• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٥ی مارسی ٢٠١٧ی زایینی - ٠٥ی خاکەلێوەی ١٣٩٦ی هەتاوی  

ئۆختاپووسی خاتەمۆلئەنبیا و داگیرکردنی جمگە ئابوورییەکان

زایینی: ٠٤-٠١-٢٠١٧ - هەتاوی: ١٣٩٥/١٠/١٥ - ٢١:١٨ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
ئۆختاپووسی خاتەمۆلئەنبیا و داگیرکردنی جمگە ئابوورییەکان
شەماڵ تەرغیبی

پڕۆژە سەرەکییە ئابوورییەکانی دەوڵەتی ڕۆحانی لەوانە نەوت، گاز، پێترۆشیمی، ڕاگواستن، بەنداوەکان، ڕاگواستنی ئاو، موخابرات و ئای تی لە ئیختیاری قەرارگای خاتەمۆلئەنبیای سپادایە.

هەواڵدەریی ئیسنا ئاشکرای کرد؛ حسەین دێهقان وەزیری بەرگری و پشتیوانیی هێزە چەکدارەکانی دەوڵەتی یازدیەم ڕۆژی پێنج‌شەممە ڕێکەوتی ٩ی بەفرانبار لە پێشانگای "هێزی سپا لە بواری چاکسازی" ڕایگەیاندووە: تا کۆتایی ئەمساڵ بەرپرسایەتی زیاتر لە ٥٠ پڕۆژەی "کاریگەر" لە سەر ئابووریی ئێران خراوەتە ئەستۆی قەرارگای خاتەمۆلئەنبیا.

ڕۆژی شەممەش ڕێکەوتی ١١ی بەفرانبار، ڕۆژنامەی شەرق لە ڕاپۆرتێکدا بەناوی "هەموو شتێک سەبارەت بە قەرارگای خاتەم" نووسیبووی: خاتەمۆلئەنبیا گەورەترین پەیمانکاری نادەوڵەتیی ئێرانە کە تەنانەت سازکردنی پردەکان و پڕۆژە عومرانییەکان خراوەتە ئیختیاریەوە.

ڕۆژنامەی شەرق دەنووسێ: ئەم قەرارگا چالاکییەکانی خۆی لە هیچ بوارێکدا بەرتەسک ناکاتەوە و جگە لە پڕۆژە زەبەلاحە ئابوورییەکان دەستی بەسەر پڕۆژە بچووکەکانیشدا گرتووە و دەرەتانی چالاکیی لە کۆمپانیاکانی دیکە گرتووە.

قەرارگای خاتەمۆلئەنبیای سپای تێرۆریستی پاسدارانی ڕێژیم ساڵی ١٣٦٨ی هەتاوی و پاش کۆتایی شەڕی ئێران و عێراق بە بڕیاری عەلی خامنەیی دامەزراوە کە ئەگەرچی خۆی بە ژێرکۆمەڵەی سپا دەناسرێت بەڵام خاوەنی چەندین ژێرکۆمەڵەی وەک قەرارگای قائێم، قەرارگای نوح، قەرارگای کەربەلا و قەرارگای کەوسەرە کە بەهۆی دەسەڵاتە ڕەهاکەیەوە تا ئێستا چەندین میلیارد پارەی وڵاتیان هەڵلووشیوە.

بەپێی هەندێک ئاماری فەرمی ڕێژەی ئەو کەسانەی کە بەشێوەی ڕاستەوخۆ لەم قەرارگایەدا کار دەکەن ١٦٠ هەزار کەسە.

دەسەڵاتی ڕەهای ئەم باندە مافیاییەی سپا ئەوەندە زۆرە کە تەنانەت بڕیار لەسەر سەرکۆماری ڕێژیمیش دەدات بۆ وێنە ماوەیەک پێش ئێستا عیبادوڵڵا عەبدوڵڵاهی فەرماندەی خاتەم پاش واژۆکردنەوەی ڕێککەوتن نامەی نێوان ئێران و کۆریای باشوور بۆ سازکردنی ١٠ کەشتی نوێ ڕوو لە حەسەن ڕۆحانی گوتبووی: دەبێ ئەو ڕێککەوتننامە هەڵبوەشێنیتەوە.
شایانی باسە لە ساڵی ٨٤دا پاش ئەوەیکە ئەحمەدی نژاد بە دەسەڵات گەیشت و مۆرەچنییەکانی دەوڵەتی نوێ کۆتایی پێهات، ڕەشنووسێک بە ئاگاداریی عەلی خامنەیی لە ژێر ناوی "تعالی ایران" (پیشرفت توام با معنویت و عدالت) هاتە ئاراوە و ناوەندی "راهبردی سپاە" کرایە جێبەجێکاری ئەم گەڵاڵەیە؛ خاڵێکی گرینگ لە بەندەکانی ئەم ڕەشنووسە بریتی بوو لە: کۆنتڕۆڵ و دەستبەسەرداگرتنی تەواوی فەزای ئابووری لە ڕێگەی لاواز کردنەوەی کەرتی تایبەت و پەرەدان بە دەسەڵاتە نیمچە دەوڵەتییەکان، واتە کۆمپانیاکانی سێبەری دەوڵەت کە خۆیان لەژێر دەسەڵاتی سپا و بەسیجدان.

ئەمەش لەحاڵێکدایە کە ئەزمونی کاری وڵاتانی پێشکەوتوو لە بواری ئابووری، پێمان دەڵێ؛ یەکێک لە ڕێکارەکانی گەشەسەندنی ئابووریی وڵات بریتییە لە دانی ئازادیی کردار بە کەرتی تایبەت بەو واتایە کە لە هەموو وڵاتانی پێشکەوتوودا کەرتی تایبەت خاوەنی ئازادیی تەواوی کردارن، و پێویستیان بەوە نییە کە بیر لە مافی خاوەنداریەتی بکەنەوە؛ هەڵبەت ئەم خاڵەش تەنیا کاتێک دەتوانێ سەرکەوتوو بێت کە دەوڵەت لە بیاڤی ئابووریدا سنوردار بکرێتەوە، واتە یاسا ئیزن بە دەوڵەت نەدات بە مەیلی خۆی دەستێوەردان لە کاروباری ئابووریدا بکات، و چۆنی پێ خۆش بوو، بڕیار بدات و لەبەرانبەر کەسیشدا وەڵامدەر نەبێت؛ دیارە نابێ ئەوەمان لەبیر بچێت کە لە ئێراندا، بەپێی یاسا نەنووسراوەکان، دەوڵەت خاوەنی ئابووری نییە و ئەوەیکە قسەی یەکەم و کۆتایی دەکات ئەوە ناوەندە ئەمنیەتی و سەربازییەکانی سەر بە سپای پاسدارانن کە بەپشت بەستن بە دەسەڵاتی ڕەهای ویلایەتی سەرقاڵی هەڵلووشینی سامان و داراییەکانی وڵاتن و وەک ئۆختاپوسی مەرگ هەموو جمگەکانی ئابووریی داگیر کردووە.

بۆ ڕوونبوونەوەی زیاتری ڕۆڵ و شوێندانەرییە نێگەتیڤەکانی سپا و دەست و پێوەندییەکانی لە بیاڤی ئابووری لیرەدا ئاماژە بە هاوکێشەیەکی ساکاری ئابووری دەکەین: ڕەگ و بنچینەی گەندەڵیی ئابووری بریتییە لە کەڵکاژۆ وەرگرتن لە دەسەڵات و پێگەی سیاسی کە ئیزن بە کەسانێکی دیاریکراو دەدات تاکوو بۆ قازانجە ئابوورییە شەخسییەکانیان کەڵک لە بازاڕ و ئابووری وەربگرن کە ئەمەش بە پاڵپشتییەکی "یاسایی" و "سیاسییەوە" دەکرێت.

ئەم کەڵکاژۆ وەرگرتنە کاتێک دەچێتە بواری جێبەجێ کردن کە قازانجە سیاسی، بۆرۆکراتیک و ئابوورییەکان هاوتەراز لەگەڵ سیستمی بەرتیلدان و بەرتیل وەرگرتن بێت. لێرەدایە کە سێ کوچکەی گەندەڵی دروست دەبێت؛ "سیاسەتڤان" بەدوای دەسەڵاتی سیاسیەوەیە، "بەڕێوەبەری ئیداری" بۆ پاڵپشتیی دەسەڵاتی سیاسی دەگەڕێت و "ئابووریکار"ی گەندەڵیش بە پشت بەستن بەم ٢ گرووپە ئامانجەکانی خۆی دەپێکێ؛ بەم پێیە لە ئێراندا سەرتۆپکی گەندەڵییەکان بۆ تۆڕی سپای پاسداران دەگەڕێتەوە چوونکە وەک پێشتریش ئاماژەی پێکرا کەرتی هاوردە و هەناردە، بەنداوسازکردنە ناپێویستەکان و بەگشتی ئەوەیکە پێی دەوترێ "پیشەی دایک" لە ژێر دەستی سپا و ناوەندە نیزیکەکان بە دەسەڵاتە.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٦٩٧ لەم ژمارەیەدا:

ــ پەیامی نەورۆزیی سکرتێری گشتیی حیزب
ــ بۆ ناتوانین خۆمان به خۆمان بناسێنین
ــ نەورۆز، ڕسکانەوە و ڕاسان
ــ پانۆرامای ڕاسان
  • داهاتووى کورد لە پەنجەرەى نەورۆزەوە داهاتووى کورد لە پەنجەرەى نەورۆزەوە
    مێتولۆژیش وەک میژوو لە هەگبەى بیرەورىی هەر نەتەوەیەکدا جێگەى تایبەتی خۆى هەیە، تەنانەت بەشێک لەوانە بوونەتە بەشێکى دانەبڕاو لە پێناسەى نەتەوەکان. وەک هەر دابێکى دیکە کە لە ژیانى ڕۆژانەدا دووبارە دەبنەوە و فەرامۆش ناکرێن و پەرەیان پێ دەدرێن.
  • شان به شانی یەک بەرەو داهاتوویەکی ڕوون شان به شانی یەک بەرەو داهاتوویەکی ڕوون
    باشووری زاگرۆس له درێژەی یەک ساڵی ڕابردوودا، بیست و چوارەمین ژمارەی خۆی خستووەتە بەر ڕاو بووچۆنی خوێنەرانی بەڕێز و بیست و پێنجەمین ژمارە‌ی خۆیشی پێشکەشی هەموو ئەو کەسانە دەکات کە تەنانەت بە یەک ڕستەش له جێبەجێ کردنی ئەرکی ئەم لاپەڕەیەدا هاوبەش و هاوکار بوونه. بێ‌شک به بێ یارمەتیی ئەو بەڕێزانه لاپەڕەی باشووری زاگرۆس قەت نەیدەتوانی پێ بنێتە دووهەمین ساڵی چالاکیی خۆی و درێژه به ئەرکه نەتەوەییه‌کەی خۆی بدات.
  • بۆ ناتوانین خۆمان به خۆمان بناسێنین بۆ ناتوانین خۆمان به خۆمان بناسێنین
    هەڵبەت دەبێ ئاماژه بکرێت که؛ ئەمه تەنیا کێشەی چالاکی کرماشانی نیه، بەڵکوو به‌داخەوه به هۆی نەبوونی مێژوویەکی نووسراو، خەڵکانی ئەو ناوچانەش لەو فکره‌دان که له کرماشان و ئیلام بزاڤی کوردیمان نەبووه و شۆڕش لەوێ ڕنگ و بۆنی نەبووه، ڕاستییەک که نیشاندەری نامۆیی کورد له کورد و مێژووی خۆیەتی، پرسێک که تاڵیەکەی ئەوەندەیه که بووەته هۆی گەشه‌نەسەندنی بزاڤی ڕزگاریخوازانەی کوردستان له بست به بستی وڵاتەکەمان.
  • پانۆرامای ڕاسان (٢) پانۆرامای ڕاسان (٢)
    ٣ی ڕەزبەر: یەكیەتیی خوێندكارانی دێموكراتی كوردستانی ئێران داوای لە خوێندكاران كرد پشتگیریی لە ڕاسان بكەن.
  • پانۆرامای ڕاسان (١) پانۆرامای ڕاسان (١)
    ٢٨ی ڕەشەمەی ١٣٩٤: لە ڕێوڕەسمێكی پڕشكۆی نەورۆزیدا لە سنوورەكانی كوردستانی ڕوژهەڵات، بە ئامادەبوونی ئەندامانی ڕێبەری، كادر، پێشمەرگە و ئەندامانی ئاشكرا و ژمارەیەك لە ئەندامانی نهێنیی حیزبی دێموكراتی كوردستانی ئێران و هەواڵنێرانی چەندین دەزگای میدیایی و تەلەڤیزیۆنی كوردی، بەڕێز مستەفا هیجری، سكرتێری گشتیی حیزبی دێموكرات دەستپێكی قۆناغێكی نوێی لە خەباتی خەڵكی كورد لە كوردستانی ڕوژهەڵات ڕاگەیاند كە دواتر بە "ڕاسان" ناوی دەركرد.
  • نەورۆز، ڕسکانەوە و ڕاسان نەورۆز، ڕسکانەوە و ڕاسان
    سروشت لە دیاردە دژبەر و پێکناکۆکەکاندا دەناسرێتەوە، ئەو کاتەی تاریکی و ڕووناکی، شین بوونەوە و وشکاندن، تینی هەتاو و سەهۆڵبەندان و سەرما، ڕەشەبا و شاخ، جووڵە و ڕاوەستان و .... لەبەرانبەر یەکدا ڕادەوەستن و پێکەوە و لە پێکهاتەیەکی پڕ لە داهێنان و نوێبوونەوەدا بە هەزاران سیماوە دەردەکەونەوە و ژیان دەنەخشێنن.
  • زانکۆ، یەکلاکەرەوی رەوتی سیاسی له کرماشان زانکۆ، یەکلاکەرەوی رەوتی سیاسی له کرماشان
    به بێ ناسینی سایکۆلۆژیای سیاسی‌-کۆمەڵایەتیی هەر کۆمەڵگایەک نه دەتوانین پلان و بەرنامەمان بۆی هەبێ، نه هیچ پلانێکی داڕێژراویش لەوێ سەردەکەوێ، ئەمه ئەسلێکی موتلەقه. ئێمەیش دەبێ ئەو ئەسله بۆ بەڕێوە بردنی چالاکییەکانمان و گەیشتن به ئامانجی دیاریکراومان لەبەرچاو بگرین و ڕەچاوی بکەین.
  • نیزامی پیاوسالار و پرسی ژن نیزامی پیاوسالار و پرسی ژن
    ئەوەی لە نووسراوە مێژووییەكاندا لەهەمبەر بابەتی فیمینیستیەوە بەرچاو دەكەوێ ‌‌و هەروەهاش لە قسە ‌و باسە فیمینیزمییەكاندا هەموو كاتێك بە شێوەیەكی جیدی ئاوڕی لێدەدرێتەوە، پێویستیی فێركردن ‌و بارهێنانی بوارە جۆراوجۆرەكان بۆ ژنان ‌و كچانە. مافی خوێندنیش گرینگترین مژار بووە ‌و ئیستاكەش هەر بەردەوامە.
  • مستەفا هیجری: با بیر بكه‌ینه‌وه‌ بۆ داهاتوومان مستەفا هیجری: با بیر بكه‌ینه‌وه‌ بۆ داهاتوومان
    دیاره‌ ئه‌وانه‌ باسێكی دوور و درێژن و ده‌كرێ كتێبیان له‌سه‌ر بنووسرێ، به‌ڵام ئه‌گه‌ر به‌ كورتی باسی بكه‌ین، ڕێكخستنی نوێ، به‌و واتایه‌ی كه‌ ئه‌و خه‌ڵكه‌ وه‌كوو هێزی تاك، تاكی ڕۆژهه‌ڵات، بتوانین كۆیان بكه‌ینه‌وه‌ و بیانكه‌ین به‌ هێزی شوێندانه‌ر. ئه‌وه‌ به‌ ڕێكخستن، ئه‌رك پێ ئه‌سپاردن، لێپرسینه‌وه‌ و زانیاری پێدانی ڕۆژ به‌ ڕۆژ ده‌چێته‌ پێشێ. ئه‌وه‌ ئه‌ركی بنه‌ڕه‌تیی حیزبی ئێمه‌ ده‌بێ.
  • ڕاسان، مۆتەكەی كۆماری ئیسلامیی ئێران! ڕاسان، مۆتەكەی كۆماری ئیسلامیی ئێران!
    واتە ئەگەر ئاژاوەنانەوەی ڕێژیم لە دەرەوە بۆ پاراستن و مانەوە و ئەمنییەتی ڕێژیم "تێز" بێت، ئەوە ڕاسان "ئانتی تێز"ە! لە پێكدادانی نێوان ئەم دوانەدا "سەنتێز" دێتە ئاراوە كە هەمان ڕزگاریی نەتەوەییە!
  • نیشانەناسیی ڕاسان وەک شەڕی نوێ نیشانەناسیی ڕاسان وەک شەڕی نوێ
    زمان وەک شتێکی دۆزراوە هەمان ئەمری بابەتێکی کۆمەڵایەتییە و زمانناسیی ڕاسان لە شەڕ "ساختارزدایی" (Deconstruit) لە خۆی دەکات و ئەو "ساختارزدایی"ە زمان ناسییە کە ئێمە بە نۆبەی خۆمان ئەوە وەک نیشانەشناسیی هەستانەوە دەزانین.
  • خورافە، ڕێگاخۆشکەرێک بۆ دواکەوتوویی کۆمەڵگا خورافە، ڕێگاخۆشکەرێک بۆ دواکەوتوویی کۆمەڵگا
    منداڵە ساواکەت لەسەر تاق دامەنێ شوومە و باش نییە! شەوان چاو لە ئاوێنە مەکە، تەمەنت لە غەریبی دەبەیتە سەر! شەوان بنێشت مەجاوە، شوومە و باش نییە! و....هتد.
  • ئەرکی تاکی کورد لە دژی خیانەت و جاشایەتی ئەرکی تاکی کورد لە دژی خیانەت و جاشایەتی
    خیانەت بە وڵات یانی خیانەت لە سەبەخۆیی و پاراستنی وڵات. خیانەت لە کاتی شەڕدا، یانی هاوکاری و بەشداری کردن لە گەڵ دوژمن لە کاتی شەڕدا.
  • مەرگی براکوژی مەرگی براکوژی
    بەڵام لەم سەردەمە نوێیەدا دۆخ و هەلومەرجی سیاسی و تێگەیشتنی کۆمەڵگا گەیشتۆتە ئاستێک کە چیدیکە ئەو جۆرە کردەوانە قبووڵ ناکا و هەرجۆرە پەنابردنە بەر شەڕێکی خۆکوژی مەحکووم دەکا.