• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٧ی فێڤریەی ٢٠١٧ی زایینی - ٠٩ی رەشەمەی ١٣٩٥ی هەتاوی  

عیرفان ڕەهنموون: ڕێفۆرمخوازانی بەناو کورد دژە شۆڕشن و بەرژەوەندییان لە دۆخی ئارامدایە

زایینی: ١٦-٠٧-٢٠١٦ - هەتاوی: ١٣٩٥/٠٤/٢٦ - ١٧:٤٩ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
عیرفان ڕەهنموون: ڕێفۆرمخوازانی بەناو کورد دژە شۆڕشن و بەرژەوەندییان لە دۆخی ئارامدایە
ماڵپەڕی کوردستان میدیا لە پێوەندی لەگەڵ خەباتی نوێی حیزبی دێموکراتی کوردستانی ئێران، لەگەڵ ژمارەیەک لە چالاکانی سیاسی و کەسایەتی ئاکادمیک وتووێژی پێک هێناوە کە دەقەی ئەم وتووێژانە لە ماڵپەڕی کوردستان میدیاوە بڵاو دەکرێتەوە.

ماڵپەڕی کوردستان میدیا لەم پێوەندییەدا لەگەل "عیرفان ڕەهنموون " چالاکی سیاسی وتووێژێکی لەم بارەیەوە پێک هێناوە.

دەقی وتووێژەکە:

١ـ پێویستییەکانی ڕاسانی حیزبی دێموکرات لەم قۆناغەدا بۆ چی دەگەڕێتەوە؟

ئەم ڕاسانە نوێیەی حیزبی دێموکراتی کوردستان ئێران، سەرچاوە گرتوو لە پێویستییەکی مێژوویی و ئەو ئەتمۆسفێرە ئاڵۆز و تێکچێڕژاوە سیاسییەیە کە سەرجەم ڕۆژهەڵاتی ناڤینی گرتووەتەوە. هەر وەک هەموان ئاگادارن، نەتەوەی کورد لە باشوور و ڕۆژئاوا و باکووردا ، لەگەڵ داگیرکەرانی کوردستان لە ململانییەکی خوێناوی و مافخوازانە دایە و پێش ئەم ڕاسانە نوێیەی ڕۆژهەلات ، ڕێژیمی فاشیست-ئیسلامیی ئێران ، وای دەنواند کە لەبەرەی دژی تێرۆریزمی داعش دایە و لافی ئەوەی لێدەدا کە ئێران دووڕگەی ئارامە و چەقی سەقامگیری و تەناهییە لە ڕۆژهەڵاتی ناڤینی تەژی لە ئاگر و خوێندا. هەر بۆیە پێویست بوو ئەو دووڕگە بە رواڵەت ئارامەی ڕیژیمی فاشیستیی تاران ، لە لایەن پێشمەرگە گیان لە سەر دەستەکانی ڕۆژهەلاتی کوردستانەوە بشڵەقێ و ڕێگا بە ڕێژیمی سەرەڕۆی تاران نەدرێ کە دۆخەکە لە بەرژەوەندیی خۆی بقۆزێتەوە و جارێکی دیکە ماف و ئازادییەکانی گەلی کورد لە ڕۆژهەڵات ببێتە ڕۆژەڤی دەنگ و باسی دونیا و ڕۆژئاواش لەوە تێ بگات کە، ئێران وڵاتێکی لەرزۆکە و ناتوانن و لە بەرژەوەندییان نیە کە سەرمایەکانیان لەو وڵاتەدا بخەنە گەڕ.

٢ـ حیزبی دێموکراتی کوردستانی ئێران چەندە دەتوانێت ببێتە هێزێکی شوێندانەر لە ناوچەکەدا؟

حیزبی دێموکراتی کوردستانی ئێران ، حیزبێکی مێژووییە و تەژییە لە وزەی شۆڕشگێڕی و بەسەدان هەزار ئەندام و لایەنگر و سەمپاتی لە ڕۆژهەلاتی کوردستاندا هەیە و ئەگەر بتوانێت ، گشت وزە هێزەکی(بلفعل)یەکانی بخاتە بواری پراکتیکەوە و بەپێی بەرنامەی ورد و کارناسانە ، بڕواتە پێش ، نە تەنیا لە سەر ئاستی ئێران و ڕۆژهەلاتی کوردستان ، بەڵکو لە سەر ئاستی ڕۆژهەلاتی ناڤینیش‌دا، دەتوانێ ببێتە هێزێکی شوێندانەر لە سەر هاوکێشە سیاسییەکانی ناوچەکە و لەوەها دۆخێکدا، هێزە ناوچەیی و جیهانییەکان ناتوانن بە هێندی وەرنەگرن.

٣ـ چالاکانی ئیسلاح تەڵەب لە کوردستان ڕاسانی حیزبی دێموکرات چەواشە دەکەن، بۆ چ هۆکارێک دەگەڕێتەوە؟

ڕێفۆرمخوازانی بەناو کورد بەپێی پێوەرە زانستییەکان لە نێو هێزە کۆنسێرڤاتیڤە پاشڤەڕۆکاندا پۆلینبەندی دەکرێن و لە ڕووی چینایەتیشەوە ئەخلاقی وردە بۆرژوایان هەیە و بەپێی سروشتیان، دژە شۆڕشن و بەرژەوەندییان لە دۆخی ئارامدایە تا بەرژەوەندییە ئابووری و سیاسییەکانیان نەکەوێتە مەترسییەوە. ریفۆرمخوازانی بە ناو کوردی نێو سیستمی ڕێژیمی ئاخوندی ، توێژێکی پاسیڤ و بەرژەوەندیخواز و ناشۆڕشگێڕ و کۆیلەی ئەربابە ئێرانی- فارسەکانیانن و هیچ پێگەیەکیان لە ڕۆژهەلاتی کوردستاندا نیە و تەنیا کارییان ، ڕووتوش‌کردنی سیمای دژە مرۆڤانەی ڕیژیمی فاشیست-ئیسلامیی ئێرانە.

٤ـ بە گشتی ڕا و بۆچوونی ئێوە لە سەر ڕاسانی حیزبی دێموکرات چیە؟

ئەم ڕاسانە نوێیە بە یەکێک لە زێڕینترین بڕگەکانی مێژووی پڕ لە هەوراز و نشێوی حیزبی خۆشەویستی کۆمەڵانی خەڵکی کوردستانی دەزانم و ئەرکی هەموو کوردێکی ئازادیخواز و نیشتیمانپەروەرە کە لە هەر ڕێگەیەکەوە کە بۆیان دەلوێ، یارمەتی ئەم ڕاسانە مافخوازانەیە بدەن. هەروەها پێویستە پارت و ڕێکخراوەکانی دیکەی ڕۆژهەلاتی کوردستانیش، پەیوەست بەم سەرهەڵدانە شۆڕشگێڕانەیە ببن و هەموان بەتێکڕا بتوانن بەرە و ئاسۆی ڕوونی وەدەستهێنانی ماف و ئازادییەکانی خەڵکی کوردستان هەنگاو بنێنن. لە کۆتایی‌دا سەری ڕێز و نەوازش بۆ سەرجەم شەهیدانی کوردستان و بەتایبەت شەهیدانی سەربەرزی داستانە نەبەردییەکانی ناوچەی شنۆ و کۆساڵانی مەریوان نەوی دەکەم.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٦٩٥ لەم ژمارەیەدا:

ــ نیشانەناسیی ڕاسان وەک شەڕی نوێ
ــ فرۆشتنی منداڵان، فرۆشتنی بەشێك لە ژیان
ــ ئاستەنگەکانی بەردەم سەربەخۆیی باشووری کوردستان
ــ ڕاسان و خەباتی مەدەنی
  • مستەفا هیجری: ئه‌وڕۆ له‌ هاوكێشه‌كانی جیهاندا حسێب له‌سه‌ر هێز ‌ده‌كرێ مستەفا هیجری: ئه‌وڕۆ له‌ هاوكێشه‌كانی جیهاندا حسێب له‌سه‌ر هێز ‌ده‌كرێ
    ئایا ئه‌وه‌ی كه‌ كوردستانی ئێران له‌ ڕۆژەڤی ناوچه‌ و جیهاندا نییه‌، كێشه‌كه‌ی ده‌گه‌ڕێته‌وه‌ سه‌ر بارودۆخی دونیا، یان خۆمان وه‌ك كوردی ڕۆژهه‌ڵات یا هۆكاری دیكه‌؟
  • ئاستەنگەکانی بەردەم سەربەخۆیی باشووری کوردستان ئاستەنگەکانی بەردەم سەربەخۆیی باشووری کوردستان
    ئەگەر بێت و کورد لەو قوناغە هەستیارەدا بە دەرس وەرگرتن لە مێژوو و هەبوونی تێڕوانینێکی ڕوون بۆ داهاتوو نەجووڵێتەوە، ئەوە ئەگەری دووبارە ڕوودانی هەموو نەهامەتییەکانی سەد ساڵی ڕابردوو لە ئارادا هەیە، و بە پێچەوانەش دەتوانێ سەد ساڵی داهاتوو بە شێوەیەک بۆ کورد درووست بکات کە، بەر لە هەمووشتێک کەرامەت و ئازادی بۆ خۆی بگەڕێنێتەوە، و پاشانیش لە جێگای شەڕ و گیانفیداکردن بۆ نیشتمان، بیاڤەکانی وەکوو پێشکەوتنی ئابووری و کۆمەڵایەتی بکاتە ئەرکە سەرەکییەکانی خۆی.
  • ڕۆشنبیر؛ ویژدانی كۆمه‌ڵگا ڕۆشنبیر؛ ویژدانی كۆمه‌ڵگا
    له ڕاستیدا، له ڕۆژهه‌ڵاتی ‌نێوه‌ڕاست به تایبه‌ت له ئێراندا، ئه‌م كێشه‌یه فراوانتر و ئه‌م پرسیارگه‌له به‌رچاوترن، ئه‌ویش له بارودۆخێكی نائاسایی كه ڕۆشنبیری ئه‌م ناوچه‌یه تووشی ده‌بێت و به شێوه‌گه‌لێك ناكۆكی له كردار و گوتاریان ده‌بینرێت كه ڕه‌نگه له كه‌متر شۆێنك له‌م دنیایه ببیندرێت و ئه‌مه دەرخەری ئەوەیە كه كاراكتری ڕۆشنبیری فیدای بارودۆخێكی ڕامیاری – كۆمه‌ڵایه‌تی بووه .
  • فرۆشتنی منداڵان، فرۆشتنی بەشێك لە ژیان فرۆشتنی منداڵان، فرۆشتنی بەشێك لە ژیان
    چیرۆكی منداڵانی تازە لەدایكبوو كە پێ دەنێنە نێو دنیایەكی پڕ لە ژان و خەفەت و هەر لە سەرەتای هاتنیانەوە بۆ ئەم دنیا، بە جێگای باوەشی گەرمی بنەماڵەكانیان میوانی باوەشی سارد و پڕ لە مەینەتی شەقامەكان دەبن، چیرۆكێكی دڵتەزێنە كە بە مامەڵە كردن لەسەر ئەوان گیرفانی دەستە و گرووپە مافیاكانی لێ پڕ دەبێت و لە كۆتاییشدا كەس وەڵامدەری داهاتووی پڕ لە خەفەت و تاریكیی ئەوان نابێت.
  • یەکیەتیی لاوان، وەک یەکەم ڕێکخراوی تایبەت بە توێژی لاوی کورد یەکیەتیی لاوان، وەک یەکەم ڕێکخراوی تایبەت بە توێژی لاوی کورد
    هەر بە سەرنجدان بەم ڕاستییە حاشاهەڵنەگرەش بوو كە؛ یەكیەتیی لاوانی دێموكراتی كوردستانی ئێران له‌ یەكێك لە زێڕینترین قۆناغەكانی بزاڤی ڕزگاریخوازی نەتەوەی كورددا، دامەزرا.
  • ئەزموونێكی تاڵ كە لە باشووری كوردستان دووپات كرایەوە! ئەزموونێكی تاڵ كە لە باشووری كوردستان دووپات كرایەوە!
    بە دامەزرانی سپای پاسداران، جموجووڵی خەڵكی ئێران كە تازە لە ژێر ستەمی پاشایەتی ڕزگاریان ببوو، جارێكیتر كەوتەوە ژێر چاوەدێری و دەسەڵاتی ڕێژیمی تازە و تووشی زەبر و زەنگ و سەركوت بووەوە.
  • نیشانەناسیی ڕاسان وەک شەڕی نوێ نیشانەناسیی ڕاسان وەک شەڕی نوێ
    قسەکانم بە ڕوونی چاودێری لە بەرپرسیایەتێکە کە لە شێوازی بەیانی ئەدەبی خۆی دەردەخات. هەڵسەنگاندنی بەرپرسیارەتی، لە چوارچێوەی ئیدئۆلۆژیک، هەڵەیەکی گەورەیە لە حیزبەکانی دیکەی کوردستانی ڕۆژهەڵات، لە ماوەی ساڵانی ڕابردوودا تووشی بوونە.
  • ڕاسان و خەباتی مەدەنی ڕاسان و خەباتی مەدەنی
    ڕاسانی ڕۆژهەڵات بەبێ خەباتی شار و کەڵک وەرگرتن لە هێزی خەڵک مانایەکی نابێ و خەباتی شار یەکێک لە کۆڵەکەکانی ڕاسانە و ئامانجی ڕاسانیش بریتیە لە ڕێکخستنی خەڵک لە خەباتێکی جیددی و واقیعیدا، دژ بە سیستمی زاڵ، بۆ ئەوەی داهاتوویەکی باشتر بونیات بنرێ نەک ئەم سیستمە بە دەمامکی ڕەنگاڵەوە بمێنێتەوە.
  • سیاسەتی دوور هاوێتنی پرسی كورد بۆ ئەو دیوی سنوورەكانی ئێران سیاسەتی دوور هاوێتنی پرسی كورد بۆ ئەو دیوی سنوورەكانی ئێران
    لە سیستمە داخراوەكاندا زۆربەی پێوەندی و پلانەكان، بە تایبەتی سیاسەت و پلانە ئەمنیەتیەكانیان، بە شێوەی نهێنی دادەڕێژرێت. بۆ ناسینی هیندێك لە سیاسەتەكانی سیستمە داخراوەكان لە زانستی سیاسەتدا چاو لە ڕەفتار و هەڵسوكەوتی ئەو سیستمانە لە هەمبەر ئەو دیاردانەدا دەكرێت كە بە حوكمی سیستمی داخراو، وەك كێشەی ئەمنیەتی دەناسرێن.
  • ئارەش ساڵح: حیزبی دێموکرات نەبزی کۆمەڵگای کوردستانی ڕۆژهەڵاتە و کوردستانی ڕۆژهەڵاتیش لەو ئەگەرەدا ڕۆڵێ ڕێبەرایەتی گۆڕانکارییەکان لە نێو نەتەوە بندەستەکان‌دا دەگێڕێت ئارەش ساڵح: حیزبی دێموکرات نەبزی کۆمەڵگای کوردستانی ڕۆژهەڵاتە و کوردستانی ڕۆژهەڵاتیش لەو ئەگەرەدا ڕۆڵێ ڕێبەرایەتی گۆڕانکارییەکان لە نێو نەتەوە بندەستەکان‌دا دەگێڕێت
    ئارەش ساڵح: حیزبی دێموکرات نەبزی کۆمەڵگای کوردستانی ڕۆژهەڵاتە و کوردستانی ڕۆژهەڵاتیش لەو ئەگەرەدا ڕۆڵێ ڕێبەرایەتی گۆڕانکارییەکان لە نێو نەتەوە بندەستەکان‌دا دەگێڕێت
  • دەقی پەیامی دەفتەری سیاسیی حیزبی دێموکراتی کوردستانی ئێران بۆ یادی کۆماری کوردستان لە ئامەد دەقی پەیامی دەفتەری سیاسیی حیزبی دێموکراتی کوردستانی ئێران بۆ یادی کۆماری کوردستان لە ئامەد
    لە گۆڕەپانی مەزنی چوارچرای مەهاباددا بە دەست و بە فكر و بە هێزی ئەندێشەی مرۆڤێكی تێكۆشەر، گەورە ڕێبەرێكی مێژووی كوردستان ئەو كۆمارە ڕادەگەیەندرێت، بە دەستی پێشەوای نەمر قازی محەممەد وەكوو ڕێبەرێكی كارامە و لێوەشاوە و شارەزا.
  • کەریم پەرویزی: تا ڕۆڵەیەکی کورد بمێنێت، خەباتی کورد زیندووە کەریم پەرویزی: تا ڕۆڵەیەکی کورد بمێنێت، خەباتی کورد زیندووە
    ئێمە لێرەین، لەم ڕۆژەدا بە بۆنەی دووی ڕێبەندان، بە بۆنەی ڕۆژێکەوە کە لەودا کۆماری کوردستان، لە شارە جوان و شۆڕشگێڕەکەی مەهاباددا، بە دەستی پێشەوای بلیمەتی گەل، بە زمانی پێشەوای بلیمەتی گەل، بە فکر و کرداری پێشەوای بلیمەتی گەڵ ڕادەگەیەندڕیت، لێرە کۆبووینەتەوە بۆ ڕێز گرتن لەو کۆمارە مەزنە.
  • ڕاسان و لایەنە سیاسیەکان ڕاسان و لایەنە سیاسیەکان
    ئێستا کە وەرزێکی دیکەی خەبات لە کوردستانی ڕۆژهەڵات دەست پێدەکاتەوە و فەسڵێکی دیکەی مێژوو دەنووسرێتەوە، پێویستە کە حیزبی بوون و پێوەندیی نێوان حیزب و لایەنە سیاسییەکان پێ بنێتە قۆناغێکی دیکەوە.
  • تەگەرەکانی سەر ڕێگای پێشکەوتنی شێوەزار لە کرماشان ! تەگەرەکانی سەر ڕێگای پێشکەوتنی شێوەزار لە کرماشان !
    دیارە زمانی کوردی بە شێوەزارەکانی خۆیەوە دەوڵەمەندە و بەرفەراوانی وشە و دەستەواژەی پڕ مانا و هەروەها گرانیی باری ئەدەبی لە نووسین، خوێندنەوە، هۆنەر و لایەنە جیاوازەکانی زمانی، بە نرخی و جوانییەک بەم زمانە دەدات کە دەڤەر بە دەڤەر و شێوەزار بە شێوەزاری ئەم زمانە، تایبەتمەندی جیاواز و بەرهەمی جیاوازی پر بەهای لێ دەکەوێتەوە.