• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٩ی فێڤریەی ٢٠١٨ی زایینی - ٣٠ی رێبەندانی ١٣٩٦ی هەتاوی  

ڕاسانی کرماشان و ئیلام بۆ شوناسی نەتەوەیی

زایینی: ٠٧-١٢-٢٠١٦ - هەتاوی: ١٣٩٥/٠٩/١٧ - ١٨:١٦ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
ڕاسانی کرماشان و ئیلام بۆ شوناسی نەتەوەیی
سۆهراب کەریمی

وەرگێڕان: سابر فەتاحی


ناوچەکانی باشووری کوردستان له زاگرۆس بەشێک لەو ناوچانەی کوردستانن که تایبەتمەندی تایبەت به خۆیان هەیه، ئەگەر چی ژێربناغهی کولتوری و زمانیی ئەم ناوچانه بەشێک له کوردستانه و له ڕوی کولتوریش وەک بەشێکی گرینگ له کوردستان به ئەژمار دێت، بەڵام له سەرەتای گەشەی ناسیۆنالیزمی کوردی و بۆ پتەو کردنی ئەم دیسکۆرسه ڕۆلێکی ئەوتوی نەگێراوه. ئەوەش بۆ دۆخی تایبەت له ڕوی ژئۆپۆلتیک و هەروەها ئەو کۆسپانه دەگەڕێتەوه که دەوڵەتەکانی ئێران ناویانەتەوه. بەڵام بن‌پێکهاتەی کولتوریی کوردەکانی ئەم ناوچەیه به بەردەوامی و له ئێستاشدا پەیوەندی پتەو و به‌هێزی لەگەڵ ناوچەکانی دیکەی کوردستان هەیه و له ڕەوتی کێبڕکێکانی ناوچەیی ئێرانی شیعه مەزهەب و دەوڵەتەکانی سوننه مەزهەبی ناوچه ئەم پرسیاره له مێشکدا سەرهەڵدەدات که: کوردەکانی ئەم ناوچانه که بەشی هەره زۆریان "جعفری" و کوردەکانی بەشەکانی دیکه که زۆرینه‌یان مەزهەبی "شافعی"ن، چ ڕێگایەکیان له‌پێشه؟ ئایا کێبڕکێکانی ناوچەی ئێران و دەوڵەتانی عەرەبی ڕۆڵی له سەر پێوەست بوونیان به شۆڕشی میللی-دێموکراتیک دەبێت؟ ئایا مەترسی لەسەر بناغەی شۆڕشی میللی کورد دەبێت یان ئەوەی که ئەو هاوگەراییەی که بزووتنەوەی کورد له درێژەی مێژووی خویدا پێکیهێناوه دەیخاته مەترسیەوه، یان شوناسی نەتەوەیی کورد ئەوەنده به‌هێزه که ڕێگای خۆی له کێبڕکێکانی شیعه و سوننە جیا دەکاتەوه؟

ئەگەر چاوێک به سەر گۆڕانکارییە مێژووییەکاندا بخشێنین، دەردەکەوێت که پەیوەندیی جوغرافیایی - کولتوری و دراوسێیەتی شارستانیەت به‌جۆرێک گۆڕانی به سەر کولتور و ئائین و تەنانەت زمان و ڕەگەزیشدا هێناوه که ئەمڕۆکه دەرکەوتەکانی دیار و کاریگەره، که هەڵبەت ئەم وەرچەرخانه سەرەڕای چوارچێوەی خوێندنەوەی زانستی بۆ ناسینی هەنووکه، شتێکی سروشتی و بەشێک له پێشهاتەکانی کۆمەڵگای مرۆڤایەتیه و بەها دانان بەوانه یان بەرەنگار بوونەوەیان به شێوەیەکی توند و گرژ، تەنیا دەبێته هۆی نالەبار بوونی هەڵسوکەوتەکانی نێو کۆمەڵگا. چوونکه بکەرانی ئەم گۆڕانکارییانه ئەوڕۆکه له نێو ئێمه‌دا نەماون و پێکهاتە کۆمەڵایەتییە بەرهەم هاتووەکان لەم وەرچەرخانه تووشی گوناه یان جێگای دەستخۆشی و خەڵات کردن نیه و له ئەنجامدا بتهەوێت یان نەتهەێت ئەمڕۆکه تەواوی ڕاستیەکانی ئێستای وەک کۆمەڵگای ئەمڕۆیی پەسەند کردووه. تەنانەت بەها جیهانیەکان، پرەنسیبه دێموکراتیەکان و مافی مرۆڤیش لەسەر جیاوازییه مرۆڤییەکان وەک یەکێک له تایبەتمەندییەکانی کۆمەڵگای مرۆڤایەتی جەخت دەکەنەوه و شۆڕشی میللی-دێموکراتیکی کوردیش به هۆکاری پەیوەند بوون به نۆرمه دێموکراتیکەکان هیچکات ئەم جیاوازییانه وەک هەڕەشەیەک بۆ سەر خۆی نەزانیوه و بگره ئەم جیاوازییه وەک دەوڵەمەندی له کولتوری خۆی دەزانێت و پێشوازی لێکردون. ئەگەرچی قۆناغی پێگەیشتنی گوتاری میللی-دێموکراتیکی کوردەکان له خۆرهەڵات له ناوچەی موکریان قوناغی خۆناسینی تێپەر کردووه، بەڵام هەر له سەرەتاوه له کاتی کۆماری کوردستان ڕێبەرانی کورد زۆر به وردی خوێندنەوەیان بۆ ناوچەکانی کوردستان کردووه و نەخشەی کوردستانیان بەرهەم هێناوه، که واته ئەوه نیشان ئەدات که ئەو ڕێبەرانه دەرگای گوتاری نەتەوەیی دێموکراتیکی کوردستانیان بۆ هەموو کوردەکان کراوه هێشتووه. له شۆڕشی ٥٧دا زۆر به خێرایی تەواوی ناوچه کوردستانیەکان بەشدارییان لەم شۆڕشەدا کرد، تەنانەت چەند ساڵێکیش هەلی چالاکیی ئاشتیخوازانه بۆ ئەم شۆڕشه بوو تا ڕەنگدانەوەی کرماشان و ئیلامیش وەکوو بەشەکانی دیکەی کوردستان زۆرتر بێت. بزووتنەوەی میللی - دێموکراتیکی کورد توانی به سانایی درز بکات نێو ناوچەکانی یارسان، گۆران و زۆرێک له کورده جەعفەرییەکانیش پەیوەست به هێزی پێشمەرگه بوون بەڵام هەروەک باسمان کرد به هۆکاری نەبوونی دەرەتانی زیاتر و دەسپێکی شەڕی ئێران و عێراق، حیزبەکان هەل و دەرفەتی چالاکی لەو ناواچانەیان له‌دەست دا، بەڵام نفوز بەم ناوچانه هەر له ئستراتژی حیزبەکاندا مایەوە و دواتریش به هاوئاهەنگیی چینی خوێندەوار له سەرانسەری کوردستان بۆ پڕ کردنەوەی ئەم بۆشاییه دەستی پێکردەوه و تا ئێستاش درێژەی هەیه.

له ڕاستیدا ناسیۆنالیزمی کوردی هەر له سەرەتاوه شوناسی کوردی وەک ناوەند بۆ کارەکانی خۆی داناوه و له سەرتاسەری کوردستانی گەورەش بزووتنەوەی کوردەکان بناغەی هەوڵه سیاسی و بەرگرییەکانی خۆی لەسەر شوناسی کوردی داڕشتووه. ئەگەر له خۆرهەڵات به هۆکاری جیاوازی ئایینی بەشێک له خەلک لەگەڵ حکومەتی ئێران کەوتن، هێندێک له نووسەرە فارسەکان ویستیان لەو شته له ڕاستای کەمڕەنگ کردنەوەی خەباتی میللی - دێموکراتیکی کوردەکان و پێناسه کردنی ئەو خەباته له چوارچێوەی کوردە "شافێعی"یەکانی کەڵک وەرگرن. بەڵام دەبێ بگوترێ، هەمان گوتاری ناسیۆنالیزم به میتافۆر و خاڵی هاوبەش له باشووری کوردستان – کوردستانی عراق- له نێوان کوردەکانی شافێعی مەزهەب دژی دەسەڵاتی سوننه مەزهەبی بەعس درێژ ماوەترین خەباتی کوردەکانی به ناوی خۆی تۆمار کردووه، یان خەباتی کوردەکانی باکووری کوردستان که بەشی زۆریان ئایینی شافێعیان هەیه، دژ به تورکه سوننه مەزهەبەکان له ئارادایه. نموونەیەکی بەرچاوی دیکه له ئێران، تورکەکانی ئازەربایجانی شیعه مەزهەب دژ به حکوومەتی تارانه که ڕۆژ له دوای ڕۆژ به‌هێزتر دەبێت. کەواته دەتوانرێ بگوترێ سەرەڕای تایبەتمەندیی نائایینی بوونی بزووتنەوەی میللی - دێموکراتیکی کورد، به هۆی بەرز بوونی ئاستی ناسیاریی خەڵک له مۆدێرنیته و کەمڕەنگ بوونەوەی شوناسی مەزهەبی، چاوەڕوان دەکرێ کورده شێعەکان ڕۆڵێکی بەرچاوتر له نێو بزووتنەوەی کورددا بگێڕن. ئەگەرچی له خەباتی کوردەکاندا له دوای شۆڕشی ٥٧ ڕۆڵی کوردەکانی باشووری کوردستان کەمتر له ناوچەکانی دیکەی کوردستان بوو، بەڵام ئەمرۆکه شایەتی ڕۆڵی بەرچاوی ئەم بەشه له کوردستان له خەباتی میللی - دێموکراتیکی کوردین، ئەمڕۆکه شاهێدی ئەوەین که کوردەکانی ئەم ناوچه ڕۆژ له دوای ڕۆژ زیاتر پەیوەست به ڕیزی پێشمەرگه دەبن.

هەڵبەت دەبێ بوترێ که بەشداریی کوردەکانی ئەم پارێزگایانه له هونەر، موزیک و ئەدەبیاتی کوردیدا زۆر زووتر له چالاکیی سیاسی دەستی پێکردووه و ئەمڕۆکە هاوهەنگاو لەگەڵ ناوچەکانی دیکەی کوردستان، لەم بوارانەدا سەرقاڵی چالاکین که ئەوەش بۆخۆی وەک یەکێک له تایبەتمەندییە هەره بەرزەکانی گوتاری نەتەوەیی کورده که سەرەتا له ئەدەبیات و هونەردا خۆی بنوێنیت و دواتر دێته نێو سیاسەت و خەبات.

بۆیە ناسیۆنالیزمی کورد بەرەو هەرمان و بزاڤی پێکهێنەر مەیلی هەیه و به ڕاگرتنی تایبەتمەندییەکانی خۆی له کەوتن له نێو فاشیزمدا خۆی پاراستووه، که واته توانای هاوئاهەنگی کردنی تەواوی کوردەکان به هەموو جیاوازیی ئایینی و زاراوەیی هەیه.

به قبوڵ کردنی بیرۆکەی توێ‌توێ (نظریەی لایەای) بوونی شوناسەکان دەتوانێ بوترێ "توێ"ی شوناسی نەتەوەیی کوردەکان ئەوەنده به‌هێز بووه که کاتێک "توێ"ی ئایینی کەوتووەته دژایەتی لەگەڵ "توێ"ی نەتەوەی، شوناسی نەتەوەیی زۆر به سانایی "توێ"ی ئائیینی وەلا ناوه و تەنانەت بەرانبەری خەباتی کردووه. له خۆرهەڵاتی کوردستان شوناسی نەتەوەیی کوردەکان وەک گەورەترین کۆسپ بۆ سەرهەڵدانی ڕەوته ئایینیەکان بهئەژمار دێت. ڕەوته ئایینییهکانی کوردستان له خوارەوەی دوایین ڕیزبەندی ڕەوتەکانی دیکە له کوردستاندا جێیان گرتووه، تەنانەت ڕەوته سوننەتیەکانی تەریقەت و تەسەوف له کوردستاندا که کەمترین شوناسی ئایینی له جۆری شیعه و سوینه بۆخۆیان قائلن، به کەمی سەرنج ڕاکێشن. له ڕاستیدا ڕەوته نەتەوەگرا و چەپەکانی کوردن که به نۆره له ڕیزی سەرەکیی ڕەوتەکانی کوردی جێ دەگرن و به سانایی دەتوانن چالاکییه بناژۆخوازەکان وەلا بنێن و ئەوەش بۆ بەشی زۆری چالاکانی کورد و خەڵکی کرماشان و ئیلام جێگای قبوڵ کردنه. ئەوان زۆر به باشی دەزانن کوردەکانی سوننه مەزهەب لەو دیوی سنوورەکان وەک به‌هێزترین دژبەر، دژی ئسلامییە بناژۆخوازەکان له عێراق و سوریه‌دان و ئەوەش نیشان دەدات که "توێ"ی شوناسی نەتەوە خوازی کورد ڕێگایەکی جیاواز له کێبڕکێی نێوان دەوڵەتە شیعه و سوننه‌کانە. ئەوه له حاڵێکدایه ڕەوته سیاسییەکانی کوردستانی ئێران له ڕووی سێکۆلار بوونیانەوە چەند قات بەرزتر له ڕەوته سیاسییەکانی دیکەی کوردستان لەو دیوی سنوورن. کوردەکان له بەشەکانی دیکەی ئێران له مەجلسی شەشەمدا فراکسیونی نوێنەرانی کوردیان پیکهێناوه، چالاکانی خوێندکاریی کورد، کرێکارانی کورد و تەنانەت سەربازه کوردەکان له پادگانەکانی هێزه چەکدارەکانی ئێران، هەموو کات له تەنیشت یەکتر لە سەر بنەمای شوناسی کوردی خۆیان پێناسه دەکەن. هەروەک ڕەوتی ڕووداوەکان نیشانی داوه ئاڵۆزییه ئایینیەکانی دەوڵەتانی ناوچه له ئاکامدا ناتوانێت هیچ ڕۆڵێکی نەرینی لەسەر ڕەوتی گەشە سەندنی ناسیۆنالیسمی کوردی له ناوچەکانی کرماشان و ئیلام هەبێ و ئەوەی پتەویی و خێرایی ئەم پرۆسەیەی له خۆی گرتووە، چالاکیی زۆرتری چالاکانی ئەم ناوچەیه له پرۆسەی کوردایەتیدایه و هەروەها هەوڵی حیزبەکان و ڕەوته سیاسییەکان له ڕاستای بەشداریی زیاتری ئەم چالاکانه له ڕێکخستنی خۆیاندایه که ئەوه خۆی باسێکی جیاوازه، بەڵام ئەوەی که دەبێت چالاکانی کورد و ئەندامانی حیزبه سیاسییەکانی کوردستان بزانن ئەوەیه که؛ له ئەساسدا جیاوازیی ئایینی و ناوچەیی ناتوانێت له ڕەوەندی پەتەوی بزووتنەوەی میللی - دێموکراتیکی کوردیدا ببێته کوسپ، بەڵام نابێت له یارییه سیاسییەکان و له ڕاستای گەیشتن به دەسەڵاتی زیاتر لەم جیاوازیانه وەل پۆئەن دژ به بەرانبەرەکەی کەڵک وەربگیردرێت. دەتوانین بلێین که ئەو "توێ"ی سوبژکتیوەی کوردییه که دەتوانێ به کردەوی دروست ئەم پرسانه زەق بکاتەوه.

له ئاکامدا بەوە دەگەین که کوردەکان جیاوازییه جۆراوجۆرەکانی خۆیان قبوڵ کردووه و ئەوەش وەک دەوڵەمەندی و گەورەیی نەتەوەیی خۆیان دەزانن.

ناسیۆنالیزمی کورد لەسەرەتای پێگەیشتنی خۆی هەموو دەرگاکانی بۆ هەموو کوردێک به کراوەیی هێشتووەتەوە. ناسیۆنالیزمی کوردی ڕۆحێکی هەرمان خوازانەی هەیه، بۆیه سەرەتای چالاکییەکانی خۆی به ئەدەبیات و هونەرەوه دەست پێکردووه و بناغەکەیشی لەسەر بەها دێموکراتیکەکان و مافه‌کانی مرۆڤ داڕشتووه و نەرمی نواندنی پێویست بۆ قبوڵ کردنی هەموو کوردێک و تەنانەت نەتەوەکانی دیکه هەیه.توێی شوناسی نەتەوەیی کورد بەسەر شوناسی ئایینیاندا زاڵه و ئەوەیش شوناسی نەتەویی کوردەکانه کە سەرەڕای بێ‌بەشکردنی کوردستان، پێشی به پەره سەندنی بناژۆخوازیی مەزهەبی گرتووه و کێبڕکێیەکانی نێوان دەوڵەتانی شیعه و سوننەی ناوچه، توانای به لاڕێدا بردنی خەباتی میللیی کوردەکانی نیه و کوردەکان له ڕاستیدا نه تەنیا لەم موناقشه ئایینیانه دوور دەمێنن، بەڵکوو له دەرفەته پێش هاتووەکان لەم بارودۆخه له ڕاستای ئامانجەکانی خۆیان کەڵک وەردەگرن و له ئاکامدا ڕاسانی نەتەوەیی کورد هەتا دوورترین ناوچەکانی کوردستان به خێراییەکی زۆرەوه دەچێته پێشەوه.

ناوەڕۆکی ئەم بابەتە را و تێبینیی نووسەرە و ماڵپەڕی کوردستان میدیا لێی بەرپرسیار نییە.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٨ لەم ژمارەیەدا:

ــ خەباتی ڕۆژهەڵات بەردەوامە
ــ ڕاسان و پێشمەرگە
ــ ژن و سیاسـەت
ــ گوڵوەنی، هێمای خۆڕاگریی نەتەوەیەکه
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.
  • ئەرکەواز لە کوێیە و ئەرکەوازی کێن؟ ئەرکەواز لە کوێیە و ئەرکەوازی کێن؟
    ئەرکەواز لە باکوور و باکووری ڕۆژهەڵات و ڕۆژهەڵاتەوە پاڵی داوەتە داوێنی (پشتکێو)ەوە و لە باشوور و باشووری ڕۆژهەڵاتیشەوە دەبەسترێتەوە بە شاخی (بیورەواز) و لە باشوووری ڕۆژئاواشەوە پاڵی داوەتە شاخی (کەڵەک) کە بەرجەوەندی شار چەشنی دۆڵێکی بەرینی سەرسەوز بە بەرزی و نەوییەوە دەردەکەون و بینا و گەڕەک و کۆڵانەکانی لە نێوان دیمەنی سەرسەوز و داوێنی کێو و کەنار جۆگە و ئەو چەند کێوەدا بە جوانییەکی سەرنجڕاکێشەوە دەردەکەون.