• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٩ی ژانویەی ٢٠١٧ی زایینی - ٣٠ی بەفرانباری ١٣٩٥ی هەتاوی  

مەئموورانی شارەداریی ڕێژیم لە ڕەبەت هێرش دەکەنە سەر کاسبکاران

زایینی: ١١-٠١-٢٠١٧ - هەتاوی: ١٣٩٥/١٠/٢٢ - ١٧:٣٨ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
مەئموورانی شارەداریی ڕێژیم لە ڕەبەت هێرش دەکەنە سەر کاسبکاران
کوردستان میدیا: لە شاری ڕەبەت سەر بە پارێزگای ورمێ مەئموورانی شارەداریی لە هێرش بۆ سەر کاسبکارێکی هەژار دەست و ددانێکی ناوبراو دەشکێنن.

بەپێی هەواڵی گەیشتوو بە ماڵپەڕی کوردستان میدیا، ڕۆژی دووشەممە ڕێکەوتی ٢٠ی بەفرانباری ١٣٩٥ی هەتاوی، مەئموورانی سەدی مەعبەری شارەداریی ڕەبەت کاسبکارێکی هەژاری کەڕ و ڵاڵ بە ناوی "قادر ئەحمەد پارسا" دەدەنە بەر هێرشی دڕندانەی خۆیان و لە ئەنجامدا دەست و ددانێکی ئەو کاسبکارە کوردە دەشکێنن.

هەواڵنێڕی ماڵپەڕی کوردستان میدیا لەو بارەیەوە ڕایگەیاند کە ئەو کاسبکارە کوردەی که لە لایەن ئەو بەکرێگیراوانەی ڕێژیم هێڕشی کراوەتە سەر لاوێکی کەمئەندامی خەڵکی گوندی لیلانێ و نیشتەجێی شاری ڕەبەت بووە.

ئەو کاسبکارە کوردە لە یەکێک لە کۆڵانەکانی ڕەبەت لەحاڵێکدا کە لە سەر داشقە خەریکی فرۆشتنی میوە بۆ دەستخستنی بژیوی ژیانی خۆی بووە لە لایەن ئەو بەکرێگیراوانەی شاردارییەوە بەتوندی کەوتووەتە بەر ئەشکەنجە و ئازار و دەستێک و ددانەکانی شکێنراوە.

لەدوای ئەو کارە دزێوەی مەئموورانی سەدی مەعبەر شارەداریی ڕێژیمی، خەڵکی بازاڕ و شاری ڕەبەت بەنیشانەی ناڕەزایەتی لەو کردەوە قێزەونە لەبەر دەرگای شارداری کۆبوونەتەوە و خۆپیشاندانیان وەڕێ خستووە.

هەواڵنێری ماڵپەڕی کوردستان میدیا هەروەها باسی لەوە کرد کە ئەو کەسانەی ئەو کارەیان کردووە خەڵکی شاری ڕەبەت نین و لە شاری مەهاباد را هێنراون.

مەئموورانی شارەداریی ڕێژیم تا ئێستا لە چەندین شاری کوردستان لە شەقامەکاندا هەڵیان کوتاوەتە سەر کاسبکاران ئەوەش ناڕەزایەتی خەڵکی لێکەوتووەتەوە.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٦٩٢ لەم ژمارەیەدا:

ــ جاڕنامه‌كه‌ی ڕۆحانی، له كۆیه ده‌نگی دایه‌وه
ــ مامۆستایانی قوتابخانە لە ژێر ستەمی ویلایەتی فەقیهدا
ــ سەلام ئیسماعیل پوور، چالاكی سیاسی لە وتووێژ لەگەڵ ڕۆژنامەی "كوردستان"دا: ئەو دیوارەی كە چەندین سەدە كرماشانی
گەمارۆ دابوو، داڕووخاوە
ــ گەمە بە کارتی داگیرکەران، ئاکامەکەی دۆرانە