• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢١ی نوامبری ٢٠١٧ی زایینی - ٣٠ی خەزەڵوەری ١٣٩٦ی هەتاوی  

ڕاسانێکی دوژمن تۆقێن

زایینی: ٢٢-٠٥-٢٠١٦ - هەتاوی: ١٣٩٥/٠٣/٠٢ - ١٤:٣١ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
ڕاسانێکی دوژمن تۆقێن
کەریم پەرویزی

دوژمنی سەرەکیی کورد، کۆماری ویلایەتی سێدارە، پێی وابووە و پێی وایە کە بە ئینکار و حاشا لێکردن دەتوانێ نەتەوەیەک بسڕێتەوە و جووڵانەوەیەک لە مێژوودا ون بکا.

یەکێک لە پارامێترە سەرەکیەکانی سیاسەتی نگریسی ڕێژیمی کۆماری ئیسلامی، حاشا لێکردن و بەبێدەنگی سڕینەوەی غەیرە و ئەوانیترە کە لە خومەینییەوە داڕێژرا و پەیڕەو کرا و ساڵانێکی بەردەوامیشە لەسەر ئەو ڕەوتە دژە ئینسانیە بەردەوامن.

خومەینیی تاوانبار، بۆ سڕینەوەی نەتەوەی کورد حوکمی جیهادی دا و حیزبی پێشڕەو و خەباتکارەکەی، بە حیزبی مونحەلەی دێموکرات ناو برد، تاکوو بڵێ ئەم حیزبە لە ژیان و جیهاندا نەماوە. بەڵام لە ساڵی ١٣٥٨ەوە تاکوو ساتی مەرگی خومەینی، دواتریش بۆ ماوەی چەندین ساڵ هەر بە دژی حیزبی دێموکرات شەڕیان کرد و ڕۆڵەی خەڵکیان بەلاڕێدا برد و بەکوشتیان دان. لە گۆڕستانەکانیشیاندا هەر بە قوربانیی دەستی "زێد ئینقلاب" و "حیزبی مونحەلە" لەسەر گۆڕەکەیان نووسیویانە.

ساڵانێکیشە کە حیزبی دێموکرات لەبەر بەرژەوەندیی باڵای نەتەوەیی، خەباتی چەکداریی ڕاگرتووە، کۆماری ئیسلامی لە پڕوپاگەندە بەدژی حیزبی دێموکرات بەردەوام بووە و بە "گرووهەکی مەعدووم" و "لەنێوچوو" ناوی بردووە.

ئێستا کە ماوەیەکە حیزبی دێموکرات ڕایگەیاندووە کە دەیهەوەێ خەباتی شار و شاخ پێکەوە گرێ بداتەوە و ڕاسانێکی نوێی ڕاگەیاندووە، کۆماری ئیسلامی وەجووڵە و لەرزە کەوتووە و هەر ڕۆژە و پیلانێک و هەر ڕۆژە و هەڕەشە وگوڕەشەیەک دەکا.

ڕۆژێک مانۆڕی سپا و ڕۆژێک چەکدارکردنەوەی جاشەکان و ڕۆژێک داخستنی بازارچە سنووریەکان و تا کار دەگاتە ناردنی بەرپرسی دەزگا سیخوڕی و داپڵۆسێنەرەکانیان بەمبەر و بەوبەردا، ئەمانە تۆزێک لە پەلەقاژە و جموجۆڵی کۆماری ئیسلامی بە دژی ئەو هێزەن کە ساڵانێک بوو بانگی مەرگەکەی بە گوێی خەڵکدا دەدا!

هەر کات ڕەگە ئەساسییەکانی کۆمەڵگا، دارەبەنی حیزبێکی شۆڕشگێریان لەسەر دابمەزرێ و ڕاگری ئەو کۆڵەکانە بن، ڕەشەبا و تۆفان و دەیان پیلانی دوژمنان، ناتوانن لە نێوی ببەن و لە دوای هەر گوشار و تەریک‌خستنەوە و لاوازییەک، دووبارە و دووبارە و بەردەوام سەرهەڵدەداتەوە و بە هەر جووڵەیەکی، چرۆیەکی هیوا بۆ خەڵک دەردەکا و ترسێکی بەگوڕ دەخاتە نێو دڵی دوژمنەوە.

بۆیە بە وردبوونەوە لە ڕەسەنایەتی و ڕاستگۆیی شۆڕشێکی ڕاستەقینەی وەک خەباتی حیزبی دێموکراتدا، ئەوکات هەڵسوکەوتی دوژمنمان بۆ ڕوونتر دەبێتەوە و وەڵامی ئەو پرسیارە وەردەگرینەوە کە : دوژمن لە حیزبێکی "مونحەلە" و "لەنێو چوو" کە هەموویان پەرتەوازە بوون و هیچ کاریگەرییەکیان نەماوە و ئاگایان لە دنیا نەماوە، بۆچی تا ئەو ڕادەیە دەترسێ کە هەموو جۆرە هەزینەیەک بۆ دژایەتی کردنی دەکات و تەنانەت لە پێتەختی دەسەڵاتەکەشی لە نێو شوێنی گشتیی‌دا، بەنێری تەبلیغاتی بۆ بەتیرۆریست ناساندنی حیزبی دێموکرات دادەنێ؟

تاکە وەڵام بۆ ئەو پرسیارە و پرسیاری لەو چەشنە ئەوەیە کە هەر تۆزقاڵە بزۆزییەکی حیزبێک کە لە ڕەگەکانی کۆمەڵگاوە ئاودێر دەبێ، بنەماکانی دەسەڵاتی ڕێژیمی ویلایەتی سێدارە وەلەرزە دەخا.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٢ لەم ژمارەیەدا:

ــ شکستی کەرکووک کۆتایی ڕێگا نییە!
ــ ڕەوایی چەک و ڕەوایی خەڵکی
ــ ئیمپراتوریی نافەرمی ئێرانی
ــ دەسەڵات و کۆمەڵگا