• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٦ی فێڤریەی ٢٠١٧ی زایینی - ٠٨ی رەشەمەی ١٣٩٥ی هەتاوی  

جاڕنامه‌كه‌ی ڕۆحانی، له‌ كۆیه‌ ده‌نگی دایه‌وه‌

زایینی: ٠٤-٠١-٢٠١٧ - هەتاوی: ١٣٩٥/١٠/١٥ - ٢١:١٢ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
جاڕنامه‌كه‌ی ڕۆحانی، له‌ كۆیه‌ ده‌نگی دایه‌وه‌
چه‌كۆ ئه‌حمه‌دی

هاووڵاتی مافی ژیانی هه‌یه‌ و كه‌س لێی ناسێنێتەوە، مه‌گه‌ر ئه‌وه‌ی به‌پێی یاسا لێی وه‌ربگیرێ.

ئه‌وه‌ به‌ندی یه‌كه‌می جاڕنامه‌كه‌ی حه‌سه‌ن ڕۆحانییه‌ كه‌ له‌ به‌ره‌به‌ری هه‌ڵبژاردندا بڵاوی كردووه‌ته‌وه‌ و بانگه‌شه‌ی بۆ ده‌كات. له‌وانه‌یه‌ هه‌ركام له‌ خاڵه‌كانی ئه‌م جاڕنامه‌ هه‌ڵگری گه‌لێك شرۆڤه‌ بێ، به‌ڵام وه‌ك ده‌گوترێ مشت نموونه‌ی خه‌رواره‌ و لێره‌شدا ئه‌مه‌ سه‌رچڵی جاڕنامه‌كه‌یه،‌ كه‌وایه‌ ده‌كرێ ئه‌وه‌لای به‌ بێ شرۆڤه‌ش درك بكه‌ین.

ته‌مه‌نی ڕێژیمی كۆماری ئیسلامی به‌ره‌و چوار ده‌یه‌ ده‌ڕوا و ئه‌گه‌ر ته‌نیا هێندێ ئامێری پێشكه‌وتوو له‌م وڵاته‌دا وه‌لا بنرێ، ده‌كرێ ئه‌مڕۆی ئه‌م وڵاته‌ به‌ نزیك به‌ چوار ده‌یه‌ له‌وه‌پێش وێنا بكرێ.

خومه‌ینی له‌ نۆفل لۆشاتۆی پاریسه‌وه‌ بانگه‌شه‌ی سیستمێكی ده‌كرد كه‌ له‌ودا مه‌ڕ و گورگ واتا ته‌نانه‌ت ئیسلام و كۆمۆنیستیش ده‌توانن له‌سه‌ر خوانێكدا پێكه‌وه‌ بژین و ده‌سته‌وملانی ئازادیی ڕه‌ها بن. زۆرینه‌ی چاوه‌دێران بڕوایان به‌م بانگه‌شانه‌ كرد و خومه‌ینییان له‌ نێو مانگدا وێنا كرد و له یه‌ك شه‌ودا له‌‌ ئایه‌توڵڵاوه‌ بوو به‌ ئیمام و چووه‌ ڕیزی دوازده‌ ئیمامه‌كه‌ی مه‌زهه‌بی شیعه‌وه‌. له‌وانه‌یه‌ به‌ هه‌زاران په‌رتووك و بابه‌ت له‌سه‌ر كه‌سایه‌تیی خومه‌ینی نووسرابێ، كه‌واته‌ ئه‌و لایه‌نه‌ به‌جێ دێڵین بۆ خوێنه‌ر و پێناسه‌ی ئه‌و كه‌سه‌ش بۆ مرۆڤایه‌تی ڕوون و ئاشكرایه‌.

خومه‌ینی پاش به‌ده‌ستهێنانی متمانه‌ی كه‌سایه‌تی و حیزبه‌ ئێرانییه‌كان و بگره‌ جیهانیش، به‌سه‌ر فه‌رشی سووردا (كه‌ پاشتریش هه‌ر له‌سه‌ر فه‌رشی سوور ده‌ڕۆیشت به‌و جیاوازییه‌وه‌ كه‌ ئه‌مجاره‌ خوێنی خه‌ڵكی بێتاوان سووری كردبوو) به‌ره‌و ده‌سه‌ڵاتێك چوو كه‌‌ ده‌كرێ بڵێین بووه‌ هۆی گۆڕینی مێژووی مرۆڤایه‌تی‌ كه‌ له‌وانه‌یه‌ ده‌یان ساڵی دیكه‌ی بوێ تاكوو‌ ئه‌م ڕاستییه‌ بسه‌لمێت. (كۆماری ئیسلامی وه‌ك پشت و پشتیوانی سه‌ره‌كیی هه‌موو ڕێكخراوه‌ تیرۆریستییه‌كان له‌ جیهاندا، ڕۆڵی سه‌ره‌كیی هه‌بووه‌ له‌ هه‌موو كرده‌وه‌یه‌كی تیرۆریستیدا. ته‌قینه‌وه‌ی ئارژانتین، ١١ی سێپتامبر و میكۆنۆس وه‌ك نموونه‌).

ئه‌وه‌ی كه‌ ئه‌مڕۆ ڕۆحانی بانگه‌شه‌ی بۆ ده‌كات وه‌ك ده‌ستكه‌وتی ڕێژیمه‌كه‌ی، به‌پێی ئه‌و یاسایه‌ دانراوه‌ كه‌ خومه‌ینی دایڕشت و سه‌پاندی و له‌ ماوه‌ی ٣٧ ساڵدا به‌ڕێوه‌ ده‌برێ. به‌ڵام جێی سه‌رسووڕمانه‌ كه‌ ته‌نانه‌ت بۆ فریودان و ڕاكێشانی خه‌ڵك بۆ ده‌نگدان، باسكردن له‌ مافی مرۆڤ و هاووڵاتی ڕێگه‌پێدراو نییه‌ و له‌ هه‌ینیی ڕابردوودا زۆربه‌ی گوتاربێژه‌كانی مزگه‌وته‌كان به‌ هه‌ڕه‌شه‌وه‌ باسیان لێ كردووه‌ و به‌ هێڵی سووری ده‌زانن. كه‌واته‌ به‌پێی ئه‌زموونێك كه‌ له‌ ده‌سه‌ڵاتی سه‌ركۆمار له‌ ئێراندا هه‌یه‌، ته‌نانه‌ت ئه‌گه‌ریش بیهه‌وێ هه‌نگاوێك به‌ره‌و مرۆیی كردنی سیستمی ده‌سه‌ڵات هه‌ڵبگرێ، ئه‌وا ده‌سه‌ڵاتداری سه‌ره‌كی واتە وه‌لیی فه‌قیهـ هه‌ر له‌ یه‌كه‌م هه‌نگاودا ڕایده‌گرێ.

ئاڵوگۆڕه‌كان له‌ ئاستی ناوچه‌ییدا و له‌ چه‌ند ساڵی ڕابردوودا خێراییه‌كی به‌رچاوی به‌ خۆیه‌وه‌ بینیوه‌. سه‌رهه‌ڵدانی شۆڕشی یه‌ك له‌دوای یه‌ك له‌ وڵاتانی دیكتاتۆریدا و سه‌ركه‌وتنی هێندێ له‌ شۆڕشه‌كان (سه‌ره‌ڕای باشتر نه‌بوونی دۆخی ژیان)، لاپه‌ڕه‌یه‌كی نوێی له‌ چۆنیه‌تیی بیركردنه‌وه‌ و داخوازییه‌كانی خه‌ڵكدا هه‌ڵدایه‌وه‌. ئاستی داواكاری بۆ سه‌ربه‌رزانه‌ ژیان به‌ ڕاده‌یه‌كی به‌رچاو له‌ نێو نه‌ته‌وه‌كانی ناوچه‌كه‌دا به‌رز بووه‌وه‌. پله‌ی زانیاری ڕۆژ له‌دوای ڕۆژ به‌رزتر ده‌بێته‌وه‌ و تاكه‌كان پتر خوازیاری به‌ده‌سته‌وه‌ گرتنی چاره‌نووسی خۆیانن. له‌ نێو ئه‌م نه‌ته‌وانه‌شدا كه‌ له‌ ئاڵۆزترین و پڕكێشه‌ترین ناوچه‌ی جیهان هه‌ڵكه‌وتووه‌، نه‌ته‌وه‌ی كوردی تێدایه‌ كه‌ به‌ ٤٠ میلیۆن كورد مه‌زه‌نده‌ ده‌كرێ و تا ئێستاشی له‌گه‌ڵ بێ نه‌ خاوه‌نی وڵاته‌ و نه‌ پرسه‌كه‌ی به‌ شێوه‌ی ڕاسته‌قینه‌ بووه‌ته‌ پرسی جیهانی. به‌ڵام سه‌ره‌ڕای هه‌موو ئه‌مانه‌، هه‌نووكه‌ زیاتر له‌ هه‌ر سه‌رده‌مێكی دیكه‌ نه‌ته‌وه‌ی كورد له‌ ئاستی جیهانیدا ناسراوه‌ و توانیویه‌ بكه‌وێته‌ ڕۆژه‌ڤی پرسه‌ گرینگه‌ ناوچه‌یی و جیهانییه‌كانه‌وه‌. ئه‌مه‌ش ته‌نیا به‌ یه‌ك هۆكاری سه‌ره‌كی بوو: هێزی. كاتێك له‌ زۆربه‌ی هه‌ره‌ زۆری جیهان و به‌تایبه‌ت وڵاتانی ناوچه‌كه‌ زراویان له‌ داعش تۆقیبوو، هێزی پێشمه‌رگه‌ له‌ باشووری كوردستان به‌ كه‌مترین كه‌ره‌سته‌ و له‌ سه‌ختترین بارودۆخدا به‌ره‌وڕووی هێزێكی پۆشته‌وپه‌رداخ كراو له‌ لایه‌ن ڕێژیمی ئێران، و چه‌ك و چۆڵی ڕاسته‌وخۆ پێدراوی سوپای عێراق له‌ مووسڵ بووه‌وه‌ و به‌ خوێن و گیان به‌رگریی له‌ مرۆڤایه‌تی و خاكی نیشتمان كرد و پێشمه‌رگه‌ له‌ ئاستی جیهانیدا بووه‌ سیمبۆلی قاره‌مانه‌تی و مرۆڤدۆستی. كه‌واته‌ هێز و به‌هێزی ڕۆڵێكی سه‌ره‌كیی هه‌بووه‌ له‌وەی ئێستا ده‌یبینین.

ئه‌وه‌ی كه‌ له‌ سه‌ره‌وه‌ باسكرا، ده‌كرێ وه‌ك به‌رچاوڕوونییه‌ك بۆ ئاشكرا بوونی ئامانجی سه‌ره‌كیی بانگه‌واز‌ و پڕوپاگانده‌كانی ڕۆحانی و ڕێژیمه‌كه‌ی له‌به‌رچاو بگیرێ.

له‌ ماوه‌ی نزیك به‌ ٦ ساڵ ئاڵۆزی و بشێوی له‌ ناوچه‌كه‌دا، ڕێژیمی ئێران سه‌ره‌ڕای ده‌ستێوه‌ردان له‌ زۆربه‌ی ئه‌و وڵاتاندا، به‌رده‌وام بانگه‌شه‌ی ئه‌وه‌ی ده‌كرد له‌ ئێران هیچ جۆره‌ كێشه‌یه‌كی نه‌ته‌وه‌یی و مرۆیی و سیاسی له‌گۆڕێدا نییه. له‌ڕاستیدا ئه‌وه‌ی كه‌ هه‌موو چاوه‌دێرانیش ئاگادارن، له‌ ماوه‌ی ته‌مه‌نی ڕێژیمی كۆماری ئێسلامیی ئێراندا به‌رده‌وام به‌ كوشتن و پاكتاو به‌رپەرچی هه‌رجۆره‌ ناڕه‌زایه‌تییه‌ك دراوه‌ته‌وه‌. به‌ڵام سه‌ره‌ڕای ئه‌مانه‌ش گه‌شه‌كردنی ئاستی بیركردنه‌وه‌ و ویستی چاره‌سه‌ری پرسه‌ نه‌ته‌وه‌یی و ئازادییه‌كان لای نه‌ته‌وه‌كانی ئێران به‌رده‌وام ڕوویان لە پوخته‌تر بوون‌ و به‌رزبوونه‌وه‌ کرد‌. ئه‌گه‌ر چاوێك به‌سه‌ر چالاكییه‌ مه‌ده‌نی و سیاسییه‌كانی ساڵانی دوایی نه‌ته‌وه‌كانی ئێراندا بخشێنین، به‌ڕوونی بۆمان ده‌رده‌كه‌وێ كه‌ ئاستی وشیاریی ئه‌م نه‌ته‌وانه‌ بۆ ئامانجێكی سیاسی / نه‌ته‌وه‌یی به‌رچاوتر له‌ ڕابردوو خۆی ده‌نوێنێ و ئه‌مه‌ش ده‌بێته‌ هۆی نیشاندانی دژكرده‌وه‌ی كاربه‌ده‌ستان.

به‌ڵام له‌م نێوه‌دا پرسێك له‌ ئێراندا به‌ درێژایی زیاتر له‌ سه‌ده‌یه‌ك به‌ شێوه‌ی ڕێكخراو و له‌ ڕووی ئاوەزه‌وه‌ به‌رده‌وام ڕه‌نگدانه‌وه‌ی هه‌بووه‌. ئه‌م پرسه‌، پرسی چاره‌سه‌ر و گه‌یشتنی نه‌ته‌وه‌ی كورده‌ به‌ ئامانجه‌كانی.

ئه‌وه‌ی ڕوون و ئاشكرایه‌، به‌داخه‌وه‌ له‌ چوارچێوه‌ی ئێراندا نه‌ته‌وه‌ی كورد تا ئێستاش تاقانه‌ نه‌ته‌وه‌یه‌ك بووه‌ به‌رده‌وام بزووتنه‌وه‌ی هه‌بووه‌ و دژی داگیركاری و دیكتاتۆری خه‌باتی كردووه‌. هه‌رچه‌ند نه‌ته‌وه‌كانی دیكه‌ش به‌رخۆدان و چالاكییان نواندووه‌، به‌ڵام دیسان به‌داخه‌وه‌ بزووتنه‌وه‌كانی كوردستان به‌رده‌وام تاقانه‌ بزووتنه‌وه‌ بووه‌ كه‌ له‌ گۆڕه‌پانی خه‌باتدا چالاكیی نوواندووه‌.

پاش ڕووداوه‌كانی ئه‌مدواییانه‌ی ناوچه‌كه‌، بزووتنه‌وه‌ی ڕزگاریخوازیی كوردستان له‌ ڕۆژهه‌ڵات، به‌ خوێندنه‌وه‌ی هه‌موو لایه‌نه‌ سیاسی و ناوچه‌ییه‌كان و سیاسه‌ته‌كانی ڕێژیمی ئێران، بڕیاری قۆناغێكی نوێی خه‌باتی ڕاگه‌یاند كه‌ پاشتر به‌ ڕاسان ناوبانگی ده‌ركرد و یه‌كێك له‌ ئامانجه‌كانی گرێدانی خه‌باتی شاخ و شار ده‌ستنیشان كرا، تاكوو له‌م ڕێگایه‌وه‌ هه‌موو پۆتانسییه‌ل و هێز و وزه‌كان یه‌كانگیر بن و خه‌باتێكی پەرتەوازە ده‌ست پێنكاته‌وه‌. ئه‌م ڕاسانه‌، له‌لایه‌ن حیزبی دێموكراته‌وه‌ ڕاگه‌یه‌ندرا و داوا له‌ هه‌موو هێزه‌ شۆڕشگێڕه‌كانیش كرا تاكوو تێیدا به‌شدار بن.

راسان، بوو به‌ سیمبولێك بۆ ڕابوونێكی نوێ له‌ پێناو گه‌یشتن به‌ ئامانج و مافه‌ مرۆیی و نه‌ته‌وه‌ییه‌كانی نه‌ته‌وه‌ی كورد له‌و به‌شه‌ی كوردستاندا. هه‌ر له‌ یه‌كه‌م قۆناغ و له‌ ده‌ستپێكی ئه‌م خه‌باته‌ نوێیه‌دا كۆماری ئیسلامیی ئێران به‌ هه‌موو هێز و توانایه‌وە‌ كه‌وته‌ پڕوپاگاندا تاكوو ڕوخسار و ئامانجه‌كانی ڕاسان خه‌وشدار بكات. سه‌روبنی هه‌موو ده‌زگا ڕاگه‌یه‌نه‌كانی ڕێژیم، ده‌سه‌ڵاتدارانی سیاسی و سه‌ربازی و هه‌موو ده‌ست و پێوه‌ندییه‌كانی له‌ نێوخۆ و ده‌ره‌وه‌ی ئێران تێكڕا و به‌شێوه‌یه‌كی سه‌رلێشێواوانه‌ كه‌ ترس و تۆقانێكی ئاشكرای پێوه‌ دیار بوو، كه‌وتنه‌ هه‌ڕه‌شه‌ و دژایه‌تی و دوژمنایەتی بزووتنه‌وه‌ی نوێی كوردستانی ڕۆژهه‌ڵات، به‌ڵام سه‌ركردایه‌تیی بزووتنه‌وه‌ی ڕزگاریده‌ری كوردستان به‌ وردبینییه‌وه‌ وه‌ڵامی هه‌مووی دایه‌وه‌ و ڕاسان بووه‌ سیمبۆل و هیوایه‌كی ڕاسته‌قینه‌ی خه‌باتی نوێی كوردستان و خه‌ڵكی كوردستانیش به‌ متمانه‌وه‌ به‌ره‌وپیری هاتن. كه‌واته‌، ئه‌وه‌ چاوه‌ڕوانكراو بوو كه‌ ڕێژیمی ئێران و ده‌وڵه‌ته‌كه‌ی ڕۆحانی له‌ ئاستێكی به‌ربڵاوتردا به‌ره‌وڕووی ببنه‌وه‌ و به‌ ڕاگه‌یاندنی جاڕنامه‌یه‌كی سه‌راوبن به‌تاڵ له‌ ڕاستی و متمانه‌، له‌ هه‌وڵی ڕاكێشانی زیاتری متمانه‌ی تاكه‌كانی نه‌ته‌وه‌كانه‌ تاكوو له‌ بزووتنه‌وه‌ ڕزگاریخوازه‌كان دوور بكه‌ونه‌وه‌ و دیسان ڕایان بكێشنه‌وه‌ سه‌ر سندووقه‌كانی ده‌نگدان. به‌ڵام پێش له‌وه‌ی چاپی ئه‌و جاڕنامه‌یه‌ وشك بێته‌وه‌، به‌رچاوترین هه‌نگاوی ڕێژیم له‌م پێوه‌ندییه‌دا ئاشكرا بوو و یه‌كه‌م ده‌نگ و ڕه‌نگی له‌ كۆیه‌ ده‌ركه‌وت و هێزه‌ تیرۆریستییه‌كانی كۆماری ئێسلامیی ئێران به‌ دانان و ته‌قانده‌نه‌وه‌ی بۆمب، بوونه‌ هۆی شه‌هید بوونی ٧ پێشمه‌رگه‌ و به‌مه‌ش به‌ فه‌رمی ڕایانگه‌یاند كه‌ ئه‌وان ته‌نیا لۆژیكی ترس و تۆقان و تیرۆر ده‌ناسن و هه‌ر هه‌وڵێك بۆ چاره‌سه‌ری پرسه‌كان له‌ ئێراندا و له‌ ڕێگای دیالۆگه‌وه‌، وه‌ك خه‌ونێكی شاعیرانه‌ وایه‌. كه‌واته‌ ڕاسان، ڕێگای درووست ده‌پێوێ و ئه‌وه‌ هێزه‌ كه‌ هاوكێشه‌ ده‌گۆڕێ و بۆ به‌ده‌ستهێنانی هێزیش ده‌بێ نرخ بدرێ.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٦٩٥ لەم ژمارەیەدا:

ــ نیشانەناسیی ڕاسان وەک شەڕی نوێ
ــ فرۆشتنی منداڵان، فرۆشتنی بەشێك لە ژیان
ــ ئاستەنگەکانی بەردەم سەربەخۆیی باشووری کوردستان
ــ ڕاسان و خەباتی مەدەنی
  • مستەفا هیجری: ئه‌وڕۆ له‌ هاوكێشه‌كانی جیهاندا حسێب له‌سه‌ر هێز ‌ده‌كرێ مستەفا هیجری: ئه‌وڕۆ له‌ هاوكێشه‌كانی جیهاندا حسێب له‌سه‌ر هێز ‌ده‌كرێ
    ئایا ئه‌وه‌ی كه‌ كوردستانی ئێران له‌ ڕۆژەڤی ناوچه‌ و جیهاندا نییه‌، كێشه‌كه‌ی ده‌گه‌ڕێته‌وه‌ سه‌ر بارودۆخی دونیا، یان خۆمان وه‌ك كوردی ڕۆژهه‌ڵات یا هۆكاری دیكه‌؟
  • ئاستەنگەکانی بەردەم سەربەخۆیی باشووری کوردستان ئاستەنگەکانی بەردەم سەربەخۆیی باشووری کوردستان
    ئەگەر بێت و کورد لەو قوناغە هەستیارەدا بە دەرس وەرگرتن لە مێژوو و هەبوونی تێڕوانینێکی ڕوون بۆ داهاتوو نەجووڵێتەوە، ئەوە ئەگەری دووبارە ڕوودانی هەموو نەهامەتییەکانی سەد ساڵی ڕابردوو لە ئارادا هەیە، و بە پێچەوانەش دەتوانێ سەد ساڵی داهاتوو بە شێوەیەک بۆ کورد درووست بکات کە، بەر لە هەمووشتێک کەرامەت و ئازادی بۆ خۆی بگەڕێنێتەوە، و پاشانیش لە جێگای شەڕ و گیانفیداکردن بۆ نیشتمان، بیاڤەکانی وەکوو پێشکەوتنی ئابووری و کۆمەڵایەتی بکاتە ئەرکە سەرەکییەکانی خۆی.
  • ڕۆشنبیر؛ ویژدانی كۆمه‌ڵگا ڕۆشنبیر؛ ویژدانی كۆمه‌ڵگا
    له ڕاستیدا، له ڕۆژهه‌ڵاتی ‌نێوه‌ڕاست به تایبه‌ت له ئێراندا، ئه‌م كێشه‌یه فراوانتر و ئه‌م پرسیارگه‌له به‌رچاوترن، ئه‌ویش له بارودۆخێكی نائاسایی كه ڕۆشنبیری ئه‌م ناوچه‌یه تووشی ده‌بێت و به شێوه‌گه‌لێك ناكۆكی له كردار و گوتاریان ده‌بینرێت كه ڕه‌نگه له كه‌متر شۆێنك له‌م دنیایه ببیندرێت و ئه‌مه دەرخەری ئەوەیە كه كاراكتری ڕۆشنبیری فیدای بارودۆخێكی ڕامیاری – كۆمه‌ڵایه‌تی بووه .
  • فرۆشتنی منداڵان، فرۆشتنی بەشێك لە ژیان فرۆشتنی منداڵان، فرۆشتنی بەشێك لە ژیان
    چیرۆكی منداڵانی تازە لەدایكبوو كە پێ دەنێنە نێو دنیایەكی پڕ لە ژان و خەفەت و هەر لە سەرەتای هاتنیانەوە بۆ ئەم دنیا، بە جێگای باوەشی گەرمی بنەماڵەكانیان میوانی باوەشی سارد و پڕ لە مەینەتی شەقامەكان دەبن، چیرۆكێكی دڵتەزێنە كە بە مامەڵە كردن لەسەر ئەوان گیرفانی دەستە و گرووپە مافیاكانی لێ پڕ دەبێت و لە كۆتاییشدا كەس وەڵامدەری داهاتووی پڕ لە خەفەت و تاریكیی ئەوان نابێت.
  • یەکیەتیی لاوان، وەک یەکەم ڕێکخراوی تایبەت بە توێژی لاوی کورد یەکیەتیی لاوان، وەک یەکەم ڕێکخراوی تایبەت بە توێژی لاوی کورد
    هەر بە سەرنجدان بەم ڕاستییە حاشاهەڵنەگرەش بوو كە؛ یەكیەتیی لاوانی دێموكراتی كوردستانی ئێران له‌ یەكێك لە زێڕینترین قۆناغەكانی بزاڤی ڕزگاریخوازی نەتەوەی كورددا، دامەزرا.
  • ئەزموونێكی تاڵ كە لە باشووری كوردستان دووپات كرایەوە! ئەزموونێكی تاڵ كە لە باشووری كوردستان دووپات كرایەوە!
    بە دامەزرانی سپای پاسداران، جموجووڵی خەڵكی ئێران كە تازە لە ژێر ستەمی پاشایەتی ڕزگاریان ببوو، جارێكیتر كەوتەوە ژێر چاوەدێری و دەسەڵاتی ڕێژیمی تازە و تووشی زەبر و زەنگ و سەركوت بووەوە.
  • نیشانەناسیی ڕاسان وەک شەڕی نوێ نیشانەناسیی ڕاسان وەک شەڕی نوێ
    قسەکانم بە ڕوونی چاودێری لە بەرپرسیایەتێکە کە لە شێوازی بەیانی ئەدەبی خۆی دەردەخات. هەڵسەنگاندنی بەرپرسیارەتی، لە چوارچێوەی ئیدئۆلۆژیک، هەڵەیەکی گەورەیە لە حیزبەکانی دیکەی کوردستانی ڕۆژهەڵات، لە ماوەی ساڵانی ڕابردوودا تووشی بوونە.
  • ڕاسان و خەباتی مەدەنی ڕاسان و خەباتی مەدەنی
    ڕاسانی ڕۆژهەڵات بەبێ خەباتی شار و کەڵک وەرگرتن لە هێزی خەڵک مانایەکی نابێ و خەباتی شار یەکێک لە کۆڵەکەکانی ڕاسانە و ئامانجی ڕاسانیش بریتیە لە ڕێکخستنی خەڵک لە خەباتێکی جیددی و واقیعیدا، دژ بە سیستمی زاڵ، بۆ ئەوەی داهاتوویەکی باشتر بونیات بنرێ نەک ئەم سیستمە بە دەمامکی ڕەنگاڵەوە بمێنێتەوە.
  • سیاسەتی دوور هاوێتنی پرسی كورد بۆ ئەو دیوی سنوورەكانی ئێران سیاسەتی دوور هاوێتنی پرسی كورد بۆ ئەو دیوی سنوورەكانی ئێران
    لە سیستمە داخراوەكاندا زۆربەی پێوەندی و پلانەكان، بە تایبەتی سیاسەت و پلانە ئەمنیەتیەكانیان، بە شێوەی نهێنی دادەڕێژرێت. بۆ ناسینی هیندێك لە سیاسەتەكانی سیستمە داخراوەكان لە زانستی سیاسەتدا چاو لە ڕەفتار و هەڵسوكەوتی ئەو سیستمانە لە هەمبەر ئەو دیاردانەدا دەكرێت كە بە حوكمی سیستمی داخراو، وەك كێشەی ئەمنیەتی دەناسرێن.
  • ئارەش ساڵح: حیزبی دێموکرات نەبزی کۆمەڵگای کوردستانی ڕۆژهەڵاتە و کوردستانی ڕۆژهەڵاتیش لەو ئەگەرەدا ڕۆڵێ ڕێبەرایەتی گۆڕانکارییەکان لە نێو نەتەوە بندەستەکان‌دا دەگێڕێت ئارەش ساڵح: حیزبی دێموکرات نەبزی کۆمەڵگای کوردستانی ڕۆژهەڵاتە و کوردستانی ڕۆژهەڵاتیش لەو ئەگەرەدا ڕۆڵێ ڕێبەرایەتی گۆڕانکارییەکان لە نێو نەتەوە بندەستەکان‌دا دەگێڕێت
    ئارەش ساڵح: حیزبی دێموکرات نەبزی کۆمەڵگای کوردستانی ڕۆژهەڵاتە و کوردستانی ڕۆژهەڵاتیش لەو ئەگەرەدا ڕۆڵێ ڕێبەرایەتی گۆڕانکارییەکان لە نێو نەتەوە بندەستەکان‌دا دەگێڕێت
  • دەقی پەیامی دەفتەری سیاسیی حیزبی دێموکراتی کوردستانی ئێران بۆ یادی کۆماری کوردستان لە ئامەد دەقی پەیامی دەفتەری سیاسیی حیزبی دێموکراتی کوردستانی ئێران بۆ یادی کۆماری کوردستان لە ئامەد
    لە گۆڕەپانی مەزنی چوارچرای مەهاباددا بە دەست و بە فكر و بە هێزی ئەندێشەی مرۆڤێكی تێكۆشەر، گەورە ڕێبەرێكی مێژووی كوردستان ئەو كۆمارە ڕادەگەیەندرێت، بە دەستی پێشەوای نەمر قازی محەممەد وەكوو ڕێبەرێكی كارامە و لێوەشاوە و شارەزا.
  • کەریم پەرویزی: تا ڕۆڵەیەکی کورد بمێنێت، خەباتی کورد زیندووە کەریم پەرویزی: تا ڕۆڵەیەکی کورد بمێنێت، خەباتی کورد زیندووە
    ئێمە لێرەین، لەم ڕۆژەدا بە بۆنەی دووی ڕێبەندان، بە بۆنەی ڕۆژێکەوە کە لەودا کۆماری کوردستان، لە شارە جوان و شۆڕشگێڕەکەی مەهاباددا، بە دەستی پێشەوای بلیمەتی گەل، بە زمانی پێشەوای بلیمەتی گەل، بە فکر و کرداری پێشەوای بلیمەتی گەڵ ڕادەگەیەندڕیت، لێرە کۆبووینەتەوە بۆ ڕێز گرتن لەو کۆمارە مەزنە.
  • ڕاسان و لایەنە سیاسیەکان ڕاسان و لایەنە سیاسیەکان
    ئێستا کە وەرزێکی دیکەی خەبات لە کوردستانی ڕۆژهەڵات دەست پێدەکاتەوە و فەسڵێکی دیکەی مێژوو دەنووسرێتەوە، پێویستە کە حیزبی بوون و پێوەندیی نێوان حیزب و لایەنە سیاسییەکان پێ بنێتە قۆناغێکی دیکەوە.
  • تەگەرەکانی سەر ڕێگای پێشکەوتنی شێوەزار لە کرماشان ! تەگەرەکانی سەر ڕێگای پێشکەوتنی شێوەزار لە کرماشان !
    دیارە زمانی کوردی بە شێوەزارەکانی خۆیەوە دەوڵەمەندە و بەرفەراوانی وشە و دەستەواژەی پڕ مانا و هەروەها گرانیی باری ئەدەبی لە نووسین، خوێندنەوە، هۆنەر و لایەنە جیاوازەکانی زمانی، بە نرخی و جوانییەک بەم زمانە دەدات کە دەڤەر بە دەڤەر و شێوەزار بە شێوەزاری ئەم زمانە، تایبەتمەندی جیاواز و بەرهەمی جیاوازی پر بەهای لێ دەکەوێتەوە.