کوردستان میدیا: هەیئەتی دەفتەری سیاسیی حیزب پێشوازیی لە هەیئەتێکی پارتی کرێکارانی کوردستان کرد کە بۆ دانیشتن و درێژەدان بە هاوئاهەنگی و پێوەندییەکان سەردانی هێزەکانی حیزبی دێموکراتیان لە ناوچە سنوورییەکانی ڕۆژهەڵات کردبوو.
ڕۆژی یەکشەممە ٥ی بانەمەڕی ١٣٩٥ی هەتاوی، هەیئەتێکی پارتی کرێکارانی کوردستان بە سەرۆکایەتیی هەڤاڵ سۆفی نوورەدین ئەندامی سەرکردایەتیی پارتی کرێکاران و لە بەرپرسانی نیزامیی ئەو حیزبە، سەردانی هێزی تایبەتی حیزبی دێموکراتی کوردستانی ئێرانیان لە ناوچە سنوورییەکانی ڕۆژهەڵات کرد و لە لایەن هەیئەتێکی نوێنەری دەفتەری سیاسی بە سەرپەرستیی ڕۆستەم جەهانگیری ئەندامی دەفتەری سیاسی و بەرپرسی کۆمیسیونی سیاسی نیزامیی حیزبەوە پێشوازییان لێ کرا.
لەم دیدارەدا وێڕای ئاڵوگۆڕی بیر و ڕا و هەڵسەنگاندنی وەزعەیەتی سیاسیی ناوچە و بارودۆخی کورد بە گشتی، جەخت لە سەر دۆستایەتی و پێوەندییە دۆستانەکانی نێوان حیزبی دێموکرات و پارتی کرێکارانی کوردستان کرایەوە و پێداگری لە سەر ئەوە کرا کە لە هەلومەرج و دۆخی هەنووکەیی کورد بەگشتی و لە هەموو بەشەکانی کوردستاندا، پێویستیی هاوئاهەنگی و لێک نزیکبوونەوەی هێزە نیشتمانیەکانی کوردستان زیاتر بۆتەوە.
هەروەها باس و پێداگری لە سەر هاوکاری و هاوئاهەنگیی نێوان هێزەکان و بەتایبەت حیزبی دێموکرات و پارتی کرێکاران کرایەوە.
لە کۆتایی ئەو دیدار و چاوپێکەوتنەکدا، هەیئەتی میوان بە ڕێزەوە لە لایەن هەیئەتی حیزبی دێموکراتەوە بەڕی کران.
ڕۆژی یەکشەممە ٥ی بانەمەڕی ١٣٩٥ی هەتاوی، هەیئەتێکی پارتی کرێکارانی کوردستان بە سەرۆکایەتیی هەڤاڵ سۆفی نوورەدین ئەندامی سەرکردایەتیی پارتی کرێکاران و لە بەرپرسانی نیزامیی ئەو حیزبە، سەردانی هێزی تایبەتی حیزبی دێموکراتی کوردستانی ئێرانیان لە ناوچە سنوورییەکانی ڕۆژهەڵات کرد و لە لایەن هەیئەتێکی نوێنەری دەفتەری سیاسی بە سەرپەرستیی ڕۆستەم جەهانگیری ئەندامی دەفتەری سیاسی و بەرپرسی کۆمیسیونی سیاسی نیزامیی حیزبەوە پێشوازییان لێ کرا.
لەم دیدارەدا وێڕای ئاڵوگۆڕی بیر و ڕا و هەڵسەنگاندنی وەزعەیەتی سیاسیی ناوچە و بارودۆخی کورد بە گشتی، جەخت لە سەر دۆستایەتی و پێوەندییە دۆستانەکانی نێوان حیزبی دێموکرات و پارتی کرێکارانی کوردستان کرایەوە و پێداگری لە سەر ئەوە کرا کە لە هەلومەرج و دۆخی هەنووکەیی کورد بەگشتی و لە هەموو بەشەکانی کوردستاندا، پێویستیی هاوئاهەنگی و لێک نزیکبوونەوەی هێزە نیشتمانیەکانی کوردستان زیاتر بۆتەوە.
هەروەها باس و پێداگری لە سەر هاوکاری و هاوئاهەنگیی نێوان هێزەکان و بەتایبەت حیزبی دێموکرات و پارتی کرێکاران کرایەوە.
لە کۆتایی ئەو دیدار و چاوپێکەوتنەکدا، هەیئەتی میوان بە ڕێزەوە لە لایەن هەیئەتی حیزبی دێموکراتەوە بەڕی کران.
