• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٤ی فێڤریەی ٢٠١٨ی زایینی - ٠٥ی رەشەمەی ١٣٩٦ی هەتاوی  

بڵێی خێرێکی بۆ ئێمە تێدابێ؟!

زایینی: ١٦-١١-٢٠١٦ - هەتاوی: ١٣٩٥/٠٨/٢٦ - ١٧:٤٦ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
بڵێی خێرێکی بۆ ئێمە تێدابێ؟!
مەلا برایمی مەجیدپور

هەڵبژاردنی سەرۆکایەتی ئـەمریکا دوایی هات. هەر وڵاتێک بـەپێی لـەبـەرچـاو گرتنی بـەرژەوەنـدیی وڵاتەکەی خۆی هەوڵدەدا پێوەندی دیپڵۆماسی و پێوەندییەکانی دیکە لەگەڵ ئەو وڵاتە نـۆژەن بکاتەوە.

هێندێک زۆر بەخێرا و هێندێکیش سەبر و بە تێبینییەوە پیرۆزباییان لێ کرد و سەرکەوتنیان بۆ بە ئاوات خواست. سەرنجڕاکێش ئەوە بوو کۆماری ئیسلامیی ئێران لە پەلەش خێراتر لە جێگای پیرۆزبایی، دژ کردەوەی خۆی نـیشاندا و گوتی: ئـێـمـە ئامادەین بۆ ڕووبەڕوو بوونەوەی هەر ئەگەرێک!! لێرەدا نامەوێ لەسەر ئەوە بڕۆم، هەرئەوەندە دەڵێم: (دز لەهەموو خشپەیەک دەترسێ و بە گومانە!!).

ئێمەی گەلی کوردیش لـە بـەرانبەر ئـەو هەڵبژاردن و سەرکەوتن و ئـاڵوگۆڕە بێدەنگ و بێلایەن نین، چوونکە پێمانوایە ئـاڵوگۆڕی دەسەڵاتی سیاسی هـەرکام لـەو زلهێزانە لە مەسەلەکەی ئێمەشدا کارتێکەری هەیە و دەشڵێین: بڵێی بۆ ئێمەش خێرێکی تێدابێ؟! هەمـوومـان چاوەڕوان و ئـاواتـەخوازین بـۆ دۆزە ڕەواکەی گەلەکەمان و وەدیهاتنی ئامانجەکەمان شتێکی باشی تێدا گونجابێ. هێندێک هیوادارن و بڕێکیش بێ‌هیوا، بەڵام بەش‌بەحاڵی خۆم نە لە ڕابردوودا و نە لە ئێستادا و نە لە داهاتوشدا، نـە بەو سەرکەوتنانـە شاگەشکە دەبم و نە بەو دۆڕاندنانە تووشی لێوە لەرزە بوم. نە پشتم بە قەول و بەڵێنیەکانیان بەستووە و نە لە پشتیوانی نەکردنیان تووشی ناهومێدی بووم. پێموایە گەلی کورد بەگشتی و حیزبە سیاسییەکان بەتایبەتی، دەبێ بە پشت‌بەستن بەگەل و هەوڵ و تێکۆشانیان ئەو هەل و دەرفەتە ڕەخساوە، ژیـرانـە بـقۆزنـەوە و بـە قازانجی خەبـاتە ڕەواکەمـان وەریگرن و لێکیدەنەوە. لەو ئاوە لێڵەی ناوچەکەمان لێزانانە ماسی مەبەستیان بگرن. نابێ بە قسەی سەرکۆمارێک کە دەڵێ: کورد مافی هەیە و دەبێ بیدرێتێ دڵنیا بن و پاڵی لێ‌بدەنەوە. ئێمە دەزانین و ئەزموونیشمان هەیە کە لە کۆنەوە ئەو زلهێزانە ساتوسەودایان بە کورد و مەسەلەکەیانەوە کردووە ! هەر کە بەرژەوەندیی خۆیانیان لە لای دوژمنەکانی کورد شک بردبێ، کورد و داوا و خەباتەکەیان وەلا ناوە و هەرزان فرۆشیان کردووە، مەگەر نازانن یەکێک لە سەرەکیترین هۆی ڕووخانی کۆماری کوردستان خۆ گێل کردن و پشت گوێ خستنی یەکیەتی جەماهیری شۆرەوی بوو لە مەسەلەی کورد. دەبێ بە ئاوڕدانەوەیەکی ورد و واقعبینانە لە ڕابـردوو هەڵسەنگاندنی لێزانـانەی بارودۆخی ئێستا و دروست کردنی هێزێکی نەتەوەیی یەکگرتووی بـەرچاو نیشانی بـدەین کە ئـێمە هێزێکین دەتوانین پارسەنگی مەسەلە و ڕووداوەکان بـەملاوئـەولادا دابشکێنین. ڕۆژهەڵاتی نێوەڕاست مەڵبەندێکی هەم دەوڵەمەند و هەم ئاڵۆز و پڕ لە کێشە و ململانێیە و زلهێزەکانی دنیاش هەوڵ دەدەن زۆرترین جێ پێ بۆ خۆیان بکەنەوە، هەر بۆیە دەگەڕێن بەشوێن هێزێکدا کە بتوانێ پارسەنگی هێزەکان ڕابگرێ، یان بەلای ئەوانیدا بشکێنێتەوە. بە باوەڕی من کورد ئەگەر یەکگرتوو بێت دەتوانێ ئەو هێزە بێ. کاتێک بەو قەناعەتە گەیشتن کە کورد ئەو هێزەیە، بە هەموو توانایانەوە پشتیوانیی مادی و مەعنەوی لێدەکەن و گشت پێداویستییەکانی بۆ دابین دەکەن. بەکوردی و بەکورتی: یەکڕیزی و هاوئاهەنگیی کورد فاکتـەری سەرەکیی گەیشتنی کوردە بە مافەکانی، نەک هەڵبژاردنی فڵان و فیسارە کەس بۆ سەرکۆماری ئەم وڵات و ئەو وڵات. دەبێ بزانین هەموو ئەو زلهێزانە دۆستایەتی و پێوەندی و یارمەتیدانیشیان لە پێش هەموو شتێکدا بـە مـەبەستی پـاراستنی بـەرژەوەنـدی و گەیشتن بـە ئامانجی خۆیانە، نەک چاوی جوانی ئەم و ئەو!! مەخابن ئەو پرش‌وبڵاوی و ناتەبایی و هاوکاری نەکردنەی ئێمە و، نەبوونی ستراتیژییەکی نەتەوەیی یەکگرتوویە کە ئێعتیبار و مـتمانەی دنیای دەرەوەی ئـەگەر لـەنـاویش نـەبردبێ، لاوازی کردووە و تـەنـانـەت گەلەکەشمانی تووشی سەرلێشیواوی و گومـان و دڕدۆنـگی کردووە. ئـێـمـە دەبێ وەک سوپایەکی یەکگرتووی نەتەوەیی تەیار بە چەکی بیر و باوەڕ بە ئازادی و سەربەخۆیی، بە بەرنامەیەکی تۆکمەی داڕێژراو بۆ بەرژەوەندیی گەل و وڵات لە گۆڕەپانەکەدا خۆمان بنوێنین، ئـەو کاتەیە کە پشتیوانی و یـارمەتیی دنیای ئـازاد وەدەست دێنین و مـلکەچی هـیـچ دەسەڵاتێک و سیاسەتێکی بێگانان نابین. ئەگەر هێندێکمان لە ژێر چەتری ئیدە و ئایینی جۆراوجۆر و دژ بە یەک و هێندێکی تر لە ژێر ناوی شیعە و سوننە و ئەوجار بەناوی جۆراوجۆری لک و پۆپەکانیان کە بۆخۆمان دروستمان کردوون، نەک ناتوانین بەرەنگاری ئەو دوژمنە ڕەنگاوڕەنگ و دڕندانەمان بینەوە، بەڵکوو لە نێو خۆماندا تووشی ململانێ و کەڵەوەکێشی و سەرئەنجام دەرگیرییش دەبین، نـە دەتوانین دوژمن بـەچۆکدا بێنین و ملیان پێ ڕاکێشین، نـە دەتوانین بیروڕای گشتیش بەقازانجی خۆمان بجووڵێنین. دەکەوینە نێو شەپۆلی شەڕێکی ئیدەیی و ئایینی و سەر لە خۆمان و گەلەکەشمان دەشێوێنین. ئەوەندە بێهێز دەبین کە تەنیا بیر لە خۆپاراستنیش ناکەینەوە. دنیای دەرەوەش لە هێز دەگەڕێ بـۆ دابـەزاندنی پـڕۆسە و بەرنامەی خۆی و دابین‌کردنی بەرژەوەندییەکانی.

مەخابن ئەو هەموو ئیدە و ئایینە جیاوازانەی کە لێکیان کردووین و بەگژ یەکیاندا کردووین، بە چاوی خۆمان دیتوومانە جگە لە دژایەتی و ماڵویرانی و دووبەرەکی و دوورخستنەوە لە ئامانج، بەروبوویەکی دیکەیان بۆ ئێمەی کورد نەبووە و ناشبێ و هەر دوژمنەکانمان کەڵکێان لێ وەرگرتووە. هەر بۆیە دەبێ ئەو هەل و دەرفەتانە ژیـرانە دەرک بکەین و پشت بە گەل ببەستین و لـەسەر پێی خـۆمـان ڕاوەستین و لـە هـەر دەرفەتێکی ڕەخساو، بـەشی خـۆمـان وەدەست بـێـنـیـن. وەک گەلێکی بـەشمەینەتی زێد داگیرکراوی لە ئازادی بەشبڕاو بە هێزێکی یەکگرتووی نەتەوەیی بێینە مەیدان و بە دنیای بسەلمێنین کە جیاوازی بیر و بۆچوونمان کار ناکاتە سەر یەکگرتویی نەتەوەییمان، چوونکە پێش ئەوەی بگەینە تەمەنی بلوغ و ماف و ئەرکمان بێتە سەرشان، کە مەرجی ئەو ئەرک و مافانەش ئەوەیە (باڵغ و ئـاقـڵ و ئـازاد) بین، هـەر کە لەدایـکمان بووین کـورد و هاونەژاد و ڕۆڵەی یەک نیشتمان بووین. ئەو هەموو پاشتەرک و پێشتەرک و خەت و نیشانانەی لەژێر ناوی جۆراوجۆر بۆمان دروستکراوە تەنیا و تەنیا بۆ ئەوەیە یەک نەگرین و نەبینە هێزێک کە بتوانین بەرگری و پارێزگاری لە مافی ڕەوای خۆمان بکەین. دەگەڵ ڕێزم بۆ هەموو ئیدە و ئایینەکان، بەڵام باوەڕم وایە هەر کامەیان مافی نەتەوایەتیم لێ قەدەغە بکا و یان وەدوای خۆی بخا، قبوڵم نیە و پێموایە هەموو ئیدە و ئایینەکان دەبێ ئامانجیان بەخەتەوەریی گەلان بێ، نەک ڕۆژەڕەشی و ماڵوێرانی، دەبێ ئامانجیان دابین کردنی مافی گەلان بێ، نەک پێشێل کردنی. لە کوردستانێکی ئاوەداندا گەلێکی ئازاد و سەربەخۆ دەتوانێ بە سەرجەم ئاواتەکانی بگا.

ئێمەی کورد دەبێ پێش هەموو شتێک کەسایەتی نەتەوەییمان و زێدەکەمان دیار و ئازاد و پارێزراو بێ، جا ئەوجار ئیدە یان ئایین بۆ خۆمان هەڵبژێرین. ئێمە کە ڕێگەی بە ئازادی نیشتەجێ بوون و تەنانەت گەڕانەوەشمان لێ گیراوە، لە کوێی سۆسیالیزم یان ئیسلام دابەزێنین و کاریان پێبکەین؟! گەلێکی ئازاد و سەربەخۆ دوای سەرکەوتنیش دەبێ ئەو هەموو ئیدە و ئایینانە بۆ ئاوەدانی وڵات و بەختەوەری گەل دەکار بێنێ نەک بۆ ڕۆژەڕەشی و ماڵوێران کردنی، تۆوی برایەتی و هاوکاری بچێنێ نەک ئاژاوە و دووبەرەکی. هەر ئیدە و ئایینێک ئەگەر لە خزمەتی گەلدا نەبێ بۆ قبوڵکردن و دەکارهێنان نابێ. بە باوەڕی من پێداگری لەسەر بەرژەوەندیی حیزب و تاک دەمانخاتە نێو لیستەی ئەو کەس و حیزبانە کە بۆ بەرژەوەندیی خۆیان هەرەسیان بە کۆشکی بـەرزی ئازادیی نیشتمان و گەل هێناوە، ڕەنج و مەینەتی گەل و ئەو گشتە خوێنە ڕژاوەیان لەبەرچاو نـەگرتووە و بـە فیڕۆیان داوە. هیوادارم کارێک نەکەین کە [زوێـڵە چەرمەکە ئـاو بیبا و ئێمەش هەر پەککوویەکمان بۆ بمێنێتەوە!] چاوەڕوانی ئەوە نەبین کە خەڵک مافمان بۆ دیاری بکا و بمانداتێ و بیپارێزێ، بەڵکوو دەبێ بە خۆمان پشت ئەستوور بین و هەموو مافـخۆرەکان ناچار بە چۆڵ کردنی زیدەکەمان بکەین. سوپاسی هەموو ئەوانەش بکەین کە یارمەتیمان دەدەن و هاوکاریمان دەکەن.

ئـاواتە خـوازم گەورەترین دەسکەوت لـەو دەرفەتانە وەدەست بێنین، بـەبێ ئـەوەی خۆمـان بدۆڕێنین. چوونکە دۆڕاندن هەرچەنـد قیمەتی بـۆ دانرابێ، بێ‌بایەخە و هـیچ بەهایەکی واقعی نیە و بەروبووەکەی سەرئەنجام پەشیمانی و سەرشۆڕییە. لە دوایین قسەدا دەڵێم : ئەگەر بۆخۆمان بوون و مەوجوودیەتی خۆمان نەسەلمێنین، دەبێ یەکێک دروستمان بکا و ئەویش بە پێی بەرژەوەندیی خۆی سازمان دەکا و بەکارمان دێنێ !!

ناوەڕۆکی ئەم بابەتە را و تێبینیی نووسەرە و ماڵپەڕی کوردستان میدیا لێی بەرپرسیار نییە
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.