• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٣ی نوامبری ٢٠١٧ی زایینی - ٠٢ی سەرماوەزی ١٣٩٦ی هەتاوی  

کەسایەتییەکی نیشتمان پەروەر لە پیرانشار کۆچی دوایی کرد

زایینی: ٢٨-١١-٢٠١٦ - هەتاوی: ١٣٩٥/٠٩/٠٨ - ١٣:٢٦ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
کەسایەتییەکی نیشتمان پەروەر لە پیرانشار کۆچی دوایی کرد
کوردستان میدیا: "مۆحەممەد عیسا" ناسراو بە مۆحەممەدی مام مەجید، کەسایەتی خۆشناو و نیشتمان پەروەری کورد لە شاری پیرانشار کۆچی دوایی کرد.

بەپێی هەواڵی گەیشتوو بە ماڵپەڕی کوردستان میدیا؛ چەند ڕۆژ پیش ئێستا مۆحەممەدی مام مەجید لە تەمەنی ٨٢ ساڵیدا لە پیرانشار بەهۆی بەساڵاچووییەوە ماڵئاوایی لە ژیان کرد و لە نێو ئاپۆڕای خەڵکی ناوچە و خزم و کەس و کاری بە خاک سپێردرا.

ناوبراو لە ساڵی ١٣١٣ی هەتاوی لە گوندی کاسەکەران سەر بە ناوچەی پیرانی شاری پیرانشار لە دایک بوو. لە ساڵانی ٦٠ی هەتاویدا ماڵی ناوبراو شوێنی حەسانەوە و حەوانەوەی کادر و پێشمەرگەکانی حیزبی دێموکراتی کوردستانی ئێران بوو.

مۆحەممەدی مام مەجید بەردەوام هانی لاوانی دەدا کە خزمەت بە گەل و نیشتمانەکەیان بکەن و هیچ کات نەکەونە داو و پیلانەکانی دوژمنانی گەل؛ بەهۆی ئەم تایبەتمەندییانەشەوە ببووە جێگەی ڕێز و متمانەی خەڵکی ناوچە.

ناوبراو هیچ کات پێوەندی خۆی لەگەڵ شۆڕشی گەلی کورد و حیزبی دێموکراتی کوردستانی ئێران نەپساند و بەردەوام بە خەمخۆرییەوە لە حیزبی دەپرسییەوە.

لەپاش ڕاگەیاندنی "ڕاسان" لە نەورۆزی ئەمساڵدا ئەم کەسایەتییە خۆشناوە هاوشێوەی هەموو نیشتمان پەروەرانی کورد بە دڵخۆشییەوە باسی لە ئاکامەکانی دەکرد و بەتاسەوە بوو تاکوو کوردستان بە ئازادی ببینێت کە بەداخەوە مەرگ مەودای نەدا.

حیزبی دێموکراتی کوردستانی ئێران بەداخبوونی خۆی بۆ لەدەستدانی ئەم کەسایەتییە خۆشناوە دەردەبڕێ و خۆی بە شەریکی خەمی خزم و کەس و کاری ناوبراو دەزانێت.

بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٣ لەم ژمارەیەدا:

ــ بوومەلەرزەی سیاسی
ــ لە خەبات دژ بە ئەپارتایدەوە بۆ ڕاسان
ــ ئەمن چی بكەم، خۆتان دروستی بكەنەوە
ــ دانیشتن لەگەڵ ئۆپۆزیسیۆنی ئێرانی و چەند سەرنجێک