کوردستان میدیا

ماڵپەڕی ناوەندیی حیزبی دێموکراتی کوردستانی ئێران

به‌ڕێوه‌چوونی رێوڕه‌سمی رۆژی جیهانیی لاوان

16:10 - 22 گەلاوێژ 2712

کوردستان میدیا: رێوڕه‌سمی ١٢ی ئاگۆست، رۆژی جیهانیی لاوان، له‌ بنکه‌ی سه‌ره‌کیی یه‌کیه‌تیی لاوانی دێمۆکراتی کوردستانی ئێران به‌ڕێوه‌چوو.


به‌پێی هه‌واڵی گه‌یشتوو به‌ ماڵپه‌ڕی کوردستان میدیا، رێکه‌وتی ٢١ی گه‌لاوێژی ١٣٩١ی هه‌تاوی، رێوڕه‌سمی رۆژی جیهانیی لاوان له‌ بنکه‌ی به‌ڕێوه‌به‌ری گشتیی یه‌کیه‌تیی لاوانی دێمۆکراتی کوردستانی ئێران، به‌ به‌شداریی ئه‌ندامان و میوانانی ئه‌و یه‌کیه‌تییه‌ به‌ڕێوه‌چوو.
سه‌ره‌تای رێوڕه‌سمه‌که‌ به‌ خوله‌کێک بێده‌نگی بۆ رێزگرتن له‌ گیانی پاکی شه‌هیدانی کورد و کوردستان ده‌ستی پێکرد.

پاشان به‌ڕێز سامره‌ند باریکه‌ ئه‌ندامی جێگری به‌ڕێوه‌به‌ری یه‌کیه‌تیی لاوان، په‌یامی یه‌که‌یه‌تیی لاوانی به‌ بۆنه‌ی رۆژی جیهانیی لاوانه‌وه پێشکه‌ش کرد.
دواتر هونه‌رمه‌ندانی لاو هێمن و نیزام به‌ پێشکه‌ش کردنی چه‌ندین گۆرانی فلکلۆری کوردی رێوره‌سمه‌که‌یان زیاتر رازانده‌وه.

1887.jpg


پاشان تێپی هه‌ڵپه‌رکێی هه‌ڵاله‌ی سه‌ر به‌ ناوه‌ندی ١ی کوردستان به‌ نیشاندانی چه‌ند تابلۆیک له‌ هه‌ڵپه‌رکێی ناوچه‌ جیاجیاکانی کوردستان رێزیان له‌ ١٢ی ئاگوست رۆژی جیهانی لاوان گرت.
دواتر هونه‌رمه‌ندی لاو فریاد دروودی به‌ هاوکاری کۆری هونه‌ری حیزبی دێمۆکرات گۆرانییه‌کی پێشکه‌ش کرد. نێوئاخنی رێوڕه‌سمه‌که‌ به‌ خوێندنی چه‌ندین گۆرانی له‌لایه‌ن لاوانی ده‌نگ خۆش جه‌واد، چرۆ، به‌یان و ئه‌وین رازێندرایه‌وه. رۆژی جیهانی لاوان له‌ نێو شایی و هه‌ڵپه‌رکێی و کوران و کیژانی یه‌کیه‌تیی لاوان کۆتایی پێهات.
پیروز بێت 67مین ساڵوەگەڕی دامەزرانی حیزبی دێمۆکراتی کوردستانی ئێران