• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢١ی فێڤریەی ٢٠١٨ی زایینی - ٠٢ی رەشەمەی ١٣٩٦ی هەتاوی  

پەیامێك لە مینبەری درۆ و چەواشەكارییەوە

زایینی: ٠٦-٠٤-٢٠١٢ - هەتاوی: ١٣٩١/٠١/١٧ - ٠١:٤١ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
پەیامێك لە مینبەری درۆ و چەواشەكارییەوە
سەلام ئیسماعیل پوور

وتەكانی عەلی خامنەیی، رێبەری كۆماری ئیسلامی لە یەكەمین رۆژی ساڵی نوێی هەتاویدا نیشاندەری درێژەی چالاكیی ماشینی درۆ و چەواشەكاری و ئەنجامگیرییە نادرووستەكانی رێبەرانی رێژیم لە راستییەكانی گۆڕەپانی نێوخۆ و دەرەوەی وڵات بەپێی ئەو چەواشەكارییانەیە كە بۆ خۆیانیش لە ساختەبوونی ئاگادارن.

لە پەیامی نەورۆزیی رێبەری رێژیم و لێدوانەكەی ناوبراو لە مەشهەددا كۆمەڵێك خاڵ وەبەرچاو دەكەون كە نیشان دەدەن دیكتاتۆرێكی نارسیسیستی گەمارۆدراو لە نێو خەرمانەیەك لە خواوەندیی درۆییندا تا چ رادەیەك دەتوانێت بە ئاكامگیریی ئاوەژۆ لە راستییەكانی دەوروبەری، خۆی و رێژیمەكەی بخاتە نێو رێڕەوێكی پێچەوانەی رەوتی مێژوو و بە پێداگری لەسەر مانەوەی دەسەڵاتەكەی وا نیشان بدات كە لە سەر رێچكەی پەرەسەندن و گەشەدایە.

لە ساڵێكدا كە گەمارۆ نێونەتەوەییە بەربڵاوەكان، هەڵاوسانی ئابووریی هەوسارپچڕاو، دابەزینی نرخی ریاڵ لە بەرانبەر دراوە دەرەكییەكاندا، ئاشكرابوونی دزی و گەندەڵیی گشتگیری ئابووری، هاتوچۆی چڕوپڕی كەشتییە شەڕكەرەكانی رۆژئاوا لە سنوورەكانی باشووری ئێراندا، وەئاویلكەكەوتنی دیكتاتۆریی بنەماڵەی ئەسەد لە سووریە و بڕبڕەی پشتی بەرەی تیرۆریستیی تاران ــ بەقاع، لەقاودرانی رۆڵی رێژیمی ئێران لە تێرۆرەكانی دەرەوەی وڵات لە رۆژهەڵاتی ئاسیا، قەفقاز، هیند، ئەمریكا و...، دووپاتبوونەوەی ریسوایی داگیركردنی باڵوێزخانەكان، ناكۆكییە روو لە زیادبوونەكانی تاقمەكانی دەسەڵات، تەحریمی بەربڵاوی شانۆی هەڵبژاردن لە لایەن خەڵك و تەنانەت بەشێك لە خودییەكانی رێژیم لە رابردوودا و ...تەنگیان بە رێژیم هەڵچنیبوو، وەلیی فەقیه بە نكۆڵیكردن لەم هەموو راستییانە بانگەشەی ئەوەی كرد كە رێژیم بە سەر هەموو قەیرانەكاندا زاڵ بووە و رووداوەكان بەگشتی لە قازانجی كۆماری ئیسلامیدا بوون.

خامنەیی لە پەیامی خۆیدا رەوتی رووخانی دیكتاتۆرەكانی ناوچە نەك بە دەركەوتنی بەرایی رووخانی خۆی و كۆتایی دیكتاتۆریی رەشی كۆماری ئیسلامی، بەڵكوو بە درێژەی ئاوات و بەرنامەكانی خۆی و رێژیمەكەی دەزانێت، وەك ئەوەی كە خۆی لە چەشنی ئەو دیكتاتۆرانە نەبێت. هەڵبەت ئەمە سروشتی دیكتاتۆرییە كە هیچ سەرەڕۆیەك دان بە سەرەڕۆبوونی خۆیدا نانێت و ئامادە نیە خۆی لەگەڵ سەرەڕۆ و دیكتاتۆرەكانی هاوچەشنی خۆی بەراورد بكات و هەموویان خۆیان بە بەشێك لە خەڵك یان هێمای ئیرادە و رۆحی نەتەوەیی دەزانن و ئەم وەهمە تا كاتێك درێژە دەكێشێت كە هاواری ناڕەزایی خەڵك، كۆشكی دیكتاتۆری بە سەریاندا دەڕوخێنێت.

خامنەیی وەها چەقیوەتە نێو وەهمی دیكتاتۆرانەی خۆی كە شانۆگەریی «ئیمامی مقەبایی» و شانۆی كۆمیكی سارد و بێ گیانی رێپێوانی 22ی رێبەندان و بەشداریی بەشێكی زۆر كەم لە خەڵك لە نمایشی هەڵبژاردنی مەجلیسدا بە دیمەنی پێشاندەری ئۆتۆریتەی نەتەوەیی دەزانێت كە لە رابردوودا كەمتر وەبەرچاو كەوتووە.

رێبەری رێژیم هەروەها باس لە پێشكەوتنە زانستی، ئابووری و سیاسییەكان دەكات كە خەڵك نەیانتوانیوە بیبینن، بەڵام ئەو بە هۆی رووباری خرۆشانی بەسیرەت و بەرچاوڕوونییەك كە هەمیشە خۆی بە خاوەنی دەزانێت، هەستی پێ كردووە و لەداهاتوویەكی نادیاردا بۆ خەڵكیش باسی دەكات.

پێداگریی بەردەوامی خامنەیی لەسەر وشەی «من» وەكوو زاتێكی چاو و دڵ روون و ئاگا و بێبەری لە كەموكۆڕی و پاڵپشتێكی ئەستوور، نیشان دەدات كە ئەو زاتە بە رادەیەك عەوداڵی پێگە و وەهمی هەیبەتی خواوەندیی خۆی بووە كە لە دنیای خەیاڵی خۆیدا لە زەوی دابڕاوە و لە بیری كردووە كە ئەویش كەسێكی ئاسایی لە چەشنی هەمان ئەحمەد خاتەمی، سەعید مورتەزەوی و قوتابییەكانی دیكەی رێبازی وڵایەتی فەقیهە، نەك بوونەوەورێكی جیاواز و خاوەن تایبەنمەندیی سەیر و سەمەرە و زاڵ بە سەر دەروون و دەوروبەری خۆیدا.

یەكێكی دیكە لە تەوەرەكانی باسی خامنەیی، بە بنەمادانانی باسی ئابووری لە بەرنامەكانی ساڵی داهاتووی رێژیمدایە.

خامنەیی كە ساڵی رابردووی بە ساڵی «جیهادی ئابووری» ناودێر كردبوو و لە وەها ساڵیكدا نسكۆی ئابووریی ئێران، ئاشكرابوونی دزییە میلیاردییەكان و شاردنەوەی بەشێكی بەربڵاو لە گەندەڵیی سەرسووڕهێنەری تاقمەكانی دەسەڵات، دابەزینی نرخی ریاڵ، مایەپووچبوونی كارگەكانی بەرهەمهێنان و بێكاربوونی كرێكاران، دواكەوتنی مووچەكان، راوەستانی بەشە جۆربەجۆرەكانی ئابووری، هەڵاوسانی روولەزیادبوون، نرخی گەشەی ئابووریی سیفر و ... بەشێك لە بەرهەمەكانی جیهادە ئابوورییەكەی بوون، لە وەها پێشەكییەكی كارەساتبار بە ئەنجامێكی درەوشاوە و ئیدەئال دەگات و بانگەشەی ئەوە دەكات كە رێژیم ئەو قەیرانانەی بە سەر بەرزییەوە تێپەڕاندووە و جیهادی ئابووری بە ئاكامی دڵخوازی خۆی گەیشتووە.

بە پشتبەستن بەم وێنا خەیاڵییەوەیە كە خامنەیی بە بێ لەبەرچاوگرتنی راستییە سیاسییەكانی كۆمەڵگا و گۆڕەپانی نێونەتەوەیی، باس لەوە دەكات كە بە درێژەكێشانی ئەم رەوتە و پشتیوانیی خەڵك و دەوڵەت لە بەرهەمهێنانی نێوخۆیی، لە ساڵی داهاتوودا كێشەی بێكاری و هەڵاوسانی ئابووری چارەسەر دەبێت.

لە روانگەی وەلیی فەقیهەوە هیچ گرینگ نیە كە بەستێنی نێوخۆیی و دەرەكی لە بواری ئابووریدا بۆ خولقاندنی وەها پەرجۆیەك ئامادە نیە، پرسی هاوردەی بێ سەرەوبەری شمەك لە چین و قاچاخی شمەك لە ئیسكلە نایاساییەكانەوە و خۆبواردن لە دانی تەعرفە و گومرك و باج كە زیاتر لە لایەن باسكە ئابوورییەكانی سپای پاسداران و رایەڵەی بەربڵاوی ئاغازادەكان و مەرجەع تەقلیدەكانەوە ئەنجام دەدرێت كە لە مافیای ئابووریدا تێوەگلاون، لە وەها روانگەیەكدا هیچ كاریگەرییەكیان لەسەر كەرتی بەرهەمهێنان لە نێوخۆدا نیە. گرانیی كەرەستەی خاوی لە دەرەوەهێنراو، گرانیی دراوی دەرەكی، دابیننەبوونی بوودجەی پێشبینی كراو بە هۆی تەحریمە نەوتی و بانكییەكانەوە، دابەزینی توانای كڕینی خەڵك و ... هەرگیز لەو هۆكارانە نین كە بتوانن گۆڕانێك لە ئەنجامی فتوای وەلی فەقیهی رێژیمدا پێك بێنن. ئەوەی كە خەڵك و خاوەن رایانیش قسەكانی باوەڕ دەكەن یان نا، هیچ گرینگ نیە، چوونكە خەڵك و كارناسان لە جێگایەكدا نین كە بتوانن گومان بخەنە سەر راستی یان ناڕاستبوونی روانگەكانی.

لە پێوەندی لەگەڵ هەڕەشەی سەربازیی دەرەكی بۆ سەر كۆماری ئیسلامی و پێوەندیی لەگەڵ بەرنامەی ناوكیی رێژیمدا خامنەیی بانگەشەی ئەوە دەكات كە رێژیم نایهەوێ دەستی بگاتە چەكی ئەتۆمی، بەڵام لە هەر ئاستێكدا كە هێرشیان بكرێتە سەر، هەر لەو ئاستەشدا لە خۆیان بەرگری دەكەن.

ئەوەی كە كۆماری ئیسلامی نایهەوێت چەكی ئەتۆمی بەرهەم بێنێت، زیاتر لە جۆرێك تەقیەی سیاسی نیە بەڵام دوابەدوای ئەوە، جۆرێك گوتاری هێژموونی خوازانەی بە دەر لە چوارچێوەی تواناییەكانی رێژیم دێتە ئاراوە و خامنەیی لە لووتكەی زلهێزییەوە قسە دەكات و دەڵێت كە توانای بەرەنگاری لەگەڵ هەموو هێزە سەربازییەكانی ئەم سەردەمەی تێدایە.

هەواڵدەریی سپای پاسداران (فارس) واتایەكی باشتر لەم بانگەشەیە دەخاتە روو. ئەویش ئەوەیە كە بەپێی رێنوێنییەكانی خامنەیی لە ساڵی داهاتوودا دەبێ چاوەڕوانی زیاتربوونی عەمەلیاتە تێرۆریستییەكانی هاوچەشنی هێند و تایلەند بین كە جۆرێك بەرپەرچدانەوەی عەمەلیاتی نهێنیی رۆژئاوا دژ بە بەرنامە و دامەزراوە ئەتۆمییەكانی رێژیمە. ئەگەر وای دابنێن كە ئەم شیكردنەوەیە درووستە، دەبێ بڵێین كە عەمەلیاتە تێرۆریستییەكانی ئەم دواییانەی رێژیم شایانی بەراورد لەگەڵ رادەی زیانەكانی پرۆژە ئەتۆمییەكانی رێژیم و خەسارە مرۆییەكانی لەم پێوەندییەدا نین.

رێبەری رێژیم لە بەشێكی دیكە لە وتەكانیدا وێڕای دانپێدانان بە ناكۆكییە چارەسەرهەڵنەگرەكانی نێوان تاقمە جۆرەبەجۆرەكانی رێژیم و پاڕانەوە لێیان كە لانیكەم «دەستەویەخە نەبن»، تاوانی هەموو ئەو ناكۆكییانە دەخاتە ئەستۆی ئینترنێت و ئامرازە ئێلێكترۆنیكەكان كە «بوونەتە هۆی ئەوەی كە خەڵك بە بێ ترس دژی یەكتر قسە بكەن» و داوا لە بەرپرسان دەكات كە ئەم مەسەلەیە چارەسەر بكەن.

ئەم پەیامە بە راشكاوی دەربڕی ویستی وەلی فەقیه بۆ پتەوكردنی سانسۆر و خەفەقان بەتایبەتی لە فەزای سایبریدایە، بە سەرنجدان بە بڕیاری ئەم دواییانەی لەمەڕ دامەزرانی شوورایەك بۆ كۆنترۆڵی فەزای سایبری (كە لەم بوارەدا مافی یاسادانانی هەیە) دەتوانین بڵێین كە خامنەیی ئەمجارە بە درووستی تێگەیشتووە كە گەورەترین هەڕەشە بۆ سەر خۆی و رێژیمەكەی، ئاگابوونەوەی خەڵك و شەفافییەت لە بواری راگەیاندن و چاپەمەنییەكاندایە كە دەتوانین وەك «پاژنەی ئاشیلی رێژیم» باسی لێ بكەین.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.