• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٣ی ئاوریلی ٢٠١٨ی زایینی - ٠٣ی بانەمەڕی ١٣٩٧ی هەتاوی  

پەیامی دەفتەری سیاسیی حیزبی دێموكراتی كوردستانی ئێران بە بۆنەی رۆژی شەهیدانی كوردستان

زایینی: ٠٦-٠٤-٢٠١٢ - هەتاوی: ١٣٩١/٠١/١٨ - ١٢:٠١ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
پەیامی دەفتەری سیاسیی حیزبی دێموكراتی كوردستانی ئێران بە بۆنەی رۆژی شەهیدانی كوردستان
ئەمڕۆ، 10ی خاكەلێوە، لێرە كۆ بووینەتەوە تا رێز لە رۆژی شەهیدانی كوردستان بگرین و یادی كەسایەتیی هەڵكەوتوو و مێژوویی نەتەوەكەمان بكەینەوە. یادی ڕۆڵ و نەقشی ئەو رێبەرە بێ‌وێنەیەی مێژووی هاوچەرخی كورد بۆ هەتاهەتایە وەك ئەستێرەیەكی پرشنگدار لە ئاسمانی پڕهیوای كوردستاندا هەر دەم دیار و گەشاوە دەبێ.

قازی محەممەد رۆڵەی هەڵكەوتووی كورد بە هەڵكردنی بڵێسەی ئاگری خەبات، مێژوویەكی داڕشت كە دوای زیاتر لە شەش دەیە خەبات هێشتا رێنوێن و چرای خەباتی شۆڕش و بەرخۆدانی بزوتنەوەیەكی مافویست و حەقداری گەلە بەشخوراوەكەیەتی. ئێستا بیری نەتەوەخوازی و مافپەروەری ئێلهام لە وتە و بیرۆكەكانی و كەسایەتی و هەڵسوكەوتی ئەو رێبەرە وەردەگرن. یانی دەتوانین بە شانازییەوە بڵێین قوتابخانەی پێشەوای كورد وەجاغ كوێر نیە و حیزبەكەی قازی محەممەد لە ساڵیادی 65 ساڵەی شەهیدكرانی، كوورەی خەباتی سیاسی و مەدەنی هەروا گەرموگوڕ راگرتووە.

سەردەمی خەباتی گەلی كورد لەو ساتە وەختەدا بەرەبەری رزگاریی گەلانی بندەست و رزگاری لە چنگ فاشیزم و كۆتایی شەڕی دووهەمی جیهانی بوو. بۆیە وردبینیی ئەو رێبەرە زیرەك و وشیارە پاش لێكدانەوەی ورد لەو هەلومەرجە كەڵك وەردەگرێ و بە هۆی ئەو نفووزە كۆمەڵایەتی و سیاسی و خۆشەویستییەی كە لە نێو خەڵكدا هەیبووە، حیزبێكی سیاسی و مۆدێرن پێك دێنێ و لە ماوەیەكی یەكجار زۆر كەمدا ناوچەی موكریان دەكا بە لانكەی شۆڕش و بەرخۆدان دژی رێژیمی شۆڤینیست پەروەری پەهلەوی. ئەو حەرەكەتە نەتەوەییەی رێبەری كاریزمای كورد زەندەقی حاكمانی دیكتاتۆری تارانی برد و كۆشكی دیكتاتۆرییەتی هەژاند و ئەوانیان لە خەوی غەفڵەت وشیار كردەوە كە گەلی كورد هەروا زیندوو و لە سەر پێ و حەقخوازە و تەسلیم بوون قەبوڵ ناكا و تا گەیشتن بە ئامانجەكانی خۆی كە رزگاریی نەتەوەیی و رزگاریی ئاو و خاكەكەیەتی دەست لە خەبات هەڵناگرێ و بۆ گەیشتن بەو ئامانجەش ئامادەیە نرخەكەی بدات و باشترین رۆڵەكانی خۆی پێشكەش بەم بارەگایە بكات. هەر لەو ساتەوە بناغەی فەرهەنگی بەرخۆدان و شوناسی نەتەوەیی دانرا و ئەو چەمكانە تا ئەم كاتەش وەك چرای رێگای رۆڵەكانی كورد تەنگی بە زۆرداران هەڵچنیەوە و نەیهێشتووە سەرینی خاترجەمی لە ژێر سەریان بنێن.

ریژیمی كۆنەپەرەستی بنەماڵەی پەهلەوی لە ساڵی 1324 تا ساڵی 1357 كە كۆتایی بە رێژیمە نۆكەرسفەتەكەی هات هەمیشە ترسی لە كورد و پرسە رەواكەی بووە و هەردەم لە بیری پلان و تەرحی قرێژدا بوون.

كاتێك لە ساڵی 1325 ئیتر پێشەوا بەو قەناعەتە گەیشت كە ناتوانێ پێش بە هێرشی داگیركەران و هاوپەیمانە مەنفەعەت تەڵەبەكانی بگرێ تێكۆشانێكی زۆری كرد بەڵكوو بتوانێ پێش رەشەكوژيی خەڵك بگرێ لەگەڵ ئەوەشدا كە رێژیم بەڵێنی پاراستنی گیانی پێدا بوو بەڵام بۆ خۆی لەو قەناعەتەدا نەبوو و دەیزانی كە دوژمن لەو گوزەشت ناكا و تەنانەت ئەوەشی دەزانی كە دەگیرێ و رەنگە لە دادگایەكی فەرمایشیدا مەحكووم بكرێ و تەنانەت گیانیشی بەخت بكا. بەڵام دیسان بۆ پارێزگاری لە خاك و خەڵكەكەی و بۆ وەفاداری بەو سوێندەی كە لە رۆژی راگەیاندنی كۆماری كوردستاندا بە ئامادەبوونی هەزاران كەس خواردبووی، كە تا ئاخر ساتەكانی ژیانی، خەڵكی كورد بە تەنیا جێ ناهێڵێ، لەگەڵ ئەوەشدا كە پێشنیاری زۆریان پێكرد كە گیانی خۆی رزگار بكات بەڵام ئەو هەموو پێشنیارەكانی رەد كردەوە و لە مەهاباد مایەوە و هەموو مەسئوولییەتەكانی گرتە ئەستۆی خۆی تا بەو شێوەیە پێش بە ماشینی كوشتاری رێژیمی پەهلەوی بگرێ و گیانی فیدای خەڵكەكەی كرد و بەڵێن و سۆزی خۆی بەجێ گەیاند.

دوژمن لە دادگایەكی فەرمایشیدا پێشەوا و دوو هاوڕێی بەوەفای، شەهیدان ئەبولقاسمی سەدری قازی و محەممەد حسێن سەیفی قازی بە ئیعدام مەحكووم كرد و لە رۆژی 10ی خاكەلێوەی ساڵی 1326 لە چوارچرای شاری مەهاباد هەر لەو شوێنەی كە لە لایەن پێشەواوە كۆماری كوردستان راگەیێندرا و سوێندی وەفاداری بە ئاو و خاك و خەڵكى خوارد بە دەستی تاریكپەرەستان لە سێدارە دران و شەهید كران و بەڵێنی خۆی بە جێ گەیاند و خۆیان كردە سپەری بەڵای گەلەكەیان.

دیارە ئەو رەوەندە لە ئێعدام بنەماڵەی فەیزوڵڵابەگیشی گرتەوە و كۆمەڵێك لە تێكۆشەرانی ئەو بنەماڵە سەربەرزە كە نەقش و رۆڵێكی بەرچاویان لە بەرێوەبەریی كاروباری كۆماردا هەبووە لە سێدارە دران، هەر بۆیە بە پێویستی دەزانم یادیان بەرز راگرین و یادی ئەوان هەردەم لە بیری ئێمەی رێبوارانی رێگاكەیان زیندووە. بۆیە حیزبی پێشەوا وەك حیزبێكی پێشڕەو و شۆڕشگێڕ و خەباتكار لە ریزی پێشەوەی خەباتی نەتەوەییدایە، پەند و ئەندەرزەكانی سەرۆك كۆماری خۆیان كردۆتە ئاوێنەی خەبات، لەو كاتەوە تا ئێستا كۆڵیان نەداوە و لێبڕاوانە لە خەبات بەردەوامن و بە پشتیوانیی هێزی لەبڕاننەهاتووی گەل رێبازی پێشەوا و هەموو شەهیدانی كوردستانیان درێژە دا و رێژیمی قاتڵی پێشەوایان لە گۆڕ نا، هەر چەند بە لە گۆڕنانی ئەو رێژیمەش گەلەكەی بە ویستە رەواكانیان نەگەیشتن بەڵام لەگەڵ جێگرەوەی رێژیمی پەهلەویش كە كۆماری جەهلی ویلایەتی فەقیهی ئیسلامییە، خەباتیان درێژە پێداوە و هەزاران رۆڵەی كورد گیانی خۆیان بەختی ئاوات و ئامانجەكانی گەلەكەیان كردووە، لە ناو ئەو رۆڵە فیداكارانە و ئەو شەهیدانەشدا دەیان رێبەر و سەركردەی حیزبەكەی پێشەوا وەكوو دوكتور عەبدولڕەحمان قاسملوو و دوكتور محەممەد سادق شەرەفكەندی هەن كە لەو رێبازەدا گیانی خۆیان فیدای ئارمانجەكانی گەل كردووە. بۆیە كە چاو لە دیرۆكی خەباتی پڕسەروەریی حیزبی دێموكراتی كوردستانی ئێران دەكەین زۆر بە جوانی روون دەبێتەوە قوتابییانی رێباز و مەكتەبی پێشەوای رێبەر و سەركردەی سەدەی بیستی گەلەكەمان بە باشی هەست بە بەرپرسیاریەتی دەكەن و ئەركە نەتەوەییەكانیان بە جوانی بەڕێوە دەبەن، بە چەشنێك كە ئیتر دروشمی دێموكراسی و ئازادیخوازی بۆتە دروشمی تاك تاكی خەڵكی ئێران و دروشمی ئازادیی گەلان و خواستی نەتەوەیی بۆتە خواستێكی رەوا كە جاران نەك بە ناڕەوا سەیر دەكرا بەڵكوو بە چاوێكی خائینانە و خیانەت بە وڵات سەیریان دەكردی. بەڵام بە رێنوێنی و نەسیحەتی سەرۆك كۆماری شەهید و لێزانی حیزبەكەی ئەو رێبەرە هەموو ئەو داخوازییانە ئەمڕۆ بوونەتە خواستی رەوا بۆ هەموو گەلانی ناوچە و بە تایبەتی بۆ گەلانی ئێران، ئەگەر هەر بەو شێوەیە بەردەوام بێت كە مێژوو ناگەڕێتەوە بۆ دواوە بەڵكوو بەرەو پێش دەڕوا، زۆر ناخایەنێت كە هەموو ئەو ویستە حەقخوازانە بە شێوەی رەسمی دەبن بە یاسا، زوڵم و زۆرداری لە ناوچەكەدا و بەتایبەت لەو وڵاتانەی كە كوردستان بە سەریاندا دابەش كراوە كۆتایی دێت و ئامانجەكانی ئەو هەموو شەهیدە سەربەرزانە بەتایبەت شەهید و سەمبولی نەتەوەیی گەلی كورد، پێشەوا قازی محەممەد بە ئاكام دەگات و ئەو جار رێبوارانی ئەوان دەچنە سەر گڵكۆیان و تاجەگوڵینەی سەربەرزی و سەركەوتن دادەنێن.

خەڵكی بە شەرەفی كوردستان!

رێژیمی كۆماری ئیسلامی، دوژمنی ئازادی و مرۆڤایەتی بە درێژایی مێژووی خۆی بەو رادەیە تەریك و لە ئینزوا نەبووە، فشارە نێودەوڵەتییەكان لەمەڕ پڕۆژە ئەتۆمییەكەی چڕ بۆتەوە كە خەریكی ساختی بۆمبی ئەتۆمییە تا بەو شێوەیە دونیای پێ بترسێنێ و خۆی بپارێزێ. هەروەها فشاری دونیای دەرەوە لە پێوەندی لەگەڵ پێشێلكردنی مافی مرۆڤ و پێشێلكردنی یاسا و رێساكانی جیهانی و پشتیوانی لە تیرۆر، تەنگی بەو رێژیمە هەڵچنیوە و لە نێوخۆشیدا بە تەواوی پایگای سیاسی و كۆمەڵایەتی داتەپیوە و نفووزی جەماوەری خۆی لە دەست داوە تەنانەت هەڵبژاردنە فەرمایشی و تەشریفاتییەكانیش ناتوانێ پێش بە بیرتیژیی خەڵكی وەزاڵەهاتووی ئێران و بە تایبەتی گەلانی بەشخوراو بگرێ و بە تەواوی پشتیان لە رێژیم كردووە، تەنیا چاوەروانی ئەو رۆژە دەكەن كە لە كات و ساتی خۆیدا تاج و تەختی ئەو رێژیمەش وەكوو رێژیمی پاشایەتی تێكەوە پێچن و فڕێی بدەنە زبڵدانی مێژوو. بۆ گەیشتن بەو مەبەستەش یەكپارچەیی گەلانی ئێران رۆڵی سەرەكی دەگێرێ لە ئێرانی داهاتوودا، چوونكە ئەگەر گەلانی ئێران یەكگرتوو بن، دەتوانن سیستمی سیاسیی داهاتوو لە ئێراندا ئاڵوگۆڕی قووڵ و چارەنووسسازی تێدا پێك بێنن و ئیتر كۆیلەتی و بندەستی بۆ هەتا هەتایە لە كۆڵ خۆیان بكەنەوە و رزگاری و بەختەوەری بە دەست بێنن. هەر بۆیە ئێمە بە گەشبینییەوە لە داهاتووی ئێران دەڕوانین، ئەگەر چاو لە كورد بەگشتی بكەین، باشووری كوردستان سەركەوتنێكی بەرچاوی بۆ خۆی مسۆگەر كردووە و بۆ تەسبیتكردنی ئەو دەستكەوتانە لە هەوڵ و تێكۆشانی بەرچاودان. كورد لە عێراقدا لە زۆر قۆناغ رۆڵی یەكلاكەرەوە دەبینێ هەر چەند لەگەڵ حكوومەتی ناوەند تووشی كێشە و گیروگرفتی زۆر دەبن، بەڵام لە هەر حاڵێكدا مەسەلەكە بۆ دواوە ناگەڕێتەوە. لە رۆژئاوای كوردستان بە هۆی ئەوەی گڵۆڵەی بەختی دیكتاتورییەتی بنەماڵەی ئەسەد كەوتووە، مەسەلەی كورد لە بەرەوپێشچووندایە و چاوەڕوان دەكرێ دوای رووخانی ئەو رێژیمە بۆ گەلەكەمان لەو بەشە دەستكەوتی بەرچاو وەدی بێت.

لە باكووری كوردستان پاش چەندین ساڵ خەباتی سیاسی و چەكداری ئیتر مەسەلەی كورد لە رۆژەڤی سیاسەتی دەوڵەتمەردانی توركدایە. حەرەكەتی بەرچاوی پیرۆزكردنی سەری ساڵی تازەی كوردی لە لایەن لایەنە سیاسیيەكانی كوردەوە، هێندەی دیكە مەسەلەكەی بردە پێش، ئەگەر هیچ شتەكی لە ناكاو و كتوپڕ و ناوچەیی نەیەتە پێش و باڵی چەكداری ئەو بزووتنەوەیەش هێندێك پێداچوونەوە بە هەڵوێستی خۆیاندا بكەن تەخمینی ئەوە لێ‌ دەدرێ‌ كە ئاڵوگۆڕ لە سیاسەتی توركیەدا بێتە پێش و لەگەڵ لایەنی سیاسی و قانوونی نێوخۆی بكەوێتە دیالۆگ و بەو شێوەیە پرسی كورد بەرەو چارەسەرییەكی مومكین ببەن.

سڵاو لە شەهیدانی كوردستان

سڵاو لە بنەماڵەی بەڕێزی شەهیدانی كوردستان

سڵاو لە گیانی پاكی پێشەوای شەهید و هاوڕێیانی

سڵاو لە گەلی قارەمانی كورد، پشتیوانی هەردەمی حیزبی دێموكراتی كوردستانی ئێران

سڵاو لە هیزی پێشمەرگە، خەباتكاری گەلی كورد

10ی خاكەلێوەی 1391 ی هەتاوی
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧٢٣ لەم ژمارەیەدا:

ــ نان، ئازادی، کەرامەتی ئینسانی
ــ تارمایی لە چاویلکەی فاشیزمەوە
ــ کۆڵبەر یان کۆڵنەدەر
ــ د.سەربەست نەبی: دەریای سپی بە هەناسەی ڕووسیه دەژمێردرێت
  • ئەدەبیاتی کوردی و کۆماری جیهانیی ئەدەبیات ئەدەبیاتی کوردی و کۆماری جیهانیی ئەدەبیات
    مێژووی سەرهەڵدانی ئەدەبی جیهانی لەلایەن پاسکال کازانۆڤا لە کتێبی کۆماری جیهانیی ئەدەبیات(ز١٣٩٢) سێ رەوتی فۆرم، گەشەسەندن و رەوتی کێبڕکێی نێودەوڵەتی لەخۆ گرتووە و هەر رەوتێکی لەگەڵ گۆڕانکاریی بنەڕەتی لە سەرهەڵدان و پەرەسەندنی زمانە رەسەنەکانی ئەورووپا لێکداوەتەوە و مانای کردۆتەوە.
  • د.سەربەست نەبی: دەریای سپی بە هەناسەی ڕووسیه دەژمێردرێت د.سەربەست نەبی: دەریای سپی بە هەناسەی ڕووسیه دەژمێردرێت
    مەسەلەی عەفرین جودایە لەگەڵ ئەو مەسەلەیە؛ ئەجێندای سیاسیی گەورە لە پشت ئەو هێرشە هەبوو، بۆیە ئەورووپا ئامادە بوو هێرش بکات، بەڵام بۆ عەفرین نا.
  • کۆڵبەر یان کۆڵنەدەر کۆڵبەر یان کۆڵنەدەر
    ئەوەیکە لە گۆشە و کەناری وڵاتدا هێندێک خەمخۆری لەلایەن خەڵک یان خەڵکانێکدا دەبیندرێ یان هێندێک پێشکەوتن لە چەند بواری جیاجیادا دێتە ئاراوە، ئەوە هیممەت و بەرخۆدانی خەڵکە لە بەرامبەر کۆنەپەرەستی رێژیم و بە هیچ شێوەیەک پەیوەندی بە رێژیمەوە نییە .
  • \ "هوزمانەوەن" نمونەی بەرچاوی له نێوبردنی سروشتی کوردستان
    کاتێک ئێمه دەڵێین حکوومەته داگیرکەرەکانی کوردستان به بەرنامەیەکی داڕێژراو، سەرەکیترین سەرچاوەی ژیانی نەتەوەی کوردیان کردووەتە ئامانجی هێرشەکەیان، تەنیا له ڕووی هەستی خۆشەویستی خاک و کوردبوونەوە نییه، بەڵکوو لەم ڕاستایه‌دا بەڵگه ئەوەنده زۆره که تەنیا لێکوڵینەوەیەکی کورت دەتوانێ زۆر شت ڕوون بکاتەوە، بەڵام بەداخەوه لەم بوارەشدا ئێمەی کورد کەمکارییەکی ئێجگار زۆرمان کردووه.
  • دوژمنانی ئازادی چ ڕەوتە فیکرییەکیان بەدڵە دوژمنانی ئازادی چ ڕەوتە فیکرییەکیان بەدڵە
    ئەگەر ئاوڕێک لە مێژووی فەلسەفە و زۆربەی زانستە فیکرییەکان بدرێتەوە، هێندێ خاڵ بەرچاو دەکەوێت، کە وڵامی زۆربەی قەیرانە هزرییەکان دەدرێتەوە. ئەگەر لە بابەتێکدا دوو لایەن و هێڵی فیکری جیاواز دەکەونە ململانێیەوە، ئاکامەکەی یان دەبێتە هۆی بەزینی یەکیان، یان دەبێتە هۆی سەرهەڵدانی فکرێکی سێهەم کە ڕەنگە دڵخوازی هیچ لایەکیان نەبێت، بەڵام کۆتاییهێنەری ململانێیەکانە.
  • تارمایی لە چاویلکەی فاشیزمەوە تارمایی لە چاویلکەی فاشیزمەوە
    بنەماییترین تایبەتمەندییەکانی فاشیزم بریتییە لە پیرۆزمەندیی پەتی و سەرۆکێکی بێ هەڵە. لەلای فاشیستەکان ئەوەی هەمیشە وەک داردەست ئاپۆرەی پێ کۆنترۆڵ دەکرێ، تارماییەکی تۆقێنەرە کە بەپێی هەڵکەوتەیەکی تایبەت ئەم تارماییە لە شێوازی دوژمن، لایەن یان ئەگەرێک خۆی دەردەخات.
  • نان، ئازادی، کەرامەتی ئینسانی نان، ئازادی، کەرامەتی ئینسانی
    مرۆڤێك كه له هەژاریدا ڕاگیراوه، مرۆڤێك كه نكۆڵی له ناسنامه ئێتنیكی، ئایینی یان نەتەوەییەكەی دەكرێ یان دەكەوێته بەر تەوژمی سیاسەتی تواندنەوه و سووكایەتی پێكردن یان لەژێر ستەمی جنسیدا دەژی، مرۆڤێكه كه كەرامەتی لێ زەوت كراوه.
  • شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن
    گۆڕانکارییەکانی ناو کابینەی ترامپ و کاریگەرییان لە سەر سیاسەت و رووداوەکانی ناوچە، تەوەری گفتوگۆی ئەم ژمارەیەی رۆژنامەی کوردستانە لەگەڵ شەریف هەژاری، مامۆستای مێژوو لە زانکۆی سلێمانی، کە سەرنجتانی بۆ ڕادەکێشین:
  • پاژنەی ئاشیلی ڕێژیمی ئێران پاژنەی ئاشیلی ڕێژیمی ئێران
    لە دوو بابەتی پێشوودا، "شەڕی ئێران و ئیسرائیل"و بەشی یەکەمی "پاژنەی ئاشیلی ڕێژیمی ئێران"، هێڵی بەهێزی ڕێژیمی تاران (دەرەوەی سنوورەکان و کەڵک وەرگرتن لە ملیشیا و لایەنگرە شێعەکانی لە وڵاتانی ناوچە) و خاڵی لاوازی ئەو ڕێژیمە (خەڵکی ناڕازی و وەزاڵەهاتووی نێو شارەکانی ئێران) خرایە بەر باس و لێک درایەوە.
  • بێستوون، شوێنی خودای خوداکان بێستوون، شوێنی خودای خوداکان
    شاری بێستوون، یەکێک له شارەکانی کرماشانه که له باکووری رۆژهەڵاتی ئەو گەورەشاره جێگای خۆش کردووه و له سەر رێگای کرماشان - هەمەدان که سەردەمانێک پێتەختی ئیمپراتوری کوردان بوو، هەڵکەوتووه.
  • مانیفێستی ڕزگاری مانیفێستی ڕزگاری
    هەتا لاپەڕەکانی مێژووی کورد زیاتر هەڵدەدەینەوە، تابلۆی تراژێدیای کورد زیاتر دەردەکەوێت. لە پەنای ئەم تابلۆیە سەربوردەی قارەمانیەتی، فیداکاری، کاریگەری بلیمەت و ڕێبەرەکانمان لەسەر زیندوو مانەوەی کورد وەکوو نەتەوە زۆر ڕوونە. لە لایەک پرسیاری بۆچی تا ئێستا سەرنەکەوتووین دەبێتە خۆرەی مێشک، لە لایەک جێ داخە بۆچی ئەم ڕێبەرە زانا و لێهاتووانە بە ڕادەی پێویست لە لایەن تاکی کورد بەرجەستە نەکراون.
  • پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان
    ئەوان کۆتاییان بە کۆمار هێنا، بەڵام نەیانزانی ئامانجەکانی کۆمار و گیانفیدایی ڕێبەرەکانی، چ بەهایەکی مەزنن و چۆن بۆ نەوەکانی داهاتوو دەگوازرێنەوە، دوای حەفتاو یەک ساڵ لەو ڕووداوە، داستانی مەرگی سەربەرزانەی پێشەوا، هێشتا خاوەنی بەهێزترین وانەی خۆنەویستی، خەڵکویستی، ئازادیخوازی و سەرفرازییە و ئەوینێکی بەهێزیشە بۆ بە چۆکداهێنانی هەموو مەترسی و ناخۆشییەکان.
  • سووکایەتی، ئامرازی تواندنەوە سووکایەتی، ئامرازی تواندنەوە
    لە وڵاتێکدا کە چەند کەلتوور و نەتەوە و ئایینی جیاواز دەژین، حکوومەتی دەسەڵاتدار لەگەڵ هەڕەشە و دەرفەتی جۆربەجۆر بەرەوڕوویە؛ لەو جۆرە وڵاتانەدا، بەهۆی چەندنەتەوەیی و چەندکولتووری و پێکهاتەی ئاڵۆزی کۆمەڵگاوە، ژیانی کۆمەڵایەتی - سیاسی و هەروەها ئیدارەکردنی حکوومەت و دابەشکردنی دەسەڵات و سامان و ئیمتیازەکان لە نێو خەڵکدا ئەرکێکی ئاڵۆز و پڕمەترسییە، کە هەرجۆرە هەنگاو و کردارێک کە نیشان لە هەڵاواردن و بێبەشکردنی کەس و کەسانێک و پێکهاتەیەک بدا، دەبێتە هۆکارێک بۆ رووخانی ئێعتمادی خەڵک بەرامبەر بە دەسەڵاتدار و حکوومەت.
  • پانۆڕامای ساڵ پانۆڕامای ساڵ
    خوێنەرانی خۆشەویست، ڕۆژنامەی کوردستان وەک نەریتی ساڵانە لە دوایین ژمارەی ساڵدا پوختەیەک لە ڕووداو و هەواڵە گرینگە حیزبییەکانی ساڵ دەخاتە بەر دیدی ئێوەی ئازیز؛ لێرەدا بەشێک لەم هەواڵ و ڕووداوانە دەخەینە بەر چاوی ئێوەی هێژا: