کوردستان میدیا

ماڵپەڕی ناوەندیی حیزبی دێموکراتی کوردستانی ئێران

شه‌پۆلی کۆکردنه‌وه‌ی ماهواره‌ له‌ مه‌ریوان به‌رده‌وامه‌

15:33 - 20 خەرمانان 2712

کوردستان میدیا: هێزه‌کانی رێژیمی ئێران له‌ چه‌ند گه‌ڕه‌کێکی شاری مه‌ریوان، هێرشیان کردووه‌ته‌ سه‌ر ماڵان و دستیان به‌سه‌ر ماهواره‌ی هاووڵاتییاندا گرتووه.


به‌پێی راپۆرتی ماڵپه‌ڕی کوردستان میدیا، رێکه‌وتی ١٩ی خه‌رمانانی ١٣٩١ی هه‌تاوی، هێزه‌ ئینتزامییه‌کانی رێژیمی ئیسلامیی ئێران، هێرشیان کردووه‌ته‌ سه‌ر چه‌ندین گه‌ڕه‌کی شاری مه‌ریوان و وێڕای بێ‌حورمه‌تی به‌ هاووڵاتییان، ده‌ستیان به‌سه‌ر چه‌ندین ده‌زگا ماهواره‌دا گرتووه.
دانیشتوانی گه‌ڕه‌که‌کانی سێ‌ڕێیانی بێهزیستی و مزگه‌وتی چوار یاری‌نه‌بی، به‌ شێوه‌یه‌کی توندوتۆڵ که‌وتوونه‌ته‌ به‌ر ئه‌و هێرشانه‌ و ئه‌م کرده‌وه‌ی هێزه‌کانی رێژیم له‌ ئاکامدا ناڕه‌زایه‌تیی خه‌ڵک و به‌تایبه‌ت ژنان و لاوانی ئه‌و گه‌ڕه‌کانه‌ی لێکه‌وتووه‌ته‌وه.
هه‌روه‌ها ماوه‌یه‌ک له‌وه‌ پێشیش له‌ گوندی دزڵی سه‌ربه‌ شاری مه‌ریوان، هێزه‌ ئینتزامییه‌کان به‌ بێ‌ مۆڵه‌تی یاسایی هێرشیان کردبووه‌ سه‌ر ماڵی خه‌ڵک و ده‌ستیان به‌سه‌ر چه‌ندین ده‌زگا ماهواره‌ی هاووڵاتییاندا گرتبوو.

٢٠مین ساڵـڕۆژی تیرۆری دوکتور سادق شه‌رەفکه‌ندی و هاوڕێیانی