• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٥ی ئاوریلی ٢٠١٨ی زایینی - ٠٥ی بانەمەڕی ١٣٩٧ی هەتاوی  

پانۆرامای ساڵی 1390ی هەتاوی

زایینی: ٠٦-٠٤-٢٠١٢ - هەتاوی: ١٣٩١/٠١/١٧ - ٠١:٠٢ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
پانۆرامای ساڵی 1390ی هەتاوی
ئا: شەهاب خالیدی

19ی خاكەلێوەی 1390:

هێزەكانی ئەرتەشی عێراق هێرشیان كردە سەر كەمپی ئەشرەف، شوێنی نیشتەجێبوونی ئەندامانی موجاهیدینی خەلقی ئێران كە لە ئاكامی شەڕ و تێكهەڵچوونی نێوانیاندا 34 كەس لە ئەندامانی موجاهیدین بە تەقەی راستەوخۆی هێزە ئەمنییەتییەكانی ئەرتەشی عێراق گیانیان لەدەست دا.

25ی خاكەلێوەی 1390:

12كەس لە خەڵكی مەدەنیی ئەهواز لە لایەن هێزەكانی رێژیمی ئێرانەوە كوژران. لەو رۆژەدا خەڵكی ئەهواز بۆ زیندووڕاگرتنی شەشەمین ساڵڕۆژی سەرهەڵدانی 15ی ئاڤریل خۆپێشاندانیان ساز كردبوو.

11ی بانەمەڕی 1390:

سەرۆكی رێكخراوی ئەلقاعیدە، ئوسامە بن لادێن، دوای 10 ساڵ خۆشاردنەوە، لە لایەن هێزە ئامریكاییەكانەوە كوژرا. دوای كوشتنی بن لادێن، سەركۆماری ئامریكا باراك ئۆباما رایگەیاند كە سەرۆكی رێكخراوی تیرۆریستیی ئەلقاعیدە كوژرا، بەڵام شەڕ بە دژی تێرۆریزم هەر درێژەی دەبێ‌.

4ی جۆزەردانی 1390:

سكرتێری گشتیی PDKI، بەڕێز كاك مستەفا هیجری، سەردانی وەزارەتی دەرەوەی ئامریكای كرد و لە لایەن شاندێكی پایەبەرزی ئەم وەزارەتخانەیەوە پێشوازی لێ‌ كرا. دو رۆژ پێشتریش كۆبوونەوەیەكی بەرین لە بینای كۆنگرەی ئامریكا بۆ سكرتێری گشتیی PDKI لە بارەی نەتەوەكانی ئێران پێك هێنرابوو. رۆژی 2ی بانەمەڕیش واتە مانگێك پێشتر رێزدار مستەفا هیجری چاوپێكەوتنێكی دیپڵۆماتیكی لەگەڵ لایەنە ئێرانی و بیانییەكان لە ئامریكادا پێك هێنابوو.

4ی جۆزەردانی 1390:

ئەحمەد شەهید، وەزیری پێشووی كاروباری دەرەوەی مالدیڤ، وەك رێپۆرتێری تایبەتی مافی مرۆڤ لە ئێران دیاری كرا.

22ی جۆزەردانی 1390:

هەڵبژاردنی پارلمانی لە وڵاتی توركیەدا بەڕێوە چوو. لەو هەڵبژاردنانەدا كە لە سەدا 90ی خەڵك تێدا بەشدار بوون، كوردەكان توانییان 36 نوێنەر بۆ پارلمانی توركیە بەڕێ‌ بكەن كە ئەمە لە چاو هەڵبژاردنی پێشوو دەسكەوتێكی باش بوو.

26ی جۆزەردانی 1390:

كامیار و ئارەش عەلایی، دوو پزیشكی كوردی خەڵكی كرماشان كە بە تۆمەتی هەوڵدان بۆ رووخانی رێژیمی كۆماری ئیسلامیی ئێران دەستبەسەر و زیندانی كرابوون، بە هۆی چالاكییەكانیان لە بواری كاركردن لەسەر نەخۆشیی ئیدز، خەڵاتی شوورای جیهانیی تەندرووستییان پێ‌ بەخشرا.

30ی گەلاوێژی 1390:

لە درێژەی بۆردومانی ناوچە سنوورییەكانی هەرێمی كوردستانی عێراق لە لایەن فڕۆكە شەڕكەرەكانی دەوڵەتی توركیە، بەداخەوە 7 كەس لە ئەندامانی بنەماڵەیەك كە كوردی كوردستانی عێراق بوون، لە نێو ئۆتۆمبێلەكەیاندا بوونە ئامانجی بۆردومانەكە و هەر هەموویان گیانیان لەدەست دا.

1ی خەرمانانی 1390:

لە ئاكامی سەركوتی خۆپیشاندانی مەدەنیی خەڵكی شاری ورمێ‌ لە لایەن هێزە ئەمنییەتییەكانی رێژیمی كۆماری ئیسلامیی ئێرانەوە، دوو كەس كوژران و بە دەیان كەسیش بریندار بوون. ئەم خۆپیشاندانانە كە شاری تەورێزیشیان گرتبۆوە، بۆ ناڕەزایەتی دەربڕین لە بەرامبەر گرینگینەدانی دەوڵەت بە چارەسەركردنی پرسی وشكبوونی گۆلی ورمێ‌ رێك خرابوون.

1ی رەزبەری 1390:

مەحموود عەبباس، سەرۆكی هەرێمی خۆبەڕێوەبەری فەلەستین، داوای ئەندامەتیی فەرمیی فەلەستینی لە نەتەوە یەكگرتووەكاندا، لە كۆڕی گشتیی نەتەوە یەكگرتووەكاندا راگەیاند. دوای ئەم داوایەی مەحموود عەبباس كومیتەی ئاشتیی رۆژهەڵاتی نێوەڕاست داوای دەستپێكردنەوەی وتووێژەكانی ئاشتی كرد.

19ی رەزبەری1390:

رێكخراوی حەماس لە هەمبەر ئازادكردنی گیلعاد شالیت، ئەو سەربازە ئیسرائیلییەی كە بە دیلی گرتبوو، جاری یەكەم 477 دیل و جاری دووەمیش 550 دیلی وەرگرت، كە هەر هەموویان فەلەستینی بوون و لە لایەن ئیسرائیلەوە دەستبەسەر و زیندانی كرابوون.

28ی رەزبەری 1390:

راگەیەندرا كە موعەمەر قەزافی، سەرۆكی وڵاتی لیبی لە ئاكامی هێرشی شۆڕشگێڕانی لیبیایی و هێزەكانی ناتۆدا كوژراوە. بە كوشتنی قەزافی شاری «سێرت»یش ئازاد كرا و كۆتایی بە دەسەڵاتی قەزافی هێنرا. بەرپرسانی شوورای نەتەوەیی لە لیبی لە رۆژی 23ی ئۆكتۆبر (1ی خەزەڵوەر) ئازادیی وڵاتەكەیانیان جەژن گرت. رۆژی 3ی خەزەڵوەریش راگەیەندرا كە تەرمی موعەمەر قەزافی و كوڕەكەی واتە مەعتەسەم قەزافی لەگەڵ تەرمی ئەبوبەكر یونس جابر، وەزیری بەرگریی دەوڵەتی لیبی لە شوێنێكی نادیاردا شاردراونەتەوە.

15ی رەزبەری 1390:

مەشعەل تەمۆ، یەكێك لە خەباتگێڕانی كوردی دژبەری حكوومەتی سوریە، لە ماڵەكەیدا لە شاری قامیشلوو، لە لایەن گرووپێكی چەكداری سەر بە حكوومەتی سووریەوە تیرۆر كرا. ناوبراو وتەبێژی بزووتنەوەی دواڕۆژی كورد لە سووریەدا بوو.

1ی خەزەڵوەری 1390:

بوومەلەرزەیەك بە پێوەری 2/7 ریشتەر، شاری وانی كوردستانی توركیەی هەژاند كە لە ئاكامدا هەزاران كوژراو و برینداری لێ كەوتەوە. دوای ئەم رووداوە سروشتییەی شاری وان و دەوروبەری، كوردەكان لە هەر شوێنێكی ئەم جیهانەدا كە بۆیان لوابوو، دەستیان بە كۆكردنەوەی یارمەتیی ماڵی بۆ لێقەوماوانی شاری وان كرد.

1ی سەرماوزی 1390:

دانیەل میتران، خانمی یەكەمی پێشوی فەڕانسە و سەرۆكی بنیاتی «فرانس لیبرتە» و هاوسەری فرانسوا میتران، سەركۆماری پێشووی فەڕانسە كۆچی دوایی كرد.
دانیەل میتران، یەكیك لەو ژنە خەباتگێڕانە بوو كە بە هۆی پشتیوانیی بەردەوامی خۆی لە گەلی كورد، لە نێو كوردەكاندا وەك دایكی كورد دەناسرا.

8ی سەرماوزی 1390:

هێندێك لە بەسیجی و لیباس شەخسییەكانی سەر بە رێژیمی كۆماری ئیسلامیی ئێران هێرشیان كردە سەر باڵوێزخانەی بریتانیا لە شاری تاران، كە ئەم كردەوەیەی ئەوان دژكردەوەی توندی بریتانیا و وڵاتانی رۆژئاوایی و ئامریكای لێ‌ كەوتەوە. ئەوكات رێژیم رایگەیاند كە ئەوان ئاگایان لەو رووداوە نەبوو و لێكۆلینەوە لەو رووداوە دەكەن.

8ی رێبەندانی 1390:

چوار فرۆكەی شەڕكەری 16 ـ fی توركیە لە نزیك گوندی رۆبۆسكی سەر بە ناوچەی قلابانی شرنەخ، كاروانێكی كاسبكارانیان كردە ئامانجی هێرشەكانی خۆیان، كە لە ئاكامدا 35 كەس لە كاسبكاران گیانیان لەدەست دا.

19ی رێبەندانی 1390:

نووسەر و وەرگێڕی ناوداری كورد، دوكتور ئیبراهیم یوونسی بە هۆی نەخۆشی لە شاری تاران كۆچی دوایی كرد. تەرمی ناوبراو رۆژی 21ی رێبەندان لە رێوڕەسمێكی بەشكۆدا لە گۆڕستانی سلێمان بەگی بانە بە خاك سپێردرا.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧٢٣ لەم ژمارەیەدا:

ــ نان، ئازادی، کەرامەتی ئینسانی
ــ تارمایی لە چاویلکەی فاشیزمەوە
ــ کۆڵبەر یان کۆڵنەدەر
ــ د.سەربەست نەبی: دەریای سپی بە هەناسەی ڕووسیه دەژمێردرێت
  • ئەدەبیاتی کوردی و کۆماری جیهانیی ئەدەبیات ئەدەبیاتی کوردی و کۆماری جیهانیی ئەدەبیات
    مێژووی سەرهەڵدانی ئەدەبی جیهانی لەلایەن پاسکال کازانۆڤا لە کتێبی کۆماری جیهانیی ئەدەبیات(ز١٣٩٢) سێ رەوتی فۆرم، گەشەسەندن و رەوتی کێبڕکێی نێودەوڵەتی لەخۆ گرتووە و هەر رەوتێکی لەگەڵ گۆڕانکاریی بنەڕەتی لە سەرهەڵدان و پەرەسەندنی زمانە رەسەنەکانی ئەورووپا لێکداوەتەوە و مانای کردۆتەوە.
  • د.سەربەست نەبی: دەریای سپی بە هەناسەی ڕووسیه دەژمێردرێت د.سەربەست نەبی: دەریای سپی بە هەناسەی ڕووسیه دەژمێردرێت
    مەسەلەی عەفرین جودایە لەگەڵ ئەو مەسەلەیە؛ ئەجێندای سیاسیی گەورە لە پشت ئەو هێرشە هەبوو، بۆیە ئەورووپا ئامادە بوو هێرش بکات، بەڵام بۆ عەفرین نا.
  • کۆڵبەر یان کۆڵنەدەر کۆڵبەر یان کۆڵنەدەر
    ئەوەیکە لە گۆشە و کەناری وڵاتدا هێندێک خەمخۆری لەلایەن خەڵک یان خەڵکانێکدا دەبیندرێ یان هێندێک پێشکەوتن لە چەند بواری جیاجیادا دێتە ئاراوە، ئەوە هیممەت و بەرخۆدانی خەڵکە لە بەرامبەر کۆنەپەرەستی رێژیم و بە هیچ شێوەیەک پەیوەندی بە رێژیمەوە نییە .
  • \ "هوزمانەوەن" نمونەی بەرچاوی له نێوبردنی سروشتی کوردستان
    کاتێک ئێمه دەڵێین حکوومەته داگیرکەرەکانی کوردستان به بەرنامەیەکی داڕێژراو، سەرەکیترین سەرچاوەی ژیانی نەتەوەی کوردیان کردووەتە ئامانجی هێرشەکەیان، تەنیا له ڕووی هەستی خۆشەویستی خاک و کوردبوونەوە نییه، بەڵکوو لەم ڕاستایه‌دا بەڵگه ئەوەنده زۆره که تەنیا لێکوڵینەوەیەکی کورت دەتوانێ زۆر شت ڕوون بکاتەوە، بەڵام بەداخەوه لەم بوارەشدا ئێمەی کورد کەمکارییەکی ئێجگار زۆرمان کردووه.
  • دوژمنانی ئازادی چ ڕەوتە فیکرییەکیان بەدڵە دوژمنانی ئازادی چ ڕەوتە فیکرییەکیان بەدڵە
    ئەگەر ئاوڕێک لە مێژووی فەلسەفە و زۆربەی زانستە فیکرییەکان بدرێتەوە، هێندێ خاڵ بەرچاو دەکەوێت، کە وڵامی زۆربەی قەیرانە هزرییەکان دەدرێتەوە. ئەگەر لە بابەتێکدا دوو لایەن و هێڵی فیکری جیاواز دەکەونە ململانێیەوە، ئاکامەکەی یان دەبێتە هۆی بەزینی یەکیان، یان دەبێتە هۆی سەرهەڵدانی فکرێکی سێهەم کە ڕەنگە دڵخوازی هیچ لایەکیان نەبێت، بەڵام کۆتاییهێنەری ململانێیەکانە.
  • تارمایی لە چاویلکەی فاشیزمەوە تارمایی لە چاویلکەی فاشیزمەوە
    بنەماییترین تایبەتمەندییەکانی فاشیزم بریتییە لە پیرۆزمەندیی پەتی و سەرۆکێکی بێ هەڵە. لەلای فاشیستەکان ئەوەی هەمیشە وەک داردەست ئاپۆرەی پێ کۆنترۆڵ دەکرێ، تارماییەکی تۆقێنەرە کە بەپێی هەڵکەوتەیەکی تایبەت ئەم تارماییە لە شێوازی دوژمن، لایەن یان ئەگەرێک خۆی دەردەخات.
  • نان، ئازادی، کەرامەتی ئینسانی نان، ئازادی، کەرامەتی ئینسانی
    مرۆڤێك كه له هەژاریدا ڕاگیراوه، مرۆڤێك كه نكۆڵی له ناسنامه ئێتنیكی، ئایینی یان نەتەوەییەكەی دەكرێ یان دەكەوێته بەر تەوژمی سیاسەتی تواندنەوه و سووكایەتی پێكردن یان لەژێر ستەمی جنسیدا دەژی، مرۆڤێكه كه كەرامەتی لێ زەوت كراوه.
  • شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن
    گۆڕانکارییەکانی ناو کابینەی ترامپ و کاریگەرییان لە سەر سیاسەت و رووداوەکانی ناوچە، تەوەری گفتوگۆی ئەم ژمارەیەی رۆژنامەی کوردستانە لەگەڵ شەریف هەژاری، مامۆستای مێژوو لە زانکۆی سلێمانی، کە سەرنجتانی بۆ ڕادەکێشین:
  • پاژنەی ئاشیلی ڕێژیمی ئێران پاژنەی ئاشیلی ڕێژیمی ئێران
    لە دوو بابەتی پێشوودا، "شەڕی ئێران و ئیسرائیل"و بەشی یەکەمی "پاژنەی ئاشیلی ڕێژیمی ئێران"، هێڵی بەهێزی ڕێژیمی تاران (دەرەوەی سنوورەکان و کەڵک وەرگرتن لە ملیشیا و لایەنگرە شێعەکانی لە وڵاتانی ناوچە) و خاڵی لاوازی ئەو ڕێژیمە (خەڵکی ناڕازی و وەزاڵەهاتووی نێو شارەکانی ئێران) خرایە بەر باس و لێک درایەوە.
  • بێستوون، شوێنی خودای خوداکان بێستوون، شوێنی خودای خوداکان
    شاری بێستوون، یەکێک له شارەکانی کرماشانه که له باکووری رۆژهەڵاتی ئەو گەورەشاره جێگای خۆش کردووه و له سەر رێگای کرماشان - هەمەدان که سەردەمانێک پێتەختی ئیمپراتوری کوردان بوو، هەڵکەوتووه.
  • مانیفێستی ڕزگاری مانیفێستی ڕزگاری
    هەتا لاپەڕەکانی مێژووی کورد زیاتر هەڵدەدەینەوە، تابلۆی تراژێدیای کورد زیاتر دەردەکەوێت. لە پەنای ئەم تابلۆیە سەربوردەی قارەمانیەتی، فیداکاری، کاریگەری بلیمەت و ڕێبەرەکانمان لەسەر زیندوو مانەوەی کورد وەکوو نەتەوە زۆر ڕوونە. لە لایەک پرسیاری بۆچی تا ئێستا سەرنەکەوتووین دەبێتە خۆرەی مێشک، لە لایەک جێ داخە بۆچی ئەم ڕێبەرە زانا و لێهاتووانە بە ڕادەی پێویست لە لایەن تاکی کورد بەرجەستە نەکراون.
  • پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان
    ئەوان کۆتاییان بە کۆمار هێنا، بەڵام نەیانزانی ئامانجەکانی کۆمار و گیانفیدایی ڕێبەرەکانی، چ بەهایەکی مەزنن و چۆن بۆ نەوەکانی داهاتوو دەگوازرێنەوە، دوای حەفتاو یەک ساڵ لەو ڕووداوە، داستانی مەرگی سەربەرزانەی پێشەوا، هێشتا خاوەنی بەهێزترین وانەی خۆنەویستی، خەڵکویستی، ئازادیخوازی و سەرفرازییە و ئەوینێکی بەهێزیشە بۆ بە چۆکداهێنانی هەموو مەترسی و ناخۆشییەکان.
  • سووکایەتی، ئامرازی تواندنەوە سووکایەتی، ئامرازی تواندنەوە
    لە وڵاتێکدا کە چەند کەلتوور و نەتەوە و ئایینی جیاواز دەژین، حکوومەتی دەسەڵاتدار لەگەڵ هەڕەشە و دەرفەتی جۆربەجۆر بەرەوڕوویە؛ لەو جۆرە وڵاتانەدا، بەهۆی چەندنەتەوەیی و چەندکولتووری و پێکهاتەی ئاڵۆزی کۆمەڵگاوە، ژیانی کۆمەڵایەتی - سیاسی و هەروەها ئیدارەکردنی حکوومەت و دابەشکردنی دەسەڵات و سامان و ئیمتیازەکان لە نێو خەڵکدا ئەرکێکی ئاڵۆز و پڕمەترسییە، کە هەرجۆرە هەنگاو و کردارێک کە نیشان لە هەڵاواردن و بێبەشکردنی کەس و کەسانێک و پێکهاتەیەک بدا، دەبێتە هۆکارێک بۆ رووخانی ئێعتمادی خەڵک بەرامبەر بە دەسەڵاتدار و حکوومەت.
  • پانۆڕامای ساڵ پانۆڕامای ساڵ
    خوێنەرانی خۆشەویست، ڕۆژنامەی کوردستان وەک نەریتی ساڵانە لە دوایین ژمارەی ساڵدا پوختەیەک لە ڕووداو و هەواڵە گرینگە حیزبییەکانی ساڵ دەخاتە بەر دیدی ئێوەی ئازیز؛ لێرەدا بەشێک لەم هەواڵ و ڕووداوانە دەخەینە بەر چاوی ئێوەی هێژا: