• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢١ی نوامبری ٢٠١٧ی زایینی - ٣٠ی خەزەڵوەری ١٣٩٦ی هەتاوی  

یادی ٧١ ساڵەی كۆماری كوردستان لە سنوورەكانی ڕۆژهەڵات بەرز ڕاگیرا

زایینی: ٢٠-٠١-٢٠١٧ - هەتاوی: ١٣٩٥/١١/٠١ - ١٥:٤٨ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
یادی ٧١ ساڵەی كۆماری كوردستان لە سنوورەكانی ڕۆژهەڵات بەرز ڕاگیرا
كوردستان میدیا: بۆ دووهەمین ساڵ، خەباتگێڕانی مەتەرێزی شاخەكانی كوردستان، خانەخوێی بەڕێوەچوونی ساڵڤەگەڕی دامەزراندنی كۆماری كوردستان لە سنوورەكانی كوردستانی ڕۆژهەڵات بوون.

بەپێی هەواڵی گەیشتوو بە ماڵپەڕی كوردستان میدیا، ڕۆژی پێنج شەممە ٣٠ی بەفرانبار، ڕێوڕەسمێك بە بۆنەی دامەزراندنی كۆماری كوردستان، بە بەشداریی كادر و پێشمەرگە و ئەندامانی حیزبی دێموكراتی كوردستان ئێران دانیشتووی هەرێمی كوردستان، لە شاخە سنوورییەكانی كوردستانی ڕۆژهەڵات بەڕێوە چوو.

ئەو ڕێوڕەسمە بە سروودی نەتەوایەتی"ئەی ڕەقیب" و خولەكێك بێدەنگی بۆ گیانی پاكی شەهیدانی ڕیگای ڕزگاریی كوردستان دەستی پێكرد.

دواتركەریم پەرویزی، ئەندامی دەفتەری سیاسیی حیزبی دێموكراتی كوردستانی ئێران چەند وتەیەكی سەبارەت بە ڕۆڵی كۆماری كوردستان، لەو ڕێوڕەسمەدا پێشكەش بە بەشداربووان كرد.

كەریم پەرویزی لە وتەكانیدا ویِڕای ئاماژە بە ڕۆڵی مێژوویی كۆماری كوردستان لە مێژووی بەرخۆدانی نەتەوەیی كورددا، ڕایگەیاند: ئێمە وەكوو حیزبی دێموكرات خۆمان بە درێژەدەری ڕێگای كۆماری كوردستان دەزانین و هەتا وەدیهێنانی ئاواتەكانی ئەو كۆمارە درێژە بە خەباتی خۆمان دەدەین.

ئەو ئەندامەی دەفتەری سیاسیی حیزبی دێموكراتی كوردستانی ئێران لە بەشێكی دیكەی وتەكانیدا، ئاماژەی بە قۆناغێكی دیكە لە خەباتی نوێی نەتەوەیی كورد لە ژێر ناوی"ڕاسانی ڕۆژهەڵات" كرد و پێویستیی درێژەدان بەو قۆناغە نوێیە لە خەباتی دووپات كردەوە.

ناوبراو هەروەها ئاماژەی بە ڕۆڵی نەرێنی و دەستێوەردانەكانی ڕیژیمی ئێران لە ناوچەدا كرد و چەند وتەیەكی لەو پەیوەندییەدا پێشكەش بە بەشداربووانی ئەو ڕێوڕەسمە كرد.

كەریم پەرویزی لە كۆتایی وتەكانیدا ڕایگەیاند: بەرزڕاگرتنی یادی دامەزراندنی كۆماری كوردستان لە شاخەكانی كوردستان نیشانەی ئیرادەی بەهێز و پۆڵایینی نەتەوەی كورد بۆ دامەزراندنی كۆماری كوردستانە كە بۆ وەدیهێنانی ئاواتەكانی ئەو كۆمارە خەبات دەكات.

لە درێژەی ئەو ڕێوڕەسمەدا، گرووپی موسیقای ڕاسان چەند سرودێكی حەماسییان پێشكەش كرد.

لە بەشێكی دیكەی ڕێوڕەسمەكەدا"مامۆستا بێبەش" پێشمەرگەی شاعێر، چەند پارچە هونراوەیەكی حەماسیی بە بۆنەی ٧١ ساڵەی دامەزرانی كۆماری كوردستان پێشكەش كرد.

دواتر، هونەرمەند جەلال شریت لەو ڕیوڕەسمەدا چەند گۆرانییەكی پێشكەش بە بەشداربووانی ڕێوڕەسمەكە كرد.

ئەو ڕێوڕەسمە بە شایی و هەڵپەڕكێی بەشداربووان پاش دوو كاتژمێر كۆتایی هات.

بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٢ لەم ژمارەیەدا:

ــ شکستی کەرکووک کۆتایی ڕێگا نییە!
ــ ڕەوایی چەک و ڕەوایی خەڵکی
ــ ئیمپراتوریی نافەرمی ئێرانی
ــ دەسەڵات و کۆمەڵگا