• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٢ی نوامبری ٢٠١٧ی زایینی - ٠١ی سەرماوەزی ١٣٩٦ی هەتاوی  

چوار کەس لە دۆستان و ئەندامانی حیزبی دێموکرات لە باکووری کوردستان لە ڕووداوێک‌دا گیانیان لەدەست دا

زایینی: ٠٧-٠٤-٢٠١٦ - هەتاوی: ١٣٩٥/٠١/١٩ - ١٢:٤٢ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
چوار کەس لە دۆستان و ئەندامانی حیزبی دێموکرات لە باکووری کوردستان لە ڕووداوێک‌دا گیانیان لەدەست دا
کوردستان میدیا: بەهۆی ڕووخانی خانووبەرەیەک چوار كەس لە دۆستان‌ و ئەندامانی حیزبی دێموكراتی كوردستانی ئێران گیانیان لەدەست دا و چەند كەسێكی دیكەش بریندار بوون.

بەپێی هەواڵی گەیشتوو بە ماڵپەڕی کوردستان میدیا، لە گوندی "هێرمی" سەر بە شاری گەوەری پارێزگای هەكاری لە باكووری كوردستان، بە هۆی ڕووخانی خانوویەک، چوار كەس لە دۆستان ‌و ئەندامانی حیزبی دێموكراتی كوردستانی ئێران گیانیان لەدەست داوە و چەند كەسێكی دیكەش بریندار بوون.

لەو ڕووداوە دڵتەزێنەدا "ئەمیرخان" یەکێک لە دۆستانی نزیکی حیزبی دێموکرات و سەر بە بنەماڵەیەکی شوڕشگێڕ، "سەعید مەحموودنژاد" کوڕی "مستەفا" ئەندامی حیزبی دێموکرات و خەڵکی گوندی "گێچێ"سەر بە ناوچەی سۆمای ورمێ‌ بوو کە هەر لە سەرەتای دەستپێكردنی شۆڕشی كورد لە ڕۆژهەڵات، تێكەڵ بە ڕیزی پێشمەرگەكانی حیزبی دێموکرات بوو.

14401.jpg
سەعید مەحموودنژاد
ناوبراو كوڕێكی دڵسۆز‌ و دێموكرات بوو و پلەكانی نیزامی و پێشمەرگایەتی یەک بە یەک تێپەڕاند و لە هەموو ئەركەكانی سەرپەلی ‌و سەردەستەیی‌ و سەرلكیدا سەركەوتوو بوو.

كاک سعید لە ساڵی ١٣٦٧ی هەتاویدا لە گوندی هێرمی‌ لەگەڵ كچێكی بنەماڵەی ئەمیرخان ژیانی هاوبەشی پێك هێنا‌ و هەر لەوێش گیرسایەوە و تا کاتی کۆچی دوایی، یار‌ و یاوەری پێشمەرگە‌ و حیزب بوو و بەو ڕێبازە دڵسۆز مایەوە.

بنەماڵەی كاک سعید تا ئێستا ١٣ شەهیدیان لە حیزبی دێموکراتدا هەیە.
"سیدار مەحمودنژاد"، كوڕی سەعید، تەمەن ١٣ساڵ و ئەسعەد باوی لە بنەماڵەی ئەمیرخان، لەو ڕووداوەدا گیانیان لەدەست داوە.

گوندی هێرمی شوێنی حەوانەوەی پێشمەرگەی دێموكرات لە کات و ساتە دژوارەکاندا بووە.

حیزبی دێموکرات سەرەخۆشی لە بنەماڵە و كەس‌ و كاری کۆچکردووان دەکات.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٣ لەم ژمارەیەدا:

ــ بوومەلەرزەی سیاسی
ــ لە خەبات دژ بە ئەپارتایدەوە بۆ ڕاسان
ــ ئەمن چی بكەم، خۆتان دروستی بكەنەوە
ــ دانیشتن لەگەڵ ئۆپۆزیسیۆنی ئێرانی و چەند سەرنجێک