کوردستان میدیا

ماڵپەڕی ناوەندیی حیزبی دێموکراتی کوردستانی ئێران

کۆچی دوایی دایکی شه‌هیدێکی رێگای رزگاریی کوردستان، له‌ کرماشان

17:04 - 12 خەرمانان 2712

کوردستان میدیا: دایکی شه‌هیدێکی رێگای رزگاریی کوردستان، به‌هۆی پیری له‌ ته‌مه‌نی ٩٠ ساڵیدا له‌ کرماشان کۆچی دوایی کرد.


به‌پێی راپۆرتی ماڵپه‌ڕی کوردستان میدیا، رێکه‌وتی ١٠ی خه‌رمانانی ١٣٩١ی هه‌تاوی، دایکی شه‌هیدێکی رێگای رزگاریی کوردستان به‌ناوی دایه مینا محه‌ممه‌دی، دایکی شه‌هید محه‌ممه‌د غه‌ریب ئیسماعیلی، له‌ ته‌مه‌نی ٩٠ ساڵیدا کۆچی دوایی کرد.
شه‌هید محه‌ممه‌د غه‌ریب، تاقه‌ کوڕی دایه مینا و خه‌ڵکی ناوچه‌ی زه‌ردۆیی بوو که‌له‌ ساڵی ١٣٦٢ی هه‌تاوی له‌ شه‌ڕی هێزه‌کانی سپای پاسدارانی رێژیم، له‌ ناوچه‌ی کۆیڵه‌ی سه‌ربه‌ شاستانی پاوه‌ شه‌هید کرا.
دایه مینا زاوایه‌کیشی به‌ناوی جه‌بار میهره‌بانی پێشمه‌رگه‌ی کوردستان بوو که‌له‌ ساڵی ١٣٥٨ له‌ شاخی ئاته‌شگای پاوه‌ به‌ ده‌ستی ده‌ست و پێوه‌ندییه‌کانی رێژیمی ئیسلامیی ئیران شه‌هید کرا.
حیزبی دێمۆکراتی کوردستانی ئێران پرسه‌ و سه‌رخۆشیی خۆی ئاراسته‌ی بنه‌ماڵه‌ و که‌س و کاری دایه مینا ده‌کات و خۆی له‌ خه‌م و په‌ژاره‌یاندا به‌ شه‌ریک و به‌شدار ده‌زانێت.
رۆحی شاد