• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٢ی ئاوریلی ٢٠١٨ی زایینی - ٠٢ی بانەمەڕی ١٣٩٧ی هەتاوی  

ڕۆڵی ئەفسەرانی نیشتمانپەروەر لە بزاڤی نەتەوایەتی گەلی كورددا

زایینی: ٠٩-٠٦-٢٠١٦ - هەتاوی: ١٣٩٥/٠٣/٢٠ - ١٢:٣٢ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
ڕۆڵی ئەفسەرانی نیشتمانپەروەر لە بزاڤی نەتەوایەتی گەلی كورددا
ن: ناسر ساڵحی ئەسڵ

ئاشكرایە كە باسكردن لە ڕۆڵی ئەفسەرانی نیشتمانپەروەر، شۆڕشگێڕ و ئازادیخواز لە بزووتنەوەی ڕزگاریخوازیی نەتەوەیی گەلی كورد لە خۆرهەڵاتی كوردستاندا، كە هەم لە مێژووی هاوچەرخی خەباتی نەتەوایەتیی گەلی كورددا جێگە و پێگەیەكی تایبەتیان هەیە و هەم وەكوو ڕووداوێكی گرینگە لە خەباتی پڕ لە شانازیی چەكداری، دژ بە دەسەڵاتێ سەرەڕۆ و دیكتاتۆری ڕێژیمی كۆماری ئیسلامی، پێویستی بە لێكۆڵێنەوە و وردبوونەوە و باسكردنی زیاترە. هەر بۆیە لێرەدا بە كورتی باس لە كاریگەریی و كاردانەوەی ڕۆڵی ئەفسەران و دەرەجەدارانی شۆڕشگێڕی كورد لە سەر بەرەوپێش چوونی خەباتی چەكداریی و نەتەوایەتی گەلی كورد لە خۆرهەڵاتی كوردستان دەكەین. پاش سەركەوتنی شۆڕشی گەلانی ئێران، پەیوەستبوونی ئەفسەر و دەرەجەدارانی شۆڕشگێڕ و نیشتمانپەروەری كورد بە ڕیزەكانی هێزی پێشمەرگەی حیزبی دێموكراتی كوردستانی ئێران، بە هەڵوێستێکی گرینگ لە مێژووی خەباتی ڕزگاریخوازیی و نەتەوەیی و دێموكراتیكی گەلی كورد لە خۆرهەڵاتی كوردستان دەژمێردرێ. بە خۆ ڕێكخستنەوەی سەر لە نوێی حیزبی دێموكراتی كوردستانی ئێران لە ژێر تیشكی ڕێنوێنییەكانی ڕێبەری مەزن دوكتور قاسملووی نەمر، بەشێك لە ئەفسەر و دەرەجەدارە شۆڕشگێڕەکانی كورد، لە كاتی خۆپیشاندانەكانی گەلانی ئێران و بەشێكی دیكەش پاش سەركەوتنی شۆڕشی گەلانی ئێران، لە گەڵ حیزبی دێموكرات پێوەندییان دەگرت و وەك ئەندامێكی چالاكی حیزبی دێموكرات تێكۆشانی سیاسیی خۆیان دەست پێدەكرد.

هەر بۆیە تێكەڵبوونی ئەفسەرانی شۆڕشگێڕ و ئازادیخوازی كورد لە شۆڕش و ڕاپەڕینی خەڵكی مافویستی كورد لە خۆرهەڵاتی كوردستان، بۆ دابین كردنی مافە نەتەوایەتییەكانی و ئازادی و دێموكراسی لە ئێراندا، هەڵوێستێكی شۆڕشگێڕانە، لاپەڕەیەكی زێڕین لە خەبات بۆ مافی نەتەوایەتی و مێژوویەكی پڕ لە شانازییە لە خەبات بۆ حیزبی دێموكراتی كوردستانی ئێران. پاش بەتاڵان بردنی دەسكەوتەكانی شۆڕشی نەتەوەكانی ئێران لە لایەن ئاخوندەكانەوە، ڕێژیمی تازە بە دەسەڵات گەیشتووی "كۆماری ئیسلامیی ئێران" لە لایەك بە هەموو شێوەیەك دژایەتی لە گەڵ ئەو فەزا ئازاد و دێموكراتیكە دەكرد كە لە كوردستانی خۆرهەڵاتدا پێكهاتبوو و لە لایەكی دیكەوە هیچ باوەڕێكی بە چارەسەر كردنی ئاشتیخوازانەی مافە نەتەوایەتییەكانی نەتەوەكانی ئێران و بەتایبەت مافی نەتەوایەتیی گەلی كورد لە كوردستانی ئێراندا نەبووە. هەر بۆیە ڕێژیمی خومەینی، هێزە گۆپاڵ بەدەستەكانی وەك كۆمیتەچییەكان و پاسدارەكانی بۆ شەڕ و ئاژاوەنانەوە، ڕەوانەی كوردستان و شوێنەكانی دیكەی ئێران كرد. بە هەڵگیرساندنی شەڕ لە شاری سنە و پاوە و نەغەدە و سەرئەنجام بە ڕاگەیاندنی فتوای جیهاد بە دژی نەتەوەی كورد لە خۆرهەڵاتی كوردستان، ڕێژیمی ئیسلامی ویستی كە هەم ئەم فەزا ئازاد و دێموكراتیكەی كوردستان تێك وپێك بدات و هەم بە چاوسووركردنەوە، نەتەوەی كورد لە خۆرهەڵاتی كوردستان لە ویست و داخوازییە نەتەوەییەكانی پاشگەز بكاتەوە. هەر بۆیە ڕێژیمی ئێران بۆ داگیركردنەوەی شار و گوندەكانی كوردستان بە فڕۆكە و تانک و تۆپ هێرشێكی وەحشییانەی گرتەبەر. هەروەها ڕێژیمی ئیسلامی دەستی كرد بە گرتن و كوشتاری خەڵكی سڤیل و ئاشتیخواز و مافویستی گەلی كورد و بە هەزاران كەس تووشی گرتن و زیندان و ئێعدامی بەكۆمەڵ و ئاوارە بوون هاتن. خەڵكی سڤیلی سەدان گوند كوشتار كران و بە میلیاردەها تمەن زیان وەبەر سەروەت و سامانی خەڵك كەوت. ئەفسەر و دەرەجەدارانی مافویستی كورد لە وەها بارودۆخێكدا بە دیتنی، پێشێلكردنی تەواوی مافە نەتەوەیی و سیاسی و فەرهەنگی و مرۆییەكانی نەتەوەی كورد لە كوردستانی ئێراندا، لە لایەن ڕێژیمی كۆماری ئیسلامییەوە و هەنگاونانی ئەو ڕێژیمە بۆ زیاتر میلیتاریزەكردنی كوردستان، هەروەها گرتنەبەری سیاسەتی ڕاوەدوونان و گرتن و ئەشكەنجە و زیندانی كردنی مافخوازانی كورد لە لایەن ڕێژیمەوە، ئەفسەر و دەرەجەدارانی شۆڕشگێڕی كوردی هێنایە سەر ئەو باوەڕە كە تەنیا ڕێگا دژ بە دەسەڵاتی ڕەش و سەرەڕۆ و دیكتاتۆری ڕێژیمی كۆماری ئیسلامی، خەباتی چەكدارییە. پاش كۆتایی هاتنی كۆنگرەی چوارەمی حیزبی دێموكراتی كوردستانی ئێران، چەند كەس لە ئەفسەرانی شۆڕشگێڕ بە ئەندامەتی كۆمیتەی ناوەندی هەڵبژێردران و بەشێكی دیكەیان دوای كۆنگرە، لە کارە نیزامییەکانی حیزبی دێموكراتدا لە پێگەیاندنی هێزی پێشمەرگەی كوردستاندا ڕۆڵی بەرچاویان هەبووە. هەر بۆیە ڕێژیمی كۆماری ئیسلامی هەمیشە لە ئەفسەرانی نیشتمانپەرور و ئازادیخوازی كورد لە بۆسە و پیلانگێڕییدا بوو، بۆ ئەوی بتوانێ یان لە نێویان بەرێ یان لە مەیدانی بە كردەوەی خەبات دووریان خاتەوە. بۆیە ڕێژیمی ئیسلامی لە یەكەمین كردەوەی چەپەڵی خۆیدا، پاش داڕشتنی پیلانێكی دژە مرۆیی، سەرئەنجام توانی شەهیدان سەرگورد حەبیبوڵڵا عەبباسی و سەروان ئەحمەد چەڵەبی لە بنكەی شوورای نیزامیی حیزبی دێموكرات لە شاری مەهاباد بە فێڵ و تەڵەكە تیرۆر بكات. ڕێژیمی كۆماری ئیسلامی پاش ئەو تیرۆرە، دەیان و سەدان كردەوەی تیرۆریستیی دیكەی لە شوێنە جیاجیاكانی كوردستان بە دژی ئەفسەرانی شۆڕشگێڕ كورد و هێزی پێشمەرگەی كوردستان بەڕێوە برد. بەڵام بۆ ڕێژیمی كۆماری ئیسلامی دەركەوت كە بە گرتنەبەری تیرۆر و گرتن و ئێعدامی ئەفسەرانی شۆڕشگێڕ و ئازادیخوازانی كورد، خەڵكی كورد لە ئامانجەكانی پاشگەز نابێتەوە، بەڵكوو ورە و باوەڕی خەڵكی كوردستان بۆ گەیشتن بە مافی نەتەوایەتی و ئازادی و دێموكراسی، زیاتر و بە گوڕوتینتر دەكات. چوونكە لە ڕەوتی خەباتی خۆیناویی نەتەوەی كورددا بینراوە كە ئەفسەر و دەرەجەدارانی شۆڕشگیڕی كورد هەم بوونەتە سیمای پێشەنگی خەباتی ڕزگاریخوازیی نەتەوەكەیان، كە لە مێژووی سیاسیی كوردستاندا جێگەو پێگەی تایبەتییان هەیە و هەم بە هەزاران ڕۆڵەیان لە تێكۆشەرانی كورد پێگەیاندووە. ئەفسەرانی شەهیدی وەك: شەهید سەرگورد حەبیبوڵڵا عەبباسی خەڵكی مەهاباد و بەرپرسی شوورای نیزامی، شەهید سەرگورد كەریم عەلیار بەرپرسی كۆمیسیونی پێشمەرگە و خەڵكی بۆكان، شەهید سەروان ئەحمەد جاویدفەر" كاك هەژار" خەڵكی مەهاباد، شەهید سەروان خەلیل زەرع ناسراو بە خەلیل خەلەبان خەڵكی كرماشان و فروكەوانی ئیف ١٤، شەهید سەروان حاتەم دوعاخوان فروكەوان و خەڵكی ورمێ، شەهید سەروان ئیقباڵ كەریم نژاد خەڵكی سنە، شەهید سەروان ئەحمەد چەڵەبی خەڵكی مەهاباد، شەهید سەروان عەبدوڵڵا ئەفشین خەڵكی بۆكان، شەهید خەلیل مورادی خوێندكاری فڕۆكەوانی خەڵكی سەقز، شەهید سەروان ئیبراهیم ئەحمەدی خەڵكی شاری سنە، شەهید سەروان تەحسین برومەند خەڵكی پاوە، خوالێخۆشبوو ئەحمەد ڕەبیعی ناسراو بە كاك چیا خەڵكی مەهاباد و سەرئەنجام شەهید سەروان چەكۆ ڕەحیمی خەڵكی مەهاباد، ئەو ئەفسەر و دەرەجەدارە نیشتمانپەروەر و ئازادیخوازانەی كوردستانی ئێران بوون كە بۆ هەتاهەتایە لە لاپەڕەكانی پڕ لە شانازیی مێژووی خەباتی ڕەوای نەتەوەی كورد بە ڕێبەرایەتی حیزبی دێموكراتی كوردستانی ئێراندا ناو و ڕێگا و ڕێبازیان بە زیندوویی دەمێننەوە.

هەر بۆیە كاریگەری و شوێندانەریی ئەفسەرانی نیشتمانپەروەر و شۆڕشگێڕ لە خەباتی ڕەوای نەتەوەی كورد بۆ ئازادی و دێموكراسی و مافی نەتەوایەتی، بۆتە حەقیقەتێك و هێمایەك بۆ خەباتی ڕەوای نەتەوایەتی گەلی كورد. ئێستا خەڵكی كوردستان و بە تایبەت لاوان، شانازی بە ڕێگا و ڕێبازی ئەفسەرانی نیشتماپەروەر و شۆڕشگێڕ دەكەن و تا گەیشتن بە ئامانجەكانی ئەو شەهیدانە لە تێكۆشان و خەبات لە پێناو مافی نەتەوایەتی و ئازادی و دێموكراسی بەردەوام دەبن.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧٢٣ لەم ژمارەیەدا:

ــ نان، ئازادی، کەرامەتی ئینسانی
ــ تارمایی لە چاویلکەی فاشیزمەوە
ــ کۆڵبەر یان کۆڵنەدەر
ــ د.سەربەست نەبی: دەریای سپی بە هەناسەی ڕووسیه دەژمێردرێت
  • ئەدەبیاتی کوردی و کۆماری جیهانیی ئەدەبیات ئەدەبیاتی کوردی و کۆماری جیهانیی ئەدەبیات
    مێژووی سەرهەڵدانی ئەدەبی جیهانی لەلایەن پاسکال کازانۆڤا لە کتێبی کۆماری جیهانیی ئەدەبیات(ز١٣٩٢) سێ رەوتی فۆرم، گەشەسەندن و رەوتی کێبڕکێی نێودەوڵەتی لەخۆ گرتووە و هەر رەوتێکی لەگەڵ گۆڕانکاریی بنەڕەتی لە سەرهەڵدان و پەرەسەندنی زمانە رەسەنەکانی ئەورووپا لێکداوەتەوە و مانای کردۆتەوە.
  • د.سەربەست نەبی: دەریای سپی بە هەناسەی ڕووسیه دەژمێردرێت د.سەربەست نەبی: دەریای سپی بە هەناسەی ڕووسیه دەژمێردرێت
    مەسەلەی عەفرین جودایە لەگەڵ ئەو مەسەلەیە؛ ئەجێندای سیاسیی گەورە لە پشت ئەو هێرشە هەبوو، بۆیە ئەورووپا ئامادە بوو هێرش بکات، بەڵام بۆ عەفرین نا.
  • کۆڵبەر یان کۆڵنەدەر کۆڵبەر یان کۆڵنەدەر
    ئەوەیکە لە گۆشە و کەناری وڵاتدا هێندێک خەمخۆری لەلایەن خەڵک یان خەڵکانێکدا دەبیندرێ یان هێندێک پێشکەوتن لە چەند بواری جیاجیادا دێتە ئاراوە، ئەوە هیممەت و بەرخۆدانی خەڵکە لە بەرامبەر کۆنەپەرەستی رێژیم و بە هیچ شێوەیەک پەیوەندی بە رێژیمەوە نییە .
  • \ "هوزمانەوەن" نمونەی بەرچاوی له نێوبردنی سروشتی کوردستان
    کاتێک ئێمه دەڵێین حکوومەته داگیرکەرەکانی کوردستان به بەرنامەیەکی داڕێژراو، سەرەکیترین سەرچاوەی ژیانی نەتەوەی کوردیان کردووەتە ئامانجی هێرشەکەیان، تەنیا له ڕووی هەستی خۆشەویستی خاک و کوردبوونەوە نییه، بەڵکوو لەم ڕاستایه‌دا بەڵگه ئەوەنده زۆره که تەنیا لێکوڵینەوەیەکی کورت دەتوانێ زۆر شت ڕوون بکاتەوە، بەڵام بەداخەوه لەم بوارەشدا ئێمەی کورد کەمکارییەکی ئێجگار زۆرمان کردووه.
  • دوژمنانی ئازادی چ ڕەوتە فیکرییەکیان بەدڵە دوژمنانی ئازادی چ ڕەوتە فیکرییەکیان بەدڵە
    ئەگەر ئاوڕێک لە مێژووی فەلسەفە و زۆربەی زانستە فیکرییەکان بدرێتەوە، هێندێ خاڵ بەرچاو دەکەوێت، کە وڵامی زۆربەی قەیرانە هزرییەکان دەدرێتەوە. ئەگەر لە بابەتێکدا دوو لایەن و هێڵی فیکری جیاواز دەکەونە ململانێیەوە، ئاکامەکەی یان دەبێتە هۆی بەزینی یەکیان، یان دەبێتە هۆی سەرهەڵدانی فکرێکی سێهەم کە ڕەنگە دڵخوازی هیچ لایەکیان نەبێت، بەڵام کۆتاییهێنەری ململانێیەکانە.
  • تارمایی لە چاویلکەی فاشیزمەوە تارمایی لە چاویلکەی فاشیزمەوە
    بنەماییترین تایبەتمەندییەکانی فاشیزم بریتییە لە پیرۆزمەندیی پەتی و سەرۆکێکی بێ هەڵە. لەلای فاشیستەکان ئەوەی هەمیشە وەک داردەست ئاپۆرەی پێ کۆنترۆڵ دەکرێ، تارماییەکی تۆقێنەرە کە بەپێی هەڵکەوتەیەکی تایبەت ئەم تارماییە لە شێوازی دوژمن، لایەن یان ئەگەرێک خۆی دەردەخات.
  • نان، ئازادی، کەرامەتی ئینسانی نان، ئازادی، کەرامەتی ئینسانی
    مرۆڤێك كه له هەژاریدا ڕاگیراوه، مرۆڤێك كه نكۆڵی له ناسنامه ئێتنیكی، ئایینی یان نەتەوەییەكەی دەكرێ یان دەكەوێته بەر تەوژمی سیاسەتی تواندنەوه و سووكایەتی پێكردن یان لەژێر ستەمی جنسیدا دەژی، مرۆڤێكه كه كەرامەتی لێ زەوت كراوه.
  • شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن
    گۆڕانکارییەکانی ناو کابینەی ترامپ و کاریگەرییان لە سەر سیاسەت و رووداوەکانی ناوچە، تەوەری گفتوگۆی ئەم ژمارەیەی رۆژنامەی کوردستانە لەگەڵ شەریف هەژاری، مامۆستای مێژوو لە زانکۆی سلێمانی، کە سەرنجتانی بۆ ڕادەکێشین:
  • پاژنەی ئاشیلی ڕێژیمی ئێران پاژنەی ئاشیلی ڕێژیمی ئێران
    لە دوو بابەتی پێشوودا، "شەڕی ئێران و ئیسرائیل"و بەشی یەکەمی "پاژنەی ئاشیلی ڕێژیمی ئێران"، هێڵی بەهێزی ڕێژیمی تاران (دەرەوەی سنوورەکان و کەڵک وەرگرتن لە ملیشیا و لایەنگرە شێعەکانی لە وڵاتانی ناوچە) و خاڵی لاوازی ئەو ڕێژیمە (خەڵکی ناڕازی و وەزاڵەهاتووی نێو شارەکانی ئێران) خرایە بەر باس و لێک درایەوە.
  • بێستوون، شوێنی خودای خوداکان بێستوون، شوێنی خودای خوداکان
    شاری بێستوون، یەکێک له شارەکانی کرماشانه که له باکووری رۆژهەڵاتی ئەو گەورەشاره جێگای خۆش کردووه و له سەر رێگای کرماشان - هەمەدان که سەردەمانێک پێتەختی ئیمپراتوری کوردان بوو، هەڵکەوتووه.
  • مانیفێستی ڕزگاری مانیفێستی ڕزگاری
    هەتا لاپەڕەکانی مێژووی کورد زیاتر هەڵدەدەینەوە، تابلۆی تراژێدیای کورد زیاتر دەردەکەوێت. لە پەنای ئەم تابلۆیە سەربوردەی قارەمانیەتی، فیداکاری، کاریگەری بلیمەت و ڕێبەرەکانمان لەسەر زیندوو مانەوەی کورد وەکوو نەتەوە زۆر ڕوونە. لە لایەک پرسیاری بۆچی تا ئێستا سەرنەکەوتووین دەبێتە خۆرەی مێشک، لە لایەک جێ داخە بۆچی ئەم ڕێبەرە زانا و لێهاتووانە بە ڕادەی پێویست لە لایەن تاکی کورد بەرجەستە نەکراون.
  • پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان
    ئەوان کۆتاییان بە کۆمار هێنا، بەڵام نەیانزانی ئامانجەکانی کۆمار و گیانفیدایی ڕێبەرەکانی، چ بەهایەکی مەزنن و چۆن بۆ نەوەکانی داهاتوو دەگوازرێنەوە، دوای حەفتاو یەک ساڵ لەو ڕووداوە، داستانی مەرگی سەربەرزانەی پێشەوا، هێشتا خاوەنی بەهێزترین وانەی خۆنەویستی، خەڵکویستی، ئازادیخوازی و سەرفرازییە و ئەوینێکی بەهێزیشە بۆ بە چۆکداهێنانی هەموو مەترسی و ناخۆشییەکان.
  • سووکایەتی، ئامرازی تواندنەوە سووکایەتی، ئامرازی تواندنەوە
    لە وڵاتێکدا کە چەند کەلتوور و نەتەوە و ئایینی جیاواز دەژین، حکوومەتی دەسەڵاتدار لەگەڵ هەڕەشە و دەرفەتی جۆربەجۆر بەرەوڕوویە؛ لەو جۆرە وڵاتانەدا، بەهۆی چەندنەتەوەیی و چەندکولتووری و پێکهاتەی ئاڵۆزی کۆمەڵگاوە، ژیانی کۆمەڵایەتی - سیاسی و هەروەها ئیدارەکردنی حکوومەت و دابەشکردنی دەسەڵات و سامان و ئیمتیازەکان لە نێو خەڵکدا ئەرکێکی ئاڵۆز و پڕمەترسییە، کە هەرجۆرە هەنگاو و کردارێک کە نیشان لە هەڵاواردن و بێبەشکردنی کەس و کەسانێک و پێکهاتەیەک بدا، دەبێتە هۆکارێک بۆ رووخانی ئێعتمادی خەڵک بەرامبەر بە دەسەڵاتدار و حکوومەت.
  • پانۆڕامای ساڵ پانۆڕامای ساڵ
    خوێنەرانی خۆشەویست، ڕۆژنامەی کوردستان وەک نەریتی ساڵانە لە دوایین ژمارەی ساڵدا پوختەیەک لە ڕووداو و هەواڵە گرینگە حیزبییەکانی ساڵ دەخاتە بەر دیدی ئێوەی ئازیز؛ لێرەدا بەشێک لەم هەواڵ و ڕووداوانە دەخەینە بەر چاوی ئێوەی هێژا: