• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٥ی سێپتامبری ٢٠١٧ی زایینی - ٠٣ی رەزبەری ١٣٩٦ی هەتاوی  

ئیدریس ئەحمەدی: هێزی پێشمەرگە ئەو هاوینە سەلماندیان هێزی کۆماری ئیسلامی زۆرتر وەهمە تاکوو ڕاستی

زایینی: ١٧-٠٧-٢٠١٦ - هەتاوی: ١٣٩٥/٠٤/٢٧ - ١١:٠٦ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
ئیدریس ئەحمەدی: هێزی پێشمەرگە ئەو هاوینە سەلماندیان هێزی کۆماری ئیسلامی زۆرتر وەهمە تاکوو ڕاستی
ماڵپەڕی کوردستان میدیا لە پێوەندی لەگەڵ خەباتی نوێی حیزبی دێموکراتی کوردستانی ئێران، لەگەڵ ژمارەیەک لە چالاکانی سیاسی و کەسایەتی ئاکادمیک وتووێژی پێک هێناوە کە دەقەی ئەم وتووێژانە لە ماڵپەڕی کوردستان میدیاوە بڵاو دەکرێتەوە.

ماڵپەڕی کوردستان میدیا لەم پێوەدنییەدا لەگەل دوکتور "ئیدریس ئەحمەدی" لێکۆلەر و مامۆستای زانکۆی علوومی سیاسی لەم بارەیەوە پێک هێناوە.

دەقی وتووێژەکە:

١ـ دوای ڕاگەیاندنی خەباتی نوێی حیزبی دێموکرات لە پەیامی نەورۆزیی ئەمساڵدا، ڕێژیم دەستی دایە پڕۆپاگەندا دژی حیزبی دێموکراتی کوردستانی ئێران. ئەوە کارەی ڕێژیم بۆ چی دەگەڕێتەوە؟

دەگەڕێتەوە بۆ نیگەرانی کۆماری ئیسلامی لەوەی ڕۆژهەڵاتی کوردستان وەکوو دەیەی هەشتا و سەرەتای نەوەدەکان، گرینگیی ژێئۆستراتژی تایبەت بە خۆی پەیدا بکاتەوە. ڕێژیمی تاران نیگەرانە لەوەی حیزبی دێموکرات لە ئاست کوردستان، ئێران و ڕۆژهەڵاتی ناوینیشدا، ببێ بە ئاکتۆری نیزامی و سیاسی شوێندانەر و لە ئاکامدا نەک تەنیا مەسەلەی کورد لە ڕۆژهەڵاتی کوردستان نێودەوڵەتی بێ، بەڵکوو ڕۆهەڵاتی کوردستان ببێ بە گۆڕەپانی ژێئۆسیاسی بۆ ململانێێ هێزی نێوخۆیی و نێودەوڵەتیش دژ بە ڕێژیمی ئیسلامی لە تاران.

ڕاستییەکی، ئەو پرۆپاگەندەیە پێش گەڕانەوەی هێزەکانی دێموکرات بۆ قەندیل دەستی پێ کرد، بەڵام دوای هەڵگیرسانەوەی شەڕ لە کوردستان لە هاوینی ئەمساڵدا، بە ڕادەیەکی بەرچاو پەرەی ئەستاندووە. دوای هاتنە سەرکاری ڕۆحانی، کۆماری ئیسلامی هەوڵی ئەوە بوو چەند پەیامێک بە ڕۆژئاوا بگەیەنێ. یەکەم، کۆماری ئیسلامی بەنیارە لەمەوبەدو لەگەڵ ڕۆژئاوا هەڵ بکا و لە سەر هێندیک مەسەلە دەتوانن بە ڕێککەوتن بگەن. دووهەم، گۆیا ئێران "دووڕگەیەکی سەقامگیرە" لە ناوچەیەکی ناساقامگیردا و بە پێچەوانەی وڵاتانی دراوسێ، شتێک بە ناو "موشکیلەی کورد" لە ئێران وجوودی نییە و کورد بە دەنگدانی بەرچاو بە ڕۆحانی، پشتیوانی لە حکومەتەکەی دەکی و کۆماری ئیسلامی دەکەن. سێهەم، گۆیا حیزبە کوردیەکان لە نێو خەڵکی کورددا، هیچ پشتیوانییەکیان نەماوە. بەشی ئەساسی ئەم پرۆپاگەندە لە وتارێکدا لە فاینانشڵ تایمز لە ٣ دێسامبری ٢٠١٤، واتە پێنچ مانگ پیش گەڕانەوەی هێزەکانی حزبی دێموکرات بۆ قەندیل، بەدی دەکرا.

بەڵام گەڕانەوەی هێزی پێشمەرگە بۆ شاخ و هەڵگرسانەوەی شەڕ، کۆماری ئیسلامی هەژاندووە. هێزی پێشمەرگە ئەو هاوینە سەلماندیان هێزی کۆماری ئیسلامی زۆرتر وەهمە تاکوو ڕاستی. کۆمار ئیسلامی زۆرتر لە ڕێگای پرۆپاگەند، درووستکردنی داروودەستە لە دەرەوەی ئێران و شەڕی ڕەوانی توانیویەتی ئەو وەهمە بێنێتە ئاراوە و دونیایی پێ بترسێنێ. لە دژکردەوەدا، کۆماری ئیسلامی پەرەی بە پرۆپاگەندی هەمەلایەنە و نوێ داوە.

٢ـ ئەو پڕۆپاگەندایەی ڕێژیمی ئێران دژی حیزبی دێموکرات تا چ ڕادەیەک کاریگەرییان هەبووە؟

لە سەر خەڵکی کوردستان ئەو پرۆپاگەندەیە کاریگەرییەکی ئەوتۆی نەبووە و نایبێ. بڵاوکردنەوەی تەرمی پێشمەرگەی شەهید بە پێچەوانەی نیەتی کۆماری ئیسلامی، زۆرتر خەڵکی تووڕە کردووە و خەڵک داوای تۆڵە ئەستاندنەوە دەکەن تاوەکوو ترسابێتن. ئەمە بە ڕوونی لە تۆڕە کۆمەڵایەتییەکان و هەروها ئەو هەواڵانەی لە کوردستانەوە لە سەرچاوەی بێ لایەن دەگەن بە دەرەوە، بە ڕوونی دەردەکەوێ. لە لایەکی دیکەوە، تۆمەتی کۆماری ئیسلامی سەبارەت بە پشتیوانی ئیسرایل، ئامریکا و عەرەبستانی سعوودی بۆ حیزبی دێموکرات زۆرتر خەڵکی لە کوردستان خۆشحاڵ کردووە و زۆر لە هاوڵاتییان لە تۆڕە کۆمەڵایەتییەکان دەپرسن، "بۆچی بۆ کۆماری ئیسلامی ڕەوا بوو کە لە کاتی شەڕ دژ بە عێراق، چەک لە ئیسرایل و ئامریکا وەرگرێ و بۆچی بۆ خۆی ڕەوایە پشتیوانی لە حیزبووڵا، حەماس، گرووپە شیعەکانی عێراق و یەمەن بکا، بەڵام بۆ کورد و حیزبی دێموکرات ڕەوا نەبێ هاوپەیمانی نێودەوڵەتی هەبێ؟" ئەو جۆرە پرسیارانە نیشاندەری پێشکەوتنی سیاسی جەماوەری خەڵکی کوردستان نیشان دەدەن. چی دی کورد ناکەوێتە ڕوودەربایسییەوە و لەباتی پاشەکشەکردن، دەرکی بەوە کردووە کە لە سیاسەتدا هاوپەیمان زەروورە، نەک عەیب.

ڕای گشتی فارسی گوێڕایەڵی ئەو پرۆپاگەندەن. فارسەکانی دەرەوەی وڵات، تەنانەت ئەو ڕۆژنامەوانانەش کە لە دەست ڕێژیم هەڵ هاتوون، ئەو پرۆپاگەندەیە بەرهەم دێننەوە. بە مەرجێ خەباتی نوێی حزبی دێموکرات درێژەی هەبێ، دوور نییە ڕای گشتی فارسیش بگۆڕدرێ. کەس تەسەوڕی نەدەکرد ڕای گشتی لە تورکیە لە هەمبەر کورد، بگۆڕدرێ. بە هۆی ئەوەوە لە ڕۆژهەڵاتی کوردستان بۆ ماوەی ٢٠ ساڵە خەباتی چەکداری ڕاگیردراوە، ڕای گشتی جیهانی زانیارییەکی ئەوتۆیان لە سەر کوردستان نییە. بۆیە پرۆپاگەندی کۆماری ئیسلامی دەتوانێ سەرەتا هێندێک کارتێکەرێ لەسەر ڕای گشتی جیهانی هەبێ، بەڵام بەرە بەرە بە ڕووماڵکردنی زیاتری بارودۆخی ڕۆژهەڵاتی کوردستان، ڕاستییەکان دەردەکەون و پرۆپاگەندی کۆماری ئیسلامی لە دوورمەودادا کەمتر بوردی دەبێ. هەڵبەت گرینگە کوردیش بۆ خۆی لە دەرەوە وخۆ کەوێ و بەرپەرچی پرۆپاگەندی کۆماری ئیسلامی بداتەوە. لەو بارەوە، هێندێک هەنگاوی سەرکەتوو هەبووە؛ بۆ نموونە، خەبەری چەواشەی "یۆرۆنیوز" لە سەر شەڕی شنۆ و بەرهەمهێنانەوەی پرۆپاگەندی کۆماری ئیسلامی لە لایەن "بی بی سی" بە سەرکەوتووی لەقاو دران و ئەو دوو ڕاگەیاندنە ناچار کران بە خۆیاندا بچنەوە.

٣ـ هەڕەشەکانی سپای پاسدارانی ڕێژیمی ئێران تا چەندە دەتوانێت جیدی بێت و لە بواری شەڕی ڕەوانییەوە تا چەندە کاریگەرییان دەبێت؟

کۆماری ئیسلامی دەیەوێ زۆرتر لە ڕێگای هەڕەشەوە هەم فشار بێنێ بۆ حکومەتی هەرێم و هەمیش پاشەکشە بکا بە حزبی دێموکرات. ئێران دەتوانێ تۆپبارانی ناوچە شاخاوییەکانی نێوان ڕۆژهەڵات و باشووری کوردستان و بەتایبەتیش بنکەکانی پێشمەرگەی دێموکرات بکا، کە کردوویەتی. هەروها، وەک لە ڕابردوودا، دەتوانێ عەمەلیاتی تێرۆریستی و ڕەشەکوژی لە باشوور ئەنجام بدا. هەڵبەت ناتوانێ وەکوو ساڵی ١٩٩٦ هێرشی زەویی بەرێتە سەر بنکەکانی حزبی دێموکرات. لە گەڵ ئەوەی ئامریکا لە پرۆسەی هەڵکردن دایە لەگەڵ ئێران و ئیدارەی ئۆباما هەموو تەنازوڵێک دەکا بۆ ئەوەی ڕێکەوتنی ناوکی شکست نەهێنێ (چوونکە دەتوانێ بە تاکە سەرکەوتنی میراتەی سیاسەتی دەرەوەی ئۆباما بێتە ئەژمار)، بەڵام هێرشیی زەویی ئێران بۆ نێو خاکی باشوور تەحەمول ناکا. بۆیە ئێران زۆرتر پەرەی بە شەڕی ڕەوانی داوە.

ئەوەی کە ئایا شەڕی ڕەوانی کۆماری ئیسلامی دەتوانێ کاریگەر بێ یان نا، بەندە بەوەوە کە حزبی دێموکرات چ بەرنامەیەکی دەبێ بۆ بەرپەرچدانەوەی. بەڵام نابێ شەڕی ڕەوانی کۆماری ئیلسمای بە هێند نەگیردرێ. وەک پێشتر ئاماژەم پێ دا، هێزی کۆماری ئیسلامی زۆرتر وهمە و لە سەر ئەساسی پرۆپاگەند و شەڕی ڕەوانییەوە ڕاوەستاوە. بۆیە حزبی دێموکرات دەبێ بەرنامەی بەرپەرچدانەوەی هەبێ.

٤ـ بە گشتی ڕا و بۆچوونی ئێوە لە سەر ڕاسانی حیزبی دێموکرات چیە؟

ڕاستییەکەی، بە بێ لە ئارادابوونی هێزی پێشمەرگە لە کوردستانی داگیرکراودا، نە ڕێبەریەکی خاوەن ئوتۆرییتە دەتوانێ شکڵ بگرێ و نە جەماوەری تەیارە دەبێ. هەروها تاکوو پێشمەرگە دەور نەگێڕێ، نە کۆماری ئیسلامی گوێ دەدا بە داخۆازییەکانی کورد و نە مەسەلەی کورد لە ڕۆژهەڵاتی کوردستان نێودەوڵەتی دەبێ. بۆیە، ستراتژی نوێی دێموکرات، ستراتژی ڕاسان، بە گرێدانی خەباتی شاخ و شار، بەرە بەرە دەتوانێ خەڵکی کوردستان تەیار بکا؛ مەسەلەی کورد لە ڕۆژهەڵاتی کوردستان لەسەر رۆژێڤی سیاسی دابنێ؛ پشتیوانی نێودەوڵەتی بۆ دۆزی ڕەوای کورد پێک بێنێ و دواجار کۆماری ئیسلامی لە کوردستاندا ناچار بە پاشەکشە بکا.

ئەو ستراتژییەی حیزبی دێموکرات سەر دەکەوێ، بەڵام قووربانیدانی لە لایەن هێزی پێشمەرگەو دەوێ و کاتیش دەخایەنێ. پێم وایە خەباتی حیزبی دێموکرات بە سوودی بەشەکانی دیکەی کوردستان و بە تایبەت باشوور تەواو دەبێ، چوونکە سەنگی کورد لە بەرانبەر کۆماری ئیسلامیدا زیاد دەکا و بایەخی ژێئۆسیاسی کوردستان بە گشتی دەباتە سەرێ.

هەروها ئیلهامبەخش دەبێ بۆ نەتەوە زوڵملێکراوەکانی ئێران و دواجار رۆژئاوا پشتیوانی لێ دەکا. چ ڕێکەوتنی ناوکی جێبەجێ بکرێ یان نا (کە من گومان هەیە بکرێ)، سیاسەتەکانی کۆماری ئیسلامی و دژایەتی ئایدئۆلۆژی و هەروها ململانێی جێوسیاسی کە لە گەڵ رۆژئاوا و بەشێکی زۆر لە وڵاتانی ناوچە دەیکا، وا دەکا ئەو هێزانە پشتی کورد بگرن. ڕۆژئاوا دواجار بۆ چارەسەکردنی دایەمیی کێشەکانی ڕۆژهەڵاتی ناوین، ناچار دەبێ یارمەتیدەری بڵاوکردنەوەی ئازادی و دێموکراسی بدا. لەو ڕووەوە، هاوپەیمانی لە نێوان حیزبی دێموکرات و وڵاتانی ڕۆژئاوا دێتە ئاراوە. بەڵام هێزی ئەساسی لەو ڕاستایەدا، دەبێ هێزی خۆماڵی کورد بێ. تاراوەگەی کوردی، بە مەرجێ ڕێک بخرێ، دەتوانێ ببێ بە پاڵپشتێکی وا کە بزووتنەوەکە لە ڕووی دارییەوە دابین بکا.

هەڵبەت دەبێ چاوەڕوانی وەڵامی دڕندانەی کۆماری ئیسلامی بین. هەوڵدانی لەبەینبردنی ڕێبەرانی دێموکرات، بەئامانجکردنی وەحشیانەی خەڵکی مەدەنی کوردستان بە مەبەستی پاشەکشەکردن بە دێموکرات، پەرەپێدانی زیاتری شەڕی ڕەوانی، گەمارۆدانی ئابووری کوردستان و تەنانەت دەسپێکردنەوەی تیرۆری ئەندامانی دێموکرات لە دەرەوەی وڵات هەموو مەترسی جیدین و لە ڕابردوودا کۆماری ئیسلامی هەموو ئەوانەی کردووە. لە لایەکی دیکەوە، کۆماری ئیسلامی دەتوانێ لە داهاتوودا بە دانی ئیمتیاز، هاوپەیمانە نێودەوڵەتییەکانی دێموکرات پەشیمان کاتەوە. بۆیە، دەبێ حزبی دێموکرات بۆ هەموو ئەو ئەگەر و مەترسییانە خۆی ئامادە بکا.

کورد لە ڕۆژهەڵات لە بەردەم دووڕیانێکدایە: یان خەباتی جیدی بۆ ڕزگاری نەتەوەیی یان درێژەدان بە ژیانی کۆیلەیەتی لەژێر دەسەڵاتی ئێراندا. من دڵنیام دواجار گەلی کورد ڕێگای خەبات هەڵدەبژێری و پشتی دێموکرات دەگرێ.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧٠٩ لەم ژمارەیەدا:

ــ شەرەفکەندی و ڕاسان
ــ دەوڵەتی کوردستان، کیانێک بۆ ژیانی سەربەست
ــ مستەفا هیجری: ئیرادەی خەڵکی کورد لە باشوور وەک بەشەکانی دیکە بۆ ئێمە جێگای ڕێزە
ــ شەرەفکەندی، قارەمان یا پاڵەوان؟
  • ئەحمەد شێربەگی: دوكتور سه‌عید پێی وابوو كه‌ هه‌ر به‌شێكی كوردستان ڕزگاری بێ، كارتێكه‌ری خۆی له‌سه‌ر به‌شه‌كانی دیكه‌ی كوردستان ده‌بێ ئەحمەد شێربەگی: دوكتور سه‌عید پێی وابوو كه‌ هه‌ر به‌شێكی كوردستان ڕزگاری بێ، كارتێكه‌ری خۆی له‌سه‌ر به‌شه‌كانی دیكه‌ی كوردستان ده‌بێ
    بە بۆنەی ٢٥ـەمین ساڵڕۆژی شەهیدانی بێرلین لە لایەن دیپلۆمات تێرۆریستانی نێردراوی ڕێژیمی ئیسلامیی ئێران ڕۆژنامەی کوردستان ئۆرگانی کۆمیتەی ناوەندیی حیزبی دێموکراتی کوردستانی ئێران وتووێژێکی لەگەڵ "ئەحمەد شێربەگی" بێژەری بەناوبانگی ڕادیۆ دەنگی کوردستانی ئیران پێک هێناوە کە دەقی ئەم وتووێژە بەم چەشنەیە:
  • شەرەفکەندی، قارەمان یا پاڵەوان؟ شەرەفکەندی، قارەمان یا پاڵەوان؟
    لە ڕاستیدا خودی وشەی "شۆڕش" (انقلاب) واتە گۆڕانێکی بنەڕەتی لە ناوەڕۆکدا؛ ئەوەش پێویستی بە هەندێک هۆکاری تایبەتی و گشتی هەیە کە هۆکارە تایبەتییەکە ئەوەیە سەرتاسەری شۆڕشەکانی مێژوو بە دەست کەسانی نوخبه و زانای کۆمەڵگای نێوخۆی خۆیان کراوە جا ئەم کەسانە لە هەر چین و توێژێکی کۆمەڵگا بن و بە هەر جۆرە بیرۆکەیەک.
  • کرماشان، لانکەی کولتوور و ژیاری مرۆیی لە کوردستان کرماشان، لانکەی کولتوور و ژیاری مرۆیی لە کوردستان
    لە ساڵانی ١٣٣٠ی (١٩٥٢ی زایینی) هەتاوی بەئەملا لەسەر دەستی كەسانێكی تر و نەوەیەكی تر شەپۆل و رەهەندێكی دیكە لە نووسین و داهێنانی ئەدەبی و بەتایبەت ژانری شیعر لە كرماشان و ئیلام سەر هەڵدەدەن و دەبنە ئاوێنەی باڵانوێنی كۆمەڵ و لەباری فەرهەنگییەوە پێشەنگایەتیی ئەو قۆناغە دەگرنە ئەستۆ.
  • شەرەفکەندی و ڕاسان شەرەفکەندی و ڕاسان
    ڕاسان هەڵقووڵاوی بیر و ڕێبازی قاسملوو و شەرەفکەندییە. ئەمساڵ کە یادی دوکتۆر شەرەفکەندی دەکەینەوە، لە جێگای خۆیدایە بە خوێندنەوەی دەقەکانی سەردەمی شاخ لە کتێبی "‌هەڵبژاردەیەک لە وتارەکانی سادق شەرەفکەندی (١٣٦٨-١٣٦٢)" بنەما فکری و سیاسییەکانی ڕاسان بخەینە ڕوو.
  • مستەفا هیجری: ئیرادەی خەڵکی کورد لە باشوور وەک بەشەکانی دیکە بۆ ئێمە جێگای ڕێزە مستەفا هیجری: ئیرادەی خەڵکی کورد لە باشوور وەک بەشەکانی دیکە بۆ ئێمە جێگای ڕێزە
    بەختەوەرین لە دەرفەتێکی مێژوویی، لە خەباتی سەد ساڵەی کورد لە هەموو بەشەکاندا، جارێکی دیکە دەرفەتێک هاتووەتە پێش بۆ بەشێک لە کوردستان، دانیشتوانی باشوور کە دەتوانن لە چەند رۆژی داهاتوودا دەنگ بدەن بۆ دیاریکردنی مافی چارەنووسی خۆیان.
  • دەقی قسەکانی \ دەقی قسەکانی "مستەفا هیجری" سکرتێری گشتیی حیزبی دێموکراتی کوردستانی ئێران لە ڕێوڕەسمی ٢٦ی خەرمانانی ١٣٩٦ی هەتاوی
    ڕێژیمی کۆماری ئیسلامی لەڕێگای دەوڵەتی ئەوکاتەی ئاڵمان و تەنانەت هەڕەشەکردن لە قازی دادگا هەموو هەوڵی خۆیدا کە لانیکەم ڕێژیم بە تاوانبار نەزانرێت، بەڵام قازییەکانی دادگا بە هیچ جۆرێک نەچوونە ژێرباری هەڕەشەکان و زۆر بەجورئەتەوە، دوای چوارساڵ بەدواداچوون و لێکۆڵینەوە، حوکمی دادگایان ڕاگەیاند، حوکمێک کە نە کۆماری ئیسلامی و نە دنیا چاوەڕوانی نەدەکرد.
  • دەوڵەتی کوردستان، کیانێک بۆ ژیانی سەربەست دەوڵەتی کوردستان، کیانێک بۆ ژیانی سەربەست
    بەواتایەکی تر گەر نەتزانی هەنگاوەکانت چەندە گرینگن، بە رووخساری دوژمنانتدا بزانە کە چەندەی لێ نیگەرانن!
  • کاوە بەهرامی: ڕاسان هێمای خەباتی ڕۆژهەڵاتە و رێژیم بە گەورەترین مەترسی بۆ سەر مانەوەی خۆی دەزانێ کاوە بەهرامی: ڕاسان هێمای خەباتی ڕۆژهەڵاتە و رێژیم بە گەورەترین مەترسی بۆ سەر مانەوەی خۆی دەزانێ
    چالاکانی سیاسی لەو باوەڕەدان، ناوەندە ئەمنییەکان و سوپای پاسداران لە ماوەی چەندین ساڵی رابردوودا بە بەڕێوەبردنی مانۆڕ و میلیتاریزە کردنی ناوچە کوردنشینەکانی ئێران، ویستوویانە سیمایەکی نائەمن لە ناوچە کوردنشینەکان نیشان بدەن و بەو هۆیەشەوە هەتا ئێستا بە شێوەی پلان بۆداڕێژراو پیشیان بە گەشە سەندنی ئابووری ناوچە کوردنشینەکان گرتووە.
  • ڕەساڵەتی تەنز له شێعری \ ڕەساڵەتی تەنز له شێعری "مەلا مارف کۆکەیی"دا
    ته‌نز یه‌کێک له شێوازە کاریگه‌رەکانی ئاخاوتنی ئه‌دەبی و هونه‌رییه. ئه‌م شێوازه ئاخاوتنه یه‌کێک له لقەکانی ئه‌دەبیاتی ڕەخنه‌گرانه و کۆمەڵایه‌تییانه‌ به ئه‌ژمار دێت.
  • خاکی سووتاو وەک تاکتیک یان ستراتێژی؟ خاکی سووتاو وەک تاکتیک یان ستراتێژی؟
    تێکدانی سرووشتی کوردستان بەمەبەستی تێکدانی ژیانی خەڵک و دەربەدەرکردنیان دەکرێ؛ بۆیە دەبێ ئەو سیاسەتە چەپەڵ و گەماڕەی داگیرکەران هەرچی زیاتر لەقاو بدرێ و پێش بەو وێرانکارییە بگیردرێ. ئەو سیاسەت و پیلانانەی دوژمن لە پێش هەموو شتێکدا دژی زاگۆن و کونوانسیۆنەکانی نەتەوەیەکگرتووەکان و بەتایبەتی کونوانسیۆنی مافی مرۆڤە.
  • کرماشان، لانکەی کولتوور و ژیاری مرۆیی لە کوردستان کرماشان، لانکەی کولتوور و ژیاری مرۆیی لە کوردستان
    لە سەدەی سێیەمی کۆچیدا کرماشان لە چوارچێوەی دەسەڵاتی "سەفارییەکان"دا بووە، بەڵام گرووپێک لە شیعە کوردەکانی کرماشان بەناوی "حەسەنویە" (حکوومەتی ئالی حەسەنویە)یان دامەزراندووە کە نزیکەی نیو سەدە لەوێ دەسەڵاتیان هەبووە.
  • سیاسەتەكانی كۆماری ئیسلامی بۆ ڕەخساندنی دۆخی ئانۆمی لە كوردستان سیاسەتەكانی كۆماری ئیسلامی بۆ ڕەخساندنی دۆخی ئانۆمی لە كوردستان
    ئەگەر ڕێگای ئەوەشمان پێ بدرێت كە بتوانین وەك گریمانەیەك سیاسەت لە دەرەوەی پانتایی كۆمەڵایەتی دابنین بۆ ئەوەی بتوانین پەیوەندی نێوان ئەم دووانە لە ئاستی ئانۆمیدا شی بكەینەوە، پێویستە بڵێین دوای هەر گۆڕانێكی بناغەیی لە كۆمەڵگا نۆڕم و بەها كۆمەڵایەتییەكان بە شێوەیەكی بنچینەیی دەگۆڕێن و نۆڕم و بەهای كۆمەڵایەتی نوێ جێگایان دەگرنەوە.
  • سەرنجێک لە بایەخ و دیاردە مودێڕنەکان لە ئێراندا سەرنجێک لە بایەخ و دیاردە مودێڕنەکان لە ئێراندا
    ئەوە حاشاهەڵنەگرە کە کۆمەڵگەی مەدەنیش وەک زۆرینەی بەها ئەوڕۆییەکان چەمکێکە کە لەسەر دیاردەیەکی بەرهەست و عەینی لە نێودڵی کۆمەڵگەی رۆژئاوایی هاتووەتە دەر.
  • توتالیتاریزم وكۆمەڵگا توتالیتاریزم وكۆمەڵگا
    هەربۆیە ئیدی ڕێبەر دەبێتە ئەفسانە و بەقەولی "ئینیا تسیۆسیلۆنێ" كە لە كتێبی مەكتەبی دیكتاتۆرەكان‌دا دەڵێ: «ڕێبەر دەبێتە ئەفسانەی تاكی خۆبە زلزان .» جارێك دەبێتە "سێبەری خودا" و جارێك دەبێتە "نوێنەرو جێبەجێكاری فەرمانی خودا".