• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٨ی نوامبری ٢٠١٧ی زایینی - ٢٧ی خەزەڵوەری ١٣٩٦ی هەتاوی  

هه‌ڵبژاردنی خه‌ساو و پاڵه‌وانانی به‌رهه‌ڵستكار

زایینی: ٠١-٠٥-٢٠١٦ - هەتاوی: ١٣٩٥/٠٢/١٢ - ١٧:٥١ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
هه‌ڵبژاردنی خه‌ساو و پاڵه‌وانانی به‌رهه‌ڵستكار
كه‌یهان یووسفی

دیكتاتۆرییه‌ت و سیستمی دیكتاتۆریی هه‌نووكه‌یی هه‌مان مانای نیو سه‏‌ده‌ له‌مه‌وه‌پێشی نیه‌ و دیكتاتۆره‌ مودێڕنه‌كان تێده‌كۆشن خۆیان به‌ جلی ره‌نگاو ره‌نگ به‌ مه‌به‌ستی گه‌وجاندنی هه‌رچی زیاتری ئه‌و كۆمه‏ڵگایه‌ی حوكمی له‌سه‌ر ده‌كه‌ن، ته‌یار بكه‌ن.

كۆنترۆڵی سیاسی و كۆمه‌ڵایه‌تی تاك به‌ تاكی كۆمه‌ڵگا ئه‌ركی سه‌ره‌كی ده‌زگای دیكتاتۆرییه‌ و هه‌ربۆیه‌ش ئامراز و شێوازی جۆراوجۆر بۆ ئه‌م مه‏‌به‌‏سته‌ به‌كارده‌گرێت.

هه‌ڵبژاردنی خه‌ساو یه‌كێك له‌م ئامرازانه‌یه.‌ بۆچی خه‌ساو؟ چوونكه‌ له‌ ڕاستیدا وه‌ها هه‌ڵبژاردنێك نه‌ قازانجێكی بۆ ده‌نگدارانی هه‌یه‌ و نه‌ك ده‌‏توانێت ده‌لاقه‌یه‌ك به‌ره‌و ڕووی گۆڕانكاری و كه‌م‏كردنه‌وه‌ی ئێش و ئازاره‏كانی خه‌ڵك بكاته‌وه‌ و نه‌ك له‌ بنه‌ڕه‌تدا چییه‌تی هه‌ڵبژاردنی هه‌یه‌.
ئامانجی سه‌ره‌كی هه‌ڵبژاردن له‌ سیستمی دیكتاتۆریدا ته‌نیا دوو شته:‌ سه‌رقاڵكردنی خه‌ڵك و به‌ڕواڵه‌ت به‌شداركردنیان له‌ پرۆسه‌ی سیاسی و دووهه‌مه‌یش مانۆڕدان له‌ سیاسه‌تی ده‌ره‌كی‏دا.

به‌رهه‌ڵه‌ستكارانی ڕاسته‌قینه‌ی ده‌سه‌لات واتە ئۆپۆزیسیۆنی ڕێژیم، ئامانجیان ڕووخاندنی دیكتاتۆری و دامه‌زراندنی سیستمێكی نوێ و له‌ بنه‌‏ڕه‌ت جیاواز له‌گه‌ڵ ده‌سه‌ڵاتی زاڵه، واتە گوتاری ئۆپۆزیسیۆن گوتارێكی شۆڕشگێرانه‌یه‌ بۆ لابردن و سڕینه‌وه‌ی نه‌ریت و یاسا دژه‌گه‌لیه‌كانی ده‌‏سه‌لاتی زاڵ. ئه‌م به‌رهه‌ڵستكارانه‌ بێگومان له‌ چوارچێوه‌ی یاسا و سیستمی دیكتاتۆریی‏دا جێگایان نابێته‌وه‌ و ده‌سه‌لات نه‌ ئیزنی چالاكیان پێده‌دات و نه‌ك ته‌حمۆڵیان ده‌كات.

به‌‏ڵام بێگۆمان ده‌سه‌ڵاتی دیكتاتۆر جیا له‌ ئامرازی هه‌ڵبژاردن و بۆ ئه‌وه‌ی ڕۆخسارێكی مودێڕنتر به‌ خۆیه‌وه‌ بگرێت، دابه‌شكارییه‌ك له‌ نێو شوێنكه‏‌وتووه‌كانی خۆیشی‏دا دروست ده‌كات و ده‌ست ده‌داته‌ دروستكردنی ئۆپۆزیسیۆنێكی ڕواڵه‌تی، ئۆپۆزیسیۆنێك كه‌ كۆنترۆڵی له‌ ده‏ستی خۆیدا بێت و هه‌ركات بیهه‌وێت به‌كاری بێنێ و بیخاته‌ نێو گۆڕه‌‏پانی كایه‌كه‌وه.‌ ئه‌م كارێكترانه‌ پرۆژه‌یی ئیش ده‌كه‌ن و هه‌ركات ده‏سه‌ڵات به‌ پێویستی بزانێت ده‌بنه‌ ئه‌كته‌ری سه‌ره‌كی شانۆكه‌، واتە له‌ ناكاو دێن و له‌ ناكاویش نامێنن.

په‌تایه‌ك كه‌ تا دوێنێ تووشی ئۆپۆزیسۆنی ده‌ره‌وه‌ی ولاتی ناوه‌ندگه‌را واتە فارسه‌كان بوو هه‌نووكه‌ش خه‌ریكه‌ له‌ نێو كورددا په‌ره ‌ده‌ستێنێ و كوردی له‌ هه‌موو مافداماڵراو بۆته‌ ئه‌كته‌ری شانۆیه‌ك كه‌ نووسه‌ره‌كه‌ی هه‌ر ئه‌‏وه‌‏یه‌ كه‌ مافه‌كه‌ی لێ زه‌وت كردووە.

نموونه‌ی به‌رچاو هه‌ڵبژاردنی دوێنێی ورمێ و هه‌ڵوێسته‌ جیاجیاكان بوو.
(تفرقه‌ بیانداز و حكومت كن) سه‌دان ساڵه‌ له‌ سه‌ركورد تاقی ده‌كرێته‌وه‌ و كوردیش دیسانه‌وه‌ به‌ جوانی وه‌ڵامی دانه‌رانی ئه‌م سناریۆیه‌ ده‌داته‌وه.

ئایا به‌ ڕاستی له‌ ورمێ ڕێفڕاندۆم بوو كه‌ كۆمه‌ڵێك مۆره‌ی سه‌ر به‌ڕێژیمی به‌ناو ڕووناكبیر و ڕیزێك به‌ نێو ئۆپۆزیسیۆنی ڕووخێنه‌ر بانگه‌شه‌یان بۆ ده‌‏كرد؟ ئایا ئه‌گه‌ر كوردیش سه‌ربكه‌وتبا تۆبڵێی له‌ داهاتووی ڕزگاری و دێموكراسیدا بكرێت ئه‌م هه‌ڵبژاردنه‌ به‌ فاكت دابنرێت بۆ كوردی بوون یا نه‌‏بوونی ورمێ؟

له‌م نێوه‌دا براوه‌ دیسان ڕێژیم بوو و ئامانج هاتنه‌ پای سندووقی ده‌‏نگدان، كه‌ ئامراز باشتر له‌ شه‌ڕی نێوان ئازه‌ری و كوردی ده‌ست نه‌ده‌كه‌وت .

شانۆی هه‌ڵبژاردن تواو بوو و ده‌كرێت له‌ به‌رهه‌ڵستكارانی بانگه‌شه‌كه‌ر بۆ ڕێژیم بپرسین، به‌ڕێزان ئه‌وه‌ ئازه‌رییه‌كان ده‌نگیان هێنا؟ یانی ورمێمان دۆڕاند و له‌‏ده‌ست ده‌رچوو؟

تۆ بڵێی سیاسه‌ت مانای ئه‌وه‌ بێت كه‌ پشت له‌ هه‌موو بایه‌خه‌كان بكه‌یت و شۆڕشگێڕی واتاكه‌ی گۆڕابێت؟

ناوەڕۆکی ئەم بابەتە را و تێبینیی نووسەرە و ماڵپەڕی کوردستان میدیا لێی بەرپرسیار نییە
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٢ لەم ژمارەیەدا:

ــ شکستی کەرکووک کۆتایی ڕێگا نییە!
ــ ڕەوایی چەک و ڕەوایی خەڵکی
ــ ئیمپراتوریی نافەرمی ئێرانی
ــ دەسەڵات و کۆمەڵگا