• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٣ی ئاوریلی ٢٠١٨ی زایینی - ٠٣ی بانەمەڕی ١٣٩٧ی هەتاوی  

کۆڕێکی پرسە و ڕێزلێنان بۆ شەهید ڕەسووڵ محەممەدزادە لە وڵاتی سوید بەڕێوەچوو

زایینی: ٠٧-١١-٢٠١٦ - هەتاوی: ١٣٩٥/٠٨/١٧ - ١٣:٠٧ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
کۆڕێکی پرسە و ڕێزلێنان بۆ شەهید ڕەسووڵ محەممەدزادە لە وڵاتی سوید بەڕێوەچوو
کوردستان میدیا: بە بەشداریی نوینەرانی حیزب و ڕێکخراوە سیاسی و مەدنییەکان، ژمارەیەکی بەرچاو لە ئەندامان و لایەنگرانی حیزبی دێموکرات و بنەماڵەی شەهید ڕەسووڵ، کۆڕێکی ڕێزلێنان بۆ شەهید ڕەسووڵ محەممەدزادە لە وڵاتی سوید بەڕێوە چوو.

ڕۆژی یەکشەممە ڕێکەوتی ١٦ی خەزەڵوەری ١٣٩٥ی هەتاوی، لە شاری ڤێسترۆسی وڵاتی سوید، کۆڕێکی پرسە و ڕێزلێنان بۆ شەهید ڕەسووڵ محەممەدزادە تازەترین شەهیدی حیزبی دێموکرات کە لە ئۆپەراسیۆنی ئازادکردنەوەی شاری مووسڵ و ناوچە دابڕاوەکانی کوردستان و لە کاتی پووچەڵکردنەوەی مین‌دا شەهید بوو، بەڕێوەچوو.

لەو کۆڕەدا لوقمان ئەحمەدی ئەندامی کۆمیتەی ناوەندیی حیزبی دێموکڕات لە دەرەوەی وڵات، نوێنەرانی حیزب و ڕێکخراوە سیاسیی و مەدەنییەکان، ژمارەیەکی بەرچاو لە ئەندامان و لایەنگرانی حیزبی دێموكرات و هاوکات بنەماڵەی شەهید ڕەسووڵ بەشدار بوون.

سەرەتای مەڕاسمەکە بە سروودی نەتەوایەتی "ئەی ڕەقیب" و خولەکێک بێدەنگی بۆ گیانی پاکی سەرجەم شەهیدانی کوردستان دەستی پێکرد.

دواتر ژیاننامەی شەهید ڕەسووڵ لە لایەن "شاهۆ ئیبراهیمی"ەوە خوێندرایەوە.

پاشان پەیامی کۆمیتەی گشتیی حیزبی دێموکرات لە وڵاتی سوید لە لایەن کاکەبرا ئەلیاسی بەرپرسی کۆمیتەی حیزبی دێموکرات لەو وڵاتە خوێندرایەوە.

ئەلیاسی لە پەیامەکەیەدا ویڕای دەربڕینی هاوخەمی لەگەڵ بنەماڵەی شەهید ڕەسووڵ و دوکتور سلێمان، ئاماژەی بەوە کرد کە شەهید ڕەسووڵ وەک پەروەدەکراوێکی مەکتەبی دێموکرات، ئامانجی ڕزگاریی نەتەوەکەی لەهەر بەشێکی کوردستاندا بە کردەوە بەجێ هێنا و ئەوەش دەرخەری ئەو ڕاستییەیە کە قوتابیانی دێموکرات هەڵگری بەرپرسایەتییەکی مێژوویین کە لە کۆماری کوردستانەوە بە میرات بۆیان ماوەتەوە، ئەویش ئەوەیە کە قوتابیانی ڕێبازەکەیان وا فێردەکەن لە هەموو قۆناغە جیاوازەکانی خەباتدا دێموکرات بن و کوردستانیانە بیر بکەنەوە.

لە بڕگەیەکی دیکەی مەراسمەکەدا پەیامی سەرەخۆشی بەڕێز و تێکۆشەر مامۆستا مەلا حەسەن شیوەسەڵی لە لایەن هاوسەرەکەی "خاتوو کولسووم ئیبراهیمی"ـەوە خوێندرایەوە.

مامۆستا شیوەسەڵی لە پەیامەکەیدا سەرەخۆشی لە هەردوو بنەماڵەی کاک لوقمان مێهفەر و بنەماڵەی شەهید ڕەسووڵ و بەتایبەت هاوژیانی شەهید ڕەسووڵ خاتوو کەنێرە مێهفەر کردبوو.

لە بەشێکی دیکەی پەیامەکەیدا، ناوبراو باسی لەوە کرد کە: خوێنی شەهید ڕەسووڵ ئەو ڕاستییەی پشتڕاست کردەوە کە سنوورە دەستکردەکانی وڵاتی بەشکراومان تەنها بەرهەمی پیلانگێڕی داگیرکەران و دوژمنانی کوردە، خوێنی شەهید ڕەسووڵ ئاوێنەی ئەو حەقیقەتەیە کە کوردەکان لە هەر پارچەیەکی کوردستان خوێنیان دەڕژێ و هاوسەنگەری یەکترن.

هەروەها گوتیشی: خوێنی کاک ڕەسوول دەرخەری ئەو ڕاستییەیە کە شەڕی ئێمە شەڕی گەڕاندنەوەی موڵک و سامانی وڵاتەکەمان نییە، بەڵکوو شەڕێکە دژ بە کاولکاری و تواندنەوەی مرۆڤە ڕاستەقینەکان، بەرەنگار بوونەوەیە دژ بەو شەپۆلە ئاگرینەی وا خەریکە هەڕەشە لە هەموو مرۆڤایەتی دەکات. خەباتێکی ڕەوایە دژ بە ڕەگەزپەرستی و نایەکسانی، خەباتە بۆ چەسپاندنی مافەکانی مرۆڤ و دێموکراسی و دادپەروەری.

لەبڕگەیەکی دیکەی مەڕاسمەکەدا پەیامی بنەماڵەی شەهید ڕەسووڵ محەممەدزادە لە لایەن بەڕێز قادر مێهفەرەوە خوێندرایەوە.

مێهفەر لە پەیامەکەیدا لە سەر ژیانی سیاسی، ڕێکخراوەیی، خوێندکاری و کۆمەڵایەتی شەهید ڕەسووڵ دوا و تایبەتمەندییە بەرزەکانی کەسایەتی ئەو مرۆڤە مەزنەی بۆ بەشداران باسکرد. باسی لەهەستی بەرزی شۆڕشگێڕی و نەتەوەیی شەهید ڕەسووڵ کرد و هاتنی بۆ نێو ڕیزەکانی حیزبی دێموکرات و چوونەسەری پلەی حیزبی و وەرگرتنی ئەرکە حیزبییەکانی بە نموونە هێنایەوە کە بە دڵسۆزی و سەرکەوتنەوە لەژێر باری هەموو بەرپرسیاریەتیەکدا ڕووگەش دەهاتە دەر.

ناوبراو هەروەها باسی ئەوەی کرد کە؛ شەهید ڕەسووڵ نەک تەنها خۆشەویستی قوتابیانی ڕۆژهەڵاتی کوردستان بوو، بەڵکوو کەسێکی متمانەپێکراو و خۆشناوی دامودەزگاکانی حکومەتی هەرێمی کوردستانیش بوو. خەمی لەدەستچوونی کاک ڕەسووڵ ئەوانیشی خەمبار و بەپەرۆش کرد.

ناوبراو لە کۆتاییدا سەری ڕێز و وەفای لە بەرامبەر شەهید ڕەسووڵدا دانەواند و بەڵێنی درێژەدانی ڕێگاکەی بە شەهید ڕەسووڵ دا و ئارەزووی سەرکەوتنی بۆ هێزی پێشمەرگە خواست.

دواتر دۆکیۆمێنتارێک لە سەر تەوەری "بەرەنگاری" پیشان درا کە تایبەت بوو بە بەشداریی هێزی پێشمەرگەی حیزبی دێموکرات لە بەرەنگاربوونەوە دژ بە "داعش" و بۆ پشتیوانی لە حکومەتی هەرێمی کوردستان و کوردانی باشووری کوردستان.

لە ناوەڕۆکی مەڕاسیمەکەدا چەندین پەخشان و پارچە هۆنراوە لە لایەن عەزیز مورادپەرستەوە خوێندرایەوە.

لەو مەڕاسمەدا چەندین پەیام و برووسکەی هاوخەمی لە لایەن حیزب و ڕێکخراوە سیاسییەکانەوە پێشکەشی مەراسمەکە کرابوون:

ـ پەیامی هاوخەمیی پارتی دێموکراتی کوردستان
پەیامی یەکیەتی نیشتمانی کوردستان لە شاری ڤێسترۆس
برووسکەی ناوەندی ڕێکخستنی پارتی کرێکارانی کوردستان (پ.ک.ک)
پەیامی ناوەندی یەکیەتیی کوردان
برووسکەی کۆنگرەی نەتەوەیی کورد
برووسکەی هاوخەمی بزوتنەوەی گۆڕان
برووسکەی کۆمەڵەی کولتووری کورد
برووسکەی هاوخەمی یەکیەتیی ژنانی دێموکراتی کوردستانی ئێران

هەروەها لەو مەڕاسمەدا پارچە شێعرێک لە لایەن خاتوو سارا عەلی‌باتێ، کوردی باکوورەوە پێشکەش کرا.

بڕگەی کۆتایی مەڕاسمەکە بە سروودی ئەی شەهیدان کۆتایی پێهات.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧٢٣ لەم ژمارەیەدا:

ــ نان، ئازادی، کەرامەتی ئینسانی
ــ تارمایی لە چاویلکەی فاشیزمەوە
ــ کۆڵبەر یان کۆڵنەدەر
ــ د.سەربەست نەبی: دەریای سپی بە هەناسەی ڕووسیه دەژمێردرێت
  • ئەدەبیاتی کوردی و کۆماری جیهانیی ئەدەبیات ئەدەبیاتی کوردی و کۆماری جیهانیی ئەدەبیات
    مێژووی سەرهەڵدانی ئەدەبی جیهانی لەلایەن پاسکال کازانۆڤا لە کتێبی کۆماری جیهانیی ئەدەبیات(ز١٣٩٢) سێ رەوتی فۆرم، گەشەسەندن و رەوتی کێبڕکێی نێودەوڵەتی لەخۆ گرتووە و هەر رەوتێکی لەگەڵ گۆڕانکاریی بنەڕەتی لە سەرهەڵدان و پەرەسەندنی زمانە رەسەنەکانی ئەورووپا لێکداوەتەوە و مانای کردۆتەوە.
  • د.سەربەست نەبی: دەریای سپی بە هەناسەی ڕووسیه دەژمێردرێت د.سەربەست نەبی: دەریای سپی بە هەناسەی ڕووسیه دەژمێردرێت
    مەسەلەی عەفرین جودایە لەگەڵ ئەو مەسەلەیە؛ ئەجێندای سیاسیی گەورە لە پشت ئەو هێرشە هەبوو، بۆیە ئەورووپا ئامادە بوو هێرش بکات، بەڵام بۆ عەفرین نا.
  • کۆڵبەر یان کۆڵنەدەر کۆڵبەر یان کۆڵنەدەر
    ئەوەیکە لە گۆشە و کەناری وڵاتدا هێندێک خەمخۆری لەلایەن خەڵک یان خەڵکانێکدا دەبیندرێ یان هێندێک پێشکەوتن لە چەند بواری جیاجیادا دێتە ئاراوە، ئەوە هیممەت و بەرخۆدانی خەڵکە لە بەرامبەر کۆنەپەرەستی رێژیم و بە هیچ شێوەیەک پەیوەندی بە رێژیمەوە نییە .
  • \ "هوزمانەوەن" نمونەی بەرچاوی له نێوبردنی سروشتی کوردستان
    کاتێک ئێمه دەڵێین حکوومەته داگیرکەرەکانی کوردستان به بەرنامەیەکی داڕێژراو، سەرەکیترین سەرچاوەی ژیانی نەتەوەی کوردیان کردووەتە ئامانجی هێرشەکەیان، تەنیا له ڕووی هەستی خۆشەویستی خاک و کوردبوونەوە نییه، بەڵکوو لەم ڕاستایه‌دا بەڵگه ئەوەنده زۆره که تەنیا لێکوڵینەوەیەکی کورت دەتوانێ زۆر شت ڕوون بکاتەوە، بەڵام بەداخەوه لەم بوارەشدا ئێمەی کورد کەمکارییەکی ئێجگار زۆرمان کردووه.
  • دوژمنانی ئازادی چ ڕەوتە فیکرییەکیان بەدڵە دوژمنانی ئازادی چ ڕەوتە فیکرییەکیان بەدڵە
    ئەگەر ئاوڕێک لە مێژووی فەلسەفە و زۆربەی زانستە فیکرییەکان بدرێتەوە، هێندێ خاڵ بەرچاو دەکەوێت، کە وڵامی زۆربەی قەیرانە هزرییەکان دەدرێتەوە. ئەگەر لە بابەتێکدا دوو لایەن و هێڵی فیکری جیاواز دەکەونە ململانێیەوە، ئاکامەکەی یان دەبێتە هۆی بەزینی یەکیان، یان دەبێتە هۆی سەرهەڵدانی فکرێکی سێهەم کە ڕەنگە دڵخوازی هیچ لایەکیان نەبێت، بەڵام کۆتاییهێنەری ململانێیەکانە.
  • تارمایی لە چاویلکەی فاشیزمەوە تارمایی لە چاویلکەی فاشیزمەوە
    بنەماییترین تایبەتمەندییەکانی فاشیزم بریتییە لە پیرۆزمەندیی پەتی و سەرۆکێکی بێ هەڵە. لەلای فاشیستەکان ئەوەی هەمیشە وەک داردەست ئاپۆرەی پێ کۆنترۆڵ دەکرێ، تارماییەکی تۆقێنەرە کە بەپێی هەڵکەوتەیەکی تایبەت ئەم تارماییە لە شێوازی دوژمن، لایەن یان ئەگەرێک خۆی دەردەخات.
  • نان، ئازادی، کەرامەتی ئینسانی نان، ئازادی، کەرامەتی ئینسانی
    مرۆڤێك كه له هەژاریدا ڕاگیراوه، مرۆڤێك كه نكۆڵی له ناسنامه ئێتنیكی، ئایینی یان نەتەوەییەكەی دەكرێ یان دەكەوێته بەر تەوژمی سیاسەتی تواندنەوه و سووكایەتی پێكردن یان لەژێر ستەمی جنسیدا دەژی، مرۆڤێكه كه كەرامەتی لێ زەوت كراوه.
  • شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن
    گۆڕانکارییەکانی ناو کابینەی ترامپ و کاریگەرییان لە سەر سیاسەت و رووداوەکانی ناوچە، تەوەری گفتوگۆی ئەم ژمارەیەی رۆژنامەی کوردستانە لەگەڵ شەریف هەژاری، مامۆستای مێژوو لە زانکۆی سلێمانی، کە سەرنجتانی بۆ ڕادەکێشین:
  • پاژنەی ئاشیلی ڕێژیمی ئێران پاژنەی ئاشیلی ڕێژیمی ئێران
    لە دوو بابەتی پێشوودا، "شەڕی ئێران و ئیسرائیل"و بەشی یەکەمی "پاژنەی ئاشیلی ڕێژیمی ئێران"، هێڵی بەهێزی ڕێژیمی تاران (دەرەوەی سنوورەکان و کەڵک وەرگرتن لە ملیشیا و لایەنگرە شێعەکانی لە وڵاتانی ناوچە) و خاڵی لاوازی ئەو ڕێژیمە (خەڵکی ناڕازی و وەزاڵەهاتووی نێو شارەکانی ئێران) خرایە بەر باس و لێک درایەوە.
  • بێستوون، شوێنی خودای خوداکان بێستوون، شوێنی خودای خوداکان
    شاری بێستوون، یەکێک له شارەکانی کرماشانه که له باکووری رۆژهەڵاتی ئەو گەورەشاره جێگای خۆش کردووه و له سەر رێگای کرماشان - هەمەدان که سەردەمانێک پێتەختی ئیمپراتوری کوردان بوو، هەڵکەوتووه.
  • مانیفێستی ڕزگاری مانیفێستی ڕزگاری
    هەتا لاپەڕەکانی مێژووی کورد زیاتر هەڵدەدەینەوە، تابلۆی تراژێدیای کورد زیاتر دەردەکەوێت. لە پەنای ئەم تابلۆیە سەربوردەی قارەمانیەتی، فیداکاری، کاریگەری بلیمەت و ڕێبەرەکانمان لەسەر زیندوو مانەوەی کورد وەکوو نەتەوە زۆر ڕوونە. لە لایەک پرسیاری بۆچی تا ئێستا سەرنەکەوتووین دەبێتە خۆرەی مێشک، لە لایەک جێ داخە بۆچی ئەم ڕێبەرە زانا و لێهاتووانە بە ڕادەی پێویست لە لایەن تاکی کورد بەرجەستە نەکراون.
  • پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان
    ئەوان کۆتاییان بە کۆمار هێنا، بەڵام نەیانزانی ئامانجەکانی کۆمار و گیانفیدایی ڕێبەرەکانی، چ بەهایەکی مەزنن و چۆن بۆ نەوەکانی داهاتوو دەگوازرێنەوە، دوای حەفتاو یەک ساڵ لەو ڕووداوە، داستانی مەرگی سەربەرزانەی پێشەوا، هێشتا خاوەنی بەهێزترین وانەی خۆنەویستی، خەڵکویستی، ئازادیخوازی و سەرفرازییە و ئەوینێکی بەهێزیشە بۆ بە چۆکداهێنانی هەموو مەترسی و ناخۆشییەکان.
  • سووکایەتی، ئامرازی تواندنەوە سووکایەتی، ئامرازی تواندنەوە
    لە وڵاتێکدا کە چەند کەلتوور و نەتەوە و ئایینی جیاواز دەژین، حکوومەتی دەسەڵاتدار لەگەڵ هەڕەشە و دەرفەتی جۆربەجۆر بەرەوڕوویە؛ لەو جۆرە وڵاتانەدا، بەهۆی چەندنەتەوەیی و چەندکولتووری و پێکهاتەی ئاڵۆزی کۆمەڵگاوە، ژیانی کۆمەڵایەتی - سیاسی و هەروەها ئیدارەکردنی حکوومەت و دابەشکردنی دەسەڵات و سامان و ئیمتیازەکان لە نێو خەڵکدا ئەرکێکی ئاڵۆز و پڕمەترسییە، کە هەرجۆرە هەنگاو و کردارێک کە نیشان لە هەڵاواردن و بێبەشکردنی کەس و کەسانێک و پێکهاتەیەک بدا، دەبێتە هۆکارێک بۆ رووخانی ئێعتمادی خەڵک بەرامبەر بە دەسەڵاتدار و حکوومەت.
  • پانۆڕامای ساڵ پانۆڕامای ساڵ
    خوێنەرانی خۆشەویست، ڕۆژنامەی کوردستان وەک نەریتی ساڵانە لە دوایین ژمارەی ساڵدا پوختەیەک لە ڕووداو و هەواڵە گرینگە حیزبییەکانی ساڵ دەخاتە بەر دیدی ئێوەی ئازیز؛ لێرەدا بەشێک لەم هەواڵ و ڕووداوانە دەخەینە بەر چاوی ئێوەی هێژا: