• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٥ی نوامبری ٢٠١٧ی زایینی - ٠٤ی سەرماوەزی ١٣٩٦ی هەتاوی  

فێستیڤاڵی فیلمی مافی مرۆڤـ لە لەندەن بەڕێوە چوو

زایینی: ٠٥-٠٤-٢٠١٢ - هەتاوی: ١٣٩١/٠١/١٧ - ٢٣:٠٢ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
فێستیڤاڵی فیلمی مافی مرۆڤـ لە لەندەن بەڕێوە چوو
فێستیڤاڵی فیلمەكانی چاودێری مافی مرۆڤـ (Human Rights Watch Film Festival) پاش 10 رۆژ، رۆژی 30ی مارس كۆتایی بە كارەكانی خۆی هێنا.

بەپێی راپۆرتی بی.بی.سی، لێڕوانینی گشتیی فیلمەكانی بەشدار لە فێستیڤاڵی ئەمساڵ لە لەندەن (4 فیلمی داستانی و 15 فیلمی داكیۆمێنتاری)، نمایشی هەژاری، نادادپەروەری، زوڵم و زۆر و مەیل بە پێكهێنانی گۆڕانكاری لە چوار گۆشەی جیهاندا بوو. فێستیڤاڵی ئەمساڵ چەند تەوەری سەرەكی هەبوو كە «مافی ژنان» گرینگترینیان بوو.

فیلمی داكیۆمێنتاری جان شانك بە ناوی «سەركۆماری دوورگە» یەكەمین فیلمێك بوو كە نمایش درا. فیلمێك كە باسی ژیانی موحەممەد نەشید، سەركۆماری پێشووی مالدیو و رێبەری حیزبی دێموكراتی ئەم وڵاتە دەكا.

فیلمەكانی دیكەی فێستیواڵەكە بریتی بوون لە: «رزگاركردنی رووخسار»، بەرهەمی شارمین عوبەید چینەوی لە پاكستان، «بەهەشتی بچووك»، بەرهەمی لیون كورتهوتس لە بێلژیك، «وێنەی رەش و سپی بنەماڵە»، بەرهەمی جولیا ئیوانوا لە كانادا، «ماچی پۆتین»، بەرهەمی لیز بێرك پێدێرسێن لە دانمارك، «سڵاو دانك»، بەرهەمی دەیوید فاین لە ئامریكا، «ئازیزەكەم»، بەرهەمی سوزان یوسف لە فەلەستین، «بلووكی رەش»، بەرهەمی كارلۆ بێشمیت، «تەنانەت باران»، بەرهەمی ئایسێر بولین، «نرخی سێكس»، بەرهەمی میمی چاكاروا، «فڕینی تایبەتی»، بەرهەمی فێرناند مێلگار، «5 كامێرای شكاو»، بە دەرهێنەريی عێماد بێرنات و گای دەیویدی، «رەنگی ئۆقیانووس»، بەرهەمی مووگی پێرن لە ئیسپانیا، «بە نێو موغاك: داستانی مەرگ، داستانی ژیان»، بەرهەمی وێرنێر هێرتسوگ، «برای پلە یەك»، بەرهەمی ئێنی گوڵدسان لە نیوزیلەند، «كومپانیای رووبانە پەمەییەكان بە بەرپرسیارەتیی بەرتەسكەوە»، بەرهەمی لیا پول، «بەرخۆدانی پتر»، بەرهەمی بێتینا بورگفێڵد و دەیوید بێرنێت لە ئاڵمان و سوئیس.

فیلمی رۆژی كۆتایی فێستیڤاڵی مافی مرۆڤـ لە لەندەن، كۆمێدی درام «ئێستا بۆ كوێ‌ بڕۆین؟»، بەرهەمی نادین لەباكی لە لوبنان بوو كە داستانی گرووپێك لە ژنانی لوبنانییە كە لە گوندەكەیاندا لە پێناو ئاشتی و پێكەوەژیانی مەسیحییەكان و موسوڵمانەكان و پێكهێنانی ئاشتی هەوڵ دەدەن.
فێستیڤاڵی فیلمەكانی چاودێری مافی مرۆڤـ هەر ساڵ لە یازدە شاری گەورەی جیهان لەوانە لە شیكاگۆ، نیۆیۆرك، تۆرێنتۆ، واشینگتۆن و لەندەندا بەڕێوە دەچێ‌.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٣ لەم ژمارەیەدا:

ــ بوومەلەرزەی سیاسی
ــ لە خەبات دژ بە ئەپارتایدەوە بۆ ڕاسان
ــ ئەمن چی بكەم، خۆتان دروستی بكەنەوە
ــ دانیشتن لەگەڵ ئۆپۆزیسیۆنی ئێرانی و چەند سەرنجێک