• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢١ی فێڤریەی ٢٠١٨ی زایینی - ٠٢ی رەشەمەی ١٣٩٦ی هەتاوی  

سەربەخۆیی هەرێمی کوردستان و حیزبەکانی کوردستانی ڕۆژهەڵات

زایینی: ٢١-١١-٢٠١٦ - هەتاوی: ١٣٩٥/٠٩/٠١ - ١٧:٣٦ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
سەربەخۆیی هەرێمی کوردستان و حیزبەکانی کوردستانی ڕۆژهەڵات
جەماڵ ڕەسووڵ دنخه

مێژووی خەباتی گەلی کورد بۆ ئازادی و سەربەستی وەکوو هەموو گەلانی دنیا کە خەبات و خوێنان داوە بۆ گەیشتن بە مافەکانیان، پڕه له سەرکەوتن و شکست؛ ئەوسا ئایا ئەو شکستە لە ڕووی هەڵەی سیاسی یا نیزامی بێت، لە مێژوودا تومار کراوە و ئاسەوارەکانی لە پرۆسەی سیاسیدا بۆ ڕزگاریی نەتەوەیی وەکوو کۆسپێک دەمێنێتەوە و قەرەبووی هەندێک لەو شکستانە تا ئێستاش گەورەترین کۆسپی بۆ ڕەوتی سیاسەتی وڵاتانی جیهان و خودی نەتەوەی کورد دروست کردووە و لەو پێوەندییەش‌دا زیاتر لە هەموو لایەنێک خودی نەتەوەی کورد چ لە ڕووی ماددی و ماڵی باجەکەی داوە و ئێستاش دەیدات.

جیا لەوەیکە نەتەوەی کورد هەمیشە بۆ ئازادی و مافی خۆی شەڕی کردووە و دژی داگیرکەران وەستاوەتەوە، بەڵام زور جاریش هەلی زێڕینی بۆ ئازادی و دامەزراندنی دەوڵەتێکی کوردی لە میژوودا لەدەست داوە.

کاتێک کە بریتانیا لە بڕیارێکدا ویستی شێخ مەحموودی حەفید بکات بە ڕێبەری دەوڵەتی کوردستان، شێخ مەحموود زۆر بە ئاسانی بە هۆی هەڵەیەک جا چ پێوەندی بە دۆخی فیکری و سیاسەتی ئەو کاتەوە هەبێ، یا هەر هۆیەکی دیکە، ڕەوڕەوی مێژووی خەباتی کوردی بۆ گەیشتن بە ڕزگاری و سەربەخۆیی درێژ کردەوە. شەهید دوکتور سادق شەرەفکەندی سکرتێری گشتیی پێشووی حیزبی دێموکرات لە کتێبی مێژووی کورد لە سەدەی شازدەهەمدا باس لەوە دەکەت کە؛ دوای شەڕی جیهانیی یەکەم، دوای ئەوەیکە وڵاتانی جیهان بەو ئاکامە گەیشتن کە نەتەوەکانی جیهان بکەن بە دەوڵەت، نەتەوەی کورد بە هۆی کێشەی سیاسیی نێوخۆیی ئەو دەرفەتە زێڕینەی لەدەست دا و تا ئێستاش کە سەدەی ٢١ـه گەلی کورد بە هەموو حیزب و لایەنە سیاسییە جۆراوجۆرەکانیەوە هەوڵ دەدات نیشتمانێکی سەربەخۆ پێک بێنێت کە حەشیمەتەکی ٤٠ میلیۆن کەسییه.

باسکردن لە مێژوو بۆ تاوتوێکردن و خەسارناسی کردنی، کارێکی زۆر سەخت و دژاورە چوونکه مێژوو کەمترین بەڵگەی بەردەست لە خۆی جێ دێڵێت یا ئەگەر لەبەردەستیشدا بێت لە لایەن داگیرکەر یا کەسانێک نووسراوە کە بە دڵخوازی خۆیان باسیان لە ڕووداوەکانی کردووە، بۆیە هەڵگرتنی مقەستێک و بڕین و دورینی بە دڵخوازی خۆ، گەورەترین تاوانە دژ بە هەموو ڕێبەرانی جووڵانەوەی کورد، بەڵام ئەوەیکە نەتەوەی کورد هەمیشە قوربانی بووە بۆ یەک هۆکاری سەرەکی دەگەڕێتەوە ئەویش بەردەوام کورد لە هاوکێشە سیاسی و ناوچەییەکان‌دا "فاکت = عامل" نەبووە، بەڵکوو "دێفاکتۆ = غیرعامل" بووە.

لە دوای هێرشی داعش بۆ سەر خاکی هەرێمی کوردستان و هەموو ئەو نمایشنامە سیاسییەی کە وڵاتانی ڕۆژئاوایی بۆ دەستێوەردانی خۆیان لە ڕۆژهەڵاتی نێوەڕاست نووسیبویان و دایاندەبەزاند، هەرێمی کوردستانیش بە هۆی کێشەی سیاسی و ئابووری و بە تەنیا مانەوەی هەرێمی کوردستان لە شەڕ دژی تێرۆر، بەرپرسانی سیاسیی هەرێمی کوردستان مەسەلەی سەربەخۆییان لەگەڵ حکوومەتی ناوەندیی عێراق هێنایە پێش کە لەو کات و زەمەنەدا وڵاتانی ناوچەکەی هەژاند.

ئەگەرچی سەربەخۆیی مافی هەر گەلێکە بەو مەرجە دیاریکراوانەی کە بۆ وڵاتێک لە نەزەر گیراوە، بەڵام هەنووکە هەرێمی کوردستان وەکوو دەوڵەتێکی "ضمنی" لە جیهاندا دانی پێدا نەنراوە و ئەوەش لە کاتێکدایە کە بەرپرسانی حکوومەتی هەرێمی کوردستان لە هەموو شوێنێک و ڕۆژەڤی سیاسەتدا باس لە ڕێفراندۆم بۆ سەربەخۆیی کوردستان دەکەن.

لێرەدا پرسیار ئەوەیه هەرێمی کوردستان ئەگەرچی دەبێتە دەوڵەتێکی فەرمی لە کۆمەڵگای نێونەتەوەییدا، بەڵام چارەنووسی حیزبەکانی کوردستانی ڕۆژهەڵات لەو نێوانەدا چی لێ دێت؟ بۆ هەموو کەس ڕوونە کە دوای بە دەوڵەتبوونی هەرێمی کوردستان نابێ هیچ حیزبی سیاسی چەکدار، گرووپی چەکدار و... هتد، لە نێو ئەو دەوڵەتدا بوونی هەبێت، چوونکە مەترسییە بۆ سەر ئەمنیەتی ئەو دەوڵەتە و لە بواری یاسای نێودەڵەتیشەوە قبووڵ ناکرێت.

لەو ساتەوەختەدا هەڵوێست و ئیقدامی حیزبەکانی کوردستانی ڕۆژهەڵات چی دەبێت؟ ئایا دەکرێت پێشینەی خەباتی سیاسی و نیزامی خۆیان بۆ هەمیشە فیدای ئەو بەشە لەو دەسکەوتە نەتەوەییە بکەن؟ ڕێگای خەباتی دیکە دژی ڕێژیمێکی سەرکوتکەری وەکوو ئێران هەڵدەبژێرن؟ یان دیسان خۆیان و نەوەیەکی دیکەش دەکەنە قوربانیی بەشێکی دیکە لە کوردستان؟ و کۆمەڵێک پرسیاری دیکە لەو پێوەندییەدا.

لەو پێوەندییەدا یەکێک لە حیزبەکانی کوردستانی ڕۆژهەڵات، "حیزبی دێموکراتی کوردستانی ئێران" کە بە شاهێدیی مێژوو لە بەر دەسکەوتی نەتەوەیی بەشێکی دیکەی کوردستان خۆی قوربانیی کردووە، ئایا دیسان دەیهەوێ خۆی قوربانیی سەربەخۆیی پارچەیەکی دیکەی کوردستان بکاتەوە؟؟ بیروڕای گشتی لەو سەردەمەی ئێستادا ئەو هەوڵوێستە لە حیزبی دێموکرات قبووڵ دەکات؟ خودی بەدەنەی حیزبی دێموکرات دەیهەوێ ببێتە قوربانی و دیسان ئاوات و ئارەزووەکانی خۆی بن چاڵ بکات و لە دوورە وڵاتی‌دا کاری سیاسی بکات؟

بۆ هەموو کەس ڕوونە کە حیزبی دێموکراتی کوردستانی ئێران ماوەی ٢٠ ساڵە لەبەر هەرێمی کوردستان خەباتی چەکداریی خۆی لە کوردستانی ڕۆژهەڵات ڕاگرتووە؟؟ ئەوەش بۆ هەموو کەس دیارە کە هیچ قازانجێکی بۆ حیزبی دێموکرات و کوردستانی ڕۆژهەڵات نەبووە؛ جیا لە دوورکەوتنەوەی لە مەیدانی خەبات و بە هۆی گرتنەپێشی ئەو سیاسەتە، ڕۆژبەڕۆژ دوور کەوتنەوەی ئەندامانی ئەو حیزبە. حیزبێکی شۆڕشگێڕ کە لە کاتی شۆڕشدایه مەنتقی نیە و جێگای هیچ باسێک ناهێڵێتەوە که خەبات و تێکۆشانی خۆی لەبەر هەر هۆکارێک بوەستێنی.

لەو پێوەندییەدا بۆ سەربەخۆیی هەرێمی کوردستان، حیزبی دێموکرات وەک یەکەم حیزبی شۆڕشگێر لە کوردستانی ڕۆژهەڵات کە زیاترین پشتیوانیی خەڵکی لەپشتە و وەکوو یەکەم حیزبی ڕۆژهەڵاتی نێوەڕاست، بە شێوەیەکی ناڕاستەوخۆ دیسانەوە ڕووی لێ هەڵێنراوە کە واز لە خەباتی "ڕاسان"ی کوردستانی ڕۆژهەڵات کە تازە دەستی پێکردووە بێنێت و دیسان خۆی بکاتە قوربانیی سیاسەتی بەشێکی دیکەی کوردستان.

هەمووی ئەو پرسیار و ئەمما و ئەگەر و شیمانەگەلە لە کاتێکدایە کە حیزبی دێموکراتی کوردستانی ئێران خەباتی نوێی خۆی دەست پێکردووە و مستەفا هیجری سکرتێری گشتیی حیزبی دێموکراتی کوردستانی ئێران لە نووسین و کۆڕ و کۆبوونەوەکانی خۆیدا باسی لەوە کردووە کە ئێمە ماوەی ٢٠ سال دەرفەتمان بە ڕێژیمی ئیسلامیی ئێران دا کە مافی کورد بدات، بەڵام ئەو ڕێژیمە زیاتر خەڵکی کوردستانی سەرکوت کرد و هەروەها هەرێمی کوردستان هیچ دەسکەوتێکی بۆ ئێمە نەبووە و بۆیە ئێمە دەستمان بە خەباتی نوێ لەژێر ناوی "ڕاسانی کوردستانی ڕۆژهەڵات" کردووە.

ئەو وتانەی سکرتێری گشتیی حیزبی دێموکرات بە ڕوونی سەلمێنەری ئەوەیە کە ماوەی ئەو ٢٠ ساڵه دەسکەوتی حیزبی دێموکرات تەنیا زیان بووە، زیانی وەک کەم بوونەوەی سەرمایەی مرۆیی، نەبوونی کاریگەری لە سەر هاوکێشەکانی ناوچەکە، ئەمنییەتی کردنی کوردستانی ڕۆژهەڵات، ملهۆڕتربوونی ڕێژیمی ئێران و گەلێک زیانی دیکە. لەو نێوانەدا سەرمایەی مرۆیی حیزبی دێموکرات گرینگترین خاڵە کە بە ئاسانی لە کیس حیزبی دێموکرات چووە، سەرمایەیەک کە بە بێ کەمترین خەرج و هەزینه هاتووەتە نێو حیزبی دێموکرات و بە هۆی نەبوونی پلانێکی کاری و نەبوونی چالاکی و لەبەرچاوگرتنی هەرێمی کوردستان، مەیدانی شۆڕشیان جێهێشت و پەڕیوەی وڵاتانی دیکە بوون.

هەر لەو بارەیەوە ڕۆستەم جەهانگیری ئەندامی دەفتەری سیاسیی حیزبی دێموکراتی کوردستانی ئێران لە بەرنامەی تایبەت لە تەلەفزیۆنی تیشک تی وی،‌ لە وڵامی ئەو پرسیارەدا کە ئایا ئەگەر ڕێژیمی ئێران سەربەخۆیی هەرێمی کوردستان بە فەرمی بناسێت، حیزبی دێموکرات داوای حکوومەتی هەرێم بۆ کشانەوەی هێزەکانی پێشمەرگه لە سنوورەکانی کوردستانی ڕۆژهەڵات قبووڵ دەکات؟ لە وەڵامدا دەڵێت: "هەر وەک چۆن پێشتر لە بەر هەرێمی کوردستان خەباتی خۆمان ڕاگرت، ئەگەر ڕێژیمی ئێران سەربەخۆیی هەرێمی کوردستان قبووڵ بکات ئێمە دیسان حیزبی دێموکرات دەکەینه قوربانی و پاشەکشە بە هێزەکانی خۆمان دەکەین".

ئەو لێدوانانە جێگای پرسیار و لێکۆڵینەوەی زۆرن، بەڵام پێش هەموو شتێک دەبێ ئەو پرسیارە لە خۆمان بکەین کە بۆ دەبێت حیزبێکی شۆڕشگێڕ خۆی قوربانیی بەرژەوەندییەکانی سیاسەتی بەشێکی دیکە لە کوردستان بکات. بەڵام ئەو قسە لایەنی دیکەی هەیە، ئەویش ئەوەیە کە بە کردەوە دەریدەخا کە کۆماری ئیسلامی دژی بەرژەوەندیی کورد لە هەموو بەشەکانە. چوونکە کۆماری ئیسلامی قەت بە سەربەخۆیی کوردستان ڕازی نابێ.

حیزبی دێموکراتی کوردستانی ئێران کە ماوەی ٧١ ساڵە خەبات دەکات و شەهید بۆ ڕێبازی خۆی دەدات، کاتێک لە ساڵی ١٣٩٤ی هەتاوییەوە، پێشمەرگەکانی خۆی لەژێر ناوی "هێزی تایبەت" لە چیاکانی کێلەشین سازمان دا، بە زوترین کات هەڵوێستی سیاسی و دژکردەوەی توندی هەندێک لایەنی سیاسیی لێکەوتەوە و ڕێژیمی ئیسلامیی ئێرانیش وەک هەمیشە و توندتر لە جاران، هەڕەشەی لە حدکا کرد.

هەنووکە کە حیزبی دێموکرات لە سەر خەباتی خۆی بە شێوەیەکی قورس و قایم پێداگره، لایەنەکانی دژبەر و موافق بە ڕوونی بوونەتە دوو بەش کە دەبێ هێزی پێشمەرگە لە کوردستانی ڕۆژهەڵات حوزووریان نەبێ؟ بۆ ئەم جۆره لێدوانانە دەدەن؟ چون لە نەفسی خۆیاندا حەزیان لێ نیە کە حیزبی دێموکرات گوتار و باڵانسی سیاسی لە ناوچەکە تێک بدات ئەوەش بۆ ئەوە دەگەڕێتەوە کە بۆ هەموو لایەنێک ڕوونە کە حیزبی دێموکرات لە نێو خەڵکی کوردستان تا چ ڕادەیەک جێگە و پێگەی هەیە.

کۆتایی:

بۆ هەموو کەس ڕوون و ئاشکرایە کە خەڵکی کوردستانی ڕۆژهەڵات ڕۆژ بە ڕۆژ وشیارتر دەبێتەوە و لە هەمان حالیشدا حیزبی دێموکراتی کوردستانی ئێران کە ئەو خەباتەی دەست پێکردووە، ئیتر پاشەکشەی لێ ناکات و بگره بە شێوەیەکی سازماندراوتر و قایمتر درێژە بە خەباتی خۆی دەدات و ئەوەش لە ١٤ـەمین پلێنۆمی کۆمیتەی ناوەندیی حیزبی دێموکراتی کوردستانی ئێران پێداگری لە سەر کراوەتەوە. خەڵکی کوردستانی ڕۆژهەڵات چیتر چاوەڕوان نابن کە ڕزگاریدەرێک بۆیان پەیدا بێت. حیزبی دێموکرات وەک هەمیشە سەربەخۆ و پشتبەستوو بە پشتیوانیی خەڵکی خۆی درێژە به خەبات دەدات.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.