• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢١ی نوامبری ٢٠١٧ی زایینی - ٣٠ی خەزەڵوەری ١٣٩٦ی هەتاوی  

دایکی چوار شەهیدی حیزبی دێموکرات لە شاری سنه کۆچی دوایی کرد

زایینی: ٠٨-٠٥-٢٠١٦ - هەتاوی: ١٣٩٥/٠٢/١٩ - ١٨:٢٢ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
دایکی چوار شەهیدی حیزبی دێموکرات لە شاری سنه کۆچی دوایی کرد
کوردستان میدیا: دایە "سەعدیە عنایەتی" دایکی چوار شەهیدی حیزبی دێموکراتی کوردستانی ئێران لە شاری سنه ماڵاوایی لە ژیان کرد.

بەپێی هەواڵی گەیشتوو بە ماڵپەڕی كوردستان میدیا، ڕۆژی سێشەممە ڕێکەوتی ٣١ی خاکەلێوەی ١٣٩٥ هه‌تاوی، دایە سەعدیە عنایەتی، دایکی شەهیدان "مەسعوود، سەلاح، بەختیار و نەجمە مورادی" و هاوسەری "یوسف مورادی"، خەڵكی شاری سنه كۆچی دوایی كرد.

دایە سەعدیە ساڵی ١٣١٩ی هەتاوی لە دایک بوو و ژنێكی نیشتمانپەروەر، حیزب دۆست و پێشمەرگەپەروەر بوو و کاتێک شەهید سەلاح مورادی ساڵی ١٣٦٢ی هەتاوی، لە زیندانەکانی ڕێژیمی جەنایەتکاری ئیسلامیی ئێراندا ئیعدام دەکرێت، بەرپرسانی ئیتلاعاتی ڕێژیمی ئێران داوا لە دایە سەعدیە دەکەن کە کوڕەکانی واز لە پێشمەرگایەتی بێنن، بەڵام دایە سعدیه ڕوو لە جەنایەتکارانی ڕێژیمی ئیسلامیی ئێران دەکات و دەڵێت، شانازی بەوە دەکەم کە کوڕەکانم پێشمەرگەن.

تەرمی دایە سەعدیە عنایەتی لە نێو ئاپۆرای خزم و كەس‌وكار و دۆستانی لە زێدی خۆی بە خاک سپێردرا.

شەهیدان "مەسعوود، بەختیار و نەجمە مورادی" لە ڕێزەکانی حیزبی دێموکراتی کوردستانی ئێراندا، شەهید دەبن و تێکەڵ بە کاروانی شەهیدان دەبن.

حیزبی دێموکراتی کوردستانی ئێران ‌سه‌ره‌خۆشی له‌بنه‌ماڵه‌ و که‌س‌وکاری دایه‌ سەعدیە دەكات و خۆی به ‌شه‌ریكی خه‌م و په‌ژاره‌یان ده‌زانێت.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٢ لەم ژمارەیەدا:

ــ شکستی کەرکووک کۆتایی ڕێگا نییە!
ــ ڕەوایی چەک و ڕەوایی خەڵکی
ــ ئیمپراتوریی نافەرمی ئێرانی
ــ دەسەڵات و کۆمەڵگا