• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٩ی فێڤریەی ٢٠١٨ی زایینی - ٣٠ی رێبەندانی ١٣٩٦ی هەتاوی  

پەیامی ڕاسان پەیامی هیوایە

زایینی: ٢٩-١٠-٢٠١٦ - هەتاوی: ١٣٩٥/٠٨/٠٨ - ١٨:٠٣ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
پەیامی ڕاسان پەیامی هیوایە
ئارەش ساڵح

لە دانیشتنەکەی ڕۆژی ٤ی مانگی خەزەڵوەری ئەمساڵدا، ڕێکخراوی لێکۆڵینەوەی ڕۆژهەڵاتی ناوین "میری"، سکرتێری حدکا بەڕێز مستەفا هیجری پەیامی ڕاسانی لە سێ خاڵی سەرەکیدا پێشکەش کرد؛ یەکەم، تەواو کردنی درووشم و تێکەڵ بوون بە کردەوە، دووهەم: قەبووڵ کردنی ئیرادەی شۆڕشگێڕانە وەکوو ڕاستی و سێهەم: بوونی کۆمەڵگای کوردستانی ڕۆژهەڵات بە هێزی شوێندانەر. دیارە حدکا پیشانی داوە کە هێشتا تەنیا لایەنە لە کوردستانی ڕۆژهەڵات کە توانای سیاسی و سەربازیی پێکهێنانی جەرەیانی لە کۆمەڵگای کوردستاندا هەیە و توانای ئەوەی هەیە کە کێشەی کورد لە ڕۆژهەڵاتی کوردستان بکاتە بەشێک لەڕێڕەوی سەرەکیی سیاسەت لە ڕۆژهەڵاتی ناویندا. قسەکانی سکرتێری حدکا و بەراوردیان لەگەڵ سکرتێرەکانی دیکە، دەرخەری ئەو ڕاستییەیە کە ڕاسان سۆنگەیێکی نوێی بۆ حدکا بەرهەم هێناوەتەوە، بۆیە ئەو پەیامەی کە بەڕێز مستەفا هیجری هەڵگری بوو کە پەیامی ڕاسانە، لە ڕاستیدا جیاوازیی جەوهەریی لەگەڵ پەیامەکانی دیکە بوو. دیارە پەیامەکانی تر بە درووستی دەنگدانەوەی ئیستیسال واتە دەستەوەستانییەک بوون، کە لێی هەڵقوڵا بوون.

تایبەتمەندیی پەیامی سیاسی یان باشترە بگوترێت ڕێتۆریکی سیاسی زیاتر لە هەرشتێک گرێدراوی ئەو دۆخەیە کە هەڵگری پەیامەکە خۆی لە نێوی‌دا دەبینێتەوە و تێیدا دەژیت. ئەگەر هەڵگری پەیام لە دۆخێکی ئیستیسال و دەستەوەستانیدا بژی، پەیامەکەی یان ڕێتۆریکەکەی هەڵگری ئەم تایبەتمەندیانەیە: یەکەم، ڕەپاڵدان (فرافکنی). بە واتایێکی تر یاریکەرێک کە خۆی لە دۆخی دەستەوەستانی و ئیستیسالدا دەبینێت هەموو کێشەکان دەخاتە ئەستۆی بارودۆخ یان ئەکتەرەکانی دیکە. لەبەر ئەوەی پێی باشە کە بڵێت هەموو یاریکەرەکان پێکەوە لە دۆخێکی زۆر خراپدان. دووهەم، درووشمی دوور لە ڕاستی، یاریکەرێک کە پێی وایە لە کردەوەدا هیچ چارەیێکی بۆ نەماوەتەوە، چارەکە لە دانی درووشمی زۆر گەورەدا دەبینێت کە بتوانێت زەینەکان لە کێشەکان دوور بخاتەوە. بۆ وێنە بەهیچ شێوەیەک ناکرێت لە پانێلێکی باس و خواستدا هیچ چەشنە بەرەیێک دابمەزرێت و هەرکەس یەک تۆزقاڵ ئاشنایی لەگەڵ کاری حیزبی و سیاسی هەبێت دەزانێت کە؛ جیا لەوەی کە یاسای حیزبەکان ئەو ڕێگە بەهیچ سکرتێرێک نادات کە سەرەڕۆیانە حیزبەکەی بباتە بەرەیێکەوە، پرۆسەی پێکهێنانی بەرە پرۆسەیێکی زۆر درێژخایەنە، بۆیە درووشمی "با لێرە و هەر ئێستا بەرە دابنین" لە ناوەرۆکی خۆیدا دروشمێکی بێ‌بنەمایە کە تایبەتمەندیی پەیامێکی سیاسییە کە هەڵقوڵاوی دۆخی گیرۆدەیی بێت. تایبەتمەندیی سێهەمی ئەو چەشنە پەیامانە ئەوەیە کە هەڵگری پەیام خۆی و کۆمەڵگاکەی بە خاوەن ئیرادە و قەرار نازانێت. بۆیە ئەو چەشنە پەیامانە پێیان باشە سەرچاوەی ڕووداوەکان بگوازنەوە بۆ بکەرێک لە دەرەوەی ئیرادەی خۆیان و کۆمەڵگا. ئەگەر بڕیار وایە کە کۆمەڵگای مەدەنی لە کوردستانی ئێران گٶڕان بۆ کوردستان پێک بێنێت، یان ئەگەر بڕیار وایە ئێمە ڕاوەستین تا مەرجە پێکهاتەییەکان، واتە شەرایێتی ساختاری ئامادە بن، ئیتر پێویستی وجوودیمان وەک هێزی شۆڕشگێر لە کاتی ئێستادا چۆن دەتوانین لێکبدەینەوە؟ ئەگەر لێکدانەوەی ئێمە لەسەر ئەو ئەساسە بێت پێویستە ئەو ئاکامە مەنتێقییە قەبووڵ بکەین کە هەبوونی چەند حیزبی چەک بەدەست لە باشووری کوردستان نەک تەنیا هیچ یارمەتیێک بە چارەسەری کێشەکە ناگەیێنێت، بەڵکوو دەبێتە هۆی ئەوەی کە یەکەم، کۆمەڵگای مەدەنی هەزینە و تێچووی زیاتر بدات و دوووهەم، مەرجی پێکهاتەیی یان شەرایتی ساختاری سەرسەختانە لەبەرامبەر گۆڕانی دڵخوازی ئێمە بەرنگاری بکات.

پەیامی ڕاسان کە لەو دانیشتنەدا بەڕێز هیجری نوێنەرایەتی دەکرد، هەڵگری سێ خاڵی سەرەکی بوو کە ئەوی جیاواز دەکرد لە پەیامەکانی تر. یەکەمیان ئەوە بوو کە درووشم بەسە. ساڵەهایە ئێمە پێمان وایە کە خەڵک لە هیچ تێناگەن. بۆیە ئێوارە ئینشێعاب لێ دەدەین و پێش ئەوەی کە ٢٤ کاژێر بەسەر ئینشێعابدا تێپەڕێت، هەر مایکرۆفۆنمان بینی خۆمان بە کەسێکی جیاواز لەقەڵەم دەدەین و باسی یەکگرتوویی دەکەین.

ساڵەهایە ئێمە پاڵمان داوەتەوە و خۆمان لە بەرەیەكدا دەبینین کە کاپیتالیسم و ئیمپێڕیالیسم دەڕووخێنێت. ساڵەهایە کە هیچ خواستێکمان بۆ پێکهێنانی گۆڕانکاری لە کوردستانی ئێران نەماوە کەچی کە دێینە "میری"، تەنیا بۆ ئەوەی هەموو کەس بە قەد خۆمان تاوانبار بدەینە بەرچاو، باس لە پێکهێنانی بەرە دەکەین لە چەند خولەکدا. بۆیە پەیامی ڕاسان جیاوازیێکی سەرەکی هەیە ئەویش ئەوەیە کە پێش ئەوەی هیچکام لەو درووشمانە بدەین و پێش ئەوەی باسی یەکگرتن و بەرە بکەین، پێویستە زەمینەیێکی چالاکی هەبێت کە بۆ بەهێز کردنی لەگەڵ یەک ڕێک کەوین. ئایا لە کاتی ئێستادا ئەو حیزب و لایەنانە کە دەیانەوێ لەگەڵ حدکادا بەرە پێک بێنن ئامادەن کە تێکەڵ بە ڕاسان بن؟ یان زەمینەیێکی چالاکیان هەیە کە بتوانین پێکەوە لەسەری کار بکەین؟ ئەگەر وەڵامی ئەو دوو پرسیارە "نا" یە، بەرەیێکی هاوبەش چ کارکردێکی دەبێت بێجگە لە یەکخستی بۆڵەبۆڵەکان و گلەیی و گازندەکان؟

خاڵی دووهەم ئەوەیە کە؛ کورد لە کوردستانی ڕۆژهەڵاتدا واقعیەتێکە کە بەقەدەر واقعیەتی کۆماری ئیسلامی گرینگە. ئیرادەی شۆڕشگێڕانە ڕاستیێکە کە پێویستە لەلایەن ئەو هێزانەی کە خۆیان بە هێزی ڕزگاریخواز دەزانن هەستی پێ بکرێت. بەڕێز هیجری بە درووستی ئاماژەی بەوە دا کە هەموو ئەو نیزامە دیکتاتۆریانە کە ڕووخاون سەردەمێک ڕاستیێک بوون کە بە هیچ شێوە بە بیری کەسدا نەدەهات کە درزیان تێ دەکەوێت. لە ماوەی دوو دەیەی ڕابردوودا کە کۆماری ئیسلامی ئەزموون و زانستی خۆی بۆ بەرپەرچدانەوەی شۆڕش و شۆڕشگێڕان زیاد کردووە، یەکێک لە تاکتیکەکانی ئەوە بووە کە ئەو وەهمە بخاتە مێشکی نەیارانیەوە کە ئیمکانی ئەوەیان نیە کە بتوانن لە بەرامبەر کۆماری ئیسلامیدا بەرنگاری بکەن. بۆیە جیاوازیی پەیامی ڕاسان ئەوەیە کە بە ئەسالەتدان بە ئیرادەی شۆڕشگێڕانە دەری دەخات کە دیکتاتوری تەنیا ڕاستیی نێو کۆمەڵگا نیە، بەڵکوو ڕاسانیش واقعیەتێکی ترە کە خەریکە هێدی هێدی خۆی لە بەرامبەر نیزامی دیکتاتۆریدا دەخاتە ڕوو.

پەیامی سێهەمی ڕاسان ئەوەیە کە؛ کورد لە کوردستانی ڕۆژهەڵات دەبێتە هێزی شوێندانەر. بە چاو کردن لە ئەزموونەکانی دنیا و دەوروبەرمان، لە ئیرلەندی باکوورەوە بگرە تا ئەزموونی کوردستانی باکوور، هەبوونی شۆڕشێکی چەکداریی بەهێز پێویستیێکی حاشا هەڵنگرە بۆ ئەوەی هەموو باڵەکانی ناو کۆمەڵگا ببن بە هێزی شوێن دانەر. لە ڕاستیدا خەباتی چەکداریی بە هێز کە یەکێکە لە ڕەهەندە سەرەکییەکانی ڕاسان، دەتوانێت گرینگیی هەموو لایەنەکانی نێو کۆمەڵگای کوردستانی ڕۆژهەڵات لە هاوکێشە سیاسییەکانی ڕۆژهەڵاتی ناوین و ئێران بباتە سەرەوە. لە ڕاستیدا ئەگەر هەدەپە دەتوانێت سەنگی لە هاوکێشەکاندا هەبێت، بەشێکی زۆری لەبەر هەبوونی خەباتێکی چەکداریی بەهێزە لە کوردستانی باکوور، ئەگەر سەلاحەدین دەتوانێت لە شاردا ڕێبەرێکی کارامە بێت، تەنیا لەبەر ئەوەیە کە نوورەدین لە شاخ دەتوانێت هێزێکی سەربازیی بەتوانا بێت. (نوورەدین دەمیرتاش برای سەلاحەدین دەمیرتاشە کە لە شاخ فەرماندەیێکی کارامەی سەربازییە)

بۆیە سێ خاڵی سەرەکیی پەیامی ڕاسان کە بریتین لە تەواو کردنی درووشم، قەبووڵ کردنی ئیرادەی شۆڕشگێڕانە وەکوو ڕاستی، و بوون بە هێزی شوێندانەر، لە ڕاستیدا هەموو ئاماژە بە یەک خاڵی دیکە دەکەن کە بەڕێز هیجری لە قسەکانیدا ئاماژەی پێ دا، ئەویش هیوایە. پەیامەکەی ڕاسان لە دانیشتنەکەی میری دا و لە ناو کۆمەڵێک پەیام کە باسیان لە ئیستیساڵ، دەستەوەستانی و بێ چارەیی کوردی ڕۆژهەڵات دەکرد، پەیامی هیوا بوو. پەیامێک بوو هەڵگری ڕاسان و هەستانەوە و ژیانەوە.

پێوستیی ئەمڕۆی کوردستانی ئێران ئەو پەیامەیە نەک دووپات کردنەوەی ئەو ڕاستییانەی کە ئیتر هەموو کۆمەڵگای کوردستان بوونەتە شارەزایان یان دووپات کردنەوەی هەندێک درووشم و ژێستی سیاسی کە هەموو تاکەکانی کۆمەڵگا لەبەری کردوون. ئەمڕۆ کۆمەڵگای کوردستان پێویستی بەوە هەیە کە باس لە چارەسەر بکرێت، پێویستی بە پەیامێک هەیە کە ئیرادەی بۆ بگەڕێنێتەوە، پێویستی بە پەیامێک هەیە کە هیوابەخش بێت.

وەکوو مامۆستا شەریف دەڵێت هەتا من لە بیرم دێ/ ئەم وشانە دەوترێ .. ئیتر لایان بەین لە بیر/ دەس کەینە ڕا و تەگبیر.

ناوەڕۆکی ئەم بابەتە را و تێبینیی نووسەرە و ماڵپەڕی کوردستان میدیا لێی بەرپرسیار نییە
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.