• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢١ی فێڤریەی ٢٠١٨ی زایینی - ٠٢ی رەشەمەی ١٣٩٦ی هەتاوی  

ئەو كلیلەی هەموو درگاكانی داخست

زایینی: ٠٦-١٢-٢٠١٦ - هەتاوی: ١٣٩٥/٠٩/١٦ - ١٠:١٨ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
ئەو كلیلەی هەموو درگاكانی داخست
دیاكۆ ڕۆژهەڵاتی

یەكێك لە تایبەتمەندییەكانی هەڵبژاردن لە هەر وڵاتێكدا ئەوەیە كە ئەو كەس و لایەنانەی خۆیان بۆ هەڵبژاردنەكە دەپاڵێون، كۆمەڵێك بەرنامە و دروشم دەكەنە بنەمای كاری خۆیان و بەو كەرەستانەوە دەچنە نێو كێبڕكێی هەڵبژاردنەكەوە و بەو شێوەیە، خۆیان بە خەڵكی دەناسێنن و داوایان لێ دەكەن، دەنگ بدەن بەو دروشمانە و بەو هۆیەوە هیوادارن كە سەرنجی خەڵكی بەرەولای خۆیان و بەرنامەكانیان ڕابكێشن تا دەنگ بێننەوە و براوەی هەڵبژاردنەكە بن و دەسەڵات وەدەست بێنن و لە ماوەی دەسەڵاتدارێتیدا ئەو بەرنامانە كە داخوازی ئەوانیشە، جێبەجێ بكەن.

ئەو دروشمانەی كە بەربژێرەكان هەڵیدەبژێرن، لە گەڵ كێشە و گیروگرفتەكانی خەڵك لەو سەردەمەدا یەك دەگرنەوە و ئەوان هەوڵ دەدەن ئەگەر هەر بۆ بانگەشەش بێ، حەز و خولیاكانی خەڵك لە بەر چاو بگرن و لە بەرنامە و دروشمەكانی خۆیاندا، لەماوەی بانگەشەی بەر لە هەڵبژاردندا بیانگونجێنن و سەرنجی زیاتری خەڵك بۆ لای خۆیان ڕابكێشن.

دیارە شێوەی هەڵبژاردن لە وڵاتێكەوە بۆ وڵاتێك و لە ئایدۆلۆژیایەكەوە بو ئایدۆلۆژیایەكی دیكەوە گۆڕانی بەسەردا دێ و دەسكەوت و خەسارەكانیان وەك یەك نێن. لە وڵاتە ئازاد و دێموكراتەكاندا دوای هەڵبژاردن خەڵك داوای جێبەجێكردنی وادەكان دەكەن و ئەگەر ئەو كارە نەكرێت، دەڕژێنە سەر شەقامەكان و لە دەسەڵات وە دەنگ دێن و لێی قبووڵ ناكەن. بەڵام لە وڵاتانی نادێموكراتیكی تۆتالیتێری وەك ئێراندا هەر كەس وستەی لێوە بێ، وستەی لێ دەبڕن.

لە ماوەی دەسەڵاتداریی كۆماری ئیسلامیی ئێراندا، بە دەیان هەڵبژاردن ڕێك خراوە و بەڕێوە چووە و بە هۆی ئەوانەوە، دەموچاوەكان لە دەسەڵاتدا گۆڕاون و دیارە هەموویان بە بەرنامە و دروشمی جیاوازەوە چوونەتە سەر كورسیی دەسەڵات و ماوەكەی خۆیان تێپەڕاندووە و بێ ئەوەی ئاوڕ لە دروشم و وادەكانیان بە خەڵك بدەنەوە، هەر بە تەشییەكەی دەسەڵات ڕستوویانە و پاش چەند ساڵ لە هەڵبژاردنێكی دیكەدا، بێ ئەوەی هیچ گۆڕانێك ڕووی دابێت، جێی خۆیان داوە بە كەسێك یان كەسانێكی دیكە و خۆیان لە شوێنێكی دیكە دەست بە كار بوونەتەوە و بە باڵای ڕێژیمیاندا هەڵگوتۆتەوە.

هەڵبژاردن لە ئێراندا بۆ خۆی چیرۆكێكی جیاوازی هەیە و لەگەڵ هیچ پێوانەیەكی جیهانی و دێموكراسیدا یەك ناگرێتەوە و لەو بارەوە بۆ خۆی بە ڕاستی شتێكی جیاوازە و بە هۆی ئەو داڕشتنەی بۆ شێوەی دەسەڵاتدارێتی داڕێژراوە، ئەوان كەمتر كاریان لە دەست دێت و زیاتر وەك كارمەندێكی بەردەستی دەسەڵات چاویان لێ دەكرێت. دیارە و شتێكی ئاشكرایە كە هەڵبژاردن لە ئێراندا دەسەڵات وەك دەنگێكی ئۆكەی بۆ خۆی چاوی لێ دەكات و لەوە زیاتر مانایەكی دیكەی نییە و ئەوەندە گوێ بە دەرەنجامەكانی نادات. چوونكە هەر كەسێكیش كە سەر بكەوێ، ناتوانێت ئەو هێڵە ببەزێنێت كە لە لایەن دەسەڵاتەوە بۆی دەكێشرێت.
لە ئێراندا بۆ شۆرای شارەكان و مەجلیس و پۆستی سەركۆماری بە ڕواڵەت دەنگی خەڵك وەردەگیرێت. بەڵام ئەو كەسانەی كە دەنگیان دەدرێتێ، لە نێو دەسەڵاتی بەڕێوەبردنی وڵاتدا، چ شۆرا و چ نوێنەرانی مەجلیس و چ سەركۆمار، هیچیان دەسەڵاتێكی وایان نییە و سەرەنجام، ئەو دروشمانەی لە ماوەی بەر لە هەڵبژاردندا هەڵیدەگرن و باسی لێوە دەكەن، بۆیان ناچێتە واری جیبەجێكردن و ئەو وادە و بەڵێنانەی بە خەڵكی دەدەن، لە كۆڕی هەڵبژاردنەكان واوەتر ناچێ و هەر لە منداڵدانی دایكدا دەمرن و دووپەلە نابن.

لەم هەڵبژاردنانەدا ئەوەی بەرزترین پلەی دەست دەكەوێ سەرنجی زۆرتر بۆ لای خۆی ڕادەكێشێت. هەڵبژاردنی سەركۆمار ئەو هەڵبژاردنەیە كە زۆرترین دەنگ و مشتومڕی لێ ساز دەبێت.

لەماوەی ئەم سی و چەند ساڵەدا پاڵێوراوەكانی پۆستی سەركۆماری كە هیچیان بۆ لایەنی دەسەڵات، واتە قەڵانشینەكانی بەیتی ڕەهبەری، جیاوازییەكیان نیە و نەبووە، هەوڵیان داوە بە دروشم و بەرنامەی ڕەنگاوڕنگی جیاوازەوە پێ بنێنە نێو ململانێی هەڵبژاردنەوە و خۆیان بە ڕیفۆرمخواز و سوننەتی بە خەڵك ناساندووە. بەڵام لە ئاكامدا هەر كەسێكیان سەركەوتبێ، لە ماوەی سەركۆماریدا هەر گوێی لە لای قەڵای ڕێبەری بووە و ئەوەی ئەو كوتوویەتی و فەرمانی پێ داوە، بەڕێوەی بردووە و پێی لە سەر وادە و بەڵێنەكانی خۆی داناوە و لە ئاكامدا ئەو خەڵكەی دەنگیان پێ دەدەن دەبنە مامە شوانەی ڕەنجەڕۆ و دەم لە پووش دەمێننەوە.

لە ماوەی بەر لە هەڵبژاردنی سەركۆماری لە خولی یازدەهەمدا، پاڵێوراوەكانی ئەو خولە بە چەند ڕوخسارێكی جیاواز و بە دروشم و بەرنامەی بەنێو جیاوازەوە هاتنە گۆڕەپانەكەوە و هەمیسان خەڵك لە دەوریان كۆ بوونەوە و باس و خواستی جیاواز هاتنە ئاراوە و دیسان ڕیفۆرمخوازەكان، كەوتنە بەر سەرنجی هیندێك كەسی بە نێو سیاسەتمەدار و ڕووناكبیر، "دەنگ مەدەن بەم و باڵی فڵانەكەس بگرن" دەستی پێ كرد و هیندێك لە سیاسەتمەدارەكانی دەرەوەش، بە زمان چەوری بۆیان كەوتنە قلەسەما و پێیاندا هەڵگوتن.

لەنێو ئەو پاڵێوراوانەدا كە بۆ ئەو خولە بەربژێر كرابوون، ئەوەی كە توانیی سەرنجەكان زیاتر بۆ لای خۆی ڕاكێشێت و دروشمەكانی لەوانی دیكە پڕ زریقەو بریقەتر بوو، سەر كۆماری ئێستا، حەسەن ڕۆحانی بوو. ئەم پیاوە لە بەر ئەوەی لە لایەن چەند كەسێكی ئیسڵاحخوازی وەك خاتەمی و كەسانێكی دیكەوە پشتیوانیی لێ كرا خەڵكێكی زۆر لە دەوری هاڵان.

ئەوەی كە لە نێو دروشمەكانی ڕۆحانیدا زەق و بەرچاوە و لە نێو خەڵكدا ماوەتەوە، هەر ئەو كلیلەیە كە بەردەوام لە ماوەی هەڵبژاردندا بە دەستییەوە بوو و بەردەوام نیشانی خەڵكی دەدا.

نە ئەو كلیلە و نە ئەو دروشمانەی كە لەو ماوەیەدا بە خەڵكی ڕاگەیاند، هەتا ئێستا هیچیان نەهاتوونەتە دی و هەر لە جێی خۆیاندا ماونەتەوە. ئەو كلیلەش درگای هیچ گرفتێكی نێو خۆیی پێ نەكراوەتەوە و كێشە كۆمەڵایەتی و سیاسی و ئابووری و نەتەوەییەكانی ئێران، هەر لە جێی خۆیاندا ماونەتەوە و ژنان هەر لە قەفەزی چارشێودا دیلن و پیاوان، بە دەست بێكاری و گرانی و دەستەنگییەوە دەناڵێنن. تەنانەت ئەو درگایانەش كە بەر لە هاتنی ئەو بۆ بژیو و گوزەرانی خەڵك لە سەر پشت بوون، دانە دانە داخران و ئێستا ئەم دەوڵەتە، بە تەواوی دەستی ناوەتە بینەقاقای ئەو خەڵكە و لە هەموو لایەكەوە خەریكە دەیانخنكێنێت. بەرەبەرە پێداویستییەكانی ژیان گران دەبن و نانی لە سەر سفرەی خەڵك هەڵگرتووە و بە گرانكردنی ماڵیات و ئاو و برق و تەلەفوون و گاز، گیرفانی دەوڵەتی ئاخنیوە. هەر ڕۆژەی بە بیانوویەك دەست دەكا بە گیرفانی خەڵكدا و بێ سەرنجدان بە هەژاری و بێكاریی خەڵك، دەیان ڕووتێنێتەوە و لە سەر ساجی عەلی دایناون. ئێستا زیندانەكان لە جیابیران جمەیان دێت و لەسێدارەدان و كوشتن و بەرتیلخۆری و پارتی بازی، وەك مۆتەكە بە سەر وڵاتدا كشاوە. ڕێژەی تەڵاق چۆتە سەرێ و بە هۆی بێكاری و دەست‌ تەنگەییەوە، ماڵەكان پڕ بوونە لە پیرە كچ و پیرە كوڕ.

ئەوەی لەماوەی ئەو چوار ساڵەدا بۆ تیمەكەی حەسەن ڕۆحانی گرینگ بووە، كردنەوەی درگاكانی دەرەوە بە ڕووی كۆماری ئیسلامیدا بووە و هیچ سەرنجێكی ئەوتۆی نەداوەتە گوزەران و ئابووریی خەڵك و ئەوەی لە ڕێی ئەو ڕێككەوتنە ئەتۆمییەوە دەستی خەڵكی ئێران و ناوچەكە كەوتووە، بە كوشت دانی كۆمەڵێك پاسداڕ و زیادكردنی هەتیو و هەتیوباران بووە و ئاوردوویەكی باشی بۆ ئاگری شەڕەكانی سووریە و عێراق و یەمەن دابین كردووە و و نەیهێشتووە ئەو شەڕانەی بۆ بەرژەوەندیی خۆی هەڵی ئایساندبوون بكووژێنەوە. ئێستا دەبینین لێدوانی فەرماندەكانی سپا زۆر لە لێدوانەكانی حەسەن ڕۆحانی و وەزیرەكانی زۆرترن و باسی شەڕ و كوشتار و شەهادەت، لە باسی ئاوەدانكردنەوە و ژیان و ژیانەوە زۆرترە.

گرینگیی ئەو ڕێككەوتنە بۆ كۆماری ئیسلامی لەوەدا دەردەكەوێ كە كاتێك ترامپ لە ئەمریكا دەنگی هێنایەوە، ئەو كەس و بەرپرسانەی پێشتر باسی خراپیی ئەم ڕێككەوتنەیان دەكرد و وایان بە خەڵك دەنواند كە ناڕازین، ئێستا بە ئاشكرا ترسیان لەوە لێ نیشتووە كە نەكا ترامپ وادەكانی هەڵبژاردنی خۆی بەرێتە سەرێ و ڕێككەوتنەكە هەڵبوەشێنێتەوە و لەم لا و ئەو لا، لێدوان دەدەن و دەڵێن ترامپ ناتوانێ هەر وا بە ئاسانی ئەو ڕێككەوتنە هەڵبوەشێنێتەوە.

ئێستا دوای نزیكەی چوار ساڵ، ئەو كلیلەی كە وا بڕیار بوو قوفڵی درگاكان بكاتەوە و ئابووری ببوژیێنێتەوە و ژیان جوانتر بكات و خەڵك، بەرەو فەرعانە بەرێت، خەریكە دانە دانە درگاكان بە ڕووی خەڵكدا دادەخات و ژیان و ئازادی بەرتەسك دەكاتەوە و دەبێتە ئەو كلیلەی كە هەموو درگاكانی بە ڕووی ئازادیی ژیان و گوزەرانی خەڵكدا داخست.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.