• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٨ی مارسی ٢٠١٧ی زایینی - ٠٨ی خاکەلێوەی ١٣٩٦ی هەتاوی  

جەماوەری ڕاسان

زایینی: ٠٤-٠١-٢٠١٧ - هەتاوی: ١٣٩٥/١٠/١٥ - ٢١:٠٧ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
جەماوەری ڕاسان
کەریم پەرویزی

ڕاسانی ڕۆژهەڵات، قۆناغی نوێ و فەسڵێکی دیکە لە کتێبی پڕلاپەڕە و پاژی خەباتی کوردستانی ڕۆژهەڵاتە کە دەیان ساڵە دژ بە ستەمکاری و بۆ سەلماندنی ئیرادەی نەتەوەیی و مرۆیی خۆیان تێ دەکۆشن و قوربانی دەدەن و شانازی تۆمار دەکەن و حەماسە دەخولقێنن.

ئەم فەسڵە لە کتێبی خەبات لە پێناوی ئازادیدا، فەسڵێکی ئەستەم و دژوار و لە هەمان کاتدا فەسڵێکی پڕ لە ڕووداو و دیاردە و ڕەمز و ڕازی نوێیە و پێویستی و دەرەتان و هەڕەشەی نوێی لەگەڵە. خەباتی کورد و کوردستان لە پێناوی ئازادیدا و بۆ گەیشتن بە ڕزگاریی نەتەوەیی و کۆمەڵگایەیکی ئازاد و گەشەکردوو، خەباتێکی تاک ڕەهەندی و لە پێناوی بەرژەوەندیی تاکە چین و گرووپێکدا نیە. خەباتێکی کاتی و لە قۆناغێکی زەمەنیی تایبەتیشدا نیە کە گرێدراوی دۆخێکی تایبەتی ناوچەیی و دەوروبەر بێ و کە کات تێپەڕی ئیدی ئاسەوارێک لە کەفوکوڵی نەمێنێ و ببێ بە ئاردی نێو دڕک!

خەباتی نەتەوەیەکە کە مافی لێ زەوت کراوە و نەتەوەیەکە کە دەیەوێ وەکوو هەموو نەتەوەکانی دیکەی جیهان لە پەنا ئەواندا بە یەکسانی و بە ئازادی بژیت.

ئازادییش تەنیا ئازادیی سیاسیی تاک ناگرێتیەوە، بەڵکوو قووڵتر لەوە؛ مانای ئیرادەی ئازادی ژیان و بڕیار دەدا کە چ وەک تاک و چ وەک گرووپ و چ وەک چین و توێژ و لە هەموویان گەورەتر، نەتەوەیەک مافی جەوهەرییان هەیە کە ئازاد بژین و بوونیان لە سەر خاکی خۆیان بە خەیاڵ و ناسنامە و ئیرادەی خۆیانەوە بسەلمێنن و بنەخشێنن.

خەباتێک وەها درێژمەودا و پڕ نێوەڕۆک و بە چاو لە ئاسۆیەکی گەش و دوور و ڕوونەوە، تەنیا لە سەر شانی گرووپێک و چینێک نیە. خەبات بۆ بەرژەوەندی و ویستەکانی گرووپێکی تایبەتیش نیە، لە کۆتاییدا خەباتێکە کە هەموومان وەکوو مرۆڤی ئازاد و شایی بەخۆ و یەکسان، لە نیشتمانێکی گەشاوە و ئازاددا پێکەوە بژین.

لێرەدایە کە دەگەین بەو ئەساس و بنەمایەی کە ڕاسانی ڕۆژهەڵات کە بە ئەزموون لە فەسڵەکانی پێشووی کتێبی خەبات لە پێناوی ئازادیدا و بە چاو لە وەرزەکانی داهاتوو دەیەوێ بە ورە و هێزی کاریگەرەوە پێشڤەچێ، دەبێ هەموو چین و توێژەکانی کۆمەڵگای کوردستان بگرێتە خۆ. لەم خەباتەدا جەماوەری کوردستان کە هێز و ئیرادە و سەرچاوەی بڕوای ڕاستەقینەی خەباتن، بە هەمە لایەنە تێیدا بەشدار بن و هەر گرووپ و چین و توێژێک بە شێواز و بە ڕێگای بەردەست و بە هەزینەدان لە پێناوی ئازادیدا ئەرک وەئەستۆ بگرن و مۆرکی خۆیان لە خەباتەکە بدەن و بەم شێوەیە هەموو کۆمەڵگای کوردستان پێکەوە و وەکوو نەتەوەیەکی ماف لێ زەوت کراو و خاوەن ئیرادەی خەباتکارانە بەرەوڕووی دوژمن ببنەوە و شار و شاخ بە مانا ڕاستەقینەکەی و پێکەوە ئەم دێڕانەی مێژووی خەبات بنووسنەوە.

جەماوەری ڕاسان بریتیە لە هەموو تاک و چین و توێژەکانی کۆمەڵگای کوردستان. جەماوەری ڕاسان خاوەن پیشە و ئەندازیار و نووسەر و هونەرمەند و ژنان و لاوان و خوێندکاران و بازرگانان و کرێکاران و وەرزێر و جووتیار و باخەوان و دووکاندار و کارمەند و ڕووناکبیر و مامۆستایانی ئایینی و ...و هەموو ئەوانەن کە لە کوردستاندا سووکایەتی بە ناسنامەی نەتەوەییان کراوە و دڵیان بۆ ئازادی و بەختەوەری لێ دەدا.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٦٩٧ لەم ژمارەیەدا:

ــ پەیامی نەورۆزیی سکرتێری گشتیی حیزب
ــ بۆ ناتوانین خۆمان به خۆمان بناسێنین
ــ نەورۆز، ڕسکانەوە و ڕاسان
ــ پانۆرامای ڕاسان
  • داهاتووى کورد لە پەنجەرەى نەورۆزەوە داهاتووى کورد لە پەنجەرەى نەورۆزەوە
    مێتولۆژیش وەک میژوو لە هەگبەى بیرەورىی هەر نەتەوەیەکدا جێگەى تایبەتی خۆى هەیە، تەنانەت بەشێک لەوانە بوونەتە بەشێکى دانەبڕاو لە پێناسەى نەتەوەکان. وەک هەر دابێکى دیکە کە لە ژیانى ڕۆژانەدا دووبارە دەبنەوە و فەرامۆش ناکرێن و پەرەیان پێ دەدرێن.
  • شان به شانی یەک بەرەو داهاتوویەکی ڕوون شان به شانی یەک بەرەو داهاتوویەکی ڕوون
    باشووری زاگرۆس له درێژەی یەک ساڵی ڕابردوودا، بیست و چوارەمین ژمارەی خۆی خستووەتە بەر ڕاو بووچۆنی خوێنەرانی بەڕێز و بیست و پێنجەمین ژمارە‌ی خۆیشی پێشکەشی هەموو ئەو کەسانە دەکات کە تەنانەت بە یەک ڕستەش له جێبەجێ کردنی ئەرکی ئەم لاپەڕەیەدا هاوبەش و هاوکار بوونه. بێ‌شک به بێ یارمەتیی ئەو بەڕێزانه لاپەڕەی باشووری زاگرۆس قەت نەیدەتوانی پێ بنێتە دووهەمین ساڵی چالاکیی خۆی و درێژه به ئەرکه نەتەوەییه‌کەی خۆی بدات.
  • بۆ ناتوانین خۆمان به خۆمان بناسێنین بۆ ناتوانین خۆمان به خۆمان بناسێنین
    هەڵبەت دەبێ ئاماژه بکرێت که؛ ئەمه تەنیا کێشەی چالاکی کرماشانی نیه، بەڵکوو به‌داخەوه به هۆی نەبوونی مێژوویەکی نووسراو، خەڵکانی ئەو ناوچانەش لەو فکره‌دان که له کرماشان و ئیلام بزاڤی کوردیمان نەبووه و شۆڕش لەوێ ڕنگ و بۆنی نەبووه، ڕاستییەک که نیشاندەری نامۆیی کورد له کورد و مێژووی خۆیەتی، پرسێک که تاڵیەکەی ئەوەندەیه که بووەته هۆی گەشه‌نەسەندنی بزاڤی ڕزگاریخوازانەی کوردستان له بست به بستی وڵاتەکەمان.
  • پانۆرامای ڕاسان (٢) پانۆرامای ڕاسان (٢)
    ٣ی ڕەزبەر: یەكیەتیی خوێندكارانی دێموكراتی كوردستانی ئێران داوای لە خوێندكاران كرد پشتگیریی لە ڕاسان بكەن.
  • پانۆرامای ڕاسان (١) پانۆرامای ڕاسان (١)
    ٢٨ی ڕەشەمەی ١٣٩٤: لە ڕێوڕەسمێكی پڕشكۆی نەورۆزیدا لە سنوورەكانی كوردستانی ڕوژهەڵات، بە ئامادەبوونی ئەندامانی ڕێبەری، كادر، پێشمەرگە و ئەندامانی ئاشكرا و ژمارەیەك لە ئەندامانی نهێنیی حیزبی دێموكراتی كوردستانی ئێران و هەواڵنێرانی چەندین دەزگای میدیایی و تەلەڤیزیۆنی كوردی، بەڕێز مستەفا هیجری، سكرتێری گشتیی حیزبی دێموكرات دەستپێكی قۆناغێكی نوێی لە خەباتی خەڵكی كورد لە كوردستانی ڕوژهەڵات ڕاگەیاند كە دواتر بە "ڕاسان" ناوی دەركرد.
  • نەورۆز، ڕسکانەوە و ڕاسان نەورۆز، ڕسکانەوە و ڕاسان
    سروشت لە دیاردە دژبەر و پێکناکۆکەکاندا دەناسرێتەوە، ئەو کاتەی تاریکی و ڕووناکی، شین بوونەوە و وشکاندن، تینی هەتاو و سەهۆڵبەندان و سەرما، ڕەشەبا و شاخ، جووڵە و ڕاوەستان و .... لەبەرانبەر یەکدا ڕادەوەستن و پێکەوە و لە پێکهاتەیەکی پڕ لە داهێنان و نوێبوونەوەدا بە هەزاران سیماوە دەردەکەونەوە و ژیان دەنەخشێنن.
  • زانکۆ، یەکلاکەرەوی رەوتی سیاسی له کرماشان زانکۆ، یەکلاکەرەوی رەوتی سیاسی له کرماشان
    به بێ ناسینی سایکۆلۆژیای سیاسی‌-کۆمەڵایەتیی هەر کۆمەڵگایەک نه دەتوانین پلان و بەرنامەمان بۆی هەبێ، نه هیچ پلانێکی داڕێژراویش لەوێ سەردەکەوێ، ئەمه ئەسلێکی موتلەقه. ئێمەیش دەبێ ئەو ئەسله بۆ بەڕێوە بردنی چالاکییەکانمان و گەیشتن به ئامانجی دیاریکراومان لەبەرچاو بگرین و ڕەچاوی بکەین.
  • نیزامی پیاوسالار و پرسی ژن نیزامی پیاوسالار و پرسی ژن
    ئەوەی لە نووسراوە مێژووییەكاندا لەهەمبەر بابەتی فیمینیستیەوە بەرچاو دەكەوێ ‌‌و هەروەهاش لە قسە ‌و باسە فیمینیزمییەكاندا هەموو كاتێك بە شێوەیەكی جیدی ئاوڕی لێدەدرێتەوە، پێویستیی فێركردن ‌و بارهێنانی بوارە جۆراوجۆرەكان بۆ ژنان ‌و كچانە. مافی خوێندنیش گرینگترین مژار بووە ‌و ئیستاكەش هەر بەردەوامە.
  • مستەفا هیجری: با بیر بكه‌ینه‌وه‌ بۆ داهاتوومان مستەفا هیجری: با بیر بكه‌ینه‌وه‌ بۆ داهاتوومان
    دیاره‌ ئه‌وانه‌ باسێكی دوور و درێژن و ده‌كرێ كتێبیان له‌سه‌ر بنووسرێ، به‌ڵام ئه‌گه‌ر به‌ كورتی باسی بكه‌ین، ڕێكخستنی نوێ، به‌و واتایه‌ی كه‌ ئه‌و خه‌ڵكه‌ وه‌كوو هێزی تاك، تاكی ڕۆژهه‌ڵات، بتوانین كۆیان بكه‌ینه‌وه‌ و بیانكه‌ین به‌ هێزی شوێندانه‌ر. ئه‌وه‌ به‌ ڕێكخستن، ئه‌رك پێ ئه‌سپاردن، لێپرسینه‌وه‌ و زانیاری پێدانی ڕۆژ به‌ ڕۆژ ده‌چێته‌ پێشێ. ئه‌وه‌ ئه‌ركی بنه‌ڕه‌تیی حیزبی ئێمه‌ ده‌بێ.
  • ڕاسان، مۆتەكەی كۆماری ئیسلامیی ئێران! ڕاسان، مۆتەكەی كۆماری ئیسلامیی ئێران!
    واتە ئەگەر ئاژاوەنانەوەی ڕێژیم لە دەرەوە بۆ پاراستن و مانەوە و ئەمنییەتی ڕێژیم "تێز" بێت، ئەوە ڕاسان "ئانتی تێز"ە! لە پێكدادانی نێوان ئەم دوانەدا "سەنتێز" دێتە ئاراوە كە هەمان ڕزگاریی نەتەوەییە!
  • نیشانەناسیی ڕاسان وەک شەڕی نوێ نیشانەناسیی ڕاسان وەک شەڕی نوێ
    زمان وەک شتێکی دۆزراوە هەمان ئەمری بابەتێکی کۆمەڵایەتییە و زمانناسیی ڕاسان لە شەڕ "ساختارزدایی" (Deconstruit) لە خۆی دەکات و ئەو "ساختارزدایی"ە زمان ناسییە کە ئێمە بە نۆبەی خۆمان ئەوە وەک نیشانەشناسیی هەستانەوە دەزانین.
  • خورافە، ڕێگاخۆشکەرێک بۆ دواکەوتوویی کۆمەڵگا خورافە، ڕێگاخۆشکەرێک بۆ دواکەوتوویی کۆمەڵگا
    منداڵە ساواکەت لەسەر تاق دامەنێ شوومە و باش نییە! شەوان چاو لە ئاوێنە مەکە، تەمەنت لە غەریبی دەبەیتە سەر! شەوان بنێشت مەجاوە، شوومە و باش نییە! و....هتد.
  • ئەرکی تاکی کورد لە دژی خیانەت و جاشایەتی ئەرکی تاکی کورد لە دژی خیانەت و جاشایەتی
    خیانەت بە وڵات یانی خیانەت لە سەبەخۆیی و پاراستنی وڵات. خیانەت لە کاتی شەڕدا، یانی هاوکاری و بەشداری کردن لە گەڵ دوژمن لە کاتی شەڕدا.
  • مەرگی براکوژی مەرگی براکوژی
    بەڵام لەم سەردەمە نوێیەدا دۆخ و هەلومەرجی سیاسی و تێگەیشتنی کۆمەڵگا گەیشتۆتە ئاستێک کە چیدیکە ئەو جۆرە کردەوانە قبووڵ ناکا و هەرجۆرە پەنابردنە بەر شەڕێکی خۆکوژی مەحکووم دەکا.