• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٤ی فێڤریەی ٢٠١٨ی زایینی - ٠٥ی رەشەمەی ١٣٩٦ی هەتاوی  

قسەیەکی خۆمانە لەگەڵ بەڕێز کاک عومەر ئیلخانیزادە

زایینی: ٢٨-٠١-٢٠١٧ - هەتاوی: ١٣٩٥/١١/٠٩ - ١٣:٠٥ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
قسەیەکی خۆمانە لەگەڵ بەڕێز کاک عومەر ئیلخانیزادە
کەریم پەرویزی

کاک عومەر ئیلخانیزادە، سکرتێری کۆمەڵەی زەحمەتکێشانی کوردستان، لە وتووێژێکی تلویزیۆنیدا کە چەند ڕۆژ پێش و لە سەرەتاکانی مانگی ڕێبەنداندا بڵاوبۆتەوە، باس لە بەرەی کوردستان و گرفتەکانی سەر ڕێگای دەکا.

لەو وتووێژەدا، پێشکەشکاری وتووێژەکە کاک عومەر بەرەو شوێنێک دەبا کە ڕاستەوخۆ هێرش بکاتە سەر حیزبی دێموکراتی کوردستانی ئێران و ئەوەی کە پێشکەشکاری بەرنامە حەزی لێیە، لە زمانی کاک عومەرەوە بێتە دەر و بەڕێز کاک عومەریش بەدوایدا دەڕوا و دەڵێ کە؛ بەرەی کوردستانی بە هۆی پاوانخوازیی حیزبی دێموکراتی کوردستانی ئێرانەوە پەکی کەوتووە و پێک نایەت.

وێڕای ڕێز بۆ کاک عومەر، ئەم وتەیەیان تەنیا و تەنیا چەواشەکردنی ڕای خەڵکی کوردە و هێرشێکی ناڕەوا بۆ سەر حیزبی دێموکراتی کوردستانی ئێرانە کە دیار نیە لە چیەوە سەرچاوە دەگرێ. دەنا هەم خودی کاک عومەر و هەم هەموو ڕای سیاسیی کوردستانی و هەم ئەندامانی هەموو حیزبەکانی کوردستان بە باشی ئاگاداری دۆخی ئاڵۆزی حیزبایەتی لە هەموو بەشەکانی کوردستان و لە کوردستانی ڕۆژهەڵاتیش هەن و ئەوەی کە هەموو گرفتەکان بە تەنیا و تەنیا بە یەک حیزبەوە ببەستیتەوە، هەم لە ناسیاسی بوون و هەم لە گرێیەک بەرامبەر بەو حیزبەوە سەرچاوە دەگرێ.

کێیە کە لە کوردستانی ڕۆژهەڵاتدا ئاگاداری دۆخی شپرزی ئینشعاب و لێکدابڕانەکان نەبێ؟

ساڵانێکی زۆرە کە هەوڵی پێکهێنانی چەتری هاوبەشی کاری سیاسی لە کوردستانی ڕۆژهەڵات دەدرێ و قۆناغ بە قۆناغ لەباتی نزیکبوونەوە لە مەبەست، لێی دوورکەوتووینەتەوە. هەرجارە کە باسەکانی پێکهاتنی بەرە جیددیتر بووە، لە ناکاو ئینشعابێک لە ڕێکخراوێکدا پێکهێنراوە.

خۆ سەردەمانێک لە حیزبی دێموکراتدا ئینشعاب ڕووی نەدابوو و کۆمەڵەی شۆڕشگێڕیش تازە لە کۆمەڵەی ڕێکخراوی کوردستانیی حیزبی کومونیستی ئێران جیاببووەوە و دوای چەند کۆبوونەوە و هەوڵی ئەمبەر و ئەوبەر، لە دوایین دانیشتندا، کە لە هەولێر بە سەرپەرستیی بەڕێز سامان شاڵی قەرار بوو بگیرێ، سکرتێری کۆمەڵەی شۆڕشگێڕ کە خودی کاک عومەریش ئەوکات لەگەڵ ئەو حیزبە بوو و ئەندامی دەفتەری سیاسیی بوو، بەشدار نەبوو و لەو قۆناغەدا شکستی بە هەوڵەکان دا.

لە قۆناغی دیکە و چەند ساڵ دواتردا، کە حیزبی دێموکرات و کۆمەڵەی شۆڕشگێر و دوو حیزبی دیکە هەوڵی پێکهێنانی چەتری هاوبەشیان دا، خۆ خودی کاک عومەر ئاگادارە کە حیزبی دێموکرات هیچ مەرجێکی لە سەر ڕێی پێکهێنانی بەرە نەبوو و کۆمەڵەی شۆڕشگێڕ لەگەڵ ڕێکخراوی دیکە سەبارەت بە بەشداری و بەشداری نەکردنی ڕێکخراوێک کێشەیان هەبوو و باش وەبیریانە کە بۆچی شکستیان بە ئەو هەوڵەش هێنا و حیزبی دێموکرات هیچ ڕۆڵێکی لە تێکچوونی ئەو قۆناغەشدا نەبوو.
بە دوای ئەو بڕگەیەشدا، قۆناغێکی دیکە لە ئینشعابەکان دەستی پێ کردەوە و ڕێكخراوەکەی کاک عومەر لە کۆمەڵەی شۆڕشگێر جیا بۆوە و ئینشعاب لە ڕێکخراوی دیکەش پێکهات.

لەو کاتەوەش هەر ڕێکخراوێک سیاسەتی تایبەتی خۆی هەبووە و هەر جارە و نێوانی ڕێکخراوێک لەگەڵ ڕێکخراوێکی دیکە تێکچووە یان لێک نزیک بوونەتەوە و سیمای سیاسیی ئەم چەند ساڵەی دوایی بریتی بووە لە ئاڵوگۆڕی "نزیکی و دووریی" حیزب و ڕێکخراوەکان و لەو نێوەشدا تەنیا حیزبی دێموکراتی کوردستانی ئێران بووە کە بەربەرە لە هەموو ڕێکخراوەکان نزیک بۆتەوە و هەوڵی کەمکردنەوەی کێشەکان و نزیکبوونەوەی لە هەموو ڕێکخراوەکانی کوردستانی ڕۆژهەڵات داوە.

ئینشعابیەکان، لە پیناوی یەکڕیزیدا ئینشعاب دەکەن!

نازانم لە نێو نەتەوەکانی دیکەشدا وا بێ یان نە؟ ئەوانەی دونیایان دیوە دەتوانن یارمەتیدەرم بن، بەڵام ئەوەی لە نێو نەتەوەی خۆماندا بینیومە، لە هەموو ڕێکخراوەکاندا بە بێ هیچ جیاوازییەک، هەر گرووپ و ڕێکخراوێک کە لە حیزب و ڕێکخراوێک جودا بووبێتەوە، لە ڕاگەیەندراوی ئینشعابەکەیدا هێناویەتی کە هەوڵ بۆ یەکڕیزیی نێو ماڵی کورد و تەبایی و دۆستایەتیی هەموو ڕێکخراوەکان دەدا! نازانم بە ئینشعاب چۆن دەکرێ کە حیزب و ڕێکخراوەکان یەکڕیز بکرێن؟! ئەوەندی تێگەیشتبم ئینشعاب بریتیە لە قبووڵ نەکردنی یەکتر و چاندنی تۆوی دووبەرەکی و پەرتەوازەیی و دوورخستنەوەی "دەست"ەکان و ڕووخاندنی ورە و هیواکان. ئەوەی کە زیاتر لە هەموو کەس یەکڕیزیی کورد و پێکەوەبوونی بۆ گرینگە، دەبێ زیاتر لە هەموان ئامادەیی خۆبەختکردنی هەبێ و لە خۆیەوە دەست پێ بکا و لەبەرانبەر دۆست و هاوڕێ و هاوسەنگەرە دێرینەکانیدا بۆیان دابشکێنێتەوە و یەکڕیزیی کورد لە کۆتایی هێنان بە پرۆسەی ئینشعاب و وەسەریەکخستنەوەی ڕیزی هێزەکانەوە دەست پێدەکا. ئەوەی زیاتر لە هەموو کەس پەرۆشی بەرە و چەتری هاوبەشی کاری سیاسییە لە کوردستان، با زیاتر لە هەموو کەس فیداکاریی لەبەرانبەر هاوڕێ کۆنەکانیدا هەبێ و لەگەڵ ئەوان یەک بگرێتەوە، با هیوای پێکەوە بوون بۆ خەڵک بگەڕێتەوە و دواتر خەڵک بڕوامان پێ بکا لە پێناوی ئاواتی ئەوان و ئارمانی خەڵکدا ئامادەین کە لە بەرژەوەندی و پێگە مەجازییەکانمان دەست هەڵبگرین، نەک لە پێناوی بەرژەوەندیی خۆماندا ڕیزی خەبات لەتوپەت بکەین.

قسەیەکی دیکە کە پێویستە لەگەڵ بەڕێز کاک عومەر بیکەین ئەوەیە کە؛ کاک عومەر لەژێر کاریگەریی هاندانی پێشکەشکارەکەدا، بە حیزبی دێموکراتی کوردستانی ئێران دەڵێ پاوانخوز، دوایە ناوی ڕێکخراوکە ناهێنێ، بەڵام بە یەکێکی دیکە دەڵێ هاوپەیمانی فاشیستە دژە کوردەکان، بە یەکی دیکە دەڵێ لە خانەی نەتەوەییدا جێی نابێتەوە و یەکی دیکەی پێ هەڵەیە کە بەرەو لای کۆماری ئیسلامی دەکشێ.

هەموو حیزب و ڕێکخراوەکانی دیکەشی بە ورد و درشتەوە پێ هەو نیە و لە حیساب نایەن. دوو پرسیار لێرەدا زەق دەبێتەوە:
یەکەم – کاک عومەر بەو بۆچوونانەوە لەگەڵ کێ بەرە پێکدێنی و بە چ مەبەستێک؟
دووهەم- بەو تێڕوانینەوە بەرانبەر بە هەموو حیزبەکان، کێ پاوانخوازە؟

کێ بوو کە بۆ کۆبوونەکان ئامادە نەبوو و کۆبوونەوەی پەک دەخست؟

قسە لە سەر بەرەو کاری هاوبەش و چەتری هاوبەش و هاوکاریی نێوان حیزبەکان زۆرن و دەرد و ئازاریش زۆر، هیوا و ڕووناکییش بەدی دەکرێ و دونیا یەکسەر تارمایی نیە.

خودی کاک عومەر و هاوڕێیانی لە کۆمەڵەی زەحمەتکێشان دەزانن کە بۆ دانیشتن و دیالۆگ لە پێناوی نەک شتی گەورەی وەکوو بەرە، بەڵکوو شتی تاکتیکی و شتە جوزئییەکاندا کە قەراری دانیشتن هەبوو، چۆناوچۆن بە بیانووی جۆربەجۆرەوە بە ناکامیلی بەڕێوە چوون و چ ئاکامێکیان هەبوو و تاقە یەک دانشیتن نیە کە حیزبی دێموکراتی کوردستانی ئێران تێکی دابێتن، بەڵکوو زۆر جار لە زۆر شت گوزەشت کراوە و هەوڵی ڕازیکردنی ڕێکخراوی دیکەمان داوە تاکوو فڵان ڕێکخراویش لە دانیشتنەکەدا هەبێ، بەڵام کاک عومەر لەوپەڕی بێئینسافیی سیاسییدا دەڵێ؛ حیزبی دێموکرات پاوانخوازە و کۆبوونەوەکانی پەک خستووە! بەڕێز کاک عومەر ئێمە و ئێوەش دەزانین کە وا نیە.

حیزبی دێموکرات گەر بۆ زۆر کۆن نەگەڕێینەوە، لەم چەند ساڵەی دواییدا هەوڵی ئەوە بووە کە هەتا دەکرێ ڕێکخراوی دیکە بهێندرێتە نێو بازنەی هاوکاری و لێک نزیکبوونەوە و زۆرجار هەوڵی زۆری لە پێناوی ڕازیکردنی ئەوانی دی داوە کە لە کۆبوونەوەکاندا بەشدار بن. بەڵام سەرەڕای هەموو ئەوانەش ڕێکخراوەکانی دیکەی وەکوو بەڕێز کاک عومەر، یان کەسانی دیکە کە لە بەردەم ڕاگەیاندنەکاندا دەست بە موزایەدە دەکەن، بەڵام لە کۆبوونەوە داخراوەکاندا جۆرێکی دیکە هەڵوێست دەگرن، دەیانەوێ هەموو تاوانەکان بخەنە ئەستۆی حیزبی دێموکراتی پاوانخواز! گەر هەموو گرفتەکان و تاوانەکان هی حیزبی دێموکراتە و حیزبێکی پاوانخوازە، بۆچی خۆتان بە وەها حیزبێکەوە ماندوو دەکەن و بەرژەوەندییەکانی گەل وەدوا دەخەن؟ لە ئەمڕۆ سبەی زووتر نیە، ئێوەی حیزبی ئازادبیر و کراوە کە ڕۆحی پاوانخوازیتان تێدا نیە و لە پێناوی بەرژەوەندیی گەلدا لە هەموو شتی خۆتان دەگوزەرێن، بەرەیەکی سەرتاسەریی هەموو حیزبەکانی کوردستانی ڕۆژهەڵات پێک بێنن و خەباتی جیددی بە دژی دوژمن بکەن، با حیزبی دێموکراتیش لە پاوانخوازیی خۆیدا بمێنێتەوە و لە کۆمەڵگای کوردستان تەریک بکەوێتەوە!

لە گۆڕەپانی کردەوەدا، یەکگرتنەوە و کاری هاوبەش دێتە ئاراوە

پێکهێنانی بەرە ڕەنگە ئەو کاتە هەست بە پێویستییەکەی زیاتر بکرێ، کە هەرکامەمان لەو ڕێکخراوانەی لە کوردستانی ڕۆژهەڵاتدا خۆمان بە شتێک دەزانین، لە پێناوی ڕزگاریی خەڵک و بەگژداچوونەوەی دوژمندا هەندێک زۆرتر کردەوەمان هەبێ و هەموومان ڕوانگەیەکی یەکسانمان بۆ بەرژەوەندیی نەتەوەیی و پێناسەمان بۆ دوژمنی هاوبەش هەبێ، ئەوکات دەتوانین هیوادار بین کە هەنگاوی کردەیی بۆ هەڵ دەگیرێ، دەنا دوور لە گۆڕەپانی ڕاستەقینەی خەبات بین و یەکتر بەوە تاوانبار بکەین کە هێزی بورژوایی و هێزی گرێدراو بە عەرەبستان و هێزی سەر بە فڵان شوێن و لە پێناوی بەرژەوەندیی فڵان شوێنداین، و کار وکردەوەی یەکتر بە بەسراوە بە ئەمو ئەو بزانین و کارەساتەکان کە بەسەرماندا دێن بە "دەسکرد"! بزانین و یەکمان کۆماری ئیسلامیی پێ ئەمری واقیع بێ و ئەوی دیکەمان بە دوژمنی سەرەکیی کوردی بزانێ و یەکی دیکەمان سیاسەتی ڕوونی بەرامبەر نەبێ، ناتوانین بەرەیەکی هاوبەش پێک بێنین. ئەو چەترە چەتری کۆکەرەوە نابێ، بەڵکوو تێکەڵبوونی هەموو فرێکانسەکان دەبێ کە یەکدی پووچەڵ دەکەنەوە و خەڵک ئیتر نازانێ گوێی لە چی دەبێ.

دەردی گرانی سەرباری هەموو ئەوانەش، خۆ گەوەرەتر بینین لە ڕێکخراو و حیزب و خۆ گەورەتر بینین لە خەڵک و گەلە و ئاکامەکەی دابڕان و ئینشعاباتی زۆرتر دەبێ.

پێم وایە دوو قۆناغی گرنگی بەردەممان پێش لە هەوڵدان بۆ پێکهێنانی بەرە، بریتیە لەوەی کە یەکەم هەوڵ بدەین داخ و دەردی ئینشعابەکان کەم بکەینەوە و بە وەسەریەکخستنەوەی ڕیزی حیزبەکان، هیوای پێکەوە بوون بۆ گەل بگەڕێنینەوە و پیش و پاش و لەگەڵ ئەوەشدا هەرکامەمان هەوڵ بدەین لە مەیدانی کردەوەدا خەباتی خەڵک بە گژ دوژمنی سەرەکیدا بەگوڕتر لە جاران بکەین.

گۆڕەپانێکی گەورەی خەبات و تێکۆشان لەبەردەمە و دۆخەکەش زۆر زۆر گۆڕاوە و پێویستییەکان گۆڕانی زۆریان بەسەردا هاتووە. لەم گۆڕەپانە نوێیەدا نە جێگەی پاوانخواز دەبێتەوە ونە جێگەی بێکردەوەی فرەدوو.

کات، کاتی کردەوەیە و داهاتوومان بە دەستی خۆمانە.

٩ی ڕێبەندانی ١٣٩٥
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.