• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٦ی دێسامبری ٢٠١٧ی زایینی - ٢٥ی سەرماوەزی ١٣٩٦ی هەتاوی  

ڕاسان بزووتنەوەیەکی هەمەلایەنە بۆ پێشەنگایەتی ڕزگاریی گەلانی ئێران

زایینی: ٢٥-١١-٢٠١٦ - هەتاوی: ١٣٩٥/٠٩/٠٥ - ١١:١٧ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
ڕاسان بزووتنەوەیەکی هەمەلایەنە بۆ پێشەنگایەتی ڕزگاریی گەلانی ئێران
کاوە بەهرامی

بە سەرنجدانێکی خێرا لە بارودۆخی وڵاتانی ڕۆژهەڵاتی نێوەڕاست، خوڵقاندنی قەیران و ململانێ دیار و نادیارەکانی دیکتاتۆرەکان بۆ پەرەپێدانی دەسەڵاتی زیاتری خۆیان و هاتنەئارای دیاردەی کێشەی تایفی و تێکچوونی سەقامگیریی وڵاتانی ناوچە کە پاش هاتنەئارای بەهاری عەرەبی دەستی پێ کرد، سەقامگیریی ئەم دەڤەرە بە شەڕ و پێکدادانێکی خێرا و کتوپڕ وڵاتانی دوور و نزیک، کۆتایی پێ نایە. کورد لە شەڕی چاڵدران هەتا ئێستا بەردەوام لەژێر چەکمەی دیکتاتۆرەکان مافی پێشێل کراوە، نەتەوەیەکی بێ دەوڵەت و مافخوراوە، لە هەلومەرجی هەنووکەییدا کورد بە پێشەنگایەتیی پێشمەرگە، لە شەڕی جیهانیی دژی تیرۆر، بووە بە فاکتەرێکی گرینگ بۆ دابینکردنی ئازادی و دێموکراسی و ئاشتیی ناوچەکە. ئەمەیش کاتێک مسۆگەر دەبێ کە ڕێژیمە دیکتاتۆر و پاوانخوازەکانی وەک ئێران کە پشتیوانێکی بەهێزی تیرۆریزمی نێودەوڵەتی و پێشێلکاری سەرەکیی مافی مرۆڤە و لە نانەوەی ئاژاوە لە ناوچەکەدا دەوری سەرەکیی هەیە، هەوڵی سەرنگوونیی بدرێ، ئەو ڕێژیمە بۆ سەرجەم وڵاتانی ناوچە جێگای مەترسییە و لە سەروەت و سامانی ئێران بۆ بەهێزکردنی دەسەڵاتەکانی لە بوارەکانی چەکی شیمیایی و کۆمەڵکوژ و تیرۆر و تۆقاندن کەڵک وەردەگرێ. ‎ڕێژیمێک کە بۆ پەرە پێدانی ئیدئۆلۆژیی خۆی سنوور ناناسێ و سنووری وڵاتانی ناوچە دەبەزێنێ، دەستێوەردان لە کاروباری وڵاتانی دیکە بە مافی خۆی دەزانێ، وەک سەردەمداری جیهانی شیعە و ڕاست بەو ناوەوە کە پێشتر بە ناوی "هەناردەکردنی شۆڕش" ڕێگای "ڕزگاریی قودس"ی لە کەربەلاوە دەزانێ و بە پشتیوانی کردن لە بەرەی تیرۆر، چەند وڵاتێکی ناوچەی وەک یەمەن، بەحرەین، عێراق، لوبنان و سووریەی بە تەواوەتی تێک داوە و شیعەکانی ئەو وڵاتانەی لە چوارچێوەی گرووپی میلیشیایی وەک حەشدی شەعبی، حووسییەکان و هتد ... چەکدار و ماڵوێران کردووە.

گەلی کورد لە کوردستانی ڕۆژهەڵات بە هاتنە سەرکاری ڕێژیمی ئیسلامی، خوێندنەوەی بۆ ئەم ڕێژیمە ئەوە بووە کە ئێستا وڵاتانی جیهان و ناوچە باسی لێوە دەکەن و پێوەی گیرۆدەن. بۆیە کاتی دیاریکردنی سیستەمی سیاسیی ئێران لە ساڵی ١٣٥٨ی هەتاوی، حیزبی دێموکرات دەنگی "نا"ی بۆ ڕیفراندۆمی دیاریکردنی سیستەمی دەسەڵات لە ئێرانی بەرز کردەوە. پاش تێپەڕبوونی ٣٨ ساڵ بەسەر دەسەڵاتی کۆنەپەرەستی، هەنووکەش کەلە بوارەکانی کۆمەڵایەتی، ئابووری و سیاسیدا بە تەواوەتی فەشەلی هێناوە، بە دەس درێژ کردن بۆ وڵاتانی دیکە، پەلەقاژێی ئەوە دەکا و دەیهەوێ کێشەکان لە خۆی دوور بخاتەوە.

بزوتنەوەی نەتەوەیی دیمۆکراتیکی خەڵکی کوردستان لە فازی ئێستای خەباتی هەمە لایەنەی خۆیدا کە بەناوی "ڕاسانی رۆژهەڵات" ناوبانگی دەرکردووە، خەریکی کار و تێکۆشانی جیدییە. ‎ڕاسان بزووتنەوەیەکی هەمەلایەنەیە بۆ پیشەنگایەتیی گەلانی ئێران و لەو پێوەندییەدا "حدکا" وەک هێزێکی پاڵنەر و بنەرەتی راسان لە رۆژهەڵات لە ڕاگەیەنە فەرمی و نافەرمییەکانیدا گەلانی ئێران بۆ بەربەرەکانێی چالاک دژی ڕێژیمی فاشیستیی کۆماری ئیسلامی، بانگهێشت کردووە.

پەیامی نەورۆزیی سکرتێری گشتیی ئەم حیزبە کە زمانحاڵی ڕێبەرایەتی، کادر و پێشمەرگە و ئەندامانی خۆیەتی، چوارچێوەی بەربەرەکانێی لەگەڵ ئەم ڕێژیمەی دیاری کردووە. پێشمەرگە وەک باسکی بەهێزی گەل بەردەوام لە مەیدان دایە و پاڵپشتیی شۆڕشی نوێی گەلەکەمان و تەواوی گەلانی ئێران دەکات. ‎بۆ سەرکەوتن بەسەر هەموو کەند و کۆسپەکان، بەتایبەت وەگەڕخستنی خەباتێکی جەماوەری، حیزبی دێموکراتی کوردستانی ئێران هەموو خەڵکی کوردستان بەتایبەت حیزب و لایەن و کەسایەتییە ئێرانی و کوردستانییەکان بۆ بەشداری لە هەر شێوە خەباتێکی هاوبەش و هاوکار کە پێیان دەکرێ بانگهێشت کردووە. ‎سەرکەوتن بەسەر ڕێژیمێکی دیکتاتۆری دژە مرۆڤی وەک کۆماری ئیسلامی، پێویستی بە یەکڕێزی و هاوئاهەنگیی هەموانە کە دەبێتە زامنی سەرکەوتنی گەلانی ئێران بەگشتی و جووڵانەوەی ڕۆژهەڵات بەتایبەتی بەسەر ڕێژیمی تاریک‌پەرستی کۆماری ئیسلامیی ئێراندا. هەلومەرجی هەنووکەیی خەڵکی ئێران دەرفەتێکی لە بارە لە پێوەندی لەگەڵ هاتنە مەیدان بۆ خەباتێکی هەمەلایەنە دژی ئەم ڕێژیمە. ڕاسان خەباتێکی ڕەوایە بۆ سەرنگوونیی ڕێژیمێکی کۆمەڵکۆژ و تیرۆریست. ‎ڕاسان بەردەوامە و وەرزی سەرما و گەرما ناناسێ.

خەڵکی تێکۆشەری کوردستان لە وەرزی زستان و سەرمادا بە پێشکەش‌کردنی یارمەتییەکانیان لە بوارە جۆراوجۆرەکاندا بۆ کادر و پێشمەرگە لە ناوخۆ و دەروە کاریگەریی ئەرێنی لە بەرەو پێش بردنی خەباتی گەلەکەمان دادەنێن. ئەندامان و لایەنگرانی حیزب لەهەر شوێنێک دەژین، پێویستە هاوکاریی ئەم پرۆسەیەی خەبات بن. بەشداریی هاوڕێیانی حیزب لە دەرەوەی وڵات لە بواری ماڵی و بەشداریی ڕاستەوخۆیان لەگەڵ پێشمەرگە لە شاخ و ناوخۆی کوردستان، کاریگەریی ئەرێنی لە بەرەو پێشچوونی ئەو ڕەوتە دا نا. بەگشتی و لە کۆتاییدا بۆ بەردەوامی خەبات لە وەرزی سەرمادا پێویستە بە یارمەتیی هەمە لایەنەی خۆتان بە کادر و پێشمەرگە، دەوری بنەڕەتیی خۆتان مسۆگەر بکەن.

بێ گومان خەباتی شار و شاخ کاتێک تێکەڵ و پێکەوە گرێ دەدرێ و وڵامدەری ئامانجەکانی ڕاسان دەبێ کە تێکۆشەرانی ناوخۆی وڵات بە هاوکاری یەکتر لە شار و شارۆچکەکانی کوردستان و زەبر وەشاندن لە بە کرێگیراوان و مشەخۆرانی ڕێژیم، هەنگاوەکانیان لە ڕاستای بە ئاکام گەیشتنی ڕاساندا بە بڕشتەوە هەڵبگرن.

پێشمەرگە بەردەوامە و هەردەم باسکی بە هێزی گەل، پێشمەرگەیە.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٤ لەم ژمارەیەدا:

ــ قاسملوو، پرسی ژن و ڕاسان
ــ ڕاسان و پێشمەرگە
ــ ڕێبەڕیی لێبڕاو و هێزی پێشمەرگەی کاریگەر زامنی سەرکەوتنن
ــ بورجی بابل
  • مەرگی نووسەر مەرگی نووسەر
    ئه‌وه‌ ده‌زانین ده‌ق، بە تەنیا بە دێڕێک ناڵێن کە لە لێزگەیەک وشە پێکهاتبێ که‌ واتایه‌کی ئاسمانی ("په‌یام"ی نووسەر-خودا)ی لێوه‌ده‌رچێ؛ به‌ڵکوو که‌شایه‌کی فره‌رەهەندە،‌ له‌ کۆمه‌ڵه‌ نووسینێکی جۆراوجۆردا، که‌ هیچ کامیان خاوەن رەسەنایەتی نین، له‌وێدا تێکه‌ڵ به‌ یه‌ک ده‌بن و له‌یه‌ک ده‌نگوێن.
  • سامانی وڵات بۆ تیرۆریستان، وێرانی و دواکەوتوویی بۆ کوردستان سامانی وڵات بۆ تیرۆریستان، وێرانی و دواکەوتوویی بۆ کوردستان
    ئێستا دوای تێپەڕبوونی ماوەیەکی زۆر لە ڕووداوەکە، خەڵکی ناوچەکە لە زۆر ڕووەوە لە ژێر گوشاردان و سەرمای زستان و باران لەلایەک، نەبوونی خانوو یان تەنانەت لە هەندێک شوێن خێوەتیش لەلایەکی‌تر خەڵکی نیگەران کردووە.
  • راسان و پێشمەرگە راسان و پێشمەرگە
    لە راساندا گۆڕەپانی خەبات ئەوەندە بەرفراوان بووە كە دەرفەتی بۆ یەك بە یەكی ئەندامانی كۆمەڵگا رەخساندووە تاکوو بەپێی شوێن و رێگەی خۆی هەنگاو بنێت و هیچ جیاوازییەك لە بواری ئەرك و جێبەجێ كردنەوە بوونی نییە، تەنیا ئەوە پێویستە ئەو كردارە لە خزمەتی رزگاركردنی نەتەوەدا بێت.
  • بوومەلەرزەی ڕۆژهەڵات و پێکدادان لە نێوان ناسیۆنالیزمی ئێرانی و کوردیدا بوومەلەرزەی ڕۆژهەڵات و پێکدادان لە نێوان ناسیۆنالیزمی ئێرانی و کوردیدا
    هەموو لایەک دەبێ باش بزانن کە شارستانیەت و کولتوور شتی دینامیکن و لە رەوتی مێژوودا دەتوانن تووشی ئاڵوگۆڕ بن، بەرز بن یان لەنێوبچن.
  • زەمەن تێدەپەڕێ و لێقەوماوانی کرماشان هێشتا بێ‌ماڵ و حاڵن زەمەن تێدەپەڕێ و لێقەوماوانی کرماشان هێشتا بێ‌ماڵ و حاڵن
    دوایین ڕاپۆرتە پێوەندیدارکان بە بارودۆخی ژیان پاش بوومەلەرزەی ٢١ی خەزەڵوەر لە پارێزگای کرماشان کە زۆرتر له ١٠هزار کوژرا و بریندا لێکەوتەوە، دەری دەخات کە سەرباری تێپەڕینی زۆرتر له سێ هەفته بەسەر ئەم تراژێدیا، هێشتا هیچ هەنگاوێکی شوێندانەر بۆ ساڕێژکردنەوەی برینی زامداران هەڵنەگیراوە.
  • کارەساتی بومەلەرزه لە کرماشان و بێخەمیی ڕێژیم کارەساتی بومەلەرزه لە کرماشان و بێخەمیی ڕێژیم
    ئەمە لە حاڵێکدایە کە بەشێکی کەم لە ماڵە ڕووخاوەکان پشکێندراون و ئاماری بی سەروشوێنەکان هێشتا دیار نییە و مەزەندە دەکرێ کە ئاماری کوژراو و بریندارەکان زۆرتر بێت.
  • قاسملوو، پرسی ژن و ڕاسان قاسملوو، پرسی ژن و ڕاسان
    لە ئاخاوتنێکدا لە ٨ی مارسی ١٩٨٩ی زایینیدا، دوکتور قاسملوو پێداگری لەسەر ئەوە دەکا کە "خەبات بۆ ئەوەی ژن مافی خۆی وەربگرێ، بە هیچ شێوەیەک جودا نییە لە خەباتی میلەتەکەمان بۆ دێموکراسی و خودموختاری."
  • یاسا هەڵاواردەکان ساڵانە میلیاردها دۆلار زیان بە رۆژهەڵاتی ناوەراست دەگەیەنن یاسا هەڵاواردەکان ساڵانە میلیاردها دۆلار زیان بە رۆژهەڵاتی ناوەراست دەگەیەنن
    چونکە تا کاتێک ژنانی عەرەبستان بتوانن بە بێ مۆڵەتی پیاوی بنەماڵە – باوک، هاوسەر، جاری وایە تەنانەت کوڕەکەی خۆی – کار بکەن، بڕۆنە سەفەر، کاروباری یاسایی ئەنجام بدەن و بەشێوەیەکی دیکە بەشداری لە ژیانی کۆمەڵایەتی بکەن، وڵات ناتوانێ هەست بە هێزی ئابووری نیوەی دیکەی کۆمەڵگا بکات.
  • ئێرە ڕۆژهەڵاتە بە کاتی کرماشان ئێرە ڕۆژهەڵاتە بە کاتی کرماشان
    لە چەند ڕۆژی ڕابردوودا بەردەوام باس له نەبوونی خزمەتگوزاری و گوێنەدانی بەرپرسانی ڕێژیم لەو بارەیەوە کراوە بەچەشنێک کە نەتەنیا یارمەتی بە خەڵک نادەن بەڵکوو تەنیا بۆ سەیر و سیاحەت دەچنە شوێنی بوومەلەرزەکە؛ ئەو باسەش لە ڕاگەیەندنەکانی ڕێژیم لەوانەش "ایرنا" و "ایسنا" بڵاو بووەتەوە هەروەها هەندێک لە ڕۆژنامەکانی ڕێژیم وەک "ابتکار" بە تیتری گەورە نووسیان "تور زلزلە گردی!" .
  • ئاو، کۆڵەکەی ستراتیژی داهاتووی کوردستان ئاو، کۆڵەکەی ستراتیژی داهاتووی کوردستان
    واتای دووهەم: ئەو ڕێژە ئاوە، بۆ وەدیهێنانی خواست و ویستی کۆماری ئیسلامی زۆر کەمە، واتە ژینگە گەورەترین بەربەستی سەر ڕێی کۆماری ئیسلامییە بۆ وەدیهێنانی خەونەکانی.
  • ڕێبەڕیی لێبڕاو و هێزی پێشمەرگەی کاریگەر زامنی سەرکەوتنن ڕێبەڕیی لێبڕاو و هێزی پێشمەرگەی کاریگەر زامنی سەرکەوتنن
    شەڕی داگیرکەرانی کوردستان بەرامبەر بە نەتەوەی کورد بە گشتی و هێزی پێشمەرگەی کوردستان بەتایبەتی، تەنیا بە ڕوبەڕووبوونەوەی نیزامی نەبەستراوەتەوە بەڵکوو دوژمن لە ڕێگای جیاجیا و یەک لەوان پڕوپاگەندەی بێبنەما بەردەوام هەوڵ دەدات پرش و بڵاوی لە نێو ماڵی کوردان دروست بکات تاکوو بەمشێوەیە زیاتر بتوانێت بە ئامانجە گڵاوەکانی بگات.
  • بورجی بابل بورجی بابل
    رووداوە کۆنە مێژووییەکان و تەنانەت ئوستوورەکانیش دەڵێن بۆ ئەوەیکە کۆمەڵگایەک لاواز بکەی تاکوو خۆی بەرەو پووکانەوە بڕوا، باشتر وایە کە ئاژاوەی تێ بخەی و خۆیان بە خۆیانەوە سەرقاڵ بکەی تاکوو هەم گرفتە سەرەکییەکە لەیاد بکەن و هەم تەنیا بە نێوخۆیانەوە خەریک بن و خۆیان ببنە هۆکاری داڕزاندنی خۆیان.
  • عەلی ئەشرەف مورادی: ئەو ڕێژیمە، کارەساتەکانیش بە دەرفەتێک بۆ سەرکوت، چەوساندنەوە و تۆڵەئەستاندنەوە لەو گەلە مافخوازە دەزانێ عەلی ئەشرەف مورادی: ئەو ڕێژیمە، کارەساتەکانیش بە دەرفەتێک بۆ سەرکوت، چەوساندنەوە و تۆڵەئەستاندنەوە لەو گەلە مافخوازە دەزانێ
    لە پێوەندی لەگەڵ زەویلەرزەی پارێزگای کرماشاندا، بەرێزعەلی ئەشرەف مەجیدی، ئەندامی جێگری کۆمیتەی ناوەندیی حیزبی دێموکراتی کوردستانی ئێران وڵامی چەند پرسیارێکی ڕۆژنامەی کوردستانی داوەتەوە کە سەرنجتانی بۆ ڕادەکێشین:
  • دانیشتن لەگەڵ ئۆپۆزیسیۆنی ئێرانی و چەند سەرنجێک دانیشتن لەگەڵ ئۆپۆزیسیۆنی ئێرانی و چەند سەرنجێک
    بەڵام وتووێژ و کارکردن لەگەڵ ئۆپۆزیسیۆنی ئێرانی لە هەندێک بابەت دا زۆر جیاوازییەکی لەگەڵ قسەکردن لەگەڵ ڕێژیمی کۆماری ئیسلامی دا نییە بەڵکوو لەوانەشە خەساری زۆرتر بێت؛ بۆیە لە پێوەندی لەگەڵ ئەو نزیک‌بوونەوە پێویستە چەند خاڵ بەم شێوەی خوارەوە لە بیر نەکرێن.