‌وتن له‌گه‌ڵ ڕۆژاوا که‌ڵک وه‌رگرێ؟
میرۆ عه‌لیار

ئایا کۆماری ئیسلامی ده‌توانێ دوای ڕێککه‌وتن له‌گه‌ڵ وڵاتانی ١+٥ له‌سه‌ر پرسی ئه‌تۆمی، به‌خۆدابچێته‌وه‌، سیاسه‌تێکی جیاواز له‌ ڕابردوو بگرێته‌ به‌ر و له‌و ده‌رفه‌ته‌ بۆ بووژاندنه‌وه‌ی ئابووری وڵات که‌ڵک وه‌ربگرێ، زیاتر له‌ هه‌ر پرسیارێکی دیکه‌ چاوه‌دێرانی سیاسیی نێوخۆ و ده‌ره‌کی به‌خۆیه‌وه‌ سه‌رقاڵ کردووه‌.‌

بۆ وڵامدانه‌وه‌یه‌کی به‌نیسبه‌ت واقعبینانه به‌و پرسیاره‌‌، پێویسته‌ ئاماژه‌ به‌و ڕاستییه‌ بکرێ که‌ ڕێککه‌وتنامه‌ی نێوان ئێران و وڵاتانی ١+٥ ڕێککه‌وتننامه‌یه‌ک نیه‌ که‌ له‌سه‌ر بنه‌مای متمانای دووڵایه‌نه‌ وه‌دیهاتبێ. به‌پێچه‌وانه‌، ئه‌و ڕێککه‌وتننه له‌سه‌ر بناخه‌ی ئه‌وپه‌ڕی بێ متمانایی و لێک له‌گومانبوون داڕژراوه‌:

یه‌که‌م، له‌ ڕۆژی یه‌که‌مه‌وه‌ ئێران هه‌وڵی دا به‌رنامه‌ ناوکیه‌که‌ی له‌ کۆمه‌ڵگای نێونه‌ته‌وه‌یی و به‌تایبه‌تی له‌ "ئاژانسی نێونه‌ته‌وه‌یی ئینرژی ناوکی" IAEA بشارێته‌وه‌ و بیروڕای گشتی هه‌ڵفریوێنێ. له‌ ساڵی ٢٠٠٢ی زایینییه‌وه‌ که‌ به‌رنامه‌ی ناوکی کۆماری ئیسلامی له‌قاو درا و پاشان ساڵی ٢٠٠٦ی زایینی شووڕای ئاسایشی ڕێکخراوی نه‌ته‌وه‌ یه‌کگرتووه‌کان له‌ بڕیارنامه‌ی ژماره‌ ١٦٦٩دا بۆیه‌که‌مجار دوای وه‌ستاندنی پیتاندنی ئورانیومی له‌ ئێران کرد، هه‌تا ئه‌وڕۆ ڕێژیم ته‌نیا پێی له‌‌و شتانه‌ ناوه‌ که‌ نه‌یتوانیوه‌ بیانشاڕێته‌وه‌! بۆیه‌ ئێران بۆ ڕۆژاو جێگای متمانا نیه‌.

دووه‌م، ئێران له‌ژێر فشاری تاقه‌تپڕووکێنی سزا ئابوورییه‌کاندا ملی بۆ وتووێژ له‌گه‌ڵ ڕۆژاوا ڕاکێشا.

سێیه‌م، پێوه‌ر و مه‌رجه‌کانی که‌ وڵاتانی ١+٥ له‌و ڕێکه‌وتننامه‌یه‌دا به‌سه‌ر ئێرانیاندا سه‌پاندووه‌، گومانێک بۆ نه‌بوونی متمانای ئه‌و وڵاتانه‌ به‌ ئێران ناهێڵێته‌وه‌، به‌شێوه‌یه‌ک که‌ هه‌ر له‌ ئێران ده‌کوترێ که‌ به‌و ڕێککه‌وتننامه‌یه‌ مافی سه‌روه‌ریی ئێران پێشێل کراوه‌!

چواره‌م، گونجاندنی ده‌سته‌واژه‌ی snap back که‌ له‌ ڕێکه‌وتننامه‌که‌ دا به‌مانای داسه‌پاندنه‌وه‌ی سزا ئابوورییه‌کان هاتووه‌، ئه‌گه‌ر له‌ درێژه‌ی چاوه‌دێری و کۆنتروڵه‌کانیIAEA ده‌ربکه‌وێ که‌ ئێران له‌ به‌جێگه‌یاندنی ئه‌رک و "تعهدات"ـه‌کانی دا کۆتایی کردووه‌.

پێنجه‌م، لێکجیاکردنه‌وه‌ی سزاکان. ته‌نیا ئه‌و سزایانه‌ی پێوه‌ندییان به‌ به‌رنامه‌ی ناوکی ڕێژیمه‌وه‌ هه‌یه‌، هه‌ڵده‌گیرێن! ئه‌و سزایانه‌ی له‌ پێوه‌ندیی له‌گه‌ڵ به‌رنامه‌ی مووشه‌کی، پێشێلکارییه‌کانی مافی مرۆڤ و پشتیوانی کۆماری ئیسلامی له‌ تێروریزم دا به‌سه‌ر ئێراندا داسه‌پاون، له‌جێگای خۆیان ده‌مێننه‌وه‌.

به‌ زمانێکی دیکه‌ یانی ئه‌وه‌ی کۆماری ئیسلامی قه‌بووڵی کردووه‌ که‌ پشتیوانی له‌ تێروریزمی نێونه‌ته‌وه‌یی ده‌کا و هه‌ڕه‌شيیه‌ بۆ ئه‌منییه‌ت و ئاسایشی کۆمه‌ڵگای جیهانی!

بۆیه‌ ڕێککه‌وتنامه‌ی نێوان ئێران و وڵاتانی ١+٥ ڕێککه‌وتننامه‌ی ئاشتی و دواییهێنان به‌ کێشه‌که‌ نیه‌، به‌ڵکوو سه‌ره‌تای تاقیکردنه‌وه‌یه‌کی نوێ و چوارچێوه‌یه‌که‌ بۆ کۆمه‌ڵێک ململانه‌ و بێنه‌وبه‌ره‌ له‌ نیوخۆی ئێران و سه‌باره‌ت به‌ کۆماری ئیسلامی.

سه‌ره‌ڕای ئه‌وه‌، ڕێککه‌وتننامه‌که‌ باری ئه‌رێنیشی تێدا به‌دی ده‌کرێ:

• گه‌وره‌ترین خاڵی ئه‌رێنی و گرینگترین ده‌سکه‌وتی ئه‌و ڕێککه‌وتنه‌ ئه‌وه‌یه‌ که‌ کۆماری ئیسلامی له‌ هه‌وڵه‌کانیدا بۆ به‌رهه‌مهێنانی چه‌کی ناوکی شکستی هێنا.

جێی لێوردبوونه‌وه‌یه: کۆماری ئیسلامی ڕێژیمێکه‌ که‌ تێروریزمی ده‌وڵه‌تی له‌ نێوخۆ و ده‌ره‌وه‌ی وڵات گه‌یاندۆته‌ ئاستی سیاسه‌تی ڕه‌سمی و تاوانباره‌ به‌ پشتگیریکردن و په‌ره‌پێدان به‌‌ تێروریزمی نێونه‌ته‌وه‌یی، به‌ئاشکرا هه‌وڵ ده‌دا بۆ نانه‌وه‌ی ئاڵۆزی و ناسه‌قامگیریی له‌ وڵاتانی ناوچه‌دا، له‌ کۆمه‌ڵگای نیونه‌ته‌وه‌یی یاغی بووه‌ و ته‌نیا له‌ژێر فشار و هه‌ڕه‌شه‌دا یاسا و ڕێسا نێونه‌ته‌وه‌ییه‌کان پێشێل ناکا و به‌پێچه‌وانه‌ی هه‌موو عورفێکی دیپلوماسی، به‌کرێگیراوه‌کانی هێرش ده‌به‌نه‌ سه‌ر باڵوێزخانه‌ و کونسوولگه‌رییه‌کانی وڵاتانی بیانی له‌ تاران.

له‌نێوخۆی وڵاتدا سه‌رکوت و هه‌ڵاواردن و ئیعدامی لاوانی کردووه‌ به‌ سیاسه‌تی ڕۆژانه‌ی خۆی و نه‌ته‌وه‌ بنده‌سته‌کانی له‌ سه‌ره‌تایی ترین مافه‌کانی ئینسانی و سیاسی بێبه‌ش کردووه‌ و هه‌رچه‌شنه‌ داوایه‌کی ڕه‌وایان به‌ کوشتن و ئیعدام وڵام ده‌داته‌وه‌ و ساڵ نیه‌ به‌هۆی پێشێکارییه‌کانی مافی مرۆڤ له‌لایه‌ن ڕێکخراوه‌کانی مافی مرۆڤه‌وه‌ مه‌حکووم نه‌کرێ.

ئه‌گه‌ر ڕێژیمێکی ئه‌وتۆ پێشی پێبگیرێ ده‌ستی به‌ چه‌کی کۆمه‌ڵکوژی ڕابگا، ته‌نانه‌ت بۆ ماوه‌ێ ده‌ ساڵیش بێ، بۆخۆی سه‌رکه‌وتنه‌ و ده‌سکه‌وت بۆ کۆمه‌ڵگای نێونه‌ته‌وه‌یی، بۆ مرۆڤایه‌تی و بۆ گه‌لانی چه‌وساوه‌ی ئێران.

• له‌ یه‌که‌م تێڕوانین، سازان له‌گه‌ڵ ڕۆژاوا له‌سه‌ر به‌رنامه‌ی ناوکی سه‌رکه‌وتنیک بوو بۆ سه‌رکۆمار حسن روحانی. چون چاره‌سه‌رکردنی پرسی ناوکی به‌ڵێنێک بوو که‌ روحانی له‌کاتی خه‌باتی هه‌ڵبژاردن دا دابووی به‌ ده‌نگده‌رانی.

دوای له‌ئاوکردنی سه‌دان میلیارد دوڵار، ڕه‌وتی به‌فیڕۆدانی سه‌روه‌ت و سامانی وڵات بۆ دروستکردنی چه‌کی ناوکی، بۆ ماوه‌یه‌ک ڕاده‌وه‌ستێ.

هه‌روه‌ها، ئازادبوونی ده‌وری ٤٠ - ٥٠ میلیارد دوڵار دارایی ئێران (ڕاده‌ی ئه‌و پووڵه‌ به‌ته‌واوی ڕوون نیه‌ و ئاماری جیاواز بڵاوبۆته‌وه‌)، بێگومان ده‌توانێ ده‌رفه‌تێک بێ بۆ سه‌روساماندان به‌ ئابووریی شپرزه‌ی وڵات به‌ قازانجی خه‌ڵک.

له‌و پێوه‌ندیی له‌گه‌ڵ پرسیاره‌که‌، کۆمه‌ڵێک کۆسپی جیدی "ماهوی" و ساختاریی به‌دی ده‌کرێن که‌ ڕێگه بۆ گه‌شبینی ناهێڵنه‌وه‌ ڕێژیم بتوانێ له‌ ڕێکه‌وتنی ١٦ی جوولای ٢٠١٦ی زایینی به‌ قازانجی خه‌ڵکی ئێران که‌ڵک وه‌رگرێ:

• بێگومان نیزامی داخراو و سه‌ره‌ڕۆی سیاسی ئێران گه‌وره‌ترین کۆسپه‌ له‌سه‌ر ڕێی ڕیفورمی ئابووری. نیزامی سیاسیی ئێران زه‌رفییه‌تی پێکهێنانی ئاڵووگۆڕی پێویست و که‌ڵکوه‌رگرتن له‌ ئیمکاناتی زۆر و به‌ربڵاوی وڵاتی نیه‌.

به‌قسه‌ی سه‌رکۆمار له‌ کۆبوونه‌وه‌ی "به‌ڕێوه‌بردنی به‌رجام ..." له‌ ٢٩ به‌فره‌نبار/دی ١٣٩٤، ئێران بۆ گه‌یشتن به‌ هه‌ڵدانی ئابووری دڵخواز، ساڵێ پێویستیی به‌ ٥٠ میلیارد دوڵار سه‌رمایه‌ی ده‌ره‌کی هه‌یه‌. به‌ڵام کام سه‌رمایه‌دار و کام وڵات ئاماده‌ ده‌بێ به‌هاسانی له‌ وڵاتێکدا سه‌رمایه‌ی خۆی وه‌گه‌ڕ بخا که‌ حکوومه‌ته‌که‌ی یاغی و ناسه‌قامگیره‌ و جێگای متمانای کۆمه‌ڵگای نێونه‌ته‌وه‌یی نیه‌ و یاساکانی له‌گه‌ڵ یاسا سه‌لماوه‌ نێونه‌ته‌وه‌ییه‌کان بۆ سه‌رمایه‌گوزاری، نه‌گونجاون؟

وه‌ ئه‌گه‌ریش لایه‌نێک ئاماده‌ی سه‌رمایه‌گوزاری بێ، ئه‌وکاته‌ ئه‌وه‌نده‌ مه‌رج داده‌نێ و ئیمتیاز داوا ده‌کا که‌ سوودی چاوه‌ڕوانکراوی بۆ ئێران لێناکه‌وێته‌وه‌!

• یه‌کێ له‌ پێشمه‌رجه‌ سه‌ره‌کیه‌کان بۆ که‌ڵکوه‌رگرتن له‌ ئیمکانات و سامانی وڵاتێک به‌قازانجی خه‌ڵک، ئه‌وه‌یه‌ که‌ ده‌وڵه‌ت بتوانێ هێزی مرۆیی (نیروی انسانی) وڵاته‌که‌ وه‌گه‌ڕ بخا. به‌ڵام ئه‌و ئه‌رکه‌ ته‌نیا به‌ نیزامێکی سیاسیی دێموکرات و خه‌ڵکی به‌ڕێوه‌ ده‌چێ. گه‌نده‌ڵی، هه‌ڵاواردنی جۆراوجۆر و دیکتاتوری ڕێگه‌ی به‌شداری خه‌ڵک له‌ ژیانی سیاسی و ئابوورییان به‌ستووه‌. ئێران له‌ ڕیزی پێشه‌وه‌ی ئه‌و وڵاتانه‌ دایه‌ که‌ به‌ده‌ست ڕاکردنی مێشکه‌کانه‌وه‌ (فرار مغزها) ده‌ناڵێنێ!
که‌ڵکوه‌رگرتن له‌ هێزی ئینسانی وڵات موسته‌لزمی پێکهێنانی ئاڵووگۆڕی قوڵی ساختاری، یاسایی و سیاسییه‌.

• نه‌بوونی سیستمێکی واحیدی بڕیاردان. لایه‌نی جۆراوجۆر و ده‌سه‌ڵاتدار که‌ ده‌ست و ده‌خاله‌تیان له‌ ئابووری ئێراندا هه‌یه، ‌له‌ "حیطه‌"ی کۆنتروڵ و ئیختیاراتی ده‌وڵه‌ت به‌ده‌ره‌ن و ته‌نیا به‌رژه‌وه‌ندیی خۆیان له‌به‌رچاوه‌ و بیر له‌ به‌رژه‌وه‌ندی وڵات ناکه‌نه‌وه‌: سوپای پاسداران، ئیتلاعات، به‌یتی ره‌به‌ری، بنیاده‌ جۆراوجۆره‌کان... چنگیان به‌سه‌ر ئابووریی وڵاتدا گرتووه‌ و بۆته‌ کۆسپێکی جیدی بۆ بووژانه‌وه‌ و حه‌سانه‌وه‌ی ئابووری سه‌قوشڕبووی ئێران.

• گه‌نده‌ڵی سه‌رله‌به‌ری سیستمی حکوومه‌تی ئێرانی به‌شیوه‌یه‌ک داگرتووه‌ که‌ ده‌ره‌تانێکی بۆ چاکسازی و ڕێکخستنه‌وه‌ی نیزامی ئابووری نه‌هێشتۆته‌وه‌.

ئێران ئێستا له‌ چه‌ند وڵات خۆی تووشی شه‌ڕ کردووه‌ و بۆته‌ به‌شێکی سه‌ره‌کی له‌ کێشه‌کانی عێڕاق، سوورییه‌، لوبنان، یه‌مه‌ن، فه‌له‌ستین. ئه‌و ده‌ستتێوه‌ردان و ماجه‌راجووییانه‌ هه‌زینه‌یه‌کی قورس به‌سه‌ر خه‌ڵکی ئێراندا داده‌سه‌پێنێ.

به‌ڵام سوپای پاسداران هه‌تا پێی بکرێ کۆتایی به‌ شه‌ڕ و کێشه‌ له‌ ناوچه‌دا نا‌هێنێ، چون ته‌واوبوونی شه‌ڕ و ئاڵۆزی له‌و‌ وڵاتانه‌دا به‌مانای که‌مڕه‌نگبوونه‌وه‌ی ده‌ور و داکشانی نفووزی سوپا له‌ ناوچه‌یه‌ و ئه‌وه‌ش کورتبوونه‌وه‌ی ده‌ستی سوپا له‌ ئه‌هرومه‌کانی ئابووری وڵاتی لێبکه‌وێته‌وه‌.

ده‌سه‌ڵات و نفووزی سوپای پاسداران به‌ستراوه‌ته‌وه‌ به‌ بوونی قه‌یران و شه‌ڕ له‌ ناوچه‌دا.

• نرخی نه‌وتیش چاوه‌ڕوان ناکرێ به‌وزووانه‌ تا ئاستێکی به‌رچاو به‌رز بێته‌وه‌. به‌تایبه‌تی دوای هه‌نگاوه‌کانی ئه‌مریکا بۆ به‌رهه‌مهێنان و ته‌نانه‌ت هه‌نارده‌کردنی نه‌وت.

به‌وجۆره‌، ئێران بۆ ئه‌وه‌ی بتوانێ له‌و ڕێککه‌وتنه‌ به‌قازانی وڵات که‌ڵک وه‌رگرێ و به‌گه‌ڕێته‌وه‌ بۆ نێو سیستمی ئابووری جهانی، پێویستیی به‌ سه‌رمایه‌ی خارجی هه‌یه و بۆ وه‌دیهێنانی ئه‌و ئامانجه‌ش ڕێگایه‌کی بێجگه‌له‌ مودێڕنیزه‌کردنی خۆی نیه‌.

به‌ڵام به‌گوێره‌ی فورمولێکی گشتی، به‌خۆداچوونه‌وه‌ و پێکهێنانی هه‌رچه‌شنه‌ ڕیفورمێکی زه‌رووری، پێویستیی به‌ ئیراده‌ی به‌هێز و به‌ بوونی زه‌رفییه‌تی سیاسی هه‌یه‌. ڕابردوو، ماهییه‌ت و سیاسه‌ته‌کانی کۆماری ئیسلامی و کارنامه‌ی دوو ساڵی ڕابردووی حسن روحانی، ده‌ری ده‌خه‌ن که‌ نیزامی سیاسیی ئێران توانا ‌و زه‌رفییه‌تی‌ سیاسی ‌بۆ پێکهێنانی ئاڵووگۆڕی قووڵ و ئه‌ساسی نیه‌.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.