• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٤ی فێڤریەی ٢٠١٨ی زایینی - ٠٥ی رەشەمەی ١٣٩٦ی هەتاوی  

گەمە بە کارتی داگیرکەران، ئاکامەکەی دۆڕانە

زایینی: ٠٤-٠١-٢٠١٧ - هەتاوی: ١٣٩٥/١٠/١٥ - ٢١:٢٧ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
گەمە بە کارتی داگیرکەران، ئاکامەکەی دۆڕانە
عەلی مۆنەزەمی

مێژووی خەباتی گەلان بۆ ڕزگاریی نەتەوەیی دەرخەری ئەم ڕاستییەیە کە ئازادیخوازان بۆ بەچۆکداهێنانی داگیرکەران، بە پێچەوانەی زاگۆنەکانی گەمەی داگیرکەران هەنگاویان هەڵگرتووە تاکوو بتوانن گەمە لە داگیرکەران تێکبدەن و ڕێگا نەدەن کە هەموو شتێک بە گوێرەی ئارەزووی دوژمنانیان بەرەوپێش بچێ. هەر بۆیە توانیویانە بە سەرکەوتن بگەن و زنجیری ژێردەستی لە دەست و پێی گەلەکەیان بکەنەوە و بە سەربەستی و ئازادی بژین.

لە مێژووی خەباتی نەتەوەیی گەلەکەمان بۆ سەربەستی و ڕزگاری دەردەکەوێ کە ڕێبەرانمان زۆر جار سادە و ساکار بڕوایان بە داگیرکەران کردووە و یاسا فێڵبازانە و دوڕوویانەکانی ئەوانیان لە گەمەی سیاسی‌دا پەسەند کردووە و بە پێی ئەو یاسا درۆیینانە جۆڵاونەتەوە و ئاکامەکەی بێجگە لە شکان هیچ شتێکی تر نەبووە. ئێستا لە سەدەی بیست و یەکمدا جارێکی دیکە ئەو سێناریۆیە لە لایەن هێزەکانی کوردەوە پەیڕەو دەکرێ و لە ڕۆژئاوای وڵات خەریکن پیلانێک دەگێڕن بە مەبەستی سڕینەوەی یەکجارەکیی ناسنامەی کوردستانیی ڕۆژئاوای وڵات و دڵخوازانە ئینکاری بوون و مەوجوودیەتی خۆیان دەکەن و ڕەوایی بە داگیرکاری دەبەخشن. ئەو کار و کردەوەی لە سەرەوەدا ئاماژەی پێ کرا، ‌هەڵەی تاکتیکی نین، بەڵکوو ستراتیژیکین. سێبەری وەها هەڵەیەک دەتوانێ بە دەیان ساڵ لە سەر خەڵک و وڵاتەکەمانەوە بمێنێتەوە و ڕێگای سەربەستی پڕ کێشە و ئەستەم بکات.

پرسیارگەلێک کە سەبارەت بەو پرسگرێکەی ئاماژەپێکراو لە سەرەوەدا، بە تایبەت لە دوای ئەوەی کە پەیەدە لە ڕێگای ئەنجومەنی دامەزرێنەری سیستمی فێدراسیۆنی باکووری سووریا هەوڵی سڕینەوەی ناوی ڕۆژئاوای کوردستانی دایەوە، لێرەدا زەق دەبنەوە ئەمانەن: گەلۆ پەیەدە بە هەڵبژاردنی ئەو ستراتیژییە نوێیە دەیەوێ ڕۆژئاوای کوردستان بەرەو چ چارەنووسێک بەرێ؟ پەیەدە چ بژاردەیەکی دیکەی لە بەردەستدا بوو و لە سەر بنەمای کام زانیاری ئەو هەنگاوەی هەڵگرتووە؟

هەول دەدرێ کە لەو وتارەدا خوێندنەوەیەک لە سەر بارودۆخی شپرزەی ڕۆژئاوای وڵاتەکەمان بدەمەوە و سێناریۆ ڕەنگاوڕەنگەکان بەپێی توانا بخەمە بەر شی کردنەوە و وێنایەک لە ڕفتار و کریاری ئەکتەرانێک کە لە بەردەم هەندێک بژاردەی دیاریکراودا بۆ چالاکی جێگایان گرتووە و چۆن بە ئاگایی لە ئاکامی هەر یەک لە ئەم بژاردانە بە پێشوەخت، بژاردەیەک هەڵدەبژێرن کە دەبێتە هۆی ئینکاری وجوودی خۆیان، بخەمەڕوو. ئەوان چاک دەزانن کە سنووری وڵاتی نەتەوەیی خۆ تێکدان بۆ پاراستنی سنووری چرووکی داگیرکەران، لە باشترین حاڵەتدا دەچێتە خانەی گەلفرۆشی. ئەوان بەو شێوەیە پاراستنی بوونی خۆیان ناکەن. ئەگەریش بوونی خۆیان بپارێزن، مەوداکەی تا بندەستیی دووبارە زۆر کەمتر لەوەیە کە بیریان لێ کردبێتەوە. بەو بژاردەیە دیسان پاژنەی پێی جەڵادەکان دێتە بەر گوێ و ژێردەستییەکی بەردەوام و دووبارە کوژرانی شەهیدانی کۆبانی خەونی منداڵانی ئەهوورایی دەشێوێنێ. چ ناخۆشە کە ڕۆژئاوای وڵاتەکەت پێشکەش بکەی بۆ ئەوەی کە ببێتە باکووری وڵاتێکی دیکە. خۆ کەم بینی بووەتەوە کولتوورێکی ناپەسەند و لە ڕاستیدا "بێ‌کولتووری".. بۆ وا فێر کراون؟ بۆ وا فێر بوونە؟ ئازادی و سەربەستییش شەرمەزار دەبێ لە ئاکامی بژاردەی نادروستدا.

ئەگەر تەماشای ڕۆژئاوای کوردستان بکەین، دەتوانین ئەو ئەکتەرانەی کە دەتوانن کارتێکەری ساز بکەن لە سەر ئەوەی کە پارتە کوردییەکان و بە تایبەتی پارتی دەسەڵاتدار -پەیەدە- چ بژاردەیەک لە بژاردەکانی بەردەمیدا هەڵبژێرێ، دەتوانین گەورەترین ئەکتەرەکان بەو شێوەیە دەستەبەندی بکەین:

ئەکتەرەکانی کوردستان:

١. پارتەکانی ڕۆژئاوای کوردستان: وەک ئەنەکەسە
٢. پارتەکانی باکووری کوردستان: وەک پ ک ک و پارتەکانی باشووری کوردستان: وەک پارتی و یەکێتی

ئەکتەرەکانی ناوچەیی:

١. داگیرکەرانی کوردستان: ئێران و تورکیە
٢. ئەکتەرەکانی نێوخۆی سووریە: وەک ڕێژیمی ئەسەد، گرووپەکانی ئوپۆزیسیۆن و داعش

ئەکتەرەکانی نێونەتەوەیی:

ئامریکا و ڕووسیە
هەر وەک هەموو لایەک باش ئاگادارن، لە سەرەتای کێشەکانی نێوخۆیی سووریەدا و هەڵگیرسانی شەڕ لەو وڵاتە، ڕێژیمی بەعسی سووری هێزەکانی داگیرکەری خۆی تا ڕادەیەکی بەرچاو لە ڕۆژئاوای وڵاتەکەمان کشاندەوە و پەیەدە وەک هێزێکی کاریگەر لەو بەشەی کوردستاندا خۆی ئۆرگانیزە کردەوە و دەسەڵاتی لە ڕۆژئاوای کوردستاندا بەدەستەوەگرت.

پەیەدە لە ماوەی ئەم چەند ساڵە لە دەسەڵاتداریەتیی خۆیدا زۆر کاری ئەنجامداوە کە هەم کاری جوان و ئەرێنی بوونە و هەمیش کاری ناشیرین و بە دژی بەرژەوەندییە نەتەوەییەکان. ئەگەرچی پەیەدە توانیی مۆدێلێکی نوێ لە بەڕێوەبەری دامەزرێنێ و هەموو گرووپە ئۆلی و ئیتنیکییەکان تێدا بەشدار بکا و ژنان تێدا ڕۆڵی بەرز بگێڕن، بەڵام لە بەر ئەوەی کە ئەم دەسەڵاتداریەتییە تاک حیزبییە و پارتەکانی دیکە کە جیاوازیی بیر و ڕایان لە گەڵ پەیەدە هەیە، ئیزنی بەشدارییان تێدا نیە، مرۆڤ ناتوانێ ئەو سیستمە وەک سیستمێکی دێموکراتیک و سەرکەوتوو پێناسە بکا. بڕوام وایە کە ئەگەر ئەم سیستمە داخراو نەبوایە، ئەمڕۆ شاهێدی ئەم یەکە نەدەبووین کە ئەنجومەنی دامەزرێنەری سیستمی فێدڕاڵی دێموکراتی باکوری سووریا بە سانایی ئینکاری ناسنامەی نەتەوەیی گەلی کورد و بەشێک لە خاکی کوردستان بکا و وا نیشان بدەن و پڕوپاگاندا بکەن کە گۆیا پرۆژەی نەتەوەیی کاتی بەسەر چووە و دەبێ جێگای بدات بە پرۆژەی "کۆمەڵگای دێموکراتیک". ئەم هزرە لە سیاسەتەکانی پ ک ک وە سەرچاوەی گرتووە. لەبەر ئەوەی کە پەیەدە لە سیاسەتەکانی ئەم پارتە ئیلهام وەردەگرێ و پێڕەوی لە سیاسەت و فەلسەفەی ئەم پارتەی باکووری وڵات دەکاتەوە. بۆیە حیزبەکانی دیکەش وەک پارتی پێشڤەڕۆ و ئەنجومەنی نیشتیمانی کورد لە سووریە (ئەنەکەسە) و زۆر هێز و لایەنی دیکە کە لە پارتی دێموکراتی کوردستان لە باشوور نزیکن، بە دژی ئەم سیاسەتە و ئەم پرۆژەیەی پەیەدە هەڵوێستیان گرتووە و ئەم سیاسەتەیان بە لەنێوبردنی پرۆژەی نەتەوەیی و وەک هەڵەیەکی مێژوویی پێناسە دەکەن. شایانی وەبیرهێنانەوەیە کە پارتەکانی دیکەی کورد لە ڕۆژئاوای کوردستان سەرەڕای هەبوونی هێزی پێشمەرگە، بۆ خۆ دوورخستنەوە لە شەڕی براکوژی لە نێوان ئەوان و پەیەدەدا، پێشمەرگەکانیان زۆرتر لە باشووری کوردستان جێگیر کردووە و نایانەوێ لە ڕێگای شەڕی براکوژی لە گەڵ پەیەدە جێگای خۆیان لە ڕۆژئاوای وڵاتدا بکەنەوە. ڕێزدار ئیبراهیم برۆ، سەرۆکی ئەنەکەسە زۆر جار ئاماژەی بەو گەف و هەڕەشانە داوە و وەبیری خەڵکی هێناوەتەوە. ئەنجومەنی دامەزرێنەری سیستمی فێدڕاڵی دێموکراتی باکووری سووریە کە داوا لە هێزەکانی دیکەی کورد دەکات بۆ بەشداریی لەو ئەنجومەنەدا، لە ڕاستیدا نەک بۆ بەشداری پێکردنێکی دادپەروەرانە، بەڵکوو بۆ ڕەواییدانی زیاتر بە هەڵوێست و کردەوەکانی خۆیەتی. هەر بۆیەش ئەم حیزبانە تا ئێستا نەیانتوانیوە لە تەنشت پەیەدەدا لە یەک سیستمدا کار بکەن. دیارە کە پەیەدە بە بێ گوێ ڕاگرتن بۆ هەڵوێست و کردەوەی ئەم پارتانە بڕیاری داوە لە ڕێگای ئەنجومەنی دامەزرێنەری سیستمی فێدڕاڵی دێموکراتی باکووری سووریەوە نێوی ڕۆژئاوای وڵات بسڕێتەوە. یانی ئەو بژاردەی پەیەدە نەک لە بەر بژاردە و هەنگاوەکانی پارتە کوردییەکان، بەڵکوو لە بەر بژاردەی لایەنەکانی دیکەی کاریگەر لە گۆڕەپانی سیاسەتی سووریە و ڕۆژئاوای کوردستانە.

ئێستاش کە ئێستایە ڕادەستکردنی ڕۆژئاوای کوردستان بە پەیەدە و کشانەوەی هێزەکانی داگیرکەری بەعسی سووریە لەو ناوچانە و ڕێکەوتنەکانی پشت پەردەی پەیەدە و دەولەتی سووریە ناڕوونە.

هەڵبژاردنی ئەم بژاردەیە لە لایەن پەیەدە و دەوڵەتی داگیرکەری سووریە دەتوانێ بگەڕێتەوە بۆ پەیوەندییەکانی نێوان پ ک ک و دەوڵەتی سووریە لە لایەک و پەیوەندییەکانی نێوان پەیەدە و پ ک ک لە لایەکی دیکەوە.

ئێستاش کە خەریکە شەڕی نێوخۆیی سووریە ئاگربەستی بۆ دەکرێ، دەوڵەتی ناوەندی چەندین جار داوایان لە پەیەدە کردووە کە ناوچەکانی ژێر دەسەڵاتی خۆیان لە ڕۆژئاوای کوردستان بەپێی ئەو ڕێکەوتنەی لە نیوانیاندا بووە، ڕادەستی حکوومەتی داگیرکەری سووریە بکەنەوە. ئەمە دەتوانێ یەکێک بێ لە هۆکارەکانی سڕینەوەی نێوی ڕۆژئاوای کوردستان لە لایەن پەیەدەوە.

نابێ لە بیر بکرێ کە پەیەدە لە ڕاوەستانی جوامێرانە لە بەرانبەر داعش و خولقاندنی داستانی مێرخاسانەی کۆبانی، توانی سەرنجی دەوڵەتانی ناوچەیی و زلهێزەکانی وەک ئامریکا و ڕووسیە بۆ لای خۆی ڕاکێشێ..

بەڵام ئێستا کە ئامریکا زۆرتر هەوڵەکانی خۆی بۆ گرتنی مووسڵ بە هاوکاریی سوپای ئێراق و هێزی پێشمەرگە چڕ کردووەتەوە و دەیەوێ بە گرتنی مووسڵ، هەنگاوی دەستپێکی کۆتاییهێنان بە داعش هەڵگرێ، وا دێتە بەرچاو کە پەیەدە گرینگیی وەک جارانی بۆی نەمابێ. بە تایبەتی بە دوای هەڵبژاردنی ترامپ بە سەرۆک کۆمار لە ئامریکا، ڕۆژئاوا ڕۆڵی جاران لە شەڕی سووریەدا ناگێڕێ. ئەکتەرە سەرەکییەکانی شەڕی سووریە لە ئێستادا ئێران، تورکیە و ڕووسیەن. دیارە کە ڕووسیە و ئێران بۆ سەرخستنی ڕێژیمی ئەسەد لەو شەڕەدا، دیسپۆتێکی وەک ئەردۆغان بۆ لای خۆیان ڕاکێشن. بۆ ڕاکێشانی تورکیە بە قازانجی خۆیان، دیارە کە لە سەر کورد ساتوسەودا کراوە. لە بەر ئەوەی کە تورکیە لە لایەک پەیەدە وەک شاخەیەکی پ ک ک پێناسە دەکا و لە لایەکی دیکەش لە بەر کوردبوونیان بە هەڕەشە لە سەر بەرژەوەندییەکانی خۆیان دەزانێ.

ئێرانیش کە لە دێرینەوە دوژمنی کوردە و زەبر وەشاندن لە کورد و بەرژەوەندییەکانی لە کوێ بێ، بە قازانجی خۆی دەزانێ. کورد بۆ ڕووسیەش هیچ بەرژەوەندییەکی نەبوو و بۆیە ڕووسیەش بە هاسانی توانی لە بەرانبەر ویستەکانی تورکیەدا چاوپۆشی لە کورد بکا. پەیەدە بەو هەموو دەرفەتەی کە لە بەردەستیدا هەبوون، نەیتوانی یەکیەتییەکی نەتەوەیی لە ڕۆژئاوی وڵات ساز بکا و هەگەری مەوجوودییەت و بوونی خۆی بسەلمێنێ. بۆیە ئەگەر لەو کاتە کەمەی کە لە بەردەستیدا ماوە، لایەنەکانی دیکەی کورد ڕازی نەکا و پێداگری لەسەر ناسنامەی ڕاستەقینەی خۆیان نەکا، بە قەولی کورد وتەنی ڕۆژئاوای کوردستان و پەیەدە و لایەنەکانی دیکە هەموویان پێکەوە ئاوەوئاو دەڕۆن. هیوام وایە کە قەت وەها ڕۆژێک نەبینم.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.