كوردستان میدیا: عەلی خامنەیی، ڕێبەری كۆماری ئیسلامی، لە شەڕەدندووكەی نێوان سەرۆكی دەزگای قەزایی و سەركۆماری ڕێژیمدا لایەنگری لە دەزگای قەزایی دەكات.
بە گوێرەی ڕاپۆرتی هەواڵدەرییەكانی ڕێژیمی ئێران، خامنەیی ڕۆژی یەكشەممە ١٩ی بەفرانبار سەبارەت بە ناكۆكییەكانی ئەم دواییانەی نێوان حەسەن ڕۆحانی سەركۆمار و سادق لاریجانی سەرۆكی دەزگای قەزایی ڕێژیم ڕایگەیاند: هەموان دەبێ بەرانبەر بە بوونی دەسەڵاتێكی دادوەریی سەربەخۆ و بوێر، ئەمەگناس بن. ئەو لێدوانانە دەتوانن لە بەرانبەر ڕۆحانیدا بە قازانجی لاریجانی بشكێنەوە.
دوابەدوای لێدوانەكانی ئەم دواییانەی ڕۆحانی سەبارەت بە حسێبە بانكییە خەیاڵییەكان و ئاماژەكانی ناوبراو بە دەزگای قەزایی، سادق لاریجانی لە وەڵامدا پەردەی لە سەر یارمەتییەكانی بابەك زەنجانی بە كەمپەینی هەڵبژاردنی ڕۆحانی لە ساڵی ١٣٩٢دا لادابوو و چۆنیەتیی خەرجكردنی بوودجەی دامەزراوەی سەركۆماریی بردبووەوە ژێر پرسیار.
كاردانەوەی ڕۆحانی بۆ ئەو لێدوانەش زۆر توند بوو، بە جۆرێك كە ناوبراو ڕایگەیاند حكوومەت ئامادەیە بە دانانی سیستمێك، تەواوی داهات و خەرج و حسێبە بانكییەكانی خۆی ئاشكرا بكات و لە بەرانبەردا چاوەڕوانیی ئەوەی هەیە كە دەزگای قەزاییش حسێبە بانكییەكانی خۆی ئاشكرا بكات.
وتەكانی ڕۆحانی لە لایەن دەزگایی قەزاییەوە بێ وەڵام نەمایەوە و ئەم جارەش دوو بەرپرسی باڵای ئەو دەزگایە بەرپەرچیان دایەوە.
موحسنیی ئیژەیی بۆ جارێكی دیكە كەمپەینی هەڵبژاردنی ڕۆحانی بە وەرگرتنی یارمەتی لە بابەك زەنجانی و سەرچاوە ماڵییە كێشەدارەكان تۆمەتبار كرد و داوای كرد ڕۆحانی بە بێ دانانی مەرج، خەرج و داهاتەكانی حكوومەت ئاشكرا بكات. هەروەها دادستانی گشتیی ڕێژیمیش ڕایگەیاند: حسێبە بانكییەكانی دەزگای قەزایی، پارەی حكوومەت نین كە حكوومەت بتوانێ لێپێچینەوەیان لە سەر بكات.
بە گوێرەی ڕاپۆرتی هەواڵدەرییەكانی ڕێژیمی ئێران، خامنەیی ڕۆژی یەكشەممە ١٩ی بەفرانبار سەبارەت بە ناكۆكییەكانی ئەم دواییانەی نێوان حەسەن ڕۆحانی سەركۆمار و سادق لاریجانی سەرۆكی دەزگای قەزایی ڕێژیم ڕایگەیاند: هەموان دەبێ بەرانبەر بە بوونی دەسەڵاتێكی دادوەریی سەربەخۆ و بوێر، ئەمەگناس بن. ئەو لێدوانانە دەتوانن لە بەرانبەر ڕۆحانیدا بە قازانجی لاریجانی بشكێنەوە.
دوابەدوای لێدوانەكانی ئەم دواییانەی ڕۆحانی سەبارەت بە حسێبە بانكییە خەیاڵییەكان و ئاماژەكانی ناوبراو بە دەزگای قەزایی، سادق لاریجانی لە وەڵامدا پەردەی لە سەر یارمەتییەكانی بابەك زەنجانی بە كەمپەینی هەڵبژاردنی ڕۆحانی لە ساڵی ١٣٩٢دا لادابوو و چۆنیەتیی خەرجكردنی بوودجەی دامەزراوەی سەركۆماریی بردبووەوە ژێر پرسیار.
كاردانەوەی ڕۆحانی بۆ ئەو لێدوانەش زۆر توند بوو، بە جۆرێك كە ناوبراو ڕایگەیاند حكوومەت ئامادەیە بە دانانی سیستمێك، تەواوی داهات و خەرج و حسێبە بانكییەكانی خۆی ئاشكرا بكات و لە بەرانبەردا چاوەڕوانیی ئەوەی هەیە كە دەزگای قەزاییش حسێبە بانكییەكانی خۆی ئاشكرا بكات.
وتەكانی ڕۆحانی لە لایەن دەزگایی قەزاییەوە بێ وەڵام نەمایەوە و ئەم جارەش دوو بەرپرسی باڵای ئەو دەزگایە بەرپەرچیان دایەوە.
موحسنیی ئیژەیی بۆ جارێكی دیكە كەمپەینی هەڵبژاردنی ڕۆحانی بە وەرگرتنی یارمەتی لە بابەك زەنجانی و سەرچاوە ماڵییە كێشەدارەكان تۆمەتبار كرد و داوای كرد ڕۆحانی بە بێ دانانی مەرج، خەرج و داهاتەكانی حكوومەت ئاشكرا بكات. هەروەها دادستانی گشتیی ڕێژیمیش ڕایگەیاند: حسێبە بانكییەكانی دەزگای قەزایی، پارەی حكوومەت نین كە حكوومەت بتوانێ لێپێچینەوەیان لە سەر بكات.