• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢١ی فێڤریەی ٢٠١٨ی زایینی - ٠٢ی رەشەمەی ١٣٩٦ی هەتاوی  

دارستانی سووتاو

زایینی: ٠٩-٠٦-٢٠١٦ - هەتاوی: ١٣٩٥/٠٣/٢٠ - ١٢:٥٤ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
دارستانی سووتاو
ڕێبین

یەكەمین وێنا بۆ هەر تاكێك لە دارستان، شوێنێكی سەوز لە گەڵ چریكەی باڵندە و خۆڕەی ئاو و بۆنی ژیان و هەوایەكی خاوێن و پاكە. بەڵام ساڵانێكە داگیركەری وڵات دۆخێكی خولقاندووە كە لەگەڵ بیستنی وشەی دارستان، قرچە قرچی سووتانی جەستەی گیانەلەبەر، هەوری دووكەڵ، كۆتەرەدارێكی جەستە سووتاو و ڕەشستانێكی پڕ لە مەرگمان بۆ وێنا دەكرێت.

داگیركەر تەنیا سامانی وڵات تاڵان ناكات. داگیركەر تەنیا هەوڵی لەناوبردنی شوناس نادات. ئەو تەنیا نایهەوێت پێوەندیی نێوان تاكەكان بپچڕێنێت و كۆمەڵگایەكی لێكدابڕاو دروست بكات. داگیر تەنانەت لە پێوەندی نێوان كۆمەڵ و سروشتیش نیگەرانە. بۆیە ئەوەی لە نێو سروشتدا بۆ تاڵانكردن هەبێت، دەیدزێت و ئەوەی بۆی نەدزرێت لە نێوی دەبات. داگیركەر لەگەڵ جیهانی دەوروبەری خۆیشیدا مامەڵەچییەكی فێلبازە. ئەگەرچی جیهانی دەرەوەش زۆربەیان هەر لە ڕەگەزی خۆدی ئەون.

ڕۆژی ٥ی ژووەن لە لایەن ڕێكخراوی نەتەوە یەكگرتووەكانەوە وەكوو ڕۆژی جیهانیی ژینگە(World Environment Day) ناودێر كراوە. ئامانج لە دیاریكردنی ئەم ڕۆژە بردنەسەرەوەی ئاستی زانیاری خەڵك بۆ پارێزگاری لە ژینگە و هاندانی سیاسەتوانان بە مەبەستی دانی بڕیاری شیاو لە هەمبەر لەناوچوونی ژینگە و گیانلەبەراندایە.

زنجیرە شاخەكانی زاگرۆس، واتە خاكی كوردستانی ڕۆژهەڵات، ساڵ نیە ئاگری تێبەر نەدرێت و دارستان و لێڕەوارەكانی نەسووتێندرێت. ساڵ نیە كە بەرپرسانی دەسەڵاتی داگیركەر لە كوردستان وادە و بەڵێنی پووچەڵ بە خەڵك نەدەن.

ڕێژێمی كۆماری ئیسلامی خۆی پابەند بە هەموو كۆنوانسیۆن و بڕیاڕنامە نێونەتەوەییەكان دەزانێت، بەڵام لە كردەوەدا هیچ هەنگاوێك بۆ جێبەجێكردنیان هەڵناگرێت و هەر گرنگیشیی پێ نادات.

ساڵ دێت و دەڕوات و سووتماكی شاخ و لێڕەواری ئەم خاكە هەر بەردەوامە و ڕووبەرەكەشی تا دێت بەربڵاوتر دەبێت. دەستی پشتی ئەم ئاگركەوتنەوانەش ئیدی نەك بۆ هەموو لایەك دیارە، بەڵكوو بەرپرسانی ڕێژیمیش خەریكن خۆیان دانی پێدا دەنێن.

ڕۆژانێك ئەگەر بگوترایەت دەست و پێوەندییەكانی كۆماری ئیسلامی بە هۆی بوونی حزووری هێزی پێشمەرگە لە شاخەكانی كوردستان، ئاگر لە دارستان و لێڕەوارەكان بەردەدن، كەواسوورانی بەرلەشكر و بە ناو ئیلیت دەبوونە دەمڕاستی ڕێژیم و هەزار پاساویان بۆ دەهێنایەوە و هێرشیان دەكردە سەر ئەو میدیا و ڕۆژنامەوانانەی كە وەها هەواڵێكیان بڵاو دەكردەوە.

لە ڕێكەوتی ٤ی جۆزەردانی ساڵی پار، هەواڵدەریی "ایلنا" وتوێژێكی لە گەڵ سەرهەنگ "قاسم سبز علی" فەرماندەری یەكەی پاراستنی ڕێكخراوی دارستانەكانی وڵات بڵاو كردەوە كە ناوبراو لەوێ وێڕای دانپێدانان بەوە كە پارێزگاكانی كوردستان و ئیلام زۆرترین هەژماری ئاگركەوتنەوەی بە ئەنقەستی دارستانەكانیان هەیە، لەمەڕ هۆكارەكانی ئاگركەوتنەوە گوتبووی : "هۆكاری ئاگرتێبەردانی بەئەنقەست لە پارێزگا سنوورییەكانی وەك سنە و ئیلام حزووری عەشیرە و خێڵ و گرووهەكەكانە(مەبەستی پێشمەرگەكانی پارتە سیاسییە كوردەكانی دژبەری ڕێژیمی ئێرانە).

لە ساڵی ١٣٩٣دا، بەپێی ئاماری ئاژانسی كوردپا، ٢٣٥ حاڵەتی ئاگركەوتنەوە لە كوردستانی ڕۆژهەڵات تۆمار كرابوو كە ١٧٤ حاڵەتی تایبەت بە پارێزگای سنە، ٣٧ حاڵەت لە كرماشان، ١٧ حاڵەت ورمێ و ٧ حاڵەت لە پارێزگاری ئیلام ڕووی دابوو.

لە هەوڵدان بۆ كوژاندنەوەی ئەم ئاگركەوتنانەدا، دامودەزگاكانی ڕێژیم نەك بەشدار نەبوون، بەڵكوو ڕێگر بوون لە بەرانبەر ڕێكخراوە ژینگەپارێزەكان كە خەڵكێكی دڵسۆز بە دڵخواز دایانمەزراندبوو.

چالاكانی ژینگەپارێز و ئەندامانی خودی ئەم ڕێكخراوانە، زۆرجار لە وتوێژەكانیان لە گەڵ میدیاكان باسیان لەوە كردووە كە دەستێكی شاراوە لە پشت ئەم ئاگركەوتنانەوە هەیە و زۆرجار هێماكان ڕوو لە دەسەڵاتی داگیركەر و سپای پاسداران بووە.

لە ساڵی ٩٤دا، تەنیا لە شاری مەریوان ٢٤٠ حاڵەت، بانە ١٢٨ حاڵەت، كرماشان و ئیلام ٥٣ حاڵەت، خانێ ٨ حاڵەت و شوێنكەكانی دیكەی كوردستان ٣٧ حاڵەتی ئاگركەوتنەوە تۆمار كراوە.

كارتێكەریی ئەم سووتماكە لە سەر ژینگەی كوردستان زۆر مەترسیدارە و هەڕەشەی لە ناوچوونی ژینگە بۆ نەوەكانی داهاتوو لە ئارادایە. جیا لە سووتان و لەناوچوونی دار و لێڕەوار و گژ و گیا، دەیان گیانلەبەر و پەلەوەر یان دەسووتێن یاكوو سەرگەردان و بە ناچار ئەو شوێنانە بە جێدەهێڵین و ئەمەش مەترسیی لە ناوچوونی جۆرە دەگمەنەكانی لە گەڵە.

بەپێی ڕاپۆرتی ماڵپەڕی كوردستان میدیا(ڕێكەوتی ١١ی پووشپەڕی ١٣٩٤)، كارگێڕی گشتیی سەرچاوە سروشتیەكانی پارێزگای سنە گوتبووی كە زیاتر لە ٣٥٠ هێكتار لە دارستانەكانی شاری مەریوان لە ئاگردا سووتاون.

هەروەها چالاكانی ژینگەپارێز باسیان لەوە كردبوو كە ٢٠ لە سەدی دارستانەكانی بەڕووی كوردستان بە هۆی ئاگركەوتنەوە و بۆ هەمیشە توانای ڕۆنانیان نەماوە. هەر لەم ڕاپۆرتەدا ئەم بەرپرسە گوتبووی كە كۆپترێك بۆ گواستنەوەی هێزی تایبەت بۆ كوژاندنەوەی ئاگر لە پارێزگای سنە بوونی نیە.

ماڵپەڕی حكوومەتیی تابناك، ٤ی جۆزەردانی ئەمساڵ لە زاری "محەممەد ڕەزا مروارید" پارێزگاری پارێزگای ئیلامەوە بڵاوی كردەوە كە؛ زیادبوونی هەژماری ئاگركەوتنە لە دارستانەكانی ئیلام لە ساڵی ٩٤دا، پرسیار هەڵگرە و بە هیچ شێوەیەك سروشتی نیە. ناوبراویش دیسانەوە باسی لە نەبوونی كۆپترێك بۆ گواستنەوەی هێزی تایبەت لە ئیلام كردبوو.
دەسەڵاتانی داگیركەر باش دەزانن کە گەمە لەگەڵ هزری گشتی بكەن.

خۆیان ئافرێنەری ڕووداوەكانن و ڕووداوەكان تا سنووری كارەسات دەبەن، ئەگەرچی خۆیان هەر لە سەرەتادا توانایی و كەرەستەی پێشگرتن لە ڕوودانی ڕووداوەكان و كۆنترۆڵكردنیان هەیە، بەڵام لە پشتی خولقاندنی ڕووداوەكانەوە، مەبەستێكی نگریس نووستووە.

هەروەك لە سەرەوە باسمان كرد و فەرماندەری یەكەی پاراستنی ڕێكخراوی دارستانەكانی وڵاتیش دانی پێدا نابوو، یەكێك لە هۆكارەكانی ئاگركەوتنەوەكان بوونی پێشمەرگەكانی پارتە كوردییەكانی دژبەری ڕێژیمە لە ناوچەدا. بەڵام ئەوان بكەر و ئەنجامدەری ئەم كارەساتە نین. ڕێژیم دەیهەوێت بە لەناوبردنی دارستان و لێڕەوارەكان شوێنی حەشاردان و حەسانەوەی ئەوان لە ناوببات و هەروەها خەریكی دروستكردنی بەستێنێكە كە وەها نیشان بدات كە ئەمە بەرهەمی كردەوەی ئەوانە.

ئەگەر ئەوان واتە پێشمەرگە ئەنجامدەریشی نەبن بە هۆی ئەوانەوەیە كە ژینگەی كوردستان دەسووتێندرێت و لەناو دەچێت.

بەڵام كۆماری ئیسلامی لە كوێ و ڕاستگۆیی و دڵسۆزی بۆ خەڵكی كوردستان لە كوێ؟ تۆ بڵێی گۆلی زرێبار، ئاوی كانی بڵ، گۆلی ورمێ، تاقۆسانی كرماشان، سەراو نیلووفەری كرماشان و .... هەمووی هەوارگەی پێشمەرگە بێت كە ڕێژیم هێدی هێدی خەریكی لەناوبردنیانە.

دژایەتی كردنی دەسەڵاتی داگیركەری كۆماری ئیسلامی لە گەڵ گەلی كورد، ڕاستیەكی حاشاهەڵنەگرە، بێشك لە تاران كورد نەك هاووڵاتی بەڵكوو دوژمنێكی هەمیشەییە. سەركوت دەبێت هەمیشە وانەی یەكەم لە هەڵسوكەوت و بەرەوڕووبوونەوە لە گەڵ وان بێت. بیركردنەوە لە تاران ئاوەهایە و ئەمەش هەم پاشخانێكی مێژوویی هەیە و هەمیش گوتارێكی گشتگیر و بیچم گرتووە. كوردی هاووڵاتی لە لای وان هەوسار لە ملێكی بێ شوناسی شوێنكەوتووی خواست و داخوازییەكانی ئەوانە.

پیلانەكانی ڕێژیم بۆ هەرچی زیاتر لە ناوبردنی سامان و سروشتی كوردستان و تواندنەوەی زمان و شوناس و كولتووری كوردستان هەر بەردەوامە و بێگومان پلانێكی درێژخایەن و كار لەسەركراوە.

لە ناوبردنی ژینگە و ڕووتاندنەوەی شاخەكانی كوردستان، بەشێك لەم پیلانە نگریسەیە. تۆ بڵێی ڕێژیمێك كە ڕۆژانە دەیان تۆن چەك و چۆڵی سەربازی بۆ لۆبنان و عێراق و سووریە و یەمەن و ... بەڕێ دەكات، توانای دابینكردنی دوو كۆپتری بۆ ئیلام و سنە نەبێت.

ڕێژیمێك كە سەدان هەزار هێزی سەربازیی لە كوردستان جێگیر كردووە و لەسەر هەر تەپۆڵكە و شاخێكی كوردستان پێگەیەكی سەربازیی دروستكردووە و بە میلیارد پارە بۆ بە بەسیج كردنی خەڵك خەرج دەكات، توانایی دابینكردنی چەن كەرەستە و ماشینێكی ئاگركوژێنەوەی نەبێت.

دەبێت تێبفكرین، بەها و نرخی خۆمان واتە كوردستانیان لە لای ڕێژیم بزانین. لە دروشم و پڕوپاگەندەكان گەڕێین و كردەوەكان ببینین. پرسیار بكەین تۆ بڵێی لوبنان و كەربلا و نەجەف نزیكتر بێت لە تاران یان سنە و كرماشان؟ ئەوان ساڵانێكە لەگەڵ ئەمە ڕاهاتوون كە ئێمە برا و یار و دۆستی ئەوان نین؟
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.